ស្រូវសាលីមាសខាហ្កាវ៉ា - Kinmugi Kagawa FC

18/04/2026

សង្ឃឹម​ឆ្នាំ​ក្រោយ​ សម្តេច​ឧបត្ថម្ភ​ផ្តាច់​មុខ​ 😬

ដោយ​ក្តី​គោរព

12/04/2026

04/04/2026

🎉 សួស្តីបងប្អូនទាំងអស់គ្នា! 🎉

ចូលឆ្នាំខ្មែរជិតមកដល់ហើយ! 🥳 ត្រៀមខ្លួនមកសប្បាយអត់? 😆
📅 ថ្ងៃសៅរ៍​ ទី ១១ ខែ ៤ ឆ្នាំ ២០២៦
📍 ស្រុក ខាន់អុនជិ​ (សូម​មេីល​ក្នុង​ comment​ ខាង​ក្រោម​)

✨កម្មវិធីមានដូចជា៖
* មើលផ្កាសាគូរ៉ា ញុំាអាហារឆ្ងាញ់ៗ (សូមធ្វើមកពីផ្ទះរៀងខ្លួន😋)
* ល្បែងប្រជាប្រិយខ្មែរ (លេងហើយសើចហូរទឹកភ្នែក 😂)
* តន្ត្រី និងរាំលេងយ៉ាងសប្បាយ 💃🕺
* ជួបជុំមិត្តភក្តិ និងបង្កើតអនុស្សាវរីយ៍ថ្មីៗ ❤️

👉 មិនចេះរាំក៏មិនជាបញ្ហាដែរ ព្រោះនៅទីនោះមានគ្រូច្រើនណាស់ 😄
👉 មិនចាំបាច់ខ្លាចអត់ស្គាល់គ្នា ព្រោះមកដល់ហើយ នឹងក្លាយជាមិត្តភក្តិភ្លាមៗ! ស្រួលមិនស្រួស រកម្ចាស់បេះដូងឃើញផងក៏មិនដឹង🤝

📌 កុំភ្លេចអញ្ជើញមិត្តភក្តិមកជាមួយផង! មកច្រើន សប្បាយច្រើន! 😆🎊

🙏 សូមអរគុណយ៉ាងជ្រាលជ្រៅទៅកាន់លោក Kao Nirooth ដែលបានជួយទំនុកបម្រុងទាំងថវិកា និងសម្ភារៈផ្សេងៗសម្រាប់រៀបចំកម្មវិធីនេះផងដែរ។ 💖

#ចូលឆ្នាំខ្មែរ #សប្បាយជុំគ្នា

11/11/2025

⚽️ ការ​ប្រកួត​ដែល​រដេបរដុប​ ហេីយ​មិន​មាន​ហ្វេន​ណា​ម្នាក់​ទន្ទឹង​រង់ចាំ​មួយ​នេះ​ នឹង​ធ្វើ​ឡេីង​ម្តង​ទៀត​ នៅ​ថ្ងៃ​សៅរ៍​ ទី​១៥​ ខែ​វិច្ឆិកា​ ចាប់​ពី​ម៉ោង​ ១៤:០០​ តទៅ​ នៅ​សួន​សាង​ស្នេហ៍​ ក្បែរ​ផ្សារ​ហាឡូស​។

មុន​ចាប់​ផ្ដើម​ប្រកួត​ មាន​ការ​ថតរូប​ ទុក​ជា​អនុស្សាវរីយ៍​ផង​ដែរ​ ដូច្នេះ​បេី​មាន​ហ្វេន​ៗចង់​ថតរូប​អី​ ស្វាគមន៍​ជានិច្ច​។

នេះជា​ការ​ប្រកួត​ក្របខ័ណ្ឌ​ខ្លាសុី​គោ​ រវាង​អ្នក​គាំទ្រ​រៀល​ម៉ាទ្រីត​ និង​អ្នក​គាំទ្រ​បាសេឡូណា​ ប្រចាំ​ឆ្នាំ​២០២៥។ ក្រុមណា​ជា​ខ្លា​ ហេីយ​ក្រុមណា​ជា​គោគឺ​នឹង​ដឹង​នៅ​ចុង​សប្ដាហ៍​នេះ​ហេីយ​។

បញ្ជក់​៖​ ប្រគួត​លក្ខណៈ​មិត្តភាព​ទេ​ តែ​ក្រុម​ដែល​ទទួល​បរាជ័យ​ ត្រូវ​ចេញ​ជាក់​ៗពីរ​កែស​ 🫠

ដេីម្បី​ចូលរួម​អបអរសាទរ​ចូល​ឆ្នាំ​ប្រពៃណី​ខ្មែរ​ខាង​មុខនេះ​ ថ្ងៃ​អាទិត្យ​​ ទី​៦ ខែ​មេសា​ Kinmugi Fc នឹង​រៀបការ​ប្រកួត​បាល់ទាត់​ រវាង​អ្នក​គាំទ្រ​ Real Madrid នឹង​ អ្នក​គាំទ្រ​ Barcelona ម្តង​ទៀត​ ដែល​ជា​ជំនួប​សងសឹក​ នៅ​សួន​ក្រោយ​ផ្ទះ​របស់​ក្រមុំ​ៗ​ភូមិ​ Motodai​ ចាប់​ពី​ម៉ោង​ 2:00 រសៀល​តទៅ​។

ការ​ប្រគួត​នេះ​ គឺ​ធ្វើឲ្យ​រាង​អធិកអធម​ជាង​រាល់​ដង​ ដោយ​មាន​អាជ្ញាកណ្ដាល​ដែល​ជា​អតីត​កីឡាការិនី​របស់​ក្លឹប​កងរាជអាវុធ​ហត្ថ​ ហេីយ​និង​ការ​អធិប្បាយ​តាម​ធុងបាស់​ ពី​សំណាក់​ឌីជេ​សំនៀង​ពិរោះ​រន្តំ​ ងំ​ផ្លូវ​ចិត្ត​និង​ផ្លូវ​កាយ​ ដែល​នឹង​ធ្វើការ​អធិប្បាយ​ពី​ស្ថានភាព​នៃ​ការ​លេង​ជាក់​ស្តែង​ ក៏​ដូចជា​ធ្វើ​ការ​ស្រែកសរសេីរ​ ឬ​រិះគន់​ (ដៀល​)​ កីឡាករ​ណា​ដែល​លេង​មិន​កេីត​ តាម​មេក្រូ​ផងដែរ​ 😅 (អ្នក​ជិតខាង​ប្តឹង​មក​ពេល​ណា​ ឈប់​អធិប្បាយ​ត្រឹម​ពេល​នឹង​ 🫠)

ក្រោយ​ចប់​ការ​ប្រគួត​ មាន​ការ​ញុំា​អាហារ​សាមគ្គី​ (តែ​សូម​ធ្វើ​ឬ​ទិញ​ទៅ​រាង​ៗ​ខ្លួន​)​ ​ការមេីល​ផ្កា​សាគូរ៉ា​ និង​ការ​ថតរូប​ជា​អនុស្សាវរីយ៍​ផង​ដែរ​។

14/06/2025

សកម្មភាពចូលរួមប្រកួតមិត្តភាពអន្តរជាតិជាមួយនឹងបីប្រទេសផ្សេងគ្នាកាលពីថ្ងៃអាទិត្យ។ ដោយសារតែចុងសប្តាហ៍ រវល់តែបបួលគ្នាដាក់មួយកំប៉ុងពីរកំប៉ុង🍻ទើបធ្វើអោយខកខានក្នុងការហ្វឹកហាត់ ជាមូលហេតុធ្វើអោយទទួលបរ៉ាជ័យទាំង៣ប្រកួត😵‍💫។ ទោះជាលេងដូច...ក៏មិនភ្លេចអរគុណទៅកាន់ហ្វេនៗ 😊🫰ទាំងអស់គ្នាដែលតែងតែជួយមកគាំទ្រ ផ្តល់កម្លាំងចិត្តផងដែរ។ សង្ឃឹមថារដូវផ្ការីកឆ្នាំក្រោយ ពួកយើងនឹងធ្វើអោយបានល្អជាងនេះ ⚽️ 💪

25/04/2025

ត្បិត​តែ​មិនមាន​ពេល​លេង​ជាមួយ​គ្នា​ច្រើន​ តែ​វត្តមាន​របស់​ Kitya Rat បាន​សាង​អនុស្សាវរីយ៍​ល្អ​ៗក្នុង​ក្រុម​ជា​ច្រើន​។ ជូនពរ​អោយ​ទទួល​បាន​សំណាង​ល្អ​សម្រាប់​ថ្ងៃ​ខាង​មុខ​ ✌️

17/04/2025

Happy Birthday ខ្សែ​ការពារ​ Piseth​ 🎊