The Green Castle القلعة الخضراء

🔰💚 رسالة من القلب إلى جماهير الوحدات 💚🔰

الوحدات مش مجرد نادي… الوحدات كيان، وتاريخ، والجمهور هو سر قوته الحقيقي. 🟢

لكن مؤسف نشوف بالفترة الأخيرة هجوم شخصي وممنهج على لاعبنا فراس شلباية، هجوم بعيد كل البعد عن النقد الفني البنّاء. 👎 الفريق كله بيمر بمرحلة تراجع، ومع هيك في أصوات مركزة كل سهامها على لاعب بعينه… وهذا ظلم، وضرره على الفريق أكبر من أي خطأ داخل الملعب.

⚠️ تذكروا يا جماهيرنا الغالية:
الانتقاد البنّاء بيرفع… لكن الانتقاد اللي بكسر بيهدم. لما نهاجم لاعبنا بشكل شخصي، بنكون بنضعف وحدتنا الداخلية وبنفتح الباب لخصومنا.

✊ وحداتنا بحاجتنا كلنا. بحاجتنا نكون صف واحد، إيد وحدة، نوقف مع بعض. إذا لاعب تعثر اليوم… واجبنا نوقفه مش نكسره.

🔥 والأهم… لا يمكن للوحدات أن ينهض من جديد إلا بعودتكم أنتم، الجماهير، إلى المدرجات. صوتكم هو الوقود الحقيقي… هتافكم هو الروح… ووجودكم في الملعب هو اللي بيزرع الخوف في الخصوم وبيعطي لاعبينا الدافع للنهوض.

💚 نقولها بالفم المليان:
الوحدات بلا جماهيره ما بعيش… وبلا دعمكم ما في نهوض.
فلنوحّد صفوفنا… ولتعود جماهيرنا… عندها فقط يرجع الوحدات لمكانه الطبيعي: في القمّة.


#معاً_لعودة_الجماهير

#الوحدات | اسم بلا هوية!

نخسر أمام الرمثا في افتتاح الدوري، بأداء هزيل وخسارة متوقعة، لأن الكارثة ليست فقط في النتيجة، بل في ما أصبح عليه اسم الوحدات… نادي بلا ملامح، بلا شخصية، بلا هيبة!

🔁 قيس اليعقوبي ما زال يُخبّص، لا يملك رؤية ولا خطة، وكل مباراة يثبت أنه أصغر بكثير من حجم الوحدات.
🏃‍♂️ لاعبون تائهون داخل الملعب، لا يعرفون كيف يدافعون ولا كيف يبنون هجمة، وكأنهم لا يجتمعون إلا يوم المباراة!

لكن المصيبة الأكبر… الإدارة!

📌 إدارة عاجزة، صامتة، جبانة، تركت الفريق يُذبح أمام أعينها دون أن تحرك ساكنًا.
📌 نادينا يُهدم قطعة قطعة، والقرارات تصدر وكأننا نادٍ درجة ثالثة، بلا جمهور، بلا طموح.

نعم، اليعقوبي يجب أن يرحل… لكن الأهم: يجب أن ترحل هذه الإدارة التي أوصلتنا إلى هذا الانحدار!

الوحدات ليس ملكًا لكم، ولا حقل تجارب لمدربين فاشلين ولا تصفية حسابات انتخابية.
الوحدات أكبر منكم جميعًا، وللجمهور الكلمة الأخيرة.

#الوحدات | كفى عبثاً!

نخسر لقب كأس السوبر أمام الحسين إربد بسبب رعونة مدرب لا يفقه أبجديات كرة القدم. مباراة كانت تسير لصالحنا، لكن قرارات فنية كارثية نسفت كل شيء.

🔁 في وقت تحتاج فيه لتكثيف الضغط في الوسط والمناطق الأمامية، يقوم قيس اليعقوبي بإخراج المهاجم الفعال أمادو، والظهير المتألق وجدي نبهان، أحد أنشط لاعبي الفريق، ويُدخل عناصر بلا تأثير… فيُهدي الخصم اللقب بكل سذاجة!

من الواضح أن اليعقوبي يُدير المباريات بعشوائية لا تليق بنادٍ كبير مثل الوحدات، وكأن القراءة الفنية للمباريات شيء لا يعنيه.

والمصيبة الأكبر: إدارة النادي التي ترفض التعاقد مع الظهير الأيمن أحمد عساف رغم أن الضعف في الجهة اليمنى أصبح فضيحة فنية مكشوفة! بات واضحاً للجميع أن الفرق تبني خططها علينا من هذا الجانب، بينما الإدارة تجامل على حساب اسم وتاريخ الوحدات.

مدرب بلا شخصية، إدارة صامتة، وفريق يُفرَّغ من هويته شيئًا فشيئًا.

قيس اليعقوبي، ارحل… ودع الوحدات لأهله.

الى متى العبث في نادي الوحدات اليس منكم رجل رشيد ينهي هذه المهزلة؟؟؟

اللاعب احمد عساف مطلب جماهيري

🔴والله عيب الي بصير!🔴

نادي الوحدات مش ناقص مشاكل، كل يوم طالعين علينا بتصريحات وفضايح، فلان بسب على فلان، وفلان برد عليه، وإحنا الجمهور مقهورين وساكتين

اشتغلو! اشتغلو!
احنا بدنا شغل مش حكي بدنا نتائج بدنا نرجع نشوف الوحدات اللي بنعرفه، مش ساحة تصفية حسابات!

والأندية حوالينا كلها شغالة على التعاقدات وتجهيز الموسم الجاي وإحنا ولا إشي عملنا
لا محترفين، لا صفقات، ولا حتى أخبار تطمن… قاعدين بتطاوشوا وبتهدموا النادي لبين ما يضيع من إيدينا.

حرام عليكم، فضحتونا بين الأندية!
نادي الوحدات ما كان هيك كان اسم ورعب لكل الاندية، مش ساحة للمشاكل وتصفية الحسابات والسوشال ميديا

الوحدات أكبر من الكل، واللي مش قد المسؤولية يتفضل يسيب المكان.
احترموا الشعار… الشعار اللي أكبر من كل أسمائكم

🔴 خلص الموسم 🔴
موسم التعب والفرح وحرقة القلب
خسرنا بطولة الدوري بسيناريو مؤلم، وكانت ضربة موجعة… بس ما استسلمنا، ورجعنا ورفعنا راسنا بـ بطولة كأس الأردن.

الحمدلله على كل شي… بنشكر من القلب الكابتن رأفت علي والجهاز الفني المساعد على جهودهم الكبيرة، وبنكمل الشكر لـ الكابتن قيس اليعقوبي والجهاز المعاون على حسن القيادة وروح الفريق.

شكر خاص للإدارة السابقة بقيادة الدكتور بشار الحوامدة على جهودهم بالفترة الماضية، وكمان شكر للجهاز الإداري الحالي بقيادة الرئيس يوسف الصقور، ونتمنى نشوف تعاون قريب ولقاءات تجمع بين الإدارتين، عشان نشتغل كلنا بإيد وحدة ونوصل بـ الوحدات للقمة.

ولكل جماهيرنا العريقة اللي كانت معنا بالحلوة والمرة… وجودكم هو الدافع الأول، وانتوا سر النجاح.

ولا ننسى أهلنا في غزة من دعائنا… أنتم في القلب.

الموسم خلص، والعبرة بلي جاي… وإن شاء الله القادم أفضل.


#شكرًا_للجميع

حبك لفريقك اشي… واستفزازك للناس اشي ثاني

طبيعي تحب فريقك، عادي تكون مصور أو إعلامي بتشجع نادي معين، بس مش طبيعي تخلي حبك سبب إنو الناس تكرهك

بعض الناس فاهمين الشهرة غلط، مفكرين إنهم إذا استفزوا جماهير الأندية الثانية راح يصيروا معروفين… بس بالحقيقة قاعدين بخسروا احترامهم.

الانتماء مش معناها أكره غيري، الانتماء الحقيقي إنك تحب فريقك وتحترم الكل.

الرياضة أخلاق قبل ما تكون صورة أو كلمة… خليك قدوة، مش فتنة.

"لما الفريق يخذلك، بس إنت ما بتقدر تخذله..."

نظرة هالمشجع فيها كل شيء...
توتر، قهر، خوف، أمل مكسور... وكل هالحكي بـ آخر دقيقة من مباراة ما كانت لازم توصل لهون.

لما اللاعب يتهاون، ولما الجهاز الفني يضيع، ولما الإدارة تسكت،
الجمهور هو اللي بيدفع الثمن.
مشاعرنا مش لعبة... إحنا مش بس ناس على المدرجات، إحنا اللي بنعيش للفريق وبنموت معه كل مباراة.

كلمات من قلب مشجع:
صرنا نحضر المباراة وما نحضر الفرحة،
ننتظر الهدف، ييجي الهم أسرع.
بنحب الفريق، بس الفريق ما عاد يحبنا.

رسالة لكل لاعب ومسؤول:
احترموا هالعيون اللي ما غابت عنكم، وهالقلوب اللي عمرها ما تخلّت عنكم،
لأن تعبنا... والله تعبنا.

🔴🔴مؤخرا صرنا نسمع جماهير بتتراشق الاتهامات، وناس بتطالب بالانسحاب، وغيرهم بحكي عن تلاعب
بس وين كنتوا الموسم الماضي؟
لما ما تم احتساب اكثر من ١٠ ركلات جزاء واضحة للوحدات؟
وقتها النتائج اتغيّرت وظُلمنا بشكل كبير، وما حدا طلع حكى ولا اعترض
وليش ما سمعنا صوت اعتراضاتكم لما انحرم نادي السلط من ركلة جزاء قدام فريقكم؟
ركلة كانت ممكن تغيّر شكل الترتيب من وقتها!
الغريب انو الدوري الحالي اقل أخطاء من المواسم الماضية،
بس عودة الوحدات وتصدره بالدقائق الاخيرة ولعت صدور الخصوم
صار الكل يصيح ويشكي
بس هذا هو الفرق...
الفرق بين الجديد على عالم البطولات وبين الاندية المحترفة

المعركة الاخيرة معركة الرجال

الوحدات قدام الرمثا والمطلوب واضح
القتال حتى آخر نفس، اللعب برجولة، وعدم الاستسلام مهما صار
مباراة فيها اللقب، فيها التاريخ، فيها الفرح لكل عشاق الاخضر

لازم ندخل من اول دقيقة نضغط، نكسر الايقاع، نفرض شخصيتنا
ما في مجال نخاف، ولا ننتظر الخصم
اللقب بده عزيمة، بده قلوب ما بتخاف، بده لعيبة تعرف شو يعني الوحدات

كل كرة بنلعبها لازم تكون بروح البطل
كل لحظة لازم نحارب فيها عشان نرفع راسنا وراس جمهورنا العالي

الوحدات ما بينتظر الفرص، الوحدات بيصنع الانجاز بايديه

شدوا الحيل، قاتلوا للآخر
لعيون الوحدات ولعيون جمهور بيحبكم من القلب

#الوحدات

حسبنا الله ونعم الوكيل في كل متخاذل اللهم صب غضبك على الصهاينة المجرمين

الصحفي أحمد منصور الذي ظهر في مقاطع الفيديو والنيران تلتهمه وهو على قيد الحياة، أُصيب بحروق وجروح بليغة، وحالته حرجة جدًا. نسأل الله أن يردّه لأهله ومُحبّيه سالمًا غانمًا يا رب.. دعواتكم له بالشفاء 🤲💔

🔴 الوحدات 1-0 استقلال دوشنبه 🔴

سجل للوحدات بهاء فيصل الشوط الثاني

الف مبروك للقارة الخضراء