یانەی وەرزشی پێشمەرگە

بۆ دەستنیشانکردنی پاڵەوان ، پێشمەرگە دەچێتە بەغداد

یاری کۆتایی خولی خوار 17 ساڵانی یانەکانی عێڕاق

الغراف × پێشمەرگە

🗓 13 / 6 / 2026
⏰ 4:30
🏟 التاجی

پرسە

دەستەی کارگێڕی یانەی وەرزشی پێشمەرگە پرسە و سەرەخۆشی ئاڕاستەی بەڕێز ( م ، دیاری ئەسعەد ) ی یاریزانی تیمی بالەی یانەکەمان دەکات بۆ کۆچی دوایی خاتوو ( دڵخواز ئەسعەد قادر ) ی دایکیان ، لە خوای گەورەو میهرەبان داواکارین ڕۆحی کۆچکردوو بە بەهەشتی بەرینی خۆی شادبکات و سەبووری بە دڵی خانەوادە و کەس و کاریان بدات .

انا للە و انا الیە راجعون
یانەی وەرزشی پێشمەرگە
٥ ی حوزەیرانی ٢٠٢٦

ڕۆژی شەممە بەرواری ٦ / ٦ / ٢٠٢٦ پرسەی لە شارۆچکەی بیارە دەبێت

به‌ڕێز شێخ جه‌عفه‌ر شێخ مسته‌فا قه‌لًغانی‌ ڕێزلێنانی‌ به‌خشییه‌ سه‌ربازه‌ ونه‌كانی‌ یانه‌كه‌یان

له‌ نێو باره‌گه‌ی‌ یانه‌ی‌ وه‌رزشی‌ پێشمه‌رگه‌ و سه‌ر له‌ ئێواره‌ی‌ ڕۆژی‌ چوار شه‌ممه‌ 3 ی‌ حوزه‌یرانی‌ 2026 به‌ڕێز شێخ جه‌عفه‌ر شێخ مسته‌فا سه‌رۆكی‌ یانه‌ی‌ وه‌رزشی‌ پێشمه‌رگه‌ به‌ ئاماده‌بوونی‌ حاكم مه‌حمود ئه‌حمه‌د موڕاد ی‌ جێگری‌ سه‌رۆك پێشوازی‌ كرد له‌ به‌ڕێزان ( شاسوار مه‌هدی‌ ، سه‌رۆكی‌ شاره‌وانی‌ ڕاپه‌ڕین و هه‌ڤاڵ ئه‌نوه‌ر لێپرسراوی‌ به‌شی‌ ئامێره‌كانی‌ ئه‌و شاره‌وانیه‌ و فه‌ره‌یدوون فه‌تاح ئه‌ندامی‌ ده‌سته‌ی‌ كارگێڕی‌ یانه‌ی‌ وه‌رزشی‌ پێشمه‌رگه‌ و ئه‌ندازیار مه‌ریوان خالد حه‌مه‌ ڕه‌شید ) .

له‌و میواندارییه‌دا سه‌رۆكی‌ یانه‌ی‌ پێشمه‌رگه‌ وێڕایی‌ به‌خێرهاتن له‌ میوانان ، سوپاسی‌ كردن كه‌ له‌ ماوه‌ی‌ ڕابردوودا خزمه‌تێكی‌ به‌رچاویان به‌ یانه‌ی‌ وه‌رزشی‌ پێشمه‌رگه‌ كردووه‌ و هیوای‌ خواست به‌ هه‌مان گڕوو تینه‌وه‌ كار بۆ خزمه‌ت به‌ وه‌رزشكاران بكه‌ن .

بشێخ جه‌عفه‌ر شێخ مسته‌فا ئاماژه‌ی‌ به‌وه‌شدا كه‌ یانه‌ی‌ پێشمه‌رگه‌ یه‌ك ئامانجی‌ هه‌یه‌ و كاری‌ بۆ ده‌كات ئه‌وش خزمه‌تكردنه‌ به‌ وه‌رزشكاره‌ لاوه‌كانمان و پاڵپشتیكردنیانه‌ تا به‌ خه‌ونی‌ خۆیان ده‌گه‌ن .

له‌ كۆتایشدا قه‌ڵغانی‌ ڕێزلێنانی‌ یانه‌ی‌ وه‌رزشی‌ پێشمه‌رگه‌ی‌ پێشكه‌ش كردن و هیوایی‌ سه‌ركه‌وتنی‌ بۆ خواستن .

میران محه‌مه‌د

تۆڕی‌ میدیایی‌ ڤار دێسكی‌ وه‌رزش پیرۆزبایی‌ له‌ حاكم مه‌حمود ئه‌حمه‌د ده‌كه‌ن

به‌مه‌به‌ستی‌ ئاڕاسته‌ كردنی‌ پیرۆزبایی‌ ، ئێواره‌ی‌ ڕۆژی‌ چوار شه‌ممه‌ 3 ی‌ حوزه‌یرانی‌ 2026 شاندێكی‌ تۆڕی‌ میدیایی‌ ڤار دێسكی‌ وه‌رزش به‌ سه‌رۆكایه‌تی‌ ماكوان سه‌عیدی‌ میدیاكاری‌ وه‌رزشی‌ سه‌ردانی‌ باره‌گه‌ی‌ سه‌ره‌كی‌ یانه‌ی‌ وه‌رزشی‌ پێشمه‌رگه‌یان له‌ شاری‌ سلێمانی‌ كردوو له‌لایه‌ن حاكم مه‌حمود ئه‌حمه‌د موڕادی‌ جێگری‌ سه‌رۆكی‌ یانه‌ و ئه‌ندامی‌ فدراسیۆنی‌ تۆپی‌ پێی‌ عێراق پێشوازی‌ كران .

له‌و سه‌ردانه‌یان ماكوان سه‌عید به‌ ناوی‌ خۆی‌ و تۆڕی‌ میدیایی‌ ڤار ه‌وه‌ گه‌رمترین پیرۆزبایی‌ ئاڕاسته‌ی‌ حاكم مه‌حمود ئه‌حمه‌د كرد كه‌ توانی‌ بگاته‌ پێگه‌یه‌كی‌ گرنگی‌ وه‌رزشی‌ له‌سه‌ر ئاستی‌ عێراق و ببێته‌ ئه‌ندامی‌ فدراسیۆنی‌ تۆپی‌ پێ‌ كه‌ ماوه‌ی‌ هه‌شت ساڵه‌ شاری‌ سلێمانی‌ له‌و پێگه‌یه‌ بێ‌ به‌شه‌ ، هه‌روه‌ك ووتیشی‌ به‌ هه‌موو توانامانه‌وه‌ وه‌ك میدیاكار و ڕۆژنامه‌نوس پاڵپشتی‌ و پشتیوانتان ده‌بین و ده‌زانین چه‌ند خه‌می‌ وه‌رزشی‌ شاری‌ سلێمانی‌ و كوردستان ده‌خۆن و كار بۆ دروست كردنی‌ ژێر خانی‌ وه‌رزشی‌ له‌م شاره‌ ڕه‌نگینه‌ ده‌كه‌ن .

پاشان حاكم مه‌حمود ئه‌حمه‌د موڕاد سوپاسی‌ كردن و ئاماژه‌ی‌ به‌وه‌دا كه‌ تۆڕی‌ میدیایی‌ ڤار ، میدیایه‌كی‌ هه‌میشه‌ له‌به‌رچاوه‌ و كاره‌كانی‌ به‌رز ده‌نرخێنین و ووتیشی‌ ده‌بێت ڕۆژنامه‌نوسانی‌ كوردستان بێ‌ به‌ش نه‌بن له‌ گه‌شته‌كانی‌ هه‌ڵبژارده‌ی‌ عێراق و ڕۆژنامه‌نوسانمان له‌ نزیكه‌وه‌ ڕوماڵی‌ پاڵه‌وانێتی‌ و خوله‌ گرنگه‌كان له‌ ده‌ره‌وه‌ی‌ ولاَت بكه‌ن و بۆ ئه‌وه‌ش ده‌بێت كاری‌ بۆ بكرێت تا ئێوه‌ی‌ میدیاكار له‌ ڕوداوه‌ گرنگه‌ وه‌رزشییه‌كان بێ‌ به‌ش نه‌بن .

پاشان ماكوان سه‌عید چه‌پكه‌ گوڵی‌ پیرۆزبایی‌ تۆڕی‌ میدیایی‌ ڤار دێسكی‌ وه‌رزشی‌ پێشكه‌ش به‌ حاكم مه‌حمود ئه‌حمه‌د موڕاد كرد و ئه‌و سه‌ردانه‌یان به‌ چركاندنی‌ وێنه‌یه‌كی‌ ڕه‌نگین به‌ كۆتاهێنا .

میران محمد

سه‌رۆكی‌ شاره‌وانی‌ ڕاپه‌ڕین پیرۆزبایی‌ له‌ حاكم مه‌حمود ئه‌حمه‌د موڕاد ده‌كات

له‌ نێو باره‌گه‌ی‌ یانه‌ی‌ وه‌رزشی‌ پێشمه‌رگه‌ و ئێواره‌ی‌ ڕۆژی‌ چوار شه‌ممه‌ به‌رواری‌ 3 ی‌ حوزه‌یرانی‌ 2026 به‌ڕێز حاكم مه‌حمود ئه‌حمه‌د موڕاد جێگری‌ سه‌رۆكی‌ یانه‌ی‌ وه‌رزشی‌ پێشمه‌رگه‌ و ئه‌ندامی‌ فدراسیۆنی‌ تۆپی‌ پێی‌ عێراق پێشوازی‌ كرد له‌ به‌ڕێز شاسوار مه‌هدی‌ سه‌رۆكی‌ شاره‌وانی‌ ڕاپه‌ڕین و هه‌ڤاڵ ئه‌نوه‌ر لێپرسراوی‌ به‌شی‌ ئامێره‌كان ، له‌و سه‌ردانه‌یان سه‌رۆكی‌ شاره‌وانی‌ ڕاپه‌ڕین پیرۆزبایی‌ له‌ حاكم مه‌حمود كرد كه‌ توانی‌ له‌ هه‌ڵبژاردنه‌كانی‌ فدراسیۆنی‌ تۆپی‌ پێی‌ عێراق سه‌ركه‌وتن به‌ده‌ست بهێنێت و هیوایی‌ سه‌ركه‌وتنی‌ له‌م ئه‌ركه‌ نوێیه‌ی‌ بۆ خواست .

ووتیشی‌ دڵنیان هه‌ر ئه‌ركێك به‌ حاكم مه‌حمود ئه‌حمه‌د موڕاد پسپێردرێت به‌ دڵسۆزی‌ و ئه‌مانه‌ته‌وه‌ كاره‌كانی‌ جێبه‌جێ‌ ده‌كات ، له‌به‌رامبه‌ردا جێگری‌ سه‌رۆكی‌ یانه‌ی‌ وه‌رزشی‌ پێشمه‌رگه‌ و ئه‌ندامی‌ فدراسیۆنی‌ تۆپی‌ پێی‌ عێراق سوپاسی‌ سه‌رۆكی‌ شاره‌وانی‌ ڕاپه‌ڕین و هه‌ڤاڵ مه‌هدی‌ به‌رپرسی‌ به‌شی‌ ئامێره‌كانی‌ له‌و شاره‌وانیه‌ كرد و هیوایی‌ خواست بتوانێت له‌ پایته‌ختی‌ عێراقه‌وه‌ خزمه‌ت به‌ چینی‌ وه‌رزشكاران بكات .

له‌ كۆتایشدا شاسوار مه‌هدی‌ سه‌رۆكی‌ شاره‌وانی‌ ڕاپه‌ڕین چه‌پكه‌ گوڵی‌ پیرۆزبایی‌ پێشكه‌ش به‌ حاكم مه‌حمود ئه‌حمه‌د موڕاد كرد .

میران محمد

خه‌مخۆر و دڵسۆزێك به‌ وه‌رزشی‌ شاری‌ سلێمانی‌ قه‌ڵغانی‌ ڕێزلێنان پێشكه‌ش به‌ حاكم مه‌حمود ده‌كات

ئاكۆ تۆفیق ئه‌و وه‌رزشكاره‌ دێرین و دیاره‌ی‌ شاری‌ سلێمانی‌ كه‌ ته‌مه‌نی‌ بۆ خزمه‌ت به‌ وه‌رزشكاران ته‌رخان كردووه‌ و یه‌كێكه‌ له‌ كارگێره‌ سه‌ركه‌وتووه‌كانی‌ تیمی‌ تۆپی‌ پێی‌ خوار 21 سالاَنی‌ یانه‌ی‌ پێشمه‌رگه‌ به‌ بۆنه‌ی‌ سه‌ركه‌وتنی‌ حاكم مه‌حمود ئه‌حمه‌د موڕاد ی‌ جێگری‌ سه‌رۆكی‌ یانه‌ی‌ وه‌رزشی‌ پێشمه‌رگه‌ له‌ هه‌ڵبژارده‌كانی‌ فدراسیۆنی‌ تۆپی‌ پێی‌ عێراق قه‌ڵغانی‌ ڕێزلێنانی‌ پێشكه‌ش كردوو دڵخۆشی‌ خۆی‌ ده‌ربڕی‌ به‌ سه‌ركه‌وتنی‌ به‌ڕێزیان و ووتی‌ له‌ ئێستاوه‌ وه‌رزشی‌ شاری‌ سلێمانی‌ ده‌چێته‌ قۆناغی‌ نوێبونه‌وه‌ و هیوایی‌ سه‌ركه‌وتنی‌ بۆ خواست .

له‌به‌رامبه‌ردا حاكم مه‌حمود ئه‌حمه‌د موڕاد سوپاسی‌ ئاكۆ تۆفیقی‌ كردوو به‌ یه‌كێكه‌ له‌ كارگێڕه‌ سه‌ركه‌وتوو دڵسۆزوو خه‌مخۆره‌كانی‌ یانه‌كه‌یانی‌ له‌ قه‌ڵه‌مدا و ووتیشی‌ هه‌میشه‌ له‌گه‌ڵمان ده‌بێت و ماندووبونه‌كانت به‌رز ده‌نرخێنین .

ميران محمد

موایتایی‌ پێشمه‌رگه‌ چه‌پكه‌ گوڵی‌ پیرۆزبایی‌ پێشكه‌ش به‌ حاكم مه‌حمود ده‌كه‌ن

پیرۆزباییه‌كان به‌رده‌وامن و پاش نیوه‌ڕۆی‌ ڕۆژی‌ چوار شه‌ممه‌ 3 ی‌ حوزه‌یرانی‌ 2026 هه‌ریه‌ك له‌ به‌رهه‌م محه‌مه‌د و دانا صابر ، راهێنه‌رانی‌ تیمی‌ موایتایی‌ و ڕێبه‌ر شه‌فیق - ی‌ یاریزانی‌ تیمی‌ پێشكه‌وتوانی‌ یانه‌ی‌ پێشمه‌رگه‌ به‌مه‌به‌ستی‌ پیرۆزبایی‌ و پێشكه‌ش كردنی‌ چه‌پكه‌ گوڵ سه‌ردانی‌ حاكم مه‌حمود ئه‌حمه‌د موراد ئه‌ندامی‌ سه‌ركه‌وتووی‌ فدراسیۆنی‌ تۆپی‌ پێی‌ عێراق یان له‌ نێو باره‌گه‌ی‌ یانه‌ی‌ وه‌رزشی‌ پێشمه‌رگه‌ كردوو هه‌روه‌ك پیرۆزباییان ئاراسته‌ كرد دوای‌ ئه‌و سه‌ركه‌وتنه‌ گرنگه‌ و ئاماژه‌یان به‌وه‌دا كه‌ سه‌ركه‌وتنی‌ حاكم مه‌حمود سه‌ركه‌وتن و پێشكه‌وتنی‌ وه‌رزش ده‌بێت له‌ یارییه‌ جۆراو جۆره‌كان چونكه‌ به‌ڕێزیان هه‌میشه‌ و به‌رده‌وام خه‌مخۆری‌ به‌رده‌وامی‌ وه‌رزشكاران بووه‌ و له‌ ئێستاشدا دڵنیاین كه‌ كاری‌ گرنگتر و خزمه‌تی‌ زیاتر به‌ وه‌رزشكاران ده‌كات .

له‌به‌رامبه‌ردا حاكم مه‌حمود ئه‌حمه‌د موڕاد سوپاسی‌ كردن و هیوایی‌ خواست بتوانێت له‌ ماوه‌ی‌ چوار ساڵی‌ ئاینده‌دا كاری‌ زیاتر و خزمه‌ت به‌ وه‌رزشكاران له‌ سه‌رجه‌م یارییه‌ جۆراو جۆره‌كان بكات و ووتیشی‌ له‌ كاری‌ پێشینه‌ی‌ ئێمه‌ ده‌بێت بناغه‌ی‌ یارییه‌ جۆراو جۆره‌كان به‌هێزتر بكه‌ین .

ميران محمد

پێشمەرگەیەک مێژوویەکی زێڕین بۆ عێڕاق دەنەخشێنێت

نزار ئەکرەم ، سەرپەرشتیار و ڕاهێنەری تیمی گۆڕەبان و مەیدانی یانەی پێشمەرگە بووە یەکەم یاریزان کە بەشداری لە پاڵەوانێتی گۆڕەپان و مەیدانی جیهان بۆ تەمەنی سەروو ۳٥ ساڵ بکات و بە فەرمی لە پلاتفۆڕمی پاڵەوانێتییەکە ناوی تۆمار کرا .

لەو بارەیەوە نزار ئەکرەم ووتی ، لە مێژووی عێراق یەکەم جارە ناوی وڵات چووە پاڵەوانێتیەکەوە لە کاتێکدا لەساڵی ۱۹۷٥ەوە پاڵەوانێتی جیهان بۆ تەمەنی سەرو ۳٥ ساڵ بەڕێوە دەچێت و لەو ساڵەدا لە وڵاتی کەنەدا بووە ، ناوبراو ووتیشی ئەم پاڵەوانێتیە دوو ساڵ جارێک ئەنجام دەدرێت و لەلایەن ڕێکخراوی جیهانی ماستەری گۆڕەپان و مەیدان (WMA) بە هەماهەنگی لەگەڵ فیدراسیۆنی جیهانی گۆڕەپان و مەیدان (World Athletics) سەرپەرشتی دەکرێت خۆشبەختانە بۆ ئەمساڵ لە بەرواری ۲۲/ ٨ / ٢٠٢٦ کە لە کۆریای باشوور لە شاری دیاگۆ بەڕێوە دەچێت و ۱۳ ڕۆژ ئەخایەنێت ، بەندە بەشداری دەکات بە پشتیوانی خوای گەورە ، لە کۆتایدا نزار ووتی سوپاسێکی تایبەتی یەکێتی گۆڕەپان و مەیدانی عێراق دەکەم لە سەرۆک و ئەندامانی کە هاوکارو پاڵپشت بوو بۆ ناو تۆمارکردنم و هیواخوازم بتوانم ئەنجام بەدەست بهێنم .

پێشوازی لە میدیاکار ، سوار ذهب علی کرا

لە ئۆفیسی بۆردی وەرزشی (ی.ن.ک) دکتۆر عەلی تەها لێپرسراوی بۆردی وەرزشی، بەئامادەبوونی حاکم محمود ئەحمەد موراد ئەندامی فدراسیۆنی تۆپی پێی عێراق و جێگری سەرۆکی یانەی وەرزشی پێشمەرگە و بێستوون قادر سەرۆکی فەخری یانەی وەرزشی بابان و عەلی ڕەشید سەرۆکی پێشووی یانەی سەرچنارو دکتۆر دیار فەخرەدین مامۆستای کۆلێژی وەرزشی زانکۆی کەرکوک پێشوازی کرا لە میدیاکارو شیکەرەوەی وەرزشی دیاری کەناڵی بین سپۆرت ( سوار ذهب علی) کە بە سەردانێکی فەرمی لە کوردستانە…
لە کۆبوونەوەکەدا (سوار ذهب ) سەرسامی خۆی دەربڕی بە جوانی شاری سلێمانی و بەرزی گیانی وەرزشی لەشارەکەداو ئاماژەی بەوەکرد ، ڕاگەیاندنی عەرەبی نەیتوانیوە ڕووەجوانەکانی کوردستان و سلێمانی بەدوونیای عەرەبی بگەیەنێت و گرنگە کار لەسەر ئەو تەوەرە بکەین و ئامادەیی خۆی دەربڕی بەگرنگیەوە بەرنامەی میدیای جیاواز لەو بارەیەوە بکات…
لای خۆیەوە دکتۆر عەلی تەها ئامادەیی پشتیوانی تەواوی بۆ دەربڕی و ئاماژەی بە گرنگی پەیوەندی بەردەوام لەگەڵ دونیای عەرەبی و ڕاگەیاندنەکانی وەرزشی کرد…

پێشمەرگە لەسەگرمەی بردەوە

لە درێژەی یارییەکانی خولی فێرگەکانی سنووری پارێزگای سلێمانی کەبە سەرپەرشتی یەکێتی تۆپی پێی عێراق لقی سلێمانی بۆ ئاستی تەمەن ٢٠١٤ - ٢٠١٥ بەڕێوە دەچێت ، سەر لە ئێوارەی ڕۆژی سێ شەممە ۲ ی حوزەیرانی ۲۰۲٦ تێمی توپی پێی یانەی پێشمەرگە و سەگرمە بەیەک گەیشتن ، دوایی یارییەکی بەهێز سەرئەنجام پێشمەرگەکان توانیان بە ئەنجامی گۆڵێکی بێ وەڵام سەرکەوتن بەدەست بهێنن بردنەوەیەکی دیکەشیان خستە سەر ئەنجامەکانی دیکەیان

پێشمەرگە ۱ × سەگرمە ٠
سراج ڕێباز ⚽