Global Experience Consulting Company

خلال مهرجان جمال الإبل بسلطنة عُمان، لجان التحكيم استبعدت 20 جملاً بعد ما اكتشفوا تدخلات تجميلية محظورة.

الفحوصات البيطرية الدقيقة كشفت استخدام:

- بوتوكس لتعديل شكل الشفاه والأنف
- فيلر لتكبير الشفاه
- سيليكون لزيادة حجم السنام
- ومواد لإخفاء بعض العيوب

اللجان استخدمت أجهزة أشعة وسونار حتى تتأكد ماكو أي تلاعب، والنتيجة كانت حرمان الملاك من الجوائز مع التلويح بعقوبات أشد مستقبلاً.

الهدف حسب المنظمين؟
الحفاظ على “الجمال الطبيعي” للإبل وضمان عدالة المنافسة.

رحلت عن عالمنا عالمة الرياضيات الأمريكية غلاديس ويست، المرأة اللي يمكن هواي من عدنا ما سامعين باسمها، بس نستخدم إنجازها كل يوم بدون ما نحس.

هاي العالمة كانت من العقول الأساسية وراء تطوير نظام تحديد المواقع العالمي (GPS).

قبل عشرات السنين، اشتغلت على برمجة حواسيب ضخمة بحجم غرف كاملة، وسوت حسابات دقيقة جداً لشكل الأرض وانحناءها.

هاي الحسابات هي اللي خلت الأقمار الصناعية تكدر تحدد موقعك بدقة، سواء إنت بالسيارة، بالطائرة، أو حتى تمشي والخرائط مفتوحة بالموبايل.

الغريب؟ اسمها ظل بعيد عن الأضواء معظم حياتها، وحتى أولادها ما كانوا يعرفون شكد شغلها كان مؤثر.

بس بعام 2017، انكشفت قصتها وصار العالم يعرف منو كانت وشنو سوت.