Contact information, map and directions, contact form, opening hours, services, ratings, photos, videos and announcements from Ahly Goals, Sports Team, Salmiya.
.السلام عليكم ورحمه الله وبركاتة
طبعا فى البداية بنرحب بكل عضو جديد فى الجروب او اى زائر جديد للموقع ولسا مش عضو فى الجروبكتير بشوف مواضيع فى اقسام كتير فى الموقع من عضو جديد او حد عايز ينضم للجروب ومش عارف يعمل ايةالانضمام لجروب اولتراس اهلاوى بسيط جدا مش صعب ومش عملية كبيرة هيتلخص فى النقاط التالية ويا ريت الكل يركز فيها:
أولا : اى عضو جديدة فى الجروب لازم يعرف ان الاولتراس هى مجموعات تشجيعية تختلف عن فكر الروابط بمعنى ان الاولتراس لها مبادىء معينة ومحددة وتتلخص المبادىء الاساسية للاولتراس فى النقاط التالية
■التشجيع الدائم للفريق طوال المباراة بغض النظر عن النتيجة أو الأداء.
■عدم الجلوس أثناء المباراة
■حضور أكبر عدد من مباريات الفريق مهما بعدت المسافة أو زادت التكلفة.
■الانتماء التام للمجموعة و مكانها بالمدرجات
هى دى مبادىء اولتراس اهلاوى وهى المبادىء اللى كل مجموعات العالم اتفقت عليها اما النقاط اللى بعد كدة ممكن تعرفها مع الوقت من الموقع او الاعضاء القدامى بعد انضمامك للجروب
ثانيا : التشجيع هو اهم نقطة خاصة بالالتراس وطبعا مينفعش تكون موجود فى المدرج من غير ما تكون حافظ الاغانى كلمات ولحن وطبعا كلها موجودة فى قسم الاغانى
ثالثا: الانضمام والمشاركة الفعالة داخل المجموعة بتكون انك تتعرف على افراد مجموعتك ودة بيكون عن طريق الاجتماعات اللى بتتم للمناطق وعشان تعرف منطقتك ممكن تدخل على القسم دة وهتلاقى المسئول عن السيكشن وموجود ارقام الموبايلات ممكن تكلمهم وممكن تشوف اماكن ووقت التجمعات وطبعا دى بتنزل على السايت
رابعا : السؤال اللى الناس كلها بتسأل علية وانا تعمدت انة يكون اخر نقطة هو التى شيرت..التى شيرت مش من مبادىء الاولتراس واهميتة لا تذكر ممكن بعد ما تعمل كل اللى سبق وقولناه وقتها ممكن تجيب التى شيرت ودة بيكون من خلال مسئول السيكشن الخاص بيك اما فى الاجتماعات او قبل الماتشات وطبعا التى شيرت بينزل على السايت واماكن وتوقيت استلامة بردوا بتكون موجودة هنا
اولتراس اهلاوى ليست هيئة تجارية تهدف للربح بمعنى ان المنتجات فقط لتغطية اعمال المجموعة وعلية زيادة دخل الجروب عن طريق فتح فروع لبيع هذة المنتجات ليست من سياسات الجروب او اى فكرة تجارية اخرى.
ألاولتراس تختلف فى افكارها عن الهوليجانز.الاولتراس هدفها الاساسى هو تشجيع فريقها اما الهوليجانز هى مجموعات أنشئت اساسا من اجل الشغب..اما الاولتراس لا تستخدم العنف الا فى الدفاع عن نفسها..العين بالعين والسن بالسن
الانتماء لمكان المجموعة ( الكورفا ) او التالتة شمال من مبادىء الجروب والاولتراس ولا يمكن تعديلة بأى شكل اى التنازل عنة مهما كان
اى تفاصيل خاصة بالاجتماعات لا يتم مناقشتها على الموقع تحت اى ظرف
