Stuðningsmannasíða MK Dons á Íslandi

Það eru einnig nokkrir frábærir leikmenn að yfirgefa klúbbinn

Joe Tomlinson
Jonathan Leko
Luke Offord
Aaron Nemane
Connor Evans
Scott Hogan
Lawrence Maquire
Sam Sherring

og erfitt að neita því að það sé súrt að sjá á eftir nokkrum þeirra…..

Frábærar fréttir úr okkar herbúðum!!!!
Þrír algerir lykilleikmenn búnir að framlengja samninga sína!!!
- Captain fantastic Alex Gilbey
- Liam ,,party” Kelly
- Craig MacGillivray aka Macca

Já erfitt að toppa þessi tíðindi!!!
Come on you Dons!!!

🔒 Alex Gilbey, Craig MacGillivray and Liam Kelly secured for 26/27 💪

are pleased to share that skipper Alex Gilbey, goalkeeper Craig MacGillivray, and Player of the Year Liam Kelly have all committed to the club ahead of next season 📝

All the info 👉 https://zurl.co/3THic

Upp um deild og stig í lokaumferðinni…….
Þá var komið að loka leik tímabilsins og þar heimsóttum við Fleetwood Town, á þeirra heimavöll sem ber hið skemmtilega nafn Highbury Stadium. Leikurinn endaði 1-1, stigi í hús, þar sem silfurrefurinn Callum Paterson skoraði mark okkar manna.

Tímabilið okkar er búið að vera skemmtun frá a til ö, þar sem hver leikmaðurinn á fætur öðrum hefur látið ljós sitt skína. Við getum svo sannarlega verið stolt af því að styðja okkar menn í MK Dons. Get rétt ímyndað mér að það hefur verið rúmlegur hausverkur fyrir stjórnendur deildarinnar að velja einungis þrjá leikmenn frá okkur í liði ársins, hefðu flestir geta verið þar.

Við sáum það snemma tímabils, hvaða möguleika liðið ætti og það má með sanni segja að þeir hafi ekki ollið neinum vonbrigðum. Nýju mennirnir hresstu heldur betur upp á liðið og stjórinn Paul Warne algjörlega úr efstu hillu. Í klúbbinn komu menn eins og Callum Paterson, Mendez-Laing, Ben Wiles, Curtis Nelson, Will Collar, Jay Matete, Aaron Collins og svo mætti lengi telja, þá verður spennandi að sjá hvað mun bætast við fyrir næsta tímabil.

Við erum samt með nokkra leikmenn sem eru að verða samningslausir, en þar má nefna captain fantasitc Alex Gilbey, Joe Tomlinson, Gethin Jones, Macca markmaður, Jon Mellish, Scott Hogan, Laurence Maguire, Connor Evans enn vonandi náum við að semja við þá leikmenn sem stjórinn hefur áhuga á að halda.

Annars er búið að vera dásamlegt að skrifa um snillingana okkar frá Milton Keynes og spurning í hvað tíminn verður notaður sem fór í heildarvinnu í tengslum við liðið. Eitt er að minnsta kosti ljóst að við förum brosandi út í sumarfríið með farmiðan í League One, þar sem bíður okkar nýtt og krefjandi verkefni.

Með þökkum til allra þeirra sem hafa nennt að lesa þessi skrif frá dyggum stuðningsmanni MK Dons, þar sem eina sem vantar er, er sjálft húðflúrið.

Við erum alltaf flottust, verðum það alltaf og komum alltaf til með að vera það.

Paul Warne er okkar maður!!!

MK all day!!!

Eins og ávallt, come on you Dons!!!!
Milton Keynes Dons Supporters Association - MKDSA
Milton Keynes Dons
Bjarki Már Árnason

Æðislegur sigur, toppsætið og við erum komnir upp um deild!!!!
Með sigri í dag þá var vitað mál að við færum á toppsætið og myndum um leið tryggja okkur sæti í league one.

Það verður að segjast að fyrstu 10-15 mínútur leiksins einkenndust af því spennustig leikmanna var mjög hátt, þar sem leikmenn voru örlítið ólíkir sjálfum sér. En um leið og Mendez-Laing braut ísinn með mjög flottu marki á 18.mínútu þá var aldrei nein spurning hvernig þessi leikur færi.

Það sem eftir lifði leiks var eitt lið á vellinum og nokkuð ljóst að við væru að fara að krækja í stigin þrjú. Eina spurningin var hve stór sigurinn yrði, við létum okkur duga þrjú núll sigur, þar sem captain fantastic Alex Gilbey skoraði og svo var ekki annað hægt en að leyfa skoska silfurrefinum Callum Paterson að með í fjörinu. MK Dons komnir upp um deild!

Okkar menn í MK Dons voru vel studdir áfram af rúmleg þrettán þúsund manns og þar af heyrðist vel í s*x Íslendingum sem sungu og góluðu frá upphafsflautinu allt þar til yfir lauk. Upplifun dagsins var meira segja þannig hjá sumum að þeir stefna á húðflúr með félagsmerkinu fagra.

Þvílíkt ævintýri sem þetta tímabil er búið að vera og svo er það svo sætt þegar að markmið nást. Við erum búnir að vera að stefna að þessu allt tímabilið og núna erum við komnir yfir línuna góðu. Á næsta tímabili verðum við í league one en við eigum eitt markmið eftir, það að verða meistarar. Það kom fram á lokahófið liðsins í gær að enginn í hópnum hefur unnið deild, einhverjir höfðu komist upp um deild en ekki orðið meistarar. Er það því í okkar höndum um næstu helgi, sigur og þá er bikarinn okkar!

Um kvöldið var svo haldið lokahóf, þar sem veittar voru viðurkenningar fyrir tímabilið.

Joe Tomlinson fékk verðlaun fyrir að vera sá leikmaður sem gaf mest af sér til samfélagsins.

Skoski silfurrefurinn Callum Paterson fékk tvenn verðlaun, annars vegar fyrir besti nýliðinn í liðinu og svo hins vegar fyrir að vera markahæsti leikmaður liðsins. Hann var reyndar spurður að því hvort hann þyrfti að skila markatitilinum, því það væri einn leikur eftir og Alex Gilbey væri þremur mörkum á eftir honum, svar hans var einfalt: ,,It's in the bag”

Svo var það stuðpinninn sjálfur Liam ,,party” Kelly, sem hefur verið eins og flugumferðarstjóri á miðjunni hjá okkur MK Dons mönnum, sem var valin bestur bæði hjá leikmönnum og stuðningsmönnum. Það er heldur betur óhætt að segja að hann sé vel að þessu komin, en gaman er að geta þess að hann var einnig í liði ársins eins og áður hefur komið fram.

Næst er svo framundan leikur næstkomandi laugardag gegn Fleetwood á útivelli, þar sem við stefnum á ekkert annað en að ná í bikarinn og setja punktinn yfir i-ið. Við í MK Dons erum alltaf og verðum alltaf flottasti klúbburinn!!

Paul Warne er okkar maður!!!

MK all day!!!
Eins og ávallt, come on you Dons!!!
WE ARE GOING UP!!!!
Milton Keynes Dons Supporters Association - MKDSA
Milton Keynes Dons
Bjarki Már Árnason

Sannfærandi sigur og markmiðið innan seilingar……
Það er farið að styttast hressilega í annan endan þetta tímabil og að þessu sinni heimsóttum við Crewe Alexandra. Var undirritaður að vonast eftir endurkomu frá fyrrverandi Crewe og Liverpool manninum Danny Murphy en kannski næst.

Það er óhætt að segja að þessu sinni að við höfum pakkað saman andstæðingnum og nokkuð ljóst að við settu slaufu að auki, svona rétt til að fullkomna verkið.

Leikurinn endaði með 1-3 sigri okkar geggjuðu MK Dons manna, þar sem Liam ,,party” Kelly, landsliðsmaðurinn Mendez-Laing og Big Marve skoruðu mörkin. Við hleyptum inn einu svona rétt í restina og hef ég staðfestar heimildir fyrir því að það væri svo stuðningsmenn okkar gætu sungið eitt af okkar uppáhaldslögum:
Þrjú eitt þið getið ekki neitt
Þrjú eitt þið getið ekki neitt
Þrjú eitt þið getið ekki neitt…..

Staðan er orðin þannig að við erum með pálmana í höndunum með að komast upp um deild. Það eru tveir leikir eftir og dugar sigur í öðrum leiknum. Því er ekkert annað í boði en að vinna næst leik sem er gegn Tranmere á heimavelli, þeir eru reyndar í harðri fallbaráttu og því sýnd veiði en ekki gefin.

Að öðrum fréttum þá er gaman að segja frá því að þrír okkar leikmanna voru valdir í lið ársins í league tvö.

Fyrstan nefnum við skoska silfurrefinn Callum Paterson sem er búinn að vera gjörsamlega stórkostlegur á þessu tímabili, að auki var hann tilnefndur sem besti leikmaður deildarinnar.

Næstur í röðinni var stuðpinninn sjálfur, Liam ,,party” Kelly, sem er búinn að stýra umferðinni á miðjunni af stakri snilld.

Síðastur en ekki síst þá er það einn af turnunum okkar í vörninni, hann Jack Sanders sem er búinn að vinna þau nokkur návígin þetta árið.

En svo haldið þið að upptalningin sé búin, síður en svo. The man, the myth, the legend Dean Lewington fékk svo ein stærstu verðlaun sem er hægt að hljóta í þessum bransa. ,,Sir Tom Finney” verðlaunin eru veitt leikmanni sem er ný hættur og hefur átt framúrskarandi feril, erfitt að toppa okkar GOÐSÖGN, L3WIE!!!!!

Síðasti heimaleikurinn er svo núna á laugardaginn og verða þar í stúkunni amk þrír úr stjórn stuðningsmannaklúbbs MK Dons á Íslandi. Er því óhætt að segja að framundan séu bjartir tímar og tilhlökkunin mikil.

Paul Warne er okkar maður!!!!

MK all day!!!!

Eins og ávallt, kannski örlítið meira í þetta skiptið, come on you Dons!!!!
Milton Keynes Dons Supporters Association - MKDSA
Milton Keynes Dons
Bjarki Már Árnason

Geggjaður sigur gegn toppliðinu…….
Verkefni þessarar helgar var topplið deildarinnar á Stadium MK, en til okkar voru mættir Bromley menn. Var því óhætt að segja að verkefnið hafi verið stórt og krefjandi, enda voru mættir tæplega tíu þúsund áhorfendur sem verður að teljast gott.

Við verðum bara að vera heiðarlegir með það, að okkar lið er stútfullt af hæfileikaríkum leikmönnum sem gætu auðveldlega verið að spila í hærri deildum. Var það einmitt einn þeirra sem opnaði leikinn með frábæru marki á fyrstu mínútu leiksins.

Landsliðsmaður okkar frá Guatemala, hann Nathaniel Mendez-Laing var að byrja sem sinn fyrsta leik í rúma þrjá mánuði. Mendez-Laing slapp inn fyrir vörn gestanna og ekki að spyrja af því, að sjálfsögðu kláraði hann færið lista vel og við MK Dons menn með fljúgandi start á þessum mikilvæga leik.

Korteri seinna kom annað frábært mark frá okkar mönnum. Skoski silfurrefurinn okkar Callum Paterson átti frábæra sendingu á Ben Wiles. Wiles tók einfaldan þríhyrning við Gethin Jones, með þeim afleiðingum að hann var aleinn og yfirgefinn fyrir framan mitt markið og Wiles g*t ekki annað en skorað. Varnarmenn Bromley vissu ekki hvort þeir voru að koma eða fara.

Fyrri hálfleikur var alger einstefna af hálfu MK Dons og óhætt að segja að okkar menn hafi ætlað sér að sýna hvers megnugir við erum, enda leiddum við 2-0.

Í seinni hálfleik þá fær Jon Mellish tvö gul spjöld með stuttu millibili. Í seinna spjaldinu þá breytist hann í örskotstund í UFC-bardaga mann en því verr og miður má það ekki í fótbolta. Var því erfitt fyrir okkar menn að mótmæla rauða spjaldinu.

Eðlilega voru því síðustu tuttugu og fimm mínútur leiksins erfiðar, þar sem virkilega reyndi á varnarvinnu okkar manna.

Bromley náði að minnka muninn með marki eftir hornspyrnu og blessunarlega séð þá urðu það svo lokatölur leiksins, 2-1 og þrjú góð stig í hús.

Í okkar liði eru klárlega stórir og miklir karakterar, sem eru algerir sigurvegarar. Þessi sigur var svo lífsnauðsynlegur til að ná að halda í okkar markmið að komast upp um deild. Núna eru þrír leikir eftir og við erum svo sannarlega í góðri stöðu í öðru sætinu. Í næstu umferð mætast svo Bromley og Cambridge sem eru í fyrsta og þriðja sætinu. Enn mikilvægast af öllu er að einbeita sér að því sem við höfum stjórn á, okkar eigin frammistöðu og að klára okkar leiki.

Við sýndum svo sannarlega í dag að við erum lang flottasta lið deildarinnar og við ætlum að ná okkar markmiðum. Við erum með stórkostlega áhorfendur, á flottasta velli deildarinnar og stefnum ekkert annað en upp, en eitt skref í einu.

Paul Warne er okkar maður!!!!

MK all day!!!

Eins og ávallt, come on you Dons!!!!!
Milton Keynes Dons Supporters Association - MKDSA
Milton Keynes Dons
Bjarki Már Árnason

Vonandi var þetta dýrmætt stig…….
Næsti leikur okkar var gegn fyrrum stórveldinu Oldham á þeirra ágæta heimavelli, Boundary Park. Það er gaman að segja frá því að Þorvaldur Örlygsson formaður KSÍ, lék með Oldham liðinu í ein fjögur tímabil. Þar sem hann spilaði 76 leiki og skoraði eitt mark, sem var víst utanfótar snudda í vinkilinn fjær.

Það verður bara að segjast að leikjaplan okkar MK Dons manna virtist vera að ganga fullkomlega upp lengst af í leiknum. Það er gefa fá færi á sér og beitta banvænum skyndisóknum.

Við skorum svo virkilega gott mark eftir þrjátíu mínútna leik. Þar sem varnar mennirnir okkar voru í aðalhlutverki. Við áttu aukaspyrnu við miðjuna, þar sem boltinn berst á Nelson í vítateig andstæðinganna, hann kemur boltanum yfir á fjærstöng, beint á aðal töffarinn okkar Big Marve sem skallaði boltan yfir línuna af miklu öryggi.

Var lítið að frétta lengst af í leiknum eftir þetta en undir lok leiksins, þá fóru heimamenn að taka meiri áhættu og kasta fleiri mönnum fram á við. Í rauninni var það þannig á síðasta korterinu að við hefðum alveg geta skorað tvö, þrjú mörk en síðasta sendingin klikkaði eða skotin okkar voru ónákvæm.

Það er svo áhættusamt að ætla að hanga á eitt núll forystu því að andstæðingurinn þar ekki að eiga nema eina vel heppnaða sókn og því verr og miður varð það raunin. Oldham menn náðu að jafna leikinn er það voru um tíu mínútur til leiksloka. Eftir það verður að segjast að við vorum heppnir að ná að hanga á stiginu, sem hafðist sem betur fer. Lokatölur leiksins voru því 1-1.

Það er óhætt að segja að almættið sé að gefa okkur alla þá sénsa sem hann getur og með ólíkindum að við séum enn að ná að hanga á sæti sem tryggir okkur upp um deild.

Nú er komið að þeirri stundu að við sýnum hvort við séum menn eða mýs. Næst koma til okkar á Stadium MK, Bromley menn sem eru í toppsæti deildarinnar. Ef sá leikur vinnst ekki þá er nokkuð ljóst að við munum falla niður um sæti. En þar sem við höfum enn óbilandi trú á okkar mönnum, þá kemur gjörsamlega EKKERT annað til greina en sigur!!! Við munum sækja þennan sigur og sýna að við eigum fullt erindi í að fara upp um deild.

Við ætlum okkur upp, við munum gera það! Okkar markið hafa ekki haggast nokkurn skapaðan hlut, nú þurfum við öll að vera samstíga í því að senda okkar mönnum hlýja strauma og vera með þeim í anda, næstkomandi laugardag.

Paul Warne er okkar maður!!!

MK all day!!!!

Eins og ávallt, come on you Dons!!!!
Milton Keynes Dons Supporters Association - MKDSA
Milton Keynes Dons
Bjarki Már Árnason

Með hreinum ólíkindum að hafa ekki unnið þennan leik…….
Þá var komið að enn einum leiknum hjá okkar geggjaða liði í MK Dons. Nú áttum við heimaleik við Barrow menn á Stadium MK en leikið var á föstudeginum langa.

Fyrir þennan leik þá vorum við búnir að tapa tveimur leikjum í röð, en blessunarlega séð þá hafa andstæðingar okkar líka verið að misstíga sig. Var það því mikilvægast af öllu að stöðva blæðinguna og fara að safna stigi eða stigum á ný.

Það verður nú bara að segjast eins og er, að það er með hreinum ólíkindum að við höfum ekki unnið þennan leik. Við vorum svo sannarlega með öll völd á vellinum en þetta sport er mjög einfalt, það þarf að skora mark til að sækja sigur. Að þessu sinni virtumst við á engan hátt hafa heppnina með okkur í einu eða neinu, þegar kom að því að klára færin.

Niðurstaða leiksins var því einfaldlega núll, núll jafntefli, steindautt? Alls ekki og vonandi þurfum við ekki að naga okkur í handabakið fyrir að hafa ekki sigrað þennan leik þegar tímabilið klárast. Því toppbaráttan er orðin rosaleg en fleiri og fleiri lið bætast við þau sem eiga möguleika á að fara beint upp.

Jákvæða í stöðunni er að við erum enn í öðru sæti, ríg höldum í það sæti, en getum misst Cambrigde upp fyrir okkur en þrátt fyrir að það myndi gerast, þá erum samt ennþá í sæti sem tryggir okkur upp um deild.

Það eru einungis fimm leikir eftir af tímabilinu og ef við ætlum að ná okkar markmiðum þá er staðan einfaldlega þannig við megum ekki misstíga okkur meir. Þar sem ég veit að MK Dons leikmennirnir lesa þessar greinar, þá munu þeir taka þetta til sín og fara að sækja sigra á ný.

Við getum þetta ennþá og við ætlum okkur upp um deild, kemur ekki til greina að tala um neitt annað! Því við erum ennþá ótrúlega flott og besti klúbburinn í þessari deild og þó víðar sé leitað.

Það er gaman að segja frá því að leikmaðurinn okkar, hann captain fantastic Alex Gilbey var að spila sinn fimmhundraðasta leik sem atvinnumaður. Að sjálfsögðu óskum við honum innilega til hamingju með það, geggjaður ferill hjá stórkostlegum leikmanni.

Paul Warne er okkar maður!!!

MK all day!!!

Eins og ávallt, come on you Dons!!!
Milton Keynes Dons Supporters Association - MKDSA
Milton Keynes Dons
Bjarki Már Árnason

Komum tómhentir heim frá Manchester…….
Verkefni dagsins var mjög krefjandi en andstæðingurinn var Salford City sem er í harðri baráttu um umspilssæti í league two. Ferðalag dagsins var léttur sunnudags rúntur sem nam rúmlega tvö hundruð og s*xtíu kílómetrum að The Peninsula Stadium, heimavelli Salford.

Bæði lið höfðu að miklu að keppa og það var mjög augljóst því þetta var klassískur leikur þar sem í rauninni bæði lið hefðu geta farið með sigur, algjörlega stál í stál.

Öll tölfræði leiksins er nánast jöfn og það var ekki mikið um dauða færi í leiknum. Var því ljóst að eitt mark gæti dugað til að sækja stigin þrjú til Manchester. Því verr og miður þá var það ekki okkar MK Dons manna að ná að læða inn markinu, heldur náðu heimamenn að skora eina mark leiksins og taka því stigin þrjú.

Það sem verra var að varnarjaxlinn okkar hann Luke Offord fékk rautt spjald undir lok leiksins, þar sem kom fram hið svokallaða pirrings brot. Offord er búinn að vera algjörlega frábær á tímabilinu og sá varnarmaður sem byrjar alla leiki, vonum við því að bannið sé einungis einn leikur.

Við erum búnir að tapa núna tveimur leikjum í röð en við erum enn með þetta í okkar höndum. Mörg úrslit hafa fallið með okkur, eina er að við gætum misst Cambridge upp fyrir okkur í annað sætið en þá erum við samt í sæti sem tryggir okkur beint upp um deild.

Það er virkilega jákvætt að við erum að endurheimta lykilleikmenn úr meiðslum, til dæmis spilaði Mendez-Laing síðustu mínútur leiksins og gæti hann reynst okkur drjúgur á lokametrunum. Einnig er skoski silfurrefurinn Callum Paterson farinn að æfa á nýjan leik.

Næsti leikur okkar MK Dons manna er á föstudaginn langa en þá koma til okkar á Stadium MK, Barrow menn. Þá er ekkert annað í boði en að sækja stigin þrjú og halda þessu frábæra tímabili áfram.

Við erum ennþá yfirburða flottasta lið landsins, með fallegasta fólkið á bakvið það og að auki er alltaf sól í Milton Keynes!

Paul Warne er okkar maður!!!!

MK all day!!!

Eins og ávallt, come on you Dons!!!!
Milton Keynes Dons Supporters Association - MKDSA
Milton Keynes Dons
Bjarki Már Árnason