Нарын обл Спорт

Нарын облустук жаштар иштери, дене тарбия жана спорт башкармалыгы бош кызмат орунга сынак жарыялайт:
1. Нарын району боюнча спорт инструктору - 1 бирдик.
Нарын району боюнча спорт инструктору кызматына коюлган квалификациялык талаптар:
1. Кесиптик билимдин денгээли:
- жогорку же атайын орто билими (дене тарбия жана спорт тармагына артыкчылык берилет).
2. Стажы жана иш тажрыйбасы:
-дене тарбия жана спорт тармагында бир жылдан кем эмес иш тажрыйбасы болуусу.
Билгичтиги:
- спорттук-массалык мелдештерди уюштуруу;
- календардык пландын аткарылышын камсыз кылуу;
- айлык, кварталдык, жылдык отчетторду даярдоо;
- спорт мектеп жана федерациялар менен тыгыз өз ара аракеттенүү;
Сынакка катышуу үчүн керектуу документтер:
• конкурстук комиссиянын төрагасынын атына телефон номери менен жеке арызы;
• кадрларды эсепке алуу баракчасы 4,5 х 6,5 сүрөтү;
• резюме;
• паспорттун көчүрмөсү (оригиналы конкуска киргенде көргөзүлөт);
• дипломдун көчүрмөсү (нотариус тарабынан же персоналдык кызмат тарабынан күбөлөндүрүлгөн);
• эмгек китепчесинин көчүрмөсү (нотариус тарабынан же персоналдык кызмат тарабынан күбөлөндүрүлгөн);
• аскердик билеттин көчүрмөсү;
• билиминин жогорулатылгандыгы боюнча тастыктаган документтери;
• КР ИИМнен соттолбогондугу жөнүндө справка;
• Дело (документтер учун)
Документтер 2023-жылдын 6-март саат 18-00го чейин, Нарын шаарынын Коммунальная 7 көчөсүндөгү Нарын облустук жаштар иштери, дене тарбия жана спорт башкармалыгынын кенсесинде кабыл алынат. тел.5-49-68. 0709090966
Квалификациялык талапка жооп берген талапкерлер практикалык тапшырмаларды өтүүгө чакырылат. Практикалык тапшырмаларды өтүүчү жайы жана күнү кошумча маалымданат. Коюлган талаптарга жооп бербеген талапкерлер конкурска чакырылбайт.

КОЧКОРДО БАСКЕТБОЛ ТУРНИРИ БОЛУП ӨТТҮ!

Кечээ 21-октябрь күнү, Кочкор районундагы, Кочкор айылында Кыргыз Республикасынын эл агартуунун мыктысы, дене тарбия мугалими Тобокел Дыйкановдун 75 жылдыгына арналган, баскетбол оюну боюнча, республикалык турниринин ачылышы болуп өттү. Анын ачылышына Кыргыз Республикасынын Маданият, маалымат, спорт жана жаштар саясаты министрлигине караштуу Дене тарбия жана спорт Департаментинин директорунун орун басары Самат Токтоналиев, Кыргыз Республикасынын Дене тарбия жана спорт Департаментинин алдындагы Спорттун олимпиадалык эмес түрлөрү боюнча дирекциясынын директору Раимбек Токонбаев, Нарын облустук жаштар иштери, дене тарбия жана спорт башкармалыгынын башчысы Кубанычбек Чымылдаков жана Кочкор айыл өкмөтүнүн башчысы Мирлан Исраилов катышып, үй-бүлө мүчөлөрү тарабынан куран окулду.

Иш чаранын жүрүшүндө, Кыргыз Республикасынын Маданият, маалымат, спорт жана жаштар саясаты министрлигине караштуу Дене тарбия жана спорт Департаменти тарабынан, баскетбол машыктыруучусу Мухаммед Жумабек уулуна Ардак грамота жана эркин күрөш машыктыруучусу Турат Исмаилов "дене тарбия отличниги" төш белгиси менен сыйланды.
Ошондой эле, Нарын облустук жаштар иштери дене тарбия жана спорт башкармалыгы тарабынан, Кочкор айыл өкмөтүнүн башчысы Мирлан Исраиловго, Кочкор айылдык Кеңешинин депутаты Бакыт Сламовго, Ишеналы Арабаев атындагы орто мектебинин директорунун орун басары Жыргал Шаршеевага
Ыраазычылык каттар тапшырылды.

Аталган мелдешке, Токмок, Талас, Кара-Кол Нарын жана Балыкчы шаарларынан жалпы 10 команда катышты.

Турнир, Тобокел Дыйкановдун уул-неберелери жана Кочкор айыл өкмөтү тарабынан өткөрүлдү.

Мелдеш, 3 күндөн бери ойнолуп, бүгүн 22-октябрь күнү жыйынтыкталды.

Баскетбол оюну боюнча эркектер арасында өтүлгөн мелдештин жеңүүчүлөрү:
1-орун Кара-Кол шаары
2-орун Нарын шаары
3-орун Балыкчы шаары

Баскетбол оюну боюнча кыздар арасында өтүлгөн мелдештин жеңүүчүлөрү:
1-орун Токмок шаары
2-орун Кочкор айылы
3-оруг Балыкчы шаары

ЧЕМПИОНАТ АТ-БАШЫ РАЙОНУНДА УЛАНТЫЛДЫ!

Бүгүн 22-октябрь күнү, күз айында башталган чемпионаттын уландысы Ат-Башы, Терек-Суу жана Кара-Булуң айылдарында 7-8-туру ойнотулду.

ЖУМГАЛДАГЫ СПОРТ МЕКТЕБИНИН АЧЫЛЫШЫН АЗЕМИНДЕ АВТОУНАА БЕЛЕККЕ БЕРИЛДИ!

Нарын облусундагы Жумгал районуна караштуу Байзак айылында бүгүн 21-сентябрь күнү, "Дордо" балдар-уландар спорт мектебинин, жаңы имаратынын ачылыш аземи болуп өттү. Ага, Кыргыз Республикасынын Маданият, маалымат, спорт жана жаштар саясаты министрлигине караштуу Дене тарбия жана спорт Департаментинин директорунун орун басары Самат Токтоналиев, Кыргыз Республикасынын Дене тарбия жана спорт Департаментинин алдындагы Спорттун олимпиадалык эмес түрлөрү боюнча дирекциясынын директору Раимбек Токонбаев, Нарын облустук жаштар иштери, дене тарбия жана спорт башкармалыгынын башчысы Кубанычбек Чымылдаков, Байзак айылдык Кеңешинин төрайымы Мээрим Молдалиева, Байзак айыл өкмөтүнүн башчысынын орун басары Жолдошбек уулу Кенжебек жана Байзак айылдык жаштар Кеңешинин төрагасы Аскар Таалайбек уулу куттуктоо сөздөрүн айтышып, белектерин тапшырышты.
Ал эми, Байзак айыл өкмөтү жана айылдык Кеңеши спорт мектепке 14 орундуу "Mercedes-Benz" үлгүсүндөгү спринтер белекке берилди.

Ошондой эле, иш чаранын жүрүшүндө Нарын облустук жаштар иштери, дене тарбия жана спорт башкармалыгынын башчысы Кубанычбек Чымылдаков жогоруда аталган спорт мектебине 20,0 миң сомдук Сертификат жана айрым кызматкерлерине башкармалыктын сыйлыктарын тапшырды.

Спорт мектебинин капиталдык ремонтуна жалпы 3 460 000 миң сом жумшалды.

"Дордо" балдар-уландар спорт мектебинде, эркин күрөш, кыргыз күрөш, тогуз коргоол, стол теннис, футбол жана баскетбол секциялары бар. Анда, жалпы 240 окуучу машыгып, облустук, республикалык жана Эл аралык мелдештерде ийгиликтерди жаратып келишет.

ВОЛЕЙБОЛ ЧЕМПИОНАТЫНЫН 7-8 КРУГ ОЮНУ КАЙДА ӨТҮЛӨТ?

Нарын облусунда өтүлүп жаткан чемпионаттын 7-8-кругу, 22-октябрь күнү Ат-Башы районуна караштуу Ат-Башы, Терек-Суу, Кара-Булуң айылдарында өтүлөт.
Жогоруда аталган күнү, мелдеште беттешүүчү, волейбол оюнчуларынын ырааттамасы (расписание) төмөндө көрсөтүлдү.

7-8кругдагы оюндар, Ат-Башы районуна караштуу Терек-Суу айылындагы А. Чортеков атындагы орто мектебинде өтүлүүчү, мырзалар арасындагы оюндун ырааттамасы:
-Нарын шаары (окуучу)-//-Кара-Суу
-Таш-Дөбө -//-УВД-
-"Дем" Нарын шаары-//-Кочкор (окуучу)
-Дөбөлү-//- Кара-Суу
-Нарын шаары (окуучу)-//-Кочкор (окуучу)
-"Дем" Нарын шаары-//-УВД-
-Дөбөлү-//-Кочкор (окуучу).

7-8кругдагы оюндар, Ат-Башы районуна караштуу Кара-Булуң айылындагы А. Искендеров атындагы орто мектебинде өтүлүүчү, мырзалар арасындагы оюндун ырааттамасы:
-Кочкор-//-Ат-Башы
-Дыйкан-//-Жерге-Тал-1
-1-Май-//-Кочкор
-Ат-Башы-//-Дыйкан

7-8кругдагы оюндар, Ат-Башы районунун, Ат-Башы айылындагы Акматаалы Карыбек уулу атындагы орто мектебинде өтүлүүчү, айымдар арасындагы оюндун ырааттамасы:
-НМК-2-//-Терек-Суу
-Нарын шаары-//-Пед. колледж-1
-Жумгал-//-Университет
-НМК-1-//-НМК-2
-Нарын шаары-//-Жумгал
-Аруузат-//-Маданият
-НМК-1-//-Терек-Суу

7-8кругдагы оюндар, Ат-Башы районунун, Ат-Башы айылындагы К. Мамбеталиев атындагы орто мектебинде өтүлүүчү, айымдар арасындагы оюндун ырааттамасы:
-Обл. ЦСМ-//-Ат-Башы
-Пед. колледж "Достук"-//-Университет
-Маданият-//-Ат-Башы
-Аруузат-Обл. ЦСМ
-Пед. колледж "Достук"-//-Пед. колледж-1

КУБОКТУН ЖАРАЛУУ ТАРЫХЫ!

Баарыбыз билгендей эле, ар бир мелдештин, сынактын жеңүүчүлөрүнө, баш байгеге кубок ыйгарылат.
Эмне себептен дал ушундай формадагы кубок баш байгеге коюлганын жана анын жаралуу тарыхы жөнүндө, бүгүн кыскача маалымат беребиз.

Кубок башында шарап (вино) куюлуучу идиш болгон. Ал, көбүнчө металл, ошондой эле айнек же сөөктөн жасалып, аны асыл таштар менен кооздошкон.

Кубоктун жаралуу тарыхы:
Орто кылымдарда аскердик чеберчилик боюнча мелдештердин жана баатырлардын таймашында, жеңүүчүлөрүнө шарап куюлган чөйчөк тартууланган. Себеби, жоокерлердин согуштан кийин суусаган суусундугун кандыруу максатында жана аны менен бирге жеңишти майрамдап келишкен.
Кийин, 19-кылымдын ортосунан баштап, кубок белек же байге катары колдонула баштаган.

Кубок, шарап же суу куюла турган идиш гана эмес, бул символикалык идиш. Анын түбү жерди, табагы үйдү, капкагы үйдүн чатырын, ал эми, эки чети таажыны билдирет.

НАРЫНДА БАЛДАР-ӨСПҮРҮМДӨР АРАСЫНДА ШАХМАТ ТУРНИРИ ӨТӨТ!

Нарын шаарында, Нарын Шахмат Федерациясы, балдар арасында достукту бекемдөө жана шахмат оюнун өнүктүрүү максатында, 23-октябрь күнү шаарыбыздагы 16 жашка чейинки шахмат сүйүүчүлөрү үчүн турнир өткөрүүдө.
Мелдешке, 8 жашка чейинки жана 16 жашка чейинки балдар, кыздар катыша алат. Жеңүүчүлөргө акчалай сыйлык тапшырылат.

Уюштуруучу: Нарын Шахмат Федерациясынын вице-президенти Салтанат Майрамбекова.
Оюнга катталуу жана толук маалымат алуу үчүн: 0703 38 02 03

БАСКЕТБОЛ ОЮНУНУН ЖЕҢҮҮЧҮЛӨРҮ АНЫКТАЛДЫ!

Нарын шаарында өтүлгөн, Кыргыз Республикасынын эл агартуунун отличниги, Нарын шаарынын эмгек сиңирген спорт кызматкери Болотакун Бейшекеевдин жаркын элесине арналган турнир, 3 күн ойнолуп жыйынтыкталды. Баскетбол оюну боюнча эркектер арасында өтүлгөн мелдештин жеңүүчүлөрү:
1-орун "Гризли" командасы (Кара-Кол шаары)
2-орун "Мурас" командасы (Балыкчы шаары)
3-орун ОшМу командасы (Ош шаары).

НАРЫНДА, ЭРКИН КҮРӨШ БОЮНЧА МЕЛДЕШ БАШТАЛДЫ!

Бүгүн 13-октябрь Нарын шаарында, Мамыш ата балбанынын жаркын элесине, Нарын жаштар ынтымагы жана биримдигине арналган, жаштар жана өспүрүмдөр арасында эл аралык мелдеш өтүүдө. Ага, өлкөбүздүн бардык аймактарынан келген 560 балбан катышууда.

Аталган иш чараны, Мамыш атанын урпактары, Нарын облустук жаштар иштери, дене тарбия жана спорт башкармалыгы, Сүйүнбек Бекманбетов атындагы олимпиадалык спорт мектеби уюштуруп жатат.

КЫЗДАР АРАСЫНДА ӨТҮЛГӨН ФУТБОЛДУН ЖЫЙЫНТЫГЫ.

6-октябрь күнү Нарын шаарындагы мектептер арасында, 8 жаштан 10 жашка чейинки кыздар арасында футбол өткөн.

Мелдештин жыйынтыгы:
1-орун В.П Чкалов атындагы мектеп-гимназиясы;
2-орун Матен Сыдыков атындагы орто мектеби;
3-орун А Садыков;
4-орун Эсенгул Ибраев.