Hama Moser

لە تەمەنی ١٠ ساڵیدا بووم کە باوکم لە ڕۆژی جەژنی کریسمس دەرکرا !

ئەو ڕاهێنەری تۆپی پێ بوو، بەڵام ئەنجامەکانی تیمەکەی باش نەبوون. یارییەکیان دۆڕاندبوو کەمێک پێش ڕۆژی کریسمس
لە ڕۆژی کریسمس، کاتێک لەسەر مێز دانیشتبووین بۆ نانی نیوەڕۆ، تەلەفۆنەکە زەنگی دا
پەیوەندییەکی کورتی بەرپرسێکی یانەکە بوو بە کورتی بە باوکمی وت : تۆ دەرکراویت

ئەو هەواڵە هەموو خێزانەکەی تاساند . هیچ کەس نانی تەواو نەکرد، مێزەکەمان بەجێهێشت و خەمی گەورە ماڵەکەی پڕکرد.
هەتا دیاریەکانی کریسمسەکەش لەو ڕۆژەدا نەکرانەوە.
لەو کاتەوە، بڕیارم دا دەبمە ڕاهێنەر

دەجەنگم هەتا ئەو ڕۆژەی ناوی باوکم لە سەرانسەری جیهان ناسراو بێت
هەتا ئێستا، جلێکی وەک ئەوی لەبەر دەکەم، و بە تایبەتی دیزاینی دەکەم بۆ ئەوەی شێوەی وەک ئەو بێت
باوکم تەنها ئەو کەسەیە کە لەم جیهانەدا وەک نموونەی خۆم دەبینم.

بە فەرمی شەفێڵد وێنزدی بۆ پلەی سێیەم (League One) دابەزی پێش (13) یاری لە کۆتایهاتنی یاریەکانی چامپیۆنشێپ!

ئەم دابەزینە بە خێراترین دابەزینی مێژووی تۆپی پێی پیشەیی دادەنرێت لە ئینگڵتەرا

چونکە یانەکە بوو بە یەکەم تیم لە مێژووی تۆپی پێی ئینگلیزی کە لە مانگی شوباتدا (February) دابەزێندرابێت!

یانەکە ئێستا تەنها (-7) خاڵی هەیە، دوای ئەوەی ئەمڕۆ 2-1 دۆڕا بەرامبەر شەفێڵد یونایتدی ڕکابەری مێژووی

لە سەرەتای وەرزەکە (18) خاڵیان لێ بڕا بەهۆی کێشەی دارایی و دۆخی پارەدان

چۆن یەک سات دەتوانێت هەموو خەونەکان بگۆڕێت

لە ساڵی ٢٠٠٩دا کالم داڤێنپۆرت بەرگریکاری یانەی وێستهام بوو لە پریمەرلیگ یاری دەکرد ، پێشبینی ئایندەیەکی گەشتی بۆ دەکرا دەکرا بەهۆی ئاستە بەرزەکەی ، بانگهێشتی هەڵبژاردەی ئینگلتەرا کرابوو وە بە شێوەیەکی بەرفراوان وەک میراتێک بۆ داهاتووی هەڵبژاردەکە تەماشا دەکرا

​بەڵام لە تەنها شەوێکدا هەموو شتێک گۆڕا
​لە ئەنجامی کێشەیەکی خێزانی داڤێنپۆرت لە ماڵی دایکی لەلایەن خۆشەویستی خوشکەکەیەوە هێرشی کرایە سەر ! لە هەردوو قاچیدا چەقۆی لێدرابوو ، برینەکە ئەوەندە سەخت بوو کە شا دەماری قاچی بچڕابوو ! ئەمەش بووە هۆی ئەوەی نیوەی خوێنی جەستەی لەدەست بدات پزیشکەکان ترسی ئەوەیان هەبوو ناچاربن قاچێکی ببڕنەوە ! بەڵام پاش نەشتەرگەریەکی درێژخایەن توانیان قاچی ڕزگار بکەن

​داڤێنپۆرت ڕزگاری بوو، بەڵام ژیانی وەرزشیی نا ، ئەو هەوڵیدا بگەڕێتەوە بۆ یاریکردن، بەڵام جەستەی وەک پێشتر نەمابوو ، هەرگیز نەیتوانی هەمان ئاستی پێش هێرشەکەی هەبێت
​ئەوەی وەک ئایندەی بەرگریکارێکی هەڵبژاردەی ئینگلتەرا دەبینرا کۆتایی پێهات ، نەک تەنیا بەهۆی دابەزینی ئاست یان پێکان لەناو یاریگادا، بەڵکو بەهۆی شەوی هێرشەکەوە کە کاریگەری دەروونی لەسەر دانابوو

یەک ساڵ دوای ڕووداوەکە یانەی وێستهام گرێبەستەکەی داڤێنپۆرتی هەڵوەشاندەوە ، دواتر تاقیکردنەوەی لەگەڵ چەندین یانەی وەک "نۆتینگھام فۆرێست" ئەنجامدا، بەڵام جەستەی نەیتوانی بەرگەی ڕیتمی خێرای یارییەکان بگرێت دواجار لە ساڵانی دواتردا تەنها لە ئاستی یانە میللییەکان و پلە نزمەکان (وەک وۆتۆن بلۆو و ئێلسۆت) یاری کرد

کالم داڤێنپۆرت دوای وازهێنانی یەکجاری لە بواری مەشق و ڕاهێنان لە ئاستی لاواندا دەستی بە کارکردن کرد ، ئێستا وەک ڕاهێنەرێک لە ئەکادیمیایەکی تۆپی پێ کار دەکات و ئەزموونی خۆی بۆ نەوەی نوێ دەگوازێتەوە هەمیشە وەک نموونەیەکیش دەهێنرێتەوە بۆ ئەوەی
" چۆن یەک سات دەتوانێت هەموو خەونەکان بگۆڕێت"

تۆ بەچیدا تێپەڕبوویت بۆ ئەوەی ئەوە بەدەست بێنیت کە دەتەوێ ؟

لە ساڵی ٢٠٠٠ کاتێک نادیە نەدیم هێشتا منداڵ بوو باوکی لەلایەن تاڵ*یبانەوە کوژ*را ، بەهۆی ئەو بارودۆخە سەختە و دوای ئەو زەبرە دەروونییەی بەری کەوت لە تەمەنی ١١ ساڵیدا بە بارهەڵگرێک لە ئەفغانستان هەڵهات و بەرەو دانیمارک کۆچی کرد بۆ ئەوەی ببێتە پەنابەر

لەوێ بەهۆی زۆر سەیرکردنی یاری تۆپی پێی ناسی و ئاشقی ئەو وەرزشە بوو

بەهۆی بەھرە و تواناکانییەوە سەرنجی یانەکانی ڕاکێشا و بە خێرایی پەیوەندی بە یانەیەکی ناوخۆییەوە کرد

لە ساڵی ٢٠٠٨دا ڕەگەزنامەی دانیمارکی وەرگرت و بوو بە یەکەم یاریزانی بیانی (کە ڕەگەزنامەی وەرگرتبێت) و یاری بۆ هەڵبژاردەی نیشتمانی دانیمارک بکات !!

ئەمڕۆ نادیە ١٠٥ یاری نێودەوڵەتی لەگەڵ دانیمارک ئەنجامداوە، یاری بۆ یانەکانی مانچستەر سیتی و پاریس سان جێرمان کردووە، و لە کاروانی وەرزشیدا ٢٠٠ گۆڵی تۆمارکردووە

هاوکات لەگەڵ وەرزشەکەیدا پزیشکی خوێند و لە ساڵی ٢٠٢٢دا بڕوانامەی دکتۆرای لە نەشتەرگەریدا بەدەستهێنا

نادیە تەنها وەک ئارەزوو پزیشکی نەخوێندووە
لە زانکۆی ئارۆس (Aarhus University) لە دانیمارک بڕوانامەی پزیشکی بەدەستهێنا. ئێستا خەریکی پسپۆڕی وەرگرتنە لە نەشتەرگەری جوانکاری
نادیە دەڵێت هۆکاری هەڵبژاردنی ئەم بەشە بۆ ئەوە دەگەڕێتەوە دەیەوێت یارمەتی ئەو کەسانە بدات کە بەهۆی شەڕ یان ڕووداوەوە جەستەیان شێواوە، بۆ ئەوەی دووبارە متمانە بەخۆبوونیان بۆ بگەڕێتەوە.

ئێستا یاری بۆ یانەی HB køge دەکات لە خوولی دانیمارکی پاش ئەوەی لە ماوەی ڕابردوو یاری بۆ یانەکانی مانچێستەر سیتی و پاریس سان جێرمان و میلان کردووە

نادیە دەتوانێت بە ١١ زمان قسە بکات ! هەروەها ناوی لە لیستی گۆڤاری فۆربسدایە وەک یەکێک لە بەهێزترین ژنانی جیهان لە بواری وەرزشدا