29/08/2026
#رساله مؤثره من لاعب مصري
"سامحوني أنا هربت.. عشان مش عارف أوفر لأهلي ولا حتى لنفسي حياة كريمة.. بحسبة بسيطة كده، أنا لو قعدت ١٥ سنة كمان في نفس المكان، مش هلاقي حتى أشتري شقة أتجوز فيها!" 💔🏠
رسالة تكسر القلب وتوجع النفس بجد... 💔😞
دي مش مجرد كلمات وخلاص.. دي أول كلمات كتبها البطل والمصارع المصري محمد الشامي، بعد ما اضطر يهرب من بعثة المنتخب في روما ويختفي تماماً عشان يفتش عن لقمة عيشه وحقه في الحياة! 💔
محمد اتكلم بمرارة ووجع وقال:
"من وأنا عندي ٧ سنين بحلم أرفع علم مصر في كل البطولات العالمية.. والحمد لله قدرت أعمل ده في بطولات أفريقية ودولية كتير، وكان حلم عمري الأكبر أحقق ميدالية أولمبية وأوصل لأعلى مكان في الرياضة اللي أفنيت عمري فيها.. 🤼♂️🥇
بس في لحظة حاسمة.. لقيت أبويا كبر وتعب، والحياة بقت قاسية عليه أوي.. وأنا الابن الأكبر، فكان لازم حد يضحي ويشيل الحمل.. بعتذر لأبويا ولأسرتي، وبعتذر لكل حد وقف جنبي وساندني، وعمري ما هنسى جميل أي حد أبداً.. 😔🙏🏻
بس غصب عني والله.. كبرت ومبقاش ينفع أطلب من أبويا مصاريف، والدعم اللي بيجيلي ميكفيش أعيش بيه حياة كريمة ولا يؤمن مستقبلي.. ولو كان حصلي إصابة قدر الله أو اعتزلت، مكنتش هلاقي أي دعم بعد كل الإنجازات دي كلها! 😞💸
يمكن الطريق اتغير دلوقتي.. والحلم اتأجل شوية، بس الحلم لسه جوايا وماماتش.. وإن شاء الله هرجع أكمل واكتبي اسم مصر بحروف من نور وأرفع علم بلدي من جديد.. ✨
سامحوني.. وادعولي ربنا يكتبلي الخير." 💔🤲🏻
قصة وجع بطل حقيقي دهب في بلد مش قادر يوفرله أبسط حقوقه.. ادعوله ربنا يفك كربه ويكتبله الخير وينصر قلبه الطيب ده! 😢💔
#منقول
