ប៊ុនលី Bunly

អធិការដ្ឋាននគរបាលក្រុងប៉ោយប៉ែត អំពាវនាវដល់ម្ចាស់ម៉ូតូដែលបានបាត់ អាចមកទំនាក់ទំនងពិនិត្យម៉ូតូដោយភ្ជាប់មកជាមួយឯកសារពាក់ព័ន្ធ ។
==========
ក្រុងប៉ោយប៉ែត: នៅថ្ងៃអាទិត្យ ៧កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែមិថុនា ឆ្នាំ២០២៦ វេលាម៉ោង១៨ និង៣០នាទី កម្លាំងជំនាញបានទទួលពាក្យបណ្ដឹងពីឈ្មោះ សេន មុំ ភេទស្រី អាយុ៥៤ឆ្នាំ ស្នាក់នៅភូមិក្បាលស្ពាន២ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ កាលពីថ្ងៃទី១៦ ខែមិថុនា ឆ្នាំ២០២៦ ឈ្មោះ យឿន ឧត្ដម ហៅដំ ភេទប្រុស អាយុ១៧ឆ្នាំ បានខ្ចីម៉ូតូកូនស្រីរបស់ខ្លួន ម៉ាក ហុងដាឌ្រីម ពណ៍ខ្មៅ ពាក់ស្លាកលេខបាត់ដំបង1AW-4184 លេខតួនិងលេខម៉ាស៊ីន224830 ហើយយកដាក់បញ្ចាំ ដោយពុំលស់យកម៉ូតូមកវិញឡើយ។

ក្រោយពីទទួលពាក្យបណ្តឹង កម្លាំងជំនាញដឹកនាំដោយ លោកវរសេនីយ៍ទោ ព្រហ្ម ពិសិដ្ឋ អធិការនគរបាលក្រុងប៉ោយប៉ែត បានធ្វើរការស្រាវជ្រាវរហូតដល់ថ្ងៃទី២២ ខែមិថុនា ឆ្នាំ២០២៦ វេលាម៉ោង១០ និង១០នាទី កម្លាំងយើងបានស្រាវជ្រាវឃាត់ខ្លួនបានជនសង្ស័យចំនួន២នាក់ ក្នុងនោះមាន ឈ្មោះយឿន ឧត្ដម ហៅដំផងដែល ។ ដោយមានការអនុញ្ញាត្តិពី លោកឧត្តមសេនីយ៍ត្រី សឿម សារិទ្ធ ស្នងការនគរបាលខេត្តបន្ទាយមានជ័យ នៅថ្ងៃទី២៣ ខែមិថុនា ឆ្នាំ២០២៦ វេលាម៉ោង១៥និង៣០នាទី កម្លាំងយើងបានបន្តស្រាវជ្រាវ ទីតាំងទទួលបញ្ចាំមួយកន្លែង និងឃាត់ខ្លួនអ្នក ទទួលបញ្ចាំឈ្មោះជុំ ប៉ូឡូ ភេទប្រុស អាយុ៤៦ឆ្នាំ ស្នាក់នៅភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ដោយបានប្រទះឃើញម៉ូតូជនរងគ្រោះ រួមទាំងម៉ូតូផ្សេងៗទៀត ហើយក៏ប្រមូលម៉ូតូទាំងនោះមករក្សាទុកនៅអធិការដ្ឋាននគរបាលក្រុងប៉ោយប៉ែត ដើម្បីបន្តនីតិវិធី ។

បច្ចុប្បន្នជនសង្ស័យខាងលើ ត្រូវបានកសាងសំណុំរឿងបញ្ជូនតាមនីតិវិធី។

ចំពោះម៉ូតូជនរងគ្រោះត្រូវបានកម្លាំងជំនាញប្រគល់ជូនជនរងគ្រោះវិញ ។

នៅព្រឹកថ្ងៃពុធ ទី២៤ ខែមិថុនា ឆ្នាំ២០២៦ ឯកឧត្តម កែវ ផុង ជំនួយការផ្ទាល់សម្តេចតេជោ និងជាប្រធានក្រុមសេនាតេជោសន្តិភាព ព្រមទាំងក្រុមការងារ បានរៀបចំចាត់ចែង នាំយកអំណោយដ៏ថ្លៃថ្លារបស់សម្តេចតេជោ និង សម្តេចគត្តិព្រឹទ្ធបណ្ឌិត យកទៅប្រគល់ជូនដល់ក្រុមគ្រួសារកងទ័ព្ធជួរមុខ ដែលកំពុងជួបការខ្វះខាតផ្នែកជីវភាព ចំនួន ៥គ្រួសារ រស់នៅឃុំស្នឹង ស្រុកបាណន់ ខេត្តបាត់ដំបង ដោយក្នុងមួយគ្រួសារទទួលបានអំណោយអង្ករ ៥០គីឡូ មី១កេស ទឹកបរិសុទ្ធ១កេស ទឹកដោះគោ១យួរ ត្រីខ១យួរ ទឹកសុីអុីវ១យួរ និងទឹកត្រី១យួរ ព្រមទាំងផ្តល់ជូនជាថវិកាចំនួន ៥០មុឺនក្នុង១គ្រួសារ ។ ដោយឡែក១គ្រួសារ ដែលកំពុងតែមានជំងឺធ្ងនធ្ងរប្រចាំកាយ ត្រូវបានផ្តល់ថវិកាជូន ១លានរៀល ។