DURTLANG NORTH VOLLEYBALL CLUB

3th.sept.2022 hian Pu.Lalbiakthanga Khiangte IPS in MVA Season Opening Tournament atan a DNVC Jersey tur tlangzarh na a nei.
He hunah hian Players te leh Club hruaitu ten infuihtharna hun hmang in,champion ngei tur in duhsakna leh fuihna thu tha tak tak te ngaihthlak ani.
Tlai lam ah zanriah tui hnai tak.kil ho ani bawk

New Signning

Johan - Khawbel
Rammawia (Lib)- Khawbel
Joseph - Darlawng

Welcome DNVC

Durtlang North Presbyterian Church
QPQG+MJ4, Durtlang North, Aizawl, Mizoram 796025
070057 46469
https://maps.app.goo.gl/gCE9TXvGJ8Ze4B9FA

Naktuka 16th July.2022 Saturday a trial rawn nei tur te tan
Biakin chhak chiah khi ani e trial na hmun tur

Durtlang North Presbyterian Church · QPQG+MJ4, Durtlang North, Aizawl, Mizoram 796025, India ★★★★★ · Presbyterian church

https://youtu.be/xmbXJAQEKDE

hemi link a luh hian DNVC chanel hi like in minlo subscribe ve hram dawn nia,share pawh share chur chur ila atha awm e..

DNVC COACHING STAFF : HAWI RUAL ṬHUP ṬHUP : MVA PRO VOLLEYBALL LEAGUE 2022 PRO LEAGUE 2022

Fabian.Lallunghnema kolasib leh Mawitea
2022-2023 season atan inremna thuthlung kan sign fel pui leh ta e.

Durtlang North Volleyball Club chuan k*m 2022-2023 season atan Club player tur in Ramtharnghaka,chanmari west leh C.Zonunmawia Maubawk te nen inremna an ziak fel leh ta.

9th.June.2022 zan khan Thanungi Memorial Hall Durtlang North ah Pro Volleyball League 2022 champion kan nih, chu Khawtlang huapa ropui taka lawmna hun hman ani a,he hunah hian Chief Guest Pu.Lalrinenga sailo,Guest of Honour Dr.Franklin Ralte,Mana Motor bak ah MVA lama kan hruaitu te leh,TNT VC atang te,Pro Working Committee atang te leh LC Durtlang North atang te leh NGO hramg hrang atang te leh Vengchhung mipui thahnem tak te nen he hun hi hman anih bak ah,zaithiam tak tak ten he hun hi min hmanpui bawka,hun hlimawm leh nuamtak hman ani.

10th.june.2022 ah,Player te pual a intihlimnan picninc neih ani bawk ani.

DURTLANG NORTH VOLLEYBALL CLUB chu Coach *Sir CHHUANGTEA* ho in Season thar hmachhawn turin a inbuatsaih tan leh ta..

ZOTHAN AUTO WORKS PRO VOLLEYBALL LEAGUE 2022
Final hmuhnawm tak khelh zawh takah TNT 25-20 3-25 25-21 25-23 (3-1) in kan hneha,champion nomawi hlu tak kan hlawhchhuak ta.
Set khatna aṭangin beisei angin Mawitea a hmuhnawm a,point a score chho mawlh mawlha,Sagar pawh a pawimawh hun lai takah ṭum dang zawng aia che ṭha in point a score hnem hle,chutiang bawkin sawi hmaih thiang hauhlo in midang Fabian,Biakmuana leh Ṭpa te an chetṭhat a rualkhai vek bawk.
Set hnihna ah TNT rawn insiamṭha in set han la ve bawk mahse kan team spirit leh coaching staff te inrintawkna enin dinhmun hlauhthawnawmah kan ding in a langlo.
Set 3 naah inum tawk chhoin kan in lead chhawk chho zauh zauha,point pawimawh ah setter Ctea'n player k*t kal a hre fuh thei hle ṭhina,tin,team 2 libero te inkhel ti hmuhnawmtu anni in inkhel anti nung takzeta,ball har an chhan hnem dun hle.Inhehtawk tak karah set kan la hram
Set li naah harsatna liantham tawk loin kan la leh theia,TNT lamah Mama khel ṭha leh hle mahse Valbuanga zan dang angin a che na tawklo bawk nen,round hmasa lama inhliam Dinchhunga rawn dah lut bawk mahse team tan a thawhhlawk thei tawklo bawka,Biakmuana tak tak kan hmu chho bawk nen,an tho chhuak thei ta loa,hnehna hlu tak kan chang.Pathian ropui ber rawhse.
PVL Mimal award:- Mizo Best player Valbuanga
Player of the night;Lalbiakmuana (DNVC)
1. Best setter - C.Zonunmawia(Durtlang N).
2. Best blocker - Zosangzuala(TNT).
3. Best receiver - Lalhmingsanga Khiangte(Durtlang N).
4. Best Spiker - Sahil K*mar(Tuichangral VC).
5. Mizo best player - Vanlaltanchhana(Valbuanga) TNT
6.Best coach-Lalchhuangliana (DNVC)

🏐PVL FINAL

*Security Ngenna leh Hriattirna*

🅿️ Indoor stadium hnuaiah MVA Officials, Media, LPS Crew&Staff, Club offcials ten lirthei dah luh tur a ni.

🅿️Two wheeler a lo kal ten steerling lock loh tur a ni.

🗯️Gate

1. Gate hmasa zawk(luh leh chhuahna) ah offcials te luh tur a ni a, tickets counter bul atangin fans te luh tur a ni

2. TNT fans te indoor stadium luh a, vei lamah thut tur a ni a, ding lamah Durtlang N fans te thut tur a ni.

.....

🍺Zu ken luh phal loh a ni. Zu kan in mansak chu in pek kir leh zel a ni ang. A chhungah erawh a ruka keng lut lui kan awm chuan a neitu leh zu chu pawnah dah chhuah an ni ang.

🚬Meizial zuk loh hram nise. Kan zu lo thei lo anih pawhin midang dip zawng leh langsar lo a zu turin kan in ngen a ni.

🎫Tickets hi Rs 50 a ni a.
Officials te pawhin tumah hruai luh kan remti lo a, tickets lei vek turin kan in ngen a ni.

🔮Fans pahnihte buaina siam lo turin kan in ngen a. Inkhel ti buai zawnga fans kan awm chuan pawn lamah in dah chhuah a ni ang.

( Kan ngenna te min zawm sak thin a, inkhel entute chungah lawmthu kan sawi. Zanin Final zan hian mawi taka Fans te awm turin kan in ngenin kan in sawm a ni)

sd/-
P LALMAWIZUALA
Secretary
Security Duty
(On behalf of Taitesena Section YMA, ITI Veng Branch)

ZOTHAN AUTO WORKS PRO VOLLEYBALL LEAGUE 2022 FINAL
TNT VS DNVC
A HMUHNAWM DAWN;
Pro Volleyball league hmawr kan bawk thei dawn tawha,Pro Volleyball league vawi 3 kan khelh tawha final ṭum 2 kan khelhna ni turin Volleyball hmunpui TNT Muanna veng nen zanin dar 8 hian R.Dengṭhuma Indoor Stadium Mualpuiah kan khel dawn,en loh phal chi ani lo ang.
TNT lam hi volleyball hmunpui tih takah 2016 khan final anlo khel tawha,Anastasia lakah an tlawm hlauh, mizo hlanga khel mah nise an ṭha takzeta,an tumpuite an zirchiang ṭhin hle tih ahriata,setter hmelthar Makima(?) a rintlak hle a,ani thachhamg dawl turin Hunthar champion pui tawhtu senior setter Sena an kawl bawk,Semi Final ah Tlangsam tlangval turu Dinchhunga tello in an chak theia,ani a khelh theih chuan an ṭhat pui dawn tih hi sawiloh pawha chiang ani,blocker annei ṭha takzet bawka,hmelthar Mama theihna san zia leh a invawrh zia chu volleyball tuimi te t**i atlinga,Rinzuala Hnamte leh Sadraka te an inluhchhawk tir theia,spike a an turu tluk zetin block a an score a tam ṭhin,tin,Captain Bawiha Sailo ala tar lo bawk a,hun harsaah team tan a thawhhlawk ṭhin hle.Mipui ngaihven rawn Valbuanga hi a hming hriatloh chu a thil thianglo tluk hial ani tawh awm e,ani hi India U-20 team atan pawha koh tawh ani a,a khelh tawh ah team danga hnamdang player te nen team tana an thawhhlawk dan a inang reng.
Keini lamah hliam nei chunga Semi Final khel Setter Ctea a khel thei tura ngaih ania,ani a theih loh pawhin Rta a awma,thlaphanna tur tur a awmlo tura ngaiang,nizan lama drip khai Ṭpa leh Fabiana leh Biakmuana te an in recover hman turah ngaih ani bawk,Sagar Malik hi kan setter ten a theihna tak an phawrhchhuak thei turah ngai ila,a hmuhnawm leh ang,tin,blocker hmelthar Kolasib tlangval Mawitea leh Ṭpa ten Semi Finala an khelhṭhat an chhunzawm beisei ila,tin,Fabian-a diktak kan hmuh leh thei turah ngai bawk ang,Biakmuana pawh Biakmuana ala ni renga,harsatna neiloa a khelh theih chuan lehlam tana harsatna a thlen tam leh turah a ngaih theih bawk,libero Hmingsanga hi team chakna thahrui ani leh ang,Captain Zoma hi khel tam tawhlo mahse a experience hi ṭhat pui tham ala ni renga,Samsona pawh Hunthar vullaia player pawimawh kha ani,Chungnunga pawh hun ṭha a hmuh chuan invawrh dawrh thei tur ani.
Coaching staff Chhuangtea & Co.ten khingpui tur te ṭhatna leh panna lai an zirchiang hle in a rinawma,inkhel hmuhnawm tak kan hmuh besei ang.
Kan team te ṭawiawmin mawi takin au ila,ṭawngṭaina lamah pawh i hre reng ang u khai.

FINAL KAN LUT E
Zothan Auto Works Pro Volleyball 2022 Semi Final thawh hnihna ah league round a kan hnehloh tawh Tuichangral Volleyball Club chu 25-22,16-25,25-18,25-11 in kan hneh hlauh mai.

League round ah khan kan ngamlo viaua,mahse thlirlawkna a kan sawi tawh angin boruak sanga insiamṭha turin kan player te leh coaching staff bakah boruak incharge kan nei ṭha tawka,hnehna hlu tak kan chang a,a tir lamah Sagar cheṭha tawklo mahse Biakmuana leh Mawitea te an cheṭha nghala,Fabian-a leh Ṭpa te pawh an khelṭha hle,set hnihna aṭangin TVC rawn insiamṭha in Sahil leh Saitea te kan chelh ta chiah loa,set hnihna kan hloh,set thumna aṭangin setter Ctea'n thiam takin Sagar leh Biakmuana leh Ṭpa te a chhawr zuia,khelh hmasa lama thawmna kan tih Fabian-a te han reh zui ta deuh mahse ke na chunga khel Ctea'n thiam takin kan spiker te theihna a phawrh chhuah sak zela,kan blocker te chetṭhat leh libero Hmingsanga tih hram hram na te,service miss a tam ta vaklo te kan chhawr bawk niin alanga,ni 27 (Zirtawp) zana TNT nena final khel turin hnehna hlu tak kan chang ta ani.
Kan ṭawngṭaina chhangtu Pathian hnenah lawmthu i sawi ang u.

DNVC-25 16 25 25
TVC-22 25 18 11

*I INCHHIR LOH NAN*

Mizorama Volleyball hmanga in elna sang ber Pro Volleyball League 2022 khelh mek ah,Durtlang North Volleyball Club chuan Pathian khawngaihna a zar ah *SEMIFINAL* a lut a, ni *25.may.2022 (wed) 8:00pm ah R.Dengthuama Hall mualpui* ah Tuichangral vc nen Semifinal kan khel dawna,vengchhung mipui te he hunah hian atam thei angber a hmuna kan player te tawiawm tur leh au phur tur in kan insawm takmeuh meuh ani.

Semifinal kan luh theih nana vengchhung mipui leh hmun hrang hrang atanga minlo tan tu te, minlo tawiawm tawhna leh min tawngtaipui na ah te,player te duhsak taka thilpek inpek zawng zawng ah te lawmthu kan sawi takmeuh a,semifinal kan khelh hunah pawh minlo tawngtaipuia ahmuna min tawiawm leh loh chuan DNVC hi kan champion zo lo ang tih hi kan hlau ani.🙏

Khuang nei in khuang keng ila, ri thei zawng zawng nen Durtlang North ti leh suau suau ang aw...📣🥁🪘💪🏼

Kalna tur ah i mamgang in i buaia,i rilru a hah maw..🤦🏼‍♂️

*Lungngai mah tache, i tan,kan tan,kan Local Council ten Bus pahnih ngawt mai an hire sak che asin,ava han lawmawm tak em,👏🏼*

Semifinal hi ahmuna i enlo anih chuan khua rei ah i inchhir hi kan hlauhpui che ani..😊

DNVC GO GO GO

Motor chhuah hun :- 7:00PM
ICFAI peng atang a chhuak ang.

Sd/-
Lalremruata Royte
Secretary
DNVC

Table

DNVC leh hle ang o...🙏🙏

Pro Volleyball League khelh mek ah naktuk zan (tuesday zan) dar 8:00 ah Durtlang North Volleyball Club leh Tuichangral Volleyball Club te chu R.Dengthuama Hall Mualpui ah an inkhel dawn a,he hunah hian veng mipui te tawiawmna leh tawngtaipuina kan dil in kan in ngen takmeuh a,vengdang hmundanga minlo tan tu te pawh in mi tawiawmna leh tawngtaipuina kan dil takmeuh ani e.

Kan veng kan club tan tur in atam thei angber ahmuna en tur in kan insawm in kan in ngen ani e.

Sd/-
Secretary
DNVC

Durtlang North vc tan tu te zawng².. in mi tawiawm tawhna ah lawmthu kan sawi takmeuha,minlo tawiawma a hmunah minlo en tur leh in tawngtaina lam ah minlo hre reng tur in kan in ngen takmeuh ani e.

DNVC

Durtlang North-In Hnehna An Chang
07th May 2022, 01:05PM

An intawn leh hmasak berah Durtlang North-in 2019 final-a an tlawmna chhang letin set thum set hnihin champion lai Chhinga Veng Spikers an hneh a, May ni 6, 2022 (Zirtawpni) zanah Zothan Autoworks Pro Volleyball League inkhel hmasa berah an chak.

R Dengthuama Indoor Stadium, Mualpuiah Haryana atanga an lak luh Sagar Malik chuan Durtlang North tanpuiin, Fabian Lallunghnema'n hnehna kawngah team a hruai bawk a, 25-22, 23-25, 17-25, 25-17, 15-13-in Spikers lakah an chak.


Sagar chuan point sarih a paih laiin 31 a thawk chhuak a, tlar hnunga a awm lai pawhin Durtlang North chhanhimtu berah a tang a, D3 Business Player of the Night lawmman dawng hmasa ber niin Kolasib spiker Fabian-an point 19 hmuin vawi ruk a tisual ve thung a ni.

K*m thum kal ta khan 25-23, 18-25, 22-25, 31-29, 15-13-in Durtlang North lakah Chhinga Veng an chak a, derthawng taka an awm hnuah a vawi khat nan Pro Volleyball-ah an champion.

Covid-19 leng avanga k*m hnih thulh zawn a nih hnuah Chhinga Vengin title humhim ngei turin bul an tan a, a tir lamah captain Lallianmawia Pachuau chuan team fuih phurin set hmasa berah 11-6-in hma an hruai hman.


Mahse, Karnataka atanga an lak luh Sujith Acharya a insiam rem nghal lo va, point a hloh hnem hle laiin Fabian-a leh Sagar chuan Durtlang North nawr kalin an lehpel a, 24-22-a hma an hruai laiin Vanlalmawia'n Sujith-a vuak dang thlain set hmasa ber an la. Set hnihna atangin Chhinga Vengin hma an sawn a, Lianmawia a tangkaiin Sujith chuan awmze neiin a khel thei tawh a, inelna sang tak karah chungnung zawkin inkhel boruak a nung thar nghal bawk.

Spikers-in set thumna thunun zuiin rinrawl Lianmawia leh Sujith bakah Lalnunpuia leh Ramengmawia'n team tichakin inringtawk takin an khel a, Lianmawia'n chiang taka a vuak tlak rualin Dutlang North-in point 17 chiah an hmu ve hman a ni.


Durtlang North tan set hloh a thiang tawh lo va, Sagar chuan team mamawh chhangin inkhel boruak an tidanglam a, set linaah derthawng lovin hma an hruai tluan. Set ngana leh a chak tur chin felna hnuhnungah Durtlang North-in team nghet leh tlo zawk an nihna an lantir thei a, Fabian-a'n vaw tlain 9-6-in hma an hruai.

Spikers-in um zel mah se an hnaih chilh thei lo va, hun pawimawhah Sagar-an Durtlang North kalpuiin vawi thum a hlap tla zawn a, 14-13-a hma an hruai laiin Lalbiakmuana'n a hlap thla a, Chhinga Veng laka rilru na taka an tlawm tawhna chhang letin hlim takin hnehna an lawm zui a ni.


Hnehna hlu tak an chan rualin veikhawr Biakmuana erawh a langsar zo lo va, an inkhelh chhungin point ruk hmuin vawi li a tisual.


Hetih lai hian Durtlang North tan Vanlaltanpuia'n point ruk tho hmuin point hnih a hloh ve thung a ni. Chhinga Veng tan Sujith chuan point 30 hmu mah se point 19 a hloh a, Lianmawia'n point 19 thawk chhuakin tum li tihsual nei mah se fel fai takin a khel ve thung a; Nunpuia'n vawi 11 vaw tlain point li a hloh a, Ramengmawia'n point kua hmuin point thum a hloh.

Player khaikhinin Chhinga Veng an inkhairual zawk mah se Durtlang North tan point pawimawh leh boruak sangah Sagar leh Fabian-a an rin tlak a, intiat tawk tak chungin team pahnih inkarah danglamna an siam thei a ni.

Kar leh May ni 9 thawhtanniah Chhinga Vengin an khel leh nghal dawn a, Mizo hlanga inlan tur awm chhun TNT an hmachhawn ang.

May 11, nilaini zanah Durtlang North-in vawi hnih champion tawh Hunthar an khelhpui ve thung dawn a ni.

RESULT :

Durtlang North def Chhinga Veng Spikers - 25-22, 23-25, 17-25, 25-17, 15-13 (3-2)

D3 Business Player of the Night - Sagar Malik (Durtlang North)

Play stats : DURTLANG NORTH

Sagar Malik : point hmuh 31, point hloh 7

Fabian Lallunghnema : point hmuh 19, point hloh 6

Vanlalṭanpuia : point hmuh 6, point hloh 2

Lalbiakmuana : point hmuh 6, point hloh 4

CHHINGA VENG SPIKERS

Sujith Acharya : point hmuh 30, point hloh 19

Lallianmawia Pachuau : point hmuh 19, point hloh 4

Lalnunpuia : point hmuh 11, point hloh 4

Ramengmawia : point hmuh 9, point hloh 3

Hrileng laka fimkhur tak chungin kan team te au chak leh ngei tum ṭheuh ang u aw

Pro Volleyball League 2022 chu 6th.may - 27th.may.2022 hian R.Dengthuama Hall,Mualpui ah tan ani dawn ta.
He tournament ah hian DNVC te pawh tel tur in theihtawpa inbuatsaihna neih mek ani a, tournament tan zan hian opening match Chingaveng spiker nen kan khel dawna, he hunah hian Veng mipui te leh hmun hrang hrang a DNVC tan tu te tawiawmna leh tawngtaipuina kan han dil takmeuh chenu ani.

Ahmuna en theilo tan LPS lam ah Live a pek chhuah ani dawn bawk ani.

I tello chuan DNVC hi engmah kan nilo,i tawiawmna leh i mi tawngtaipuina kan han dil in kan ngen takmeuh che u ani.

DNVC GO GO GO
🙏🙏

Pro volleyball League 2022 fixture..

Fighting DNVC

National Junior Championship (25-30 Dec.2021)W.Bengal a khelh tur ah MVA Junior team ah kan club atang player 5 ngawt mai an tel thei hi kan chhuang in kan lawmpui em ema,kan ram tan champion no mawi an rawn hawn ngei theih nan kan tawngtaina lamah hre tlang ila atha ange.

Player kal te.
1.Lalbiakmuana (v.capt)
2.Vanlaltanpuia
3.Lalhmingsanga
4.C.Zonunmawia
5.Fabian Lallunghnema

3rd.April.2021(sat) hian Tachhip Volleyball Ground ah DNVC leh Tachhip Volleyball club te chuan friendly match neih ani a, he hun hi Pro Volleyball League 2021 lo awmtur inbuatsaihna chum hawn na ani a, player te leh hruaitu ten nuam kan ti in hlawk thlak kan ti hle ani.

Tachhip khaw mipui ten min hlut sak hle a, minlo dawn sawn na leh minlo mikhual na ah lawmthu kan sawi takmeuh ani e.

He hunah hian DNVC Joint.Sect Pu.R Lallawmawma (C-a) te chhungkua in zanriah tuihnaitak minlo buatsaihsaka an chung ah kan lawm hle bawk ani.

DNVC te hian k*min 2021 Pro Volleyball League lo awm tur ah champion ngei tum in practice hi ngawrh taka neih tum ani a, khawtlang,veng mipui leh vengdang leh hmun dang danga DNVC lo tan a minlo support tu te zawng zawng in mi support na kan han ngen leh bawk ani e.

Sd/-
Secretary

*D-3 BUSINESS ENTERPRISE 3 on 3 VOLLEYBALL TOURNAMENT 2021*

Organised by- *Mizoram Volleyball Association*

*HRIATTIRNA*

Ruahmanna hmasaah chuan he Tournament hi chawhnu dar 2 aṭanga zan dar 9:30 hunchhunga khelh zel tum a ni a. Mahse, remchán zawkna avangin leh Team tel te'n Match tam zawk an khelh theihna atan ruahmanna thar siam a ni.

Mipa hian March 17, 2021 zing dar 10 aṭangin Match an ṭan ang a, hemi ni hian Mipa & Hmeichhe Team khel nawn an awm ang.

March 18, 2021 hian zing dar 10 aṭang thoin mipa Match ṭan a ni ang a, hemi ni pawh hian Mipa & Hmeichhia khel nawn an awm bawk ang.

Mipa Pool A & B point hmu sang ber (Pool Champion) in *FINAL* an lut ang a, Hmeichhia point hmu sang pahnihin final an lut bawk ang.

*FINAL* hi ni 19.03.2021 (Zirtawpni) ah neih tur a ni a, LPS ah Live Telecast a ni ang. *Final Programme hi duan a la nih loh avangin Final match ṭan hun hi inhriattir nawn leh a ni ang.*

*(Mipa hi Pool A & B a ṭhen an ni ang a, Hmeichhia hi an inkhel kual vek ang.)*

*FIXTURE hi zanin dar 8:00 hian tih chhuah a ni ang a, team tin hnenah thawnchhuah a ni ang.*

Main Sponsored by -
*D-3 Business Enterprise*

Co-Sponsored by -
*SR Tochhawng Traders*


Sd/-
(ERIC LALSANGLIANA PAUTU)
Secretary,
3 on 3 Organising

Durtlang North volleyball Club chuan Pathian leh Fans te zar ah hma kan sawn zel a, tunah hian Theiriat Lunglei lam mi C.Lalhriatpuia (Middle Blocker) chu kan club a khel tur in kan in sign fel leh ta e.

2020-2021 Season chhunga kan Club player tur te leh Club OB te

K*m 2020-2021 Season chhung atan DNVC chu Kal zel tur in Committee chuan arel a, k*m 2020-2021 season chhung atan hruaitu leh OB te pawh thlanfel/ruatfel ni tawh in ruahmanna atheih ang ang in kalpui mek zel ani a, Covid -19 avang hian,Tournament hi k*min hian kan khel thei angem tih erawh hriat anilo na in, Dan ang in DNVC chu MVA hnuai ah tun Season atan affiliation pawh tihfel ani tawh a, tin DNVC player tur te pawh biak/sign fel vek tawh an ni a, aranglama kan player tur te pawh rawn tlangzarh kan tum ang.

*VOLLEYBALL HALL*

*MVA President Er H Lalzirliana (MLA) leh Pu Roberta ( Sports Minister) te hmalakna in Sport Department, MSSC leh MVA hruaitu ten Pu Roberta Minister ho in vawiin ni 2.5.2020 zing khan Volleyball Hall sakna tur hmun remchang tur an enkual.*

*Mualpui R Dengthuama Indoor bula Sports Hostel sak mek 2 chung chu Volleyball hall sakna atan a remchang dawn em tih en ho ani a. Tin, Ramhlun Sports Complex a Girls Hostel bula MSSC ramruak pawh thlir ho nghal ani.*

*Heng hmun tukina tlawhte hi Volleyball Hall sak nan a remchang dawn em tih lo teh fel a report a hnena pe vat turin Sports Minister hian Mizoram State Sports Council hotute a hrilh ani.*

*Volleyball Hall tur hmunhma tur enkualna hi Sports* *Minister Pu Roberta hian a ngai thutak tak zet a*, *"Standard Volleyball Hall neih angai ani ati ani. Sports Minister hi Mizoram sawrkar Sports lama hotu ber ber Sports Director Pu Sangtea, *Jt Director JohnTanpui, MSSC Secretary Pu Tlana, MSSC AE Pu James a leh midang thahnem takin an zui ani.*

*MVA President leh Sports Minister te inthian thatna zarah Volleyball Hall neih a hnai ve zel e.*

Coronavirus vangin Pro Volleyball League thulh a ni
Khawvel pum leh India rama coronavirus darh mek avangin April-a khelh tura ruahmanna siam tawh 2020 Pro Volleyball League chu thulh a ni.

Ningania Organising Committee thu khawm chuan "thu leh awm hma chuan" thulh ni se tiin thutlukna a siam a, boruak awm dan azirin ngaihtuah that leh a ni ang.

Mizoram volleyball inelna sang ber hi R Dengthuama Indoor Stadium-ah April tir atanga May tir thlenga khelh tura ruahmanna kalpui a ni a, kawng hrang hrangah inbuatsaihnain a vawrtawp a thleng chho mek.

Hrilengin khawvel pum leh Mizoramah harsatna lian tak a thlen chho zel a, inpuahchahna chhunzawm thei lova thulh a ngai ta chu Organising Committee chuan pawi a tiin a kaihhnawih zawng zawng hriatthiamna a ngen nghal bawk.

Mizoram Chief Secretary hovin State Level Force on Mitigation of Coronavirus chuan thawhlehni khan mipui vantlang kal khawmna reng reng buatsaih lo turin a lo rel tawh a ni.

Ninganiah Mizoram State Sports Council chuan thuchhuah siamin an hnuaia state level association bakah district hnuaiah district sports association leh club-te chu sports championship emaw tournament emaw seminar emaw conference emaw pawh ti tura hmalakna kal lai a awm a nih pawhin thulh vek turin a hriattir.

Tournament kal laklawh a awm a nih pawhin player leh technical official tlem te bak entu mipui awm phal a ni lo. Sports Council enkawl indoor stadium leh inkhelhna hmun hmang tura tihfel sa zawng zawng pawh hnuhkir leh vek a ni dawn a, tournament leh championship buatsaih nan hmantir a remchang dawn lo a ni.

Hlawhtlinna hi thawkrim leh beidawng duhlo te tan ani.
Kan player te an thawkrim hle.

Pro Volleyball 2020 atan a inbuatsaihna ṭan ani ta

*CK HYUNDAI INTER VILLAGE VOLLEYBALL TOURNAMENT 2019*

*Dt 30.10.2019(Wed), Final Result*

*Hmeichhia*
1.Kolasib Diakkawn VC (3-0) Thenzawl East VC

Best Spiker - Lalhlimpuii(11), Thenzawl East VC.

Best Setter - Lalrinzuali(13), Kolasib Diakkawn VC.

Best Reciever - Mary Lalbiakmawii(15), Thenzawl East VC

*Mipa*
1.Hunthar Veng LC (1-3) Maubawk Veng LC.

Best Spiker - R.Lallawmkima(1), Hunthar Veng LC.

Best Setter - C.Laldawngkima(7), Hunthar Veng LC.

Best Reciever - Lalrinchhana(11), Maubawk Veng LC.

*CK HYUNDAI INTER VILLAGE VOLLEYBALL TOURNAMENT 2019*

*Dt 28.10.2019(Mon), Quarter Final Result*

*Hmeichhia*
1.Bualpui VC (1-3) Kanan Veng LC.
Player of the match - Vanlalremruati(9), Kanan Veng LC.

2.Dinthar Veng LC (0-3) Armed Veng 'S' LC
Player of the match - Rody Lalzuiliani(7), Armed Veng South.

3.ITI Veng LC (0-3) Kolasib Diakkawn VC.
Player of the match - Lalmuanpuii(14), Kolasib Diakkawn VC

4.Dawrpui Vengthar LC (0-3) Thenzawl East VC.
Player of the match - Lalhlimpuii(11), Thenzawl East VC

*Mipa*
1.Armed Veng 'S' LC (3-1) Zawlnuam Vengpui VC.
Player of the match - Lalramnunfela(9), Zawlnuam Vengpui VC

2.Muanna Veng LC (3-0) NE.Khawdungsei VC.
Player of the match - Lalhriatpuia(12),NE.Khawdungsei VC

3.Tlangsam VC v/s Maubawk Veng LC.
Player of the match - Laldinchhunga(10), Tlangsam VC

4.Phunchawng LC (0-3) Hunthar Veng LC.
Player of the match - K.Lalremruata(16), Phunchawng VC

*Dt 29.10.2019(Tue) 1:00 pm, Semi Final Inkhel tur*

*Hmeichhia*
1.Kolasib Diakkawn VC v/s Kanan Veng LC

2.Armed Veng South LC v/s Thenzawl East VC

*Mipa*
1.Maubawk Veng LC v/s Muanna Veng LC

2.Armed Veng South LC v/s Hunthar Veng LC