ក្រុមការងារយុវជនទទួលបន្ទុករដ្ធអូរីហ្គិន

  • Home
  • Cambodia
  • Phnom Penh
  • ក្រុមការងារយុវជនទទួលបន្ទុករដ្ធអូរីហ្គិន

ក្រុមការងារយុវជនទទួលបន្ទុករដ្ធអូរីហ្គិន ស្វាគមនមកកាន់ផេកផ្លូវការក្រុមការងារយុវជនរដ្ធអូរីហ្គិនសហរដ្ធអាមេរិក

លោកឧកញ៉ា ស្រី ចាន់ថន អនុប្រធានក្រុមការងាររាជរដ្ឋាភិបាលចុះមូលដ្ឋានជួយខេត្តតាកែវ និងទទួលបន្ទុកក្រុមការងារចលនាយុវជនកម្ពុជាប...
05/10/2026

លោកឧកញ៉ា ស្រី ចាន់ថន អនុប្រធានក្រុមការងាររាជរដ្ឋាភិបាលចុះមូលដ្ឋានជួយខេត្តតាកែវ និងទទួលបន្ទុកក្រុមការងារចលនាយុវជនកម្ពុជាប្រចាំតំបន់ឆ្នេរខាងលិច (West Coast) ទទួលបន្ទុករដ្ឋអូរីហ្គិន (Oregon) នៃសហរដ្ឋអាមេរិក ដឹកនាំកិច្ចប្រជុំផ្ទៃក្នុងការងារ និងត្រៀមរៀបចំទទួលស្វាគមន៍ក្រុមការងារក្រុងផតលែន (Portland)។

លោកឧកញ៉ា ស្រី ចាន់ថន និងក្រុមការងារ ចុះសួរសុខទុក្ខ ចែកលិខិតសរសើរ ពិសាអាហារសាមគ្គី និងស្វាគមន៍សមាជិកថ្មី ជាមួយបងប្អូនខ្មែ...
08/09/2026

លោកឧកញ៉ា ស្រី ចាន់ថន និងក្រុមការងារ ចុះសួរសុខទុក្ខ ចែកលិខិតសរសើរ ពិសាអាហារសាមគ្គី និងស្វាគមន៍សមាជិកថ្មី ជាមួយបងប្អូនខ្មែរនៅទីក្រុង Salem រដ្ឋ Oregon 🙏❤️🇰🇭❤️🙏
សហរដ្ឋអាមេរិក៖ នារសៀលថ្ងៃអាទិត្យ ៩រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែកញ្ញា ឆ្នាំ២០២៦ លោកឧកញ៉ា ស្រី ចាន់ថន រួមជាមួយក្រុមការងារ បានអញ្ជើញទៅកាន់គេហដ្ឋានលោក ពុធ កុសល នៅទីក្រុង Salem រដ្ឋ Oregon ដើម្បីជួបសួរសុខទុក្ខ សំណេះសំណាល ចែកលិខិតសរសើរ និងពិសាអាហារគ្រួសារសាមគ្គីជាមួយបងប្អូនប្រជាពលរដ្ឋខ្មែរ ព្រមទាំងស្វាគមន៍សមាជិកថ្មីផងដែរ។
កម្មវិធីនេះមានការចូលរួមពីបងប្អូនប្រជាពលរដ្ឋខ្មែរនៅទីក្រុង Salem ដោយមានលោក ស៊ីម សឿន ប្រធានយុវជនប្រចាំក្រុង Salem តំណាងបងប្អូនប្រជាពលរដ្ឋខ្មែរនៅក្នុងតំបន់។ ការជួបជុំបានប្រព្រឹត្តទៅក្នុងបរិយាកាសប្រកបដោយភាពស្និទ្ធស្នាល កក់ក្តៅ និងសោមនស្សរីករាយ។
ក្នុងឱកាសនោះ លោកឧកញ៉ា ស្រី ចាន់ថន បានពាំនាំនូវបណ្តាំសួរសុខទុក្ខ ក្តីនឹករឭក និងការយកចិត្តទុកដាក់ពីថ្នាក់ដឹកនាំកម្ពុជា ជូនចំពោះបងប្អូនប្រជាពលរដ្ឋខ្មែរដែលកំពុងរស់នៅ ប្រកបការងារ និងធ្វើអាជីវកម្មនៅសហរដ្ឋអាមេរិក។
ជាមួយគ្នានេះ បងប្អូនប្រជាពលរដ្ឋខ្មែរនៅទីក្រុង Salem បានសម្តែងនូវក្តីនឹករឭកចំពោះមាតុភូមិ និងផ្តាំផ្ញើនូវការគោរព ស្រឡាញ់ និងពាក្យជូនពរដល់ថ្នាក់ដឹកនាំកម្ពុជា តាមរយៈលោកឧកញ៉ា ស្រី ចាន់ថន។ បងប្អូនក៏បានបង្ហាញនូវស្មារតីចង់ចូលរួមចំណែកជាមួយសង្គម និងមាតុភូមិកម្ពុជា តាមលទ្ធភាព និងសមត្ថភាពរៀងៗខ្លួន។
ជាពិសេស ក្នុងកាលៈទេសៈដែលកម្ពុជាកំពុងប្រឈមនឹងបញ្ហា និងភាពតានតឹងពាក់ព័ន្ធនឹងព្រំដែនកម្ពុជា-ថៃ បងប្អូនប្រជាពលរដ្ឋខ្មែរនៅសហរដ្ឋអាមេរិក បានសម្តែងនូវក្តីបារម្ភ ការឈឺចាប់ និងការអាណិតអាសូរចំពោះបងប្អូនប្រជាពលរដ្ឋខ្មែរដែលរងផលប៉ះពាល់ និងបាត់បង់ទីលំនៅនៅតាមតំបន់ព្រំដែន។ ជាមួយគ្នានេះ ក៏បានចូលរួមរំលែកទុក្ខចំពោះកងកម្លាំងប្រដាប់អាវុធកម្ពុជា ដែលបានលះបង់ជីវិតក្នុងបុព្វហេតុការពារអធិបតេយ្យភាព និងបូរណភាពទឹកដី។
វត្តមានរបស់លោកឧកញ៉ា ស្រី ចាន់ថន និងក្រុមការងារ ក្នុងឱកាសនេះ បានបង្ហាញឱ្យឃើញថា ទោះបីបងប្អូនខ្មែររស់នៅទីណាក៏ដោយ ក្តីស្រឡាញ់ចំពោះមាតុភូមិ និងសាមគ្គីភាពរបស់ជាតិខ្មែរ នៅតែមានភាពរឹងមាំ។ ចម្ងាយភូមិសាស្ត្រមិនអាចបំបែកចំណងទំនាក់ទំនង ក្តីស្រឡាញ់ និងក្តីនឹករឭករវាងខ្មែរនិងខ្មែរបានឡើយ។
ការជួបសំណេះសំណាល និងពិសាអាហារគ្រួសារសាមគ្គីនៅគេហដ្ឋានបងប្អូនប្រជាពលរដ្ឋខ្មែរនាពេលនេះ ក៏ជាការបង្ហាញពីស្មារតីរួបរួម សាមគ្គីភាព និងការយកចិត្តទុកដាក់ចំពោះគ្នាទៅវិញទៅមក។ ព្រឹត្តិការណ៍នេះក៏បានរួមចំណែកពង្រឹងចំណងមិត្តភាព និងក្តីស្រឡាញ់ចំពោះមាតុភូមិ កាន់តែរឹងមាំ ទោះបីបងប្អូនខ្មែររស់នៅឆ្ងាយពីប្រទេសកម្ពុជាក៏ដោយ។
អត្ថបទដោយៈ លោក តាំង វង្សរតនៈ

លោកឧកញ៉ា ស្រី ចាន់ថន អញ្ជើញជាអធិបតីក្នុងកម្មវិធីសំណេះសំណាល និងចែកលិខិតសរសើរ ជូនសមាជិកគណបក្សប្រជាជនកម្ពុជា នៅរដ្ឋ Oregon ...
05/09/2026

លោកឧកញ៉ា ស្រី ចាន់ថន អញ្ជើញជាអធិបតីក្នុងកម្មវិធីសំណេះសំណាល និងចែកលិខិតសរសើរ ជូនសមាជិកគណបក្សប្រជាជនកម្ពុជា នៅរដ្ឋ Oregon សហរដ្ឋអាមេរិក

សហរដ្ឋអាមេរិក៖ នារសៀលថ្ងៃសុក្រ ៧រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២០៥៧០ ត្រូវនឹងថ្ងៃទី៤ ខែកញ្ញា ឆ្នាំ២០២៦ លោកឧកញ៉ាស្រី ចាន់ថន ប្រធាន អនុប្រធានក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជា ប្រចាំតំបន់ឆ្នេរខាងលិច (West Coast) និងទទួលបន្ទុកជួយកិច្ចការរដ្ឋអូរីហ្គិន បានចូលរួមជាអធិបតីក្នុងកម្មវិធី សំណេះសំណាល ចែកលិខិតសរសើរ និងវត្ថុអនុស្សាវរីយ៍ដល់សមាជិក ជមាជិការនៃសាខាគណបក្សប្រជាជនកម្ពុជា ប្រចាំតំបន់ឆ្នេរខាងលិច រដ្ឋ Oregon ដែលមានវត្តមានសមាជិកចូលរួមប្រមាណ ៥០នាក់។

ក្នុងប្រសាសន៍សំណេះសំណាលដ៏មានអត្ថន័យនេះ លោក ឧកញ៉ា ស្រី ចាន់ថន បានពាំនាំនូវបណ្តាំសួរសុខទុក្ខបងប្អូនប្រជាពលរដ្ឋខ្មែរដែលរស់នៅសហរដ្ឋអាមេរិកពីសម្តេចតេជោ ហ៊ុន សែន ប្រធានព្រឹទ្ធសភា និងសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងបានបង្ហាញនូវវឌ្ឍន៍ភាពថ្មីៗរបស់រាជរដ្ឋាភិបាល ដូជា ប្រលានយន្តហោះថ្មី ព្រែកជីកហ្វូណនតេជោ ហេដ្ឋារចនាសម្ព័នវិស័យគមនាគមន៍ គឺផ្លូវល្បឿនលឿន ភ្នំពេញ-ក្រុងព្រះសីហានុ និងផ្លូវល្បឿនលឿន ភ្នំពេញ-បាវិតជាដើម រួមជាមួយ និងបញ្ហាលុបបំបាត់ Scam Online ដែលជាយុទ្ធនាការបោសសំអាតទូទាំងប្រទេស។
ជាពិសេស លោកឧកញ៉ា បានលើកឡើងពីបញ្ហាជម្លោះព្រុំដែនកម្ពុជា-ថៃ ដែលប្រមុខរាជរដ្ឋាភិបាលកម្ពុជាបានខិតខំយកចិត្តទុកដាក់ដោះស្រាយដោយសន្តិវិធី និងគោរពតាមច្បាប់អន្តរជាតិយ៉ាងខ្ជាប់ខ្ចួន យ៉ាងណាម៉ិញចំពោះបញ្ហាជនភាសសិក សម្តេចតេជោ និងសម្តេចធិបតីក៏បានគិតគូយកចិត្តទុកដាក់យ៉ាងខ្លាំង ដោយបានរៀបចំសាងសាងផ្ទះជាច្រើនខ្នងជូនជនភាសសិក ព្រមជាមួយ និងការប្រសិទ្ធនាមថាជាភូមិរង់ចាំ ដែលបង្កប់នូវអត្ថន័យដ៏ឈឺចាប់ខ្លាំងបំផុតចំពោះការរំលោភបំពាន់យ៉ាងព្រៃផ្សៃពីប្រទេសថៃ ដែលបានសម្លាប់ជនស្លូតត្រង់ វរៈកងទ័រព និងបានចូលកាន់កាប់ទឹកដីដោយខុសច្បាប់មកលើប្រទេសកម្ពុជា។

បន្ទាប់ពីសំណេះសំណាលជាមួយប្រជាពលរដ្ឋខ្មែរ និងជាសមាជិកគណបក្សប្រជាជនកម្ពុជានៅរដ្ឋ Oregon រួចលោកឧកញ៉ា ស្រី ចាន់ថន បានចែកជូននូវលិខិតសរសើរ និងវត្ថុអនុស្សាវីរយ៍ ដល់សមាជិក និងថ្នាក់ដឹកនាំគណបក្សប្រជាជន នៃរដ្ឋ Oregon ដែលបង្ហាញពីការយកចិត្តទុកដាក់ពីថ្នាក់ដឹកនាំនៃគណបក្សប្រជាជនកម្ពុជា ចំពោះប្រជាពលរដ្ឋខ្មែរនៅសហរដ្ឋអាមេរិក។

សហរដ្ឋអាមេរិក៖ នារសៀលថ្ងៃសុក្រ ៧រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែកញ្ញា ឆ្នាំ២០២៦ លោកឧកញ៉ា ស្រី ចាន់ថន អនុប្រធានក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជា ប្រចាំតំបន់ឆ្នេរខាងលិច (West Coast) និងទទួលបន្ទុកជួយកិច្ចការរដ្ឋ Oregon បានអញ្ជើញចូលរួមជាអធិបតីក្នុងកម្មវិធីសំណេះសំណាល ព្រមទាំងចែកលិខិតសរសើរ និងវត្ថុអនុស្សាវរីយ៍ជូនដល់សមាជិក និងសមាជិកានៃសាខាគណបក្សប្រជាជនកម្ពុជា ប្រចាំតំបន់ឆ្នេរខាងលិច រដ្ឋ Oregon ដែលមានសមាជិកចូលរួមប្រមាណ ៥០នាក់។

ក្នុងឱកាសសំណេះសំណាលដ៏មានអត្ថន័យនេះ លោកឧកញ៉ា ស្រី ចាន់ថន បានពាំនាំនូវបណ្តាំសួរសុខទុក្ខ និងការនឹករឭកពីសម្តេចតេជោ ហ៊ុន សែន ប្រធានព្រឹទ្ធសភា និងសម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ជូនចំពោះបងប្អូនប្រជាពលរដ្ឋខ្មែរដែលកំពុងរស់នៅសហរដ្ឋអាមេរិក។
ជាមួយគ្នានេះ លោកឧកញ៉ា បានលើកឡើងអំពីវឌ្ឍនភាព និងសមិទ្ធផលថ្មីៗរបស់រាជរដ្ឋាភិបាលកម្ពុជា ដូចជា ការអភិវឌ្ឍព្រលានយន្តហោះថ្មី ព្រែកជីកហ្វូណនតេជោ និងការអភិវឌ្ឍហេដ្ឋារចនាសម្ព័ន្ធវិស័យគមនាគមន៍ ព្រមទាំងការយកចិត្តទុកដាក់របស់រាជរដ្ឋាភិបាលក្នុងការបង្ក្រាប និងលុបបំបាត់បទល្មើសឆបោកតាមប្រព័ន្ធអនឡាញ (Online Scam) តាមរយៈយុទ្ធនាការបោសសម្អាតទូទាំងប្រទេស។
ជាពិសេស លោកឧកញ៉ា បានលើកឡើងពីបញ្ហាជម្លោះព្រំដែនកម្ពុជា-ថៃ ដោយបញ្ជាក់ថា ប្រមុខរាជរដ្ឋាភិបាលកម្ពុជា បានខិតខំយកចិត្តទុកដាក់ក្នុងការដោះស្រាយបញ្ហាតាមមធ្យោបាយសន្តិវិធី និងគោរពតាមច្បាប់អន្តរជាតិយ៉ាងខ្ជាប់ខ្ជួន។

ទន្ទឹមនឹងនេះ ចំពោះបញ្ហាប្រជាពលរដ្ឋដែលត្រូវបានជម្លៀសដោយសារស្ថានការណ៍នៅតាមព្រំដែន លោកឧកញ៉ា បានបញ្ជាក់ថា សម្តេចតេជោ និងសម្តេចធិបតី បានយកចិត្តទុកដាក់យ៉ាងខ្លាំងចំពោះសុខទុក្ខ និងជីវភាពរបស់ប្រជាពលរដ្ឋ ដោយបានរៀបចំសាងសង់ផ្ទះជាច្រើនខ្នងសម្រាប់ជូនប្រជាពលរដ្ឋដែលត្រូវបានជម្លៀស ព្រមទាំងបានប្រសិទ្ធនាមទីតាំងនេះថា «ភូមិរង់ចាំ» ដែលជានិមិត្តរូបនៃក្តីសង្ឃឹម ការរួបរួម និងការរង់ចាំថ្ងៃដែលស្ថានការណ៍បានវិលត្រឡប់ទៅរកភាពប្រក្រតីវិញ។
ការជួបជុំ និងការផ្តល់លិខិតសរសើរ និងវត្ថុអនុស្សាវរីយ៍នេះ បានបង្ហាញពីការយកចិត្តទុកដាក់ និងការលើកទឹកចិត្តពីថ្នាក់ដឹកនាំគណបក្សប្រជាជនកម្ពុជា ចំពោះសមាជិក និងបងប្អូនប្រជាពលរដ្ឋខ្មែរដែលកំពុងរស់នៅសហរដ្ឋអាមេរិក ព្រមទាំងជាការរួមចំណែកពង្រឹងសាមគ្គីភាព និងទំនាក់ទំនងរវាងប្រជាពលរដ្ឋខ្មែរ និងមាតុភូមិកម្ពុជា។

អត្ថបទដោយៈ លោក តាំង វង្សរតនៈ

04/09/2026

🇰🇭 បើកឱកាសថ្មី! ជំរុញផលិតផលខ្មែរ ឆ្ពោះទៅទីផ្សារសហរដ្ឋអាមេរិក 🇺🇸

លោកឧកញ៉ា ស្រី ចាន់ថន បានដឹកនាំក្រុមការងារជួបពិភាក្សាជាមួយលោកស្រី Sophorn Cheang ប្រធានពាណិជ្ជកម្មរដ្ឋ Oregon ដែលជាជនជាតិអាមេរិកដើមកំណើតខ្មែរ ដើម្បីស្វែងរកឱកាសពាណិជ្ជកម្ម វិនិយោគ និងបង្កើតបណ្តាញអាជីវកម្មរវាងកម្ពុជា និងរដ្ឋ Oregon។

ជំនួបនេះក៏ផ្តោតសំខាន់លើការស្វែងរកច្រកទីផ្សារថ្មី ដើម្បីជំរុញ ផលិតផលដែលផលិតនៅកម្ពុជា ឱ្យមានឱកាសឈានចូលទីផ្សារសហរដ្ឋអាមេរិក កាន់តែទូលំទូលាយ។

🇰🇭 គាំទ្រផលិតផលខ្មែរ ជំរុញផលិតកម្មក្នុងស្រុក និងនាំស្នាដៃខ្មែរទៅកាន់ទីផ្សារអន្តរជាតិ។

លោកឧកញ៉ា ស្រី ចាន់ថន ដឹកនាំក្រុមការងារចុះសួរសុខទុក្ខ និងប្រគេនបច្ច័យដល់ព្រះសង្ឃនៅវត្តធម្មរង្ស៊ីនារសៀលថ្ងៃចន្ទ ៣រោច ខែស្រ...
01/09/2026

លោកឧកញ៉ា ស្រី ចាន់ថន ដឹកនាំក្រុមការងារចុះសួរសុខទុក្ខ និងប្រគេនបច្ច័យដល់ព្រះសង្ឃនៅវត្តធម្មរង្ស៊ី

នារសៀលថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦ លោកឧកញ៉ា ស្រី ចាន់ថន អនុប្រធានក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជាតំបន់ឆ្នេរខាងលិច (West Coast) ទទួលបន្ទុកជួយកិច្ចការរដ្ឋអូរីហ្គិន នៃសហរដ្ឋអាមេរិក បានដឹកនាំក្រុមការងារអញ្ជើញចុះសួរសុខទុក្ខព្រះសង្ឃដែលគង់នៅវត្តធម្មរង្ស៊ី ព្រមទាំងប្រគេនបច្ច័យសម្រាប់ចូលរួមទ្រទ្រង់វិស័យព្រះពុទ្ធសាសនា។

ក្នុងឱកាសនោះ លោកឧកញ៉ា ស្រី ចាន់ថន ក៏បានពាំនាំនូវបណ្តាំសួរសុខទុក្ខ និងការនឹករឭកពីសំណាក់ សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ប្រគេនចំពោះព្រះសង្ឃ និងជូនចំពោះបងប្អូនប្រជាពលរដ្ឋខ្មែរដែលកំពុងរស់នៅក្នុងរដ្ឋអូរីហ្គិន សហរដ្ឋអាមេរិក។

ដំណើរចុះសួរសុខទុក្ខ និងការជួបសំណេះសំណាលនេះ បានប្រព្រឹត្តទៅក្នុងបរិយាកាសដ៏ស្និទ្ធស្នាល និងប្រកបដោយសាមគ្គីភាព ដែលឆ្លុះបញ្ចាំងពីការយកចិត្តទុកដាក់ចំពោះព្រះពុទ្ធសាសនា ការថែរក្សាវប្បធម៌ និងប្រពៃណីជាតិ ព្រមទាំងការពង្រឹងចំណងសាមគ្គីភាពរវាងបងប្អូនប្រជាពលរដ្ឋខ្មែរនៅក្រៅប្រទេស និងប្រជាពលរដ្ឋខ្មែរនៅក្នុងប្រទេស៕

30/08/2026

🇰🇭 រដ្ឋអូរីហ្គិន សហរដ្ឋអាមេរិក | ថ្ងៃទី២៧ ខែសីហា ឆ្នាំ២០២៦

លោកឧកញ៉ា ស្រី ចាន់ថន អនុប្រធានក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជា ប្រចាំតំបន់ឆ្នេរខាងលិច (West Coast) និងទទួលបន្ទុកជួយកិច្ចការរដ្ឋអូរីហ្គិន រួមជាមួយលោក សេង សំអុន និងថ្នាក់ដឹកនាំពាក់ព័ន្ធ បានចូលរួមកិច្ចប្រជុំ ដើម្បីពង្រឹង ពង្រីក និងកំណត់ទិសដៅការងារបន្តសម្រាប់សាខាគណបក្សប្រចាំរដ្ឋអូរីហ្គិន។

បន្ទាប់ពីកិច្ចប្រជុំ ថ្នាក់ដឹកនាំ និងក្រុមការងារបានចូលរួមពិសាអាហារសាមគ្គីជាមួយគ្នា ក្នុងបរិយាកាសកក់ក្តៅ សប្បាយរីករាយ និងស្និទ្ធស្នាល។

នៅរសៀលថ្ងៃដដែល លោកឧកញ៉ា ស្រី ចាន់ថន បានដឹកនាំក្រុមប្រតិភូចុះសួរសុខទុក្ខលោកពូ កែម ចាន់តារា អនុប្រធានសាខាគណបក្សប្រចាំរដ្ឋអូរីហ្គិន ដែលកំពុងសម្រាកព្យាបាល ព្រមទាំងបានពាំនាំការផ្តាំផ្ញើសួរសុខទុក្ខ ក្តីនឹករលឹក និងអំណោយដ៏ថ្លៃថ្លាពី សម្តេចតេជោ ហ៊ុន សែន និង សម្តេចមហាបវរធិបតី ហ៊ុន ម៉ាណែត ជូនដល់លោកពូ។

ក្នុងឱកាសនោះ លោកឧកញ៉ា និងក្រុមប្រតិភូទាំងអស់ ក៏បានជូនពរលោកពូ កែម ចាន់តារា សូមឱ្យឆាប់ជាសះស្បើយ មានសុខភាពល្អមាំមួន និងឆាប់បានវិលត្រឡប់មកជួបជុំក្រុមគ្រួសារ និងក្រុមការងារវិញ។ 🙏🙏🙏

សម្ដេចបវរធិបតី ហ៊ុន ម៉ាណែត អញ្ជើញចូលរួម ដឹកនាំកិច្ចប្រជុំគណៈអចិន្ត្រៃយ៍នៃយុវជនគណបក្សប្រជាជនកម្ពុជាថ្នាក់កណ្តាល នៅវិមាន៧ម...
29/08/2026

សម្ដេចបវរធិបតី ហ៊ុន ម៉ាណែត អញ្ជើញចូលរួម ដឹកនាំកិច្ចប្រជុំគណៈអចិន្ត្រៃយ៍នៃយុវជនគណបក្សប្រជាជនកម្ពុជាថ្នាក់កណ្តាល នៅវិមាន៧មករា។

រាជធានីភ្នំពេញ ព្រឹកថ្ងៃសៅរ៍ ទី២៩ សីហា ២០២៦

#ហ៊ុនម៉ាណែត #កម្ពុជា #សន្តិភាពនៅកម្ពុជា

រដ្ឋអូរីហ្គិន សហរដ្ឋអាមេរិក៖ ថ្ងៃទី២៧ ខែសីហា ឆ្នាំ២០២៦ លោកឧកញ៉ា ស្រី ចាន់ថន អនុប្រធានក្រុមការងាររៀបចំអង្គការចាត់តំាងយុវជ...
28/08/2026

រដ្ឋអូរីហ្គិន សហរដ្ឋអាមេរិក៖ ថ្ងៃទី២៧ ខែសីហា ឆ្នាំ២០២៦

លោកឧកញ៉ា ស្រី ចាន់ថន អនុប្រធានក្រុមការងាររៀបចំអង្គការចាត់តំាងយុវជនគណបក្សប្រជាជនកម្ពុជាតំបន់ធ្នេរខាងលិច (West Coast) ទទួលបន្ទុកជួយកិច្ចការរដ្ឋអូរីហ្គេន នៅសហរដ្ឋអាមេរិក និងលោក សេង សំអុន ប្រធានគណ:កម្មាធិការសាខាបក្សប្រចាំរដ្ឋអូរីហ្គេន

បានអញ្ជើញជាអធិបតី ក្នុងកិច្ចប្រជុំជាមួយថ្នាក់ដឹកនាំគណ:កម្មាធិការសាខាបក្ស និងថ្នាក់ដឹកនាំយុវជនគណបក្ស ក្នុងគោលបំណងដើម្បីពង្រឹង ពង្រីក និងលើកផែនការទិសដៅអនុវត្តបន្ត​ សម្រាប់គណ:កម្មាធិការ​សាខា​គណបក្ស​ប្រចាំរដ្ឋអូរីហ្គិន នៅសហរដ្ឋអាមេរិក។ បន្ទាប់ពីកិច្ចប្រជុំ លោកឧកញ៉ា ស្រី​ ចាន់ថន និងលោក សេង​ សំ​អុន ព្រមទាំង​ថ្នាក់ដឹកនាំ​ទាំងអស់​ បានរៀបចំ​កម្មវិធី​ពិសាអាហារសាមគ្គី​ជាមួយគ្នា​ ប្រកបដោយ​បរិយាកាសសប្បាយ​រីករាយ​ និងស្និតស្នាលបំផុត៕🙏🙏🙏

នៅរៀលថ្ងៃទី២៧ ខែសីហា ឆ្នាំ២០២៦ ថ្នាក់ដឹកនាំក្រុមការងារយុវជនក្រៅប្រទេសដែលដឹកនាំដោយ លោកឧកញ៉ា ស្រី ចាន់ថន បានដឹកនាំប្រតិភូ ...
27/08/2026

នៅរៀលថ្ងៃទី២៧ ខែសីហា ឆ្នាំ២០២៦ ថ្នាក់ដឹកនាំក្រុមការងារយុវជនក្រៅប្រទេសដែលដឹកនាំដោយ លោកឧកញ៉ា ស្រី ចាន់ថន បានដឹកនាំប្រតិភូ មានលោក កង សុភាព អនុប្រធានសាខាបក្សរដ្ឋអូរីហ្គេន ឯកឧត្តម ឌី បូរីម៉ា អនុប្រធានរដ្ឋអូរីហ្គេន និងលោកជំទាវ លឹម ច័ន្ទលីដា ប្រធានក្រុមការងារទីក្រុងថាយហ្គាយ បានអញ្ជើញចុះទៅសួរទុក្ខ លោក កែម ចាន់តារា អនុប្រធានសាខាបក្ស រដ្ឋអូរីហ្គិន សហរដ្ឋអាមេរិក និងជាស្ថាបនិកសំខាន់មួយរូប ដែលកំពុងសម្រាកព្យាបាលសង្រ្គោះបន្ទាន់នៅមន្ទីរពេទ្យProvidence ដោយបានពាំនាំការដូដ៏ថ្លៃថ្លារបស់សម្តេចតេជោ ហ៊ុន សែន​និងសម្តេច​ បវរធិបតី​ ជូនលោក កែម ចាន់តារា នូវលិខិតសរសើរ នាឡិកាដៃរូបសម្តេចចំនួន១ កាក់មាសរូបតំណាងឈ្នះឈ្នះមួយ ផ្កាចំនួនមួយបាច់ផ្កា ផ្លែឈើមួយកេះ ត្រីខខ្ញុំមួយឡូនិងទឹកផ្លែឈើកេះ។ ក្នុងឳកាសនេះដែរ លោកឧកញ៉ា ស្រី ចាន់ថន ក៍បានជម្រាបជូនអំពីការផ្តាំផ្ញើរសួរសុខទុក្ខ និងក្តីនឹករលឹកពី ចម្ងាយ ពីសម្តេចតេជោ ហ៊ុន សែន និងសម្តេច​ បវរធិបតីជូនចំពោះជូនពរលោកលោក កែម ចាន់តារា អនុប្រធានសាខាបក្ស រដ្ឋអូរីហ្គិន និងលោកឧកញ៉ា ស្រី ចាន់ថន និងក្រុមប្រតិភូ ក៍បានជូនពរលោកកែម ចាន់តារា ឆាប់ជាសះស្បើយពីរោគគារទាំងពួងផងដែរ។

Address

Phnom Penh
12000

Telephone

+85561478117

Website

Alerts

Be the first to know and let us send you an email when ក្រុមការងារយុវជនទទួលបន្ទុករដ្ធអូរីហ្គិន posts news and promotions. Your email address will not be used for any other purpose, and you can unsubscribe at any time.

Shortcuts

Share