Khmer Literature Football Club

🛑សេចក្ដីជូនដំណឹង និងសុំទោសជាសាធារណៈ

កម្មវត្ថុ៖ ការសុំដកខ្លួនចេញពីការប្រកួតបាល់ទាត់ របស់ក្រុមបាល់ទាត់តំណាងដេប៉ាតឺម៉ង់អក្សរសាស្ត្រខ្មែរ
ជម្រាបជូន៖ បងប្អូន លោកគ្រូ អ្នកគ្រូ សាស្ត្រាចារ្យ និស្សិត ព្រមទាំងអ្នកគាំទ្រទាំងអស់ ជាទីគោរព និងរ៉ាប់អានយ៉ាងជ្រាលជ្រៅ!
តាងនាមឱ្យក្រុមបាល់ទាត់តំណាង ដេប៉ាតឺម៉ង់អក្សរសាស្ត្រខ្មែរ យើងខ្ញុំសូមសម្តែងនូវការដឹងគុណយ៉ាងជ្រាលជ្រៅបំផុត ចំពោះការគាំទ្រ ការលើកទឹកចិត្ត និងការស្រឡាញ់រាប់អានដែលបងប្អូនទាំងអស់គ្នាបានផ្តល់ឱ្យក្រុមយើងខ្ញុំនាពេលកន្លងមក។
តាមរយៈលិខិតនេះ យើងខ្ញុំសូមជម្រាបជូននូវព័ត៌មានយ៉ាងក្រៀមក្រំមួយទៅកាន់សាធារណៈជន និងអ្នកគាំទ្រទាំងអស់ឱ្យបានជ្រាបថា ក្រុមបាល់ទាត់ដេប៉ាតឺម៉ង់អក្សរសាស្ត្រខ្មែរ សូមធ្វើការសុំដកខ្លួនចេញពីការប្រកួត ជាផ្លូវការ ចាប់ពីពេលនេះតទៅ។
ការសម្រេចចិត្តយ៉ាងលំបាកនេះ គឺធ្វើឡើងបន្ទាប់ពីយើងខ្ញុំបានជួបប្រជុំ និងពិភាក្សាយ៉ាងល្អិតល្អន់ ដោយសារក្រុមយើងខ្ញុំកំពុងជួបប្រទះនូវបញ្ហាប្រឈមជាច្រើនដែលមិនអាចដោះស្រាយបានភ្លាមៗ 👉 រួមមាន៖
១. បញ្ហាថវិកា៖ ក្រុមខ្វះខាតថវិកាគ្រប់គ្រាន់ក្នុងការទ្រទ្រង់ និងរ៉ាប់រងលើថ្លៃចំណាយផ្សេងៗក្នុងដំណើរការប្រកួត។
២. កីឡាករមានធុរៈផ្ទាល់ខ្លួន៖ សមាជិកកីឡាករភាគច្រើនមានភារកិច្ចមមាញឹកស្ទើរតែពេញដៃ ទាំងការបំពេញការងារ និងការខិតខំប្រឹងប្រែងលើការសិក្សា ដែលធ្វើឱ្យពិបាកក្នុងការរៀបចំពេលវេលាមកហាត់ និងប្រកួត។
៣. បញ្ហាស្តារស្មារតីក្រុម៖ ក្រុមយើងខ្ញុំបាត់បង់នូវភាពប្រាកដប្រជា និងការរួមរឹតស្មារតីសាមគ្គីភាពក្នុងក្រុម មិនទាន់អាចត្រៀមខ្លួនបានល្អប្រសើរក្នុងការបន្តការប្រកួតប្រជែង។
🙏យើងខ្ញុំសូមសម្តែងនូវការសុំទោសយ៉ាងជ្រាលជ្រៅចេញពីបេះដូង ចំពោះគណៈកម្មការរៀបចំការប្រកួត ក្រុមបាល់ទាត់ដៃគូប្រកួតទាំងអស់ និងជាពិសេសអ្នកគាំទ្រដែលតែងតែចំណាយពេលវេលា និងកម្លាំងចិត្តមកជួយស្រែកហ៊ោ និងលើកទឹកចិត្តក្រុមយើងខ្ញុំកន្លងមក។
🙏ការសម្រេចចិត្តនេះ គឺជាជម្រើសចុងក្រោយដើម្បីកុំឱ្យប៉ះពាល់ដល់ដំណើរការទូទៅនៃកម្មវិធី និងកិត្តិយសរួម។
ជាចុងក្រោយ យើងខ្ញុំសង្ឃឹមយ៉ាងមុតមាំថា បងប្អូនទាំងអស់គ្នានឹងយោគយល់ និងអភ័យទោសចំពោះការសម្រេចចិត្តដ៏លំបាកមួយនេះ។ ក្រុមយើងខ្ញុំនឹងខិតខំដោះស្រាយរាល់ចំណុចខ្វះខាតទាំងនេះ ដើម្បីត្រឡប់មកវិញនូវរូបភាពដែលប្រសើរជាងមុននាឱកាសក្រោយ។
សូមជូនពរឱ្យការប្រកួតទាំងមូលប្រព្រឹត្តទៅដោយរលូន និងទទួលបានជោគជ័យយ៉ាងត្រចះត្រចង់!
ធ្វើនៅ ថ្ងៃទី ៤ ខែ សីហា ឆ្នាំ២០២៦
🙏តំណាងក្រុមបាល់ទាត់ ដេប៉ាតឺម៉ង់អក្សរសាស្ត្រខ្មែរ

WE ARE KHMER LITERATURE TEAM

🛑ត្រៀមខ្លួនសម្រាប់ជំនួបមិត្តភាពដ៏ជក់ចិត្ត! គោលបំណងធំបំផុតនៃការប្រកួតនេះ គឺដើម្បីរឹតចំណងមិត្តភាព បង្កើនសុខភាព និងការយល់ចិត្តគ្នារវាងក្រុមទាំងពីរនៅលើទីលាន។ មកចូលរួមគាំទ្រ និងលើកទឹកចិត្តទាំងអស់គ្នា!

🔥 DKL FC VS BLACK OWL FC
📅 កាលបរិច្ឆេទ៖ ថ្ងៃអាទិត្យ ទី២១ ខែមិថុនា ឆ្នាំ២០២៦
⏰ ម៉ោង៖ ៣:០០ - ៥:០០ ល្ងាច
📍 ទីតាំង៖ តារាងបាល់ទាត់ Kick Zone

😍