Fitz

Website Contact the business

Fitz Fitz 香港運動及生活平台，致力提供各樣運動、玩樂及健康資訊。 我們團隊提供媒體推廣、攝影製作、活動籌辦等服務，歡迎聯絡查詢 [email protected]

商業合作: https://fitz.hk/biz/
投稿: https://fitz.hk/contribute/

崇光感謝周年慶 | 23/10-22/11/2026 銅鑼灣店、啟德店同步舉行半年一度，全民熱搶! 全城期待嘅「感謝周年慶」，崇光銅鑼灣店 4/F 及 啟德店 5/F運動用品部，繼續有大量超抵價貨品，部份更係分店及一日限定，記住把握機會掃貨...
23/10/2026

崇光感謝周年慶 | 23/10-22/11/2026 銅鑼灣店、啟德店同步舉行

半年一度，全民熱搶! 全城期待嘅「感謝周年慶」，崇光銅鑼灣店 4/F 及 啟德店 5/F運動用品部，繼續有大量超抵價貨品，部份更係分店及一日限定，記住把握機會掃貨!

SOGO Rewards 會員，更可享超強禮遇:

禮遇1
於23/10至22/11/2026期間，SOGO Rewards會員凡於崇光銅鑼灣店3/F至6/F單一購物滿$1,000，憑即日發票，即可獲贈合共$300現金券1套。

或

SOGO Rewards 會員凡於崇光啟德店2/F至5/F單一購物滿$800，憑即日發票，即可獲贈合共$200現金券及12/F指定餐廳小食券1套。

禮遇2
SOGO Rewards會員及中銀崇光Visa卡客戶於崇光銅鑼灣店4/F運動用品部、5/F男士服裝部，或啟德店5/F運動用品部，憑即日單一發票，即可以優惠價換購精選貨品2件。

2026 崇光感謝周年慶 SOGO Thankful Weeks
Part 1: 23/10 (五) — 8/11/2026 (日)
Part 2: 9/11 (一) — 22/11/2026 (日)

更多精選超值貨品，崇光網上商店同時發售: https://www.sogo.com.hk/

FB: SOGO Hong Kong (香港崇光百貨)
IG:

#崇光感謝周年慶

集齊全套現年60歲嘅英國紐卡素退休中學教師 Jon Strong，10月4日順利完成英倫海峽澤西島嘅「澤西馬拉松」(Jersey Marathon)，正式儲齊以26個英文字母開頭嘅全套馬拉松賽事。呢項挑戰始於2014年，喺中學任教法文、德文...
23/10/2026

集齊全套

現年60歲嘅英國紐卡素退休中學教師 Jon Strong，10月4日順利完成英倫海峽澤西島嘅「澤西馬拉松」(Jersey Marathon)，正式儲齊以26個英文字母開頭嘅全套馬拉松賽事。

呢項挑戰始於2014年，喺中學任教法文、德文同西班牙文嘅 Jon Strong，出於對語言同長跑嘅熱愛，萌生用雙腳跑勻 A 到 Z 賽事嘅諗法。他本身跑步實力相當標青，全馬PB達到2小時58分。十幾年間，佢喺太太陪同下參賽，足跡遍及荷蘭鹿特丹 (Rotterdam)、意大利威尼斯 (Venice) 等主要賽事；即使係極冷門嘅字母亦逐一攻克 — 包括遠赴西班牙參加「Quijote 馬拉松」（Q），以及喺德國雷姆沙伊德舉行嘅「X-Ray 馬拉松」(X)。

不過，當其餘25個字母相繼完成之後，呢項挑戰偏偏喺字母「J」卡關多年。阻礙佢完賽嘅並唔係體能，而係個人原則同教職日程嘅衝突。

Strong 係一名環保倡導者，為咗減少碳排放，佢多年嚟堅持拒絕搭飛機，出外參賽全靠火車同渡輪往返。喺地理範圍內，最符合條件嘅 J 字母全馬正正係位於英吉利海峽的澤西島馬拉松 (Jersey Marathon)。不過，該項賽事固定喺學期中嘅星期日舉行，受限於渡輪船期，佢根本冇辦法喺星期日跑完之後及時趕返英國本土，確保星期一清晨返到學校教書。出於對教學工作嘅責任感，呢個最後嘅字母「J」一等就等咗十幾年。喺學校任教28年後，Strong 喺 2026 年暑期正式榮休，時間上嘅限制隨之解除。

10月4日，年屆六旬嘅 Strong 按照既往原則，搭乘渡輪抵達澤西島參賽，最終順利衝線。隨住呢塊「等待已久嘅 J」被正式儲齊，呢場歷時12年、兼具環保堅持同體育毅力嘅 26 字母馬拉松征途，正式宣告劃上完美句號。

#馬拉松

中國的會爆炸唔少人做運動都習慣將手機放喺身邊，不過帶住部機落場就要留意風險。近日湖北發生一宗罕見意外，一名男子打羽毛球期間跌倒，放喺褲袋嘅新手機瞬間著火，導致佢嚴重燒傷。事發時呢名男子正喺室內場館打羽毛球。根據網上流傳片段見到，佢準備擊球時...
22/10/2026

中國的會爆炸

唔少人做運動都習慣將手機放喺身邊，不過帶住部機落場就要留意風險。近日湖北發生一宗罕見意外，一名男子打羽毛球期間跌倒，放喺褲袋嘅新手機瞬間著火，導致佢嚴重燒傷。

事發時呢名男子正喺室內場館打羽毛球。根據網上流傳片段見到，佢準備擊球時不慎失平衡跌倒。就喺落地嘅瞬間，佢右邊褲袋突然冒出火光，隨即爆出一個大火球。

旁邊嘅波友見狀即刻上前幫手撲火，不過火勢好猛烈，事主條運動褲已經被燒穿。送院檢查後，醫生證實佢大髀達到2級重度燒傷，需要接受植皮手術。

據了解肇事手機係事主啱啱新買，意外原因相信係跌倒時身體重量壓落大髀，猛烈撞擊導致手機電池短路同破裂，繼而起火。唔少人為貪方便都會將手機塞落褲袋，但進行激烈運動除咗阻礙動作，一旦發生碰撞分分鐘釀成嚴重後果，落場前最好都係將手機放返去場邊。

#羽毛球

使唔使慳到咁最近內地健身圈出現一種另類增肌補劑。因為乳清蛋白粉原材料同進口成本上漲，今年價格貴咗差唔多一倍，有Gym友為咗慳錢，開始改食由「美洲大蠊」製成嘅曱甴粉。網購平台上面賣嘅曱甴粉每斤500克低過20元人民幣，價錢只係普通蛋白粉嘅十分...
21/10/2026

使唔使慳到咁

最近內地健身圈出現一種另類增肌補劑。因為乳清蛋白粉原材料同進口成本上漲，今年價格貴咗差唔多一倍，有Gym友為咗慳錢，開始改食由「美洲大蠊」製成嘅曱甴粉。

網購平台上面賣嘅曱甴粉每斤500克低過20元人民幣，價錢只係普通蛋白粉嘅十分之一。商家聲稱曱甴粉蛋白質含量高達70%至80%，被網民當成完美嘅平價替代品。呢類產品多數以中藥材名義出售，吸引唔少想平平地操肌嘅人買來試。

不過有內地醫生同營養師指出，曱甴粉未必可以代替乳清蛋白粉。雖然數字上高蛋白，但佢嘅蛋白質組成唔均衡，特別係對肌肉合成好重要嘅亮氨酸含量偏低，就算食咗都未必達到增肌效果。加上網購曱甴粉好多都無標明生產廠家同品質檢驗報告，有啲仲標榜係野生，隨時帶有病原微生物，缺乏相應嘅食品安全標準，亂食會有好大風險。

#增肌

人命何價四川稻城亞丁發生登山致命意外。一名21歲行山客，原本有伴同行，但同伴中途因體力不支決定撤退，事主則堅持獨自繼續上山。去到4,500米嘅娘西牛場一帶，佢突發嚴重高反，出現肺水腫同腦水腫，只能夠匿喺帳篷休息。初期有路過嘅行山人士見狀，開...
21/10/2026

人命何價

四川稻城亞丁發生登山致命意外。一名21歲行山客，原本有伴同行，但同伴中途因體力不支決定撤退，事主則堅持獨自繼續上山。去到4,500米嘅娘西牛場一帶，佢突發嚴重高反，出現肺水腫同腦水腫，只能夠匿喺帳篷休息。

初期有路過嘅行山人士見狀，開價2,000元人民幣帶佢落山，但被事主拒絕。隨後病情急劇惡化通知屋企人。家人向當地馬隊求助，對方開價1萬元人民幣上山救人，點知家人斷然拒絕。

其後家人在小紅書發帖求救，要求當局派出免費救援隊，甚至提供免費直升機。當時有大批網民睇唔過眼，留言苦勸: 「人命關天，畀錢救人先啦。」但家人竟然同網民開火駁火，堅持要等免費救援。

拖延兩日，救援人員終於抵達現場，但事主已經錯過咗最佳治療時機，喺被抬落山嘅途中不幸離世。據救援人員事後透露，死者母親最終有同意支付7,500元人民幣畀馬隊抬人，可惜一切已經太遲，神仙難救。

#登山

硬加燈旅發局為推動夜間旅遊，原定將全新光影匯演延伸至山頂盧吉道同夏力道，計劃試行一年「燈影項目」。點知呢條百年歷史、向來以清幽林蔭聞名嘅環山徑，近日被晨運客同街坊發現樹木遭膠索綁滿射燈、欄杆釘晒燈具，隨即引發強烈反彈，直斥當局製造光污染、摧...
20/10/2026

硬加燈

旅發局為推動夜間旅遊，原定將全新光影匯演延伸至山頂盧吉道同夏力道，計劃試行一年「燈影項目」。點知呢條百年歷史、向來以清幽林蔭聞名嘅環山徑，近日被晨運客同街坊發現樹木遭膠索綁滿射燈、欄杆釘晒燈具，隨即引發強烈反彈，直斥當局製造光污染、摧毀自然生態。眼見群情洶湧，旅發局日前終於開腔「滅火」，承諾會開展更廣泛諮詢並檢視安排。

不少市民批評，成個工程根本係「靜雞雞上馬」。現場多棵樹木同欄杆一早裝好晒射燈同電線，附近居民同公眾事前完全被蒙在鼓裡。直到街坊影相投訴、經傳媒報道曝光後，局方先至改口話「會廣泛諮詢」，被質疑又係典型的「先斬後奏」。

有常客同遊客直言，大家上山頂無非係想遠離鬧市強光，享受俯瞰維港夜景嗰份原始寧靜。當局夾硬將「幻彩詠香江」嗰套打卡模式搬上山林步道，用人工燈光強加於大自然，被批評根本不理解山頂的核心價值，更隨時干擾夜行動物同螢火蟲嘅棲息環境。

雖然旅發局強調燈具屬低眩光設計，亦有註冊樹藝師就負重同護樹畀意見，但重物長期懸掛喺樹幹上，對脆弱樹皮同生長結構的長遠影響，事前完全無公開過任何獨立生態或環評報告，實在難以令公眾信服。

旅發局昨日發聲明稱，鑑於近日巿民對項目「表示關注」，局方會做更廣泛諮詢，以檢視項目整體安排同改善細節，務求在「旅遊發展、保護自然環境及居民需要」之間攞到更好平衡，最新安排將「適時公布」。

#山頂

Address

Hong Kong

Website

Alerts

Be the first to know and let us send you an email when Fitz posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Fitz:

Shortcuts

Share

Category