01/01/2023
1-1-2023
هالأرقام بتعني إنه اليوم، يوم جديد، وسنة جديدة.
بس كيف بلش التاريخ وليش هذا اليوم هو أول يوم بالسنة؟ ومتى بلش وكيف وصل لهون؟
تعالوا نروح رحلة بالزمن، لنتعرف على البدايات ✈
تقول الأساطير إنه لما اكتشف الإنسان الزراعة وبدأت الحضارة بالإزدهار وتحديداً الحضارة المصرية، الي كانت معتمدة على نهر النيل العظيم بشكل أساسي في تلك الفترة.
لاحظ المصريين القدماء إنه نهر النيل بتفيض المياه فيه كل فترة بمعدل ثاتب، وبالتالي بأثر على الزراعة، عشان هيك قرروا إنهم يراقبوا الكون ويدرسوا الفلك لحتى يلاقوا طريقة مناسبة لقياس الوقت لحتى يتمكنوا من التنبؤ بمعرفة وقت حدوث الفيضان، وبالتالي يتم تنظيم الزراعة.
ولأهمية الموضوع، خصصوا مدينة كاملة للدراسة في شمال مصر إسمها مدينة (إيون) الي حاليآ تعرف بمدينة عين شمس في شمال القاهرة.
بعد الدراسة والمراقبة للحدث، اعتبر المصريين إنه بداية الفيضان هو أول يوم في السنة، وفي التاريخ الحديث هذا اليوم هو تقريبآ منتصف الشهر السابع (تموز).
بعد ما تمكن المصريين القدماء من تحديد أول يوم بالسنة، قاموا بتقسيم السنة لثلاث فصول، كل فصل بكون مدته أربع أشهر والتقسيم كان مرتبط ببداية الفيضان وموسم الزراعة.
الفصل الأول كان فصل الفيضان، الي بتتهيأ فيها الأرض للزراعة.
الفصل الثاني كان لما النباتات المزروعة تبدأ في الإثمار.
أما الفصل الثالث فهو، فصل الحصاد، والجفاف.
كل شهر كان مدته 30 يوم والسنة فيها 12 شهر وعدد أيام السنة 360 يوم، بالإضافة لخمس أيام إضافية للأعياد، وتم تسمية هذا التقويم بالتقويم الشمسي.
وتمكن العلماء أيضآ في ذلك من قياس ساعات النهار والليل بدقة من خلال الساعة الشمسية للنهار الي بتعتمد على طول الظل خلال اليوم، ومن هنا جاء اختراع الساعة الشمسية المعروفة اليوم.
أما الليل، فكان يستخدم لقياس الساعات فيه، ساعة مائية بتساقط منها قطرات المياه بمعدل ثابت مقسم على عدد الساعات لقياس الوقت.
وهذا التقويم الي اخترعه المصريين القدماء قبل أكثر من 7000 عام من الآن هو ما يعرف بالتقويم الشمسي، الذي استخدمه الرومان لاحقاً لتصميم التقويم الحديث المعروف حاليآ، الذي يبدأ بشهر يناير، وينتهي في ديسمبر.
أما التقويم الشمسي القديم، فهو معروف اليوم بإسم التقويم القبطي أو الأشهر القبطية.
الحضارة الرومانية القديمة، قررت إنها تبدأ تقويم العالم من سنة تأسيس روما، وبعد حوالي سبعة قرون من تأسيسها قرر الكهنة إنهم السنة تبدأ من وقت ميلاد سيدنا المسيح عليه السلام، لكن يقال إنه الوقت لم يتم تحديده بدقة، وأخطأ الراهب الروماني (Dionysius Exiguus الي قام بعملية احتساب وقت ميلاد المسيح، أخطأ بعملية الاحتساب بحوالي 400 سنة، يعني التاريخ الحقيقي بحسب المؤرخين إنه التقويم الحالي 2423 بدل 2023.
لكن لا ننكر إنه وجود آلية لقياس الوقت بدقة، هو أمر أساسي لاستمرار الحياة وتطور أي حضارة.
من الجدير بالذكر أن التقويم الحديث بعد أن طوره الرومان تم تعميمه واستخدامه في كل الدول في أوائل القرن السادس عشر.
لو عجبتكم المعلومات وحابين تعرفوا ليش السنة الحالية بتبلش بالشتاء بدل الصيف، وليش في أشهر 30 يوم وأشهر 31 وشو سبب تسميتها بالأسماء الحالية، احكولي بالتعليقات، عشان أحضرلكم القصة ✌
وكل عام وأنتم بألف خير يا رب ❤
10/10/2022
بمناسبة
بحب أشاركم هاي القصة، بتمنى تعجبكم وتستفيدوا منها، وديروا بالكم على حالكم لأنكم تستحقون ❤
مرحبآ يا جماعة 🙋♂️
عندي قصة غريبة حابب أشاركها معكم ✍
من فترة لا بأس بها، تلفوني 🤳 حاسس في مشكلة، يعني قاعد بستهبل وبعمل حركات مش منطقية!
مرة حرارته بترتفع 🤒 (يا رب مش كورونا 🙏) ومرة حرارته بتنزل 🥶، ومرات بصيبه حالة الشسمو (بطاريته بتخلص عالسريع) ومرات بصير العكس.
بصراحة ما قدرت أفهم حالته، بس الموضوع صار مقلق لما صار يتصرف تصرفات متهورة ممكن تأثر على حياته 🤔
زي مثلآ فجأة يقرر إنه هلأ ما في شبكة، أو ما بده نت! أو يجي على باله ينام وما بتعرف متى بصحى!
الحالة كانت كثير غريبة وأول مرة بتمر علي! المهم قررت بالآخر أخده للأخصائي يعمله الفحص السريري اللازم ويعطيه العلاج المناسب ✌
بالفعل، لبسته أواعيه الجديدة وأخدته عند المختص عشان يكشف عليه، وبعد الفحص كانت المفاجأة!
الأخصائي بحكيلي إنه كل أعضاء (الهارد وير) التلفون سليمة وما فيها أي مشكلة!
طيب هيك أنا التخمت، يعني شو المشكلة يا دكتور؟ حكالي بصراحة مش عارف كيف بدي أحكيها؛ قلتله يزم أحكي لا تخوفني 😰
قلي بصراحة تلفونك بعاني من حالة نفسية مش معروف شو سببها، بنصحك ما تخليه يتعرض لأي أخبار مزعجة أو توتر، وما تخلي يشوف صور وفيديوهات غير مناسبة!
قلتله والله يا دكتور يعني أنا عامل فلترة، بس الأخبار بكل مكان!
قلي طيب شو رأيك نعمل هديك الشغلة 🤫
قلتله لا، لا تحكيها وإيدي على قلبي 😰
حكالي ما إلك غير تعمله (سوفت وير) وهيك بتروح مشكلته على الأغلب!
المهم، عملنا (السوفت وير) وأخدت التلفون على البيت، بس طول الطريق ما حكى معي ولا كلمة، لا رن ولا طلع صوته!
بعد سنة كاملة من رفقتنا، رجع زي الطفل الصغير، نسي كل إشي تعلمه، قلبه أبيض، وحتى كلمة error ما بعرفها
قررت أدير بالي عليه أكثر، عشان ما تصيبه حالة نفسية ويرجع يستهبل، ولا يمكن أخليه يشوف أخبار طالعة نازلة أو مشاهد عنيفة!
وأكيد هيك مستقبله بكون أفضل 😏
بس السؤال يا جماعة من ورا كل هاي القصة هو: أنا، مين بده يعملي سوفت وير؟
وكيف ممكن ندير بالنا من الي بصير حولينا بطريقة أفضل ونحافظ على صحتنا النفسية؟
الصحة النفسية مش مزحة، الناس بتتعامل معها كأنه إشي ما إله وجود!
لا تتردد أبدآ بإنك تراجع أي أخصائي نفسي أو لايف كوتش معتمد بهذا المجال!
شكرآ إلكم وديروا بالكم على حالكم...... قصدي على تلفوناتكم 😎✌
29/09/2022
سبب نجاح بعض الحكومات والدول في مختلف أرجاء الأرض هو شيء واحد فقط، إتقان ما تفعله، إتقان العمل، إتقان الإنجاز، إتقان الخدمة المقدمة!
مم الأمثلة على ذلك حكومة دبي، وحكومة سنغافورة!
لكن الكارثة هو وجود الفساد في العمل المؤسسي والحكومي، ولهذا عزيزتي الحكومة الأردنية، تفشل الكثير من المشاريع الواعدة، لأننا لا نتقن ما نعمل، أما عن الفساد، للأسف لدينا فساد إداري ومالي سياسي وحتى فساد مجتمعي وأخلاقي، نعم عزيزي المواطن، أنت أحد أركان المعادلة، وأنت ضمن عجلة الفساد أيضًا!
الفساد مثل السرطان، علاجه في البداية يكون سهلاً، لكن عندما يتفشى، يصبح من الصعب علاجه وقد نلجأ للاستئصال، ولكن في مراحل متقدمة منه، حتى الإستئصال قد يكون بلا جدوى، فأي مرحلة وصلنا من ذلك؟
25/09/2022
#موقف
أذكر أول مرة استلمت شهادة بحياتي كانت في الصف الرابع، كنت منتقل من مدرسة خاصة لمدرسة حكومة وكان الجو مختلف تماماً بالنسبة إلي، وعندما أقول تماماً أعني بكل شيء على الإطلاق!
كانت الشهادة الي استلمتها هي شهادة تفوق "بالأدب والأخلاق"! وبصراحة أول ما استلمت الشهادة شعرت بحزن عميق في قلبي، وكأني انضحك علي، خصوصاً إني كنت بنافس بترتيب الأول على الصف، روحت على البيت وأنا في غاية الحزن وقلت لأمي: ماما، أنا آسف، لقد خذتلك ولم أحصل سوى على هذه الشهادة، فقالت لي أمي: ارفع راسك يا ابني أنا فخورة فيك، وبصراحة لو كنت جبت شهادة التفوق في العلم كنت رح أشك بالموضوع، لأنه الأخلاق أهم وقبل كل اشي، عشان هيك اسمها وزارة التَّربية والتَّعليم الأردنيَّة وهيك أنا اطمنت عليك من ناحية الأخلاق والآن بنركز على موضوع العلم.
كنت دائمأ بتسائل ليش الجهة المسؤولة عن الجامعات والمعاهد اسمها وزارة التعليم العالي، هل هذا بيعني إنه التربية انتهت هنا؟ هل يعتبر التعليم في هذه المرحلة أهم من الأخلاق؟ أم أن التربية تعتبر تحصيل حاصل في هذه المرحلة العلمية وأن الأمر انتهى!
ليش ما يكون في عنا وقفات تحت عنوان "ريادة الأخلاق" على غرار ريادة الأعمال مثلاً؟
هنالك فرق بين الحريات وبين قلة الأخلاق!
يوم عن يوم صار مجتمعنا يتقبل الدنو في الأخلاق والتربية شيئاً فشيئاً! مع إنه بيوم من الأيام كنا أمة يضرب بها المثل على أخلاقها وعلمها!
19/09/2022
About 20 years ago, I was playing Pokémon on my Nintendo game boy color and for some reason I saved the game and stored my game boy somewhere safe and totally forgot about it.
Today I accidentally found the game boy and surprisingly it worked and I was able to continue the game exactly where I left it 20 years ago! What a feeling 😅
08/09/2022
#أرشيف 2021
جزء لا بأس به من #الأردنيين خاض تجربة السفر لخارج البلد، سواء كانت تجربة سفر قصيرة المدة كالسياحة أوحضور الدورات التدريبية أو الندوات العلمية، أو سفرات طويلة كالدراسة والعمل والتدريب.
ومن المعروف إنه السفر بعرفنا على نماذج حياة الشعوب الأخرى التي قد تكون إيجايبة أفضل من عنا وقد تكون سلبية أسوأ من عنا!
بس الي بدي أفهمه، لويش بتظلكم تنظروا على أهلنا وانتوا برا الأردن، بالتزامكم بالأخلاق الحميدة وبس ترجعوا على الأردن بتجيبوا معكم أسوأ ما يمكن تطبيقه وبتظلكم مثل ما انتوا إذا مش أسوأ!
يا أخي إذا السفر ما بده يغيرك للأفضل عشان البلد قبل ما يكون عشانك، فش داعي تسافر وخلي البلد بحالها!
والحكي للكبار (وظيفياً) قبل الصغار!
مثلاً شو فائدة كل الي دارسين برا البلد على حساب الشعب وبالأخير قاعدين بخربوا فيها!
أستاذة الجامعات ومهندسين الحكومة والبلديات، ليش ما طبقوا برا، هون بدل اللت والعجن الفاضي تبعكم!
نفسي أفهم، تصميم المطبات والحفر عنا بالأردن من أي جامعة جايبينه؟
بلاش تروحوا لبعيد، شو فائدة سفرات تركيا الي بطلعوها الناس العاديين كل يوم والثاني وشاطرين يحكوا هناك نظام وعدالة ونظافة وغيره وغيره، ليش ما تطبق هالحكي على حكالك وعلى أهلك بدل ما تسم بدن عيشتنا من قرف عمايلك السوداء بالبلد!
اليوم الي بنبطل نكب في وسخ بالشارع ونبطل ندخن بالشارع هو اليوم الي رح تصير في الدنيا كلها تيجي عنا عشان تستفيد من تجاربنا ورح يجي واحد من هذيك البلدان يكتب نفس هالكلام بس عن بلده ليش ما استفادت من تجربة الأردن بالحضارة والأخلاق، وبس!
#وعي
#كوتش #كوتشينغ
#اقتباسات #وعي #كوتشينغ
31/08/2022
كن إنسان، كن رحمة، كن سلام
#اقتباسات #وعي #كوتشينغ
30/08/2022
عصر التفاهة 🤦♂️
#اقتباسات #وعي #كوتشينغ
25/09/2022
19/09/2022
08/09/2022
31/08/2022
30/08/2022