14/09/2026
مش كل حاجة بنخاف منها… معناها إنها هتحصل.
يعني مثلا ممكن بنخاف بس بننزل
بنخاف نركب طياره بس بنركب
ممكن تكوني شايفة الزواج من خلال:
تجربة والديكي…
تجربة صاحبتك…
علاقة فاشلة شفتيها…
أو حكايات اتقالتلك طول عمرك…
لحد ما تكونت جواكي صورة كاملة عن الارتباط،
من غير ما تعيشي تجربتك إنتِ أصلًا.
بقيتي بتخافي من حاجة…
مش لأنك عارفاها،
لكن لأنك شوفتي أثرها عند غيرك.
الخوف أحيانًا بيحمينا…
وأحيانًا بيخلينا نقفل باب،
ممكن أصلًا يكون وراه تجربة مختلفة تمامًا.
السؤال مش:
«أخاف ولا لأ؟»
السؤال الأهم:
الخوف ده بيحميني من إيه؟
وهل فعلًا محتاجة أسمعله؟
ولا محتاجة أفهمه الأول؟
يمكن المشكلة مش إنك مش عايزة ترتبطي…
يمكن إنك لسه ما عرفتيش:
إيه اللي إنتِ فعلًا عايزاه،
وإيه اللي الخوف اختاره بالنيابة عنك.
#العلاقات
#اختياراتك
