Thor Nedia

ពិតណាស់ ពេលវេលាមិនដែលរង់ចាំនរណាម្នាក់ឡើយ ហើយការស្រលាញ់ដែលល្អបំផុត គឺការបង្ហាញវាឱ្យឃើញនៅថ្ងៃនេះ ខណៈពេលដែលយើងនៅមានឱកាស។

ដើម្បីកុំឱ្យមានការស្តាយក្រោយនៅថ្ងៃមុខ នេះជាអ្វីដែលយើងអាចធ្វើបានជារៀងរាល់ថ្ងៃសម្រាប់មនុស្សជាទីស្រឡាញ់៖

» ផ្តល់ពេលវេលាដែលមានតម្លៃ (Quality Time): ទោះជាយ៉ាងណាក៏ដោយ ព្យាយាមចំណាយពេលយ៉ាងតិចបន្តិចបន្តួចដើម្បីអង្គុយញ៉ាំបាយជុំគ្នា និយាយលេង ឬស្ដាប់ពីសុខទុក្ខរបស់ពួកគាត់ដោយយកចិត្តទុកដាក់។

»បង្ហាញក្តីស្រឡាញ់តាមរយៈពាក្យសម្តី និងសកម្មភាព: កុំអៀនប្រៀនក្នុងការនិយាយពាក្យថា "ស្រឡាញ់" "អរគុណ" ឬ "សុំទោស"។ ការឱបយ៉ាងកក់ក្តៅ ឬការជួយធ្វើការងារតូចតាច ក៏អាចធ្វើឱ្យពួកគាត់មានកម្លាំងចិត្តយ៉ាងខ្លាំង។

»យកចិត្តទុកដាក់លើសុខភាព៖ មើលថែទាំសុខភាពរាងកាយ និងស្មារតីរបស់ពួកគាត់ បបួលពួកគាត់ទៅពិនិត្យសុខភាព ឬធ្វើចំណីអាហារដែលមានជីវជាតិឱ្យពួកគាត់ញ៉ាំ។

»បង្កើតអនុស្សាវរីយ៍ល្អៗ៖ នាំពួកគាត់ទៅដើរលេងកម្សាន្ត ថតរូបជុំគ្នាទុកជាអនុស្សាវរីយ៍ ឬធ្វើអ្វីមួយដែលពួកគាត់ធ្លាប់បំណងចង់ធ្វើ។
អត់ឱន និងយោគយល់៖ មនុស្សគ្រប់រូបសុទ្ធតែមានចំនុចខ្វះខាត។ ការរៀនលើកលែងទោស និងអត់ធ្មត់ចំពោះគ្នា គឺជាគ្រឹះយ៉ាងរឹងមាំក្នុងការថែរក្សាទំនាក់ទំនង។

ធ្វើអ្វីៗដែលល្អបំផុតនៅថ្ងៃនេះ ព្រោះរាល់វិនាទីដែលកន្លងផុតទៅ គឺមិនអាចបកក្រោយបានឡើយ។

បុរសម្នាក់នេះ(នាយក្រាន់) គាត់និយាយថា៖ គាត់ទៅណាមកណា ចូលចិត្តយកប្រពន្ធទៅតាម គាត់ចង់ឱ្យប្រពន្ធគាត់ស្គាល់ពិភពខាងក្រៅ ទើបស្រួលរស់នៅ។
ពេលឈ្លោះជាមួយប្រពន្ធ គាត់មិនតបតភ្លាមៗទេ ចាំត្រជាក់ចិត្តទើបគាត់និយាយ ទោះប្រពន្ធគាត់បង្ករកំហុស ក៏គាត់ចាំដល់ត្រជាក់ចិត្ត ទើបគាត់ណែនាំនាងដោយទន់ភ្លន់។
គាត់ថា គាត់សុខចិត្តលួងប្រពន្ធ ព្រោះបើមិនឱ្យគាត់លួង ឱ្យអ្នកណាលួង បើមានតែ២នាក់ប្តីប្រពន្ធ។
គាត់ថា មានគ្រួសារមានប្រពន្ធ មិនបានបាត់បង់សេរីភាពទេ មានតែប្តីប្រពន្ធប៉ុណ្ណោះដែលជាគ្នាពេលមានទុក្ខ។
សម្តីគាត់ ផ្តល់តម្លៃខ្ពស់ដល់ភរិយាគាត់ណាស់ មួយឃ្លីបនេះ បុរសមួយចំនួនដែលបានស្តាប់ហើយ អាចសើចគាត់ថាគាត់ខ្លាចប្រពន្ធ តែពួកគេមិនដឹងទេថា មនុស្សស្រីភាគច្រើនចង់ឱ្យស្វាមីពួកគេមានទឹកចិត្តបែបនេះដែរ។
ទោះមិនមែនជាបណ្ឌិត រឺអ្នកប្រាជ្ញ តែឧត្តមគតិនាយក្រាន់ចំពោះភរិយារបស់គាត់ ពិតជាមានតម្លៃគួឱ្យគោរព។ 🙏🏻

ស្តាប់រួច ស្វាងដេកនៅ

រឿងខ្ចីលុយនេះគឺជារឿងក្ដៅក្រហាយមួយក្នុងសង្គម ដែលធ្វើឲ្យយើង "លេបក៏អាក់ ចែកក៏ចុក"! មិនថាយើងជ្រើសរើសផ្លូវមួយណាទេ គឺគង់តែមានរឿងត្រូវខុសជានិច្ច៖

១. បើព្រមឲ្យគេខ្ចី៖ "ខុសធ្ងន់ធ្ងរខាងហិរញ្ញវត្ថុ និងផ្លូវចិត្ត"
មុនឲ្យខ្ចី៖ គេចាត់ទុកយើងជា "ទេវតាសង្គ្រោះជីវិត" សម្ដីផ្អែមល្ហែមដូចទឹកឃ្មុំ និយាយលេងសើចរស់រវើក។
ក្រោយឲ្យខ្ចី៖ តួនាទីត្រូវបានផ្លាស់ប្ដូរភ្លាមៗ! យើងជាអ្នកឲ្យខ្ចីសោះ បែរជាត្រូវសម្តែងធ្វើជា "អ្នកសុំទាន" អង្វរកូនបំណុលឲ្យសងវិញ។
លទ្ធផល៖ បាត់បង់ទាំងលុយ បាត់បង់ទាំងមិត្តភក្តិ ឬបងប្អូន ហើយបានមកវិញនូវជំងឺស្រ្តេស និងប្រយោគមាស៖ «អញគ្មានលុយទេ បើឯងចង់បាន មកយកជីវិតអញទៅ!»។

២. បើបដិសេធមិនឲ្យខ្ចី៖ "ខុសធ្ងន់ធ្ងរខាងសីលធម៌ និងមនោសញ្ចេតនា"
ប្រតិកម្មភ្លាមៗ៖ យើងប្រែមុខមាត់ពីមនុស្សល្អ ទៅជា "មនុស្សកំណាញ់ស្មោគគ្រោក អត់បេះដូង គ្មានមេត្តា" ក្នុងកែវភ្នែកគេភ្លាម។
ការនិយាយដើម៖ គេជួយផ្សព្វផ្សាយពាណិជ្ជកម្មឲ្យយើងដោយបេះដូង៖ «កុំទៅរាប់អានវា! មនុស្សមានលុយដែរ តែចិត្តអាក្រក់ដូចយក្ស សូម្បីតែបន្តិចបន្តួចក៏មិនជួយ»។
លទ្ធផល៖ រក្សាស្បែក និងកាបូបលុយបានគង់វង្ស តែត្រូវបានគេកាត់ឈ្មោះចេញពីសមាគមរាប់អាន និងគេចមុខឈប់រាប់អានរហូត។

រូបមន្តដោះស្រាយបែបស្បែកក្រាស់៖
បើខុសទាំងសងខាងបែបនេះ ជ្រើសរើស "ខុសដោយសល់លុយ" ប្រសើរជាង "ខុសដោយបាត់ទាំងលុយ បាត់ទាំងគេ"!
បើគេខឹងយើងដោយសារយើងមិនឲ្យខ្ចី គេខឹងតែមួយរយៈពេលប៉ុណ្ណោះ។
តែបើគេខឹងយើងដោយសារយើងទៅទារលុយយើងវិញ... គឺគេខឹងយើងមួយជីវិត!

បើមានកូនប្រុស ហើយត្រកូល (ជី) គួរដាក់ឈ្មោះថាម៉េច ?