Елтай округ жастары

👶 Бала қауіпсіздігі – басты назарда!

Бала – қоғамның болашағы. Сондықтан олардың қауіпсіздігін қамтамасыз ету – әрбір ата-ананың, ұстаздың және қоғам мүшесінің ортақ міндеті.

Осы бағытта түсіндіру жұмыстары жүргізіліп, қатысушыларға бала құқықтары, қауіпсіздік шаралары және құқықбұзушылықтың алдын алу жөнінде ақпарат берілді. Кездесу барысында ата-аналар мен тұрғындар өз сұрақтарын қойып, маңызды мәселелер талқыланды.

🔹 Баланы қараусыз қалдырмау
🔹 Қауіпті жағдайлардың алдын алу
🔹 Заң талаптарын сақтау

Осындай қарапайым ережелер арқылы біз балаларымыздың қауіпсіз болашағын қамтамасыз ете аламыз.

📌 Бала қауіпсіздігі – бәрімізге ортақ жауапкершілік!

Заң мен тәртіп, құқықбұзушылықтың алдын алу жөнінде Елтай округ полиция инспекторы Бельгибаев Махамбет Исатайұлымен бірге барып “Ип Саркеев Ерлан” дүкеніне барып 18 жасқа толмаған жасөспірімдерге алкогольдік ішімдіктер, жанғыш заттар , темекі т.б сондай зиянды заттарды сатуға тыйым салынатынын атап өтті.
#құқықбұзушылықтыңалдыналу

БУЛЛИНГ ЖӘНЕ КИБЕРБУЛЛИНГ.

Бүгін мектеп бітіруші түлектермен «Буллинг және кибербуллинг» тақырыбында маңызды кездесу ұйымдастырылып, дөңгелек үстел өткізілді.

Кездесу барысында оқушыларға буллинг пен кибербуллингтің мәні, оның салдары және одан қорғану жолдары түсіндірілді. Қатысушылар өз ойларымен бөлісіп, ашық пікір алмасу алаңы қалыптасты.

Мұндай кездесулер жастардың бір-біріне құрметпен қарап, жауапкершілік пен адамгершілік құндылықтарын нығайтуға ықпал етеді.

✨ Әрбір адам – құрметке лайық!
✨ Қауіпсіз орта – өз қолымызда!

#БуллингкеЖолЖоқ #Кибербуллинг #Жастар #Тәрбие #Мектеп ДөңгелекҮстел ҚауіпсізОрта СаналыҰрпақ

БҚО-да «Таза Қазақстан» акциясы аясында бір күнде 423 жерде 760 тонна қоқыс жиналды

11 сәуір күні Батыс Қазақстан облысында республикалық «Таза Қазақстан» экологиялық акциясы аясында өңірдің барлық қала және аудандарын қамтыған ауқымды іс-шаралар өтті.

Акцияға мемлекеттік мекеме қызметкерлері, ірі компания өкілдері, жастар және еріктілер қозғалысының мүшелері, сондай-ақ өңір тұрғындары отбасыларымен бірге белсене қатысты. Акция шын мәнінде бұқаралық әрі біріктіруші сипатқа ие болды.

Қатысушылар көшелерді, аула аумақтарын, саябақтар мен скверлерді тазалап, жол бойындағы аумақтарды және үйлердің қоршауларын ретке келтірді. Сонымен қатар, абаттандыру және ағаш отырғызу жұмыстары жүргізілді.

Экологиялық акцияны «WordGreen Company» ЖШС, «Жайық ет» ЖШС, «Аксай Газ Сервис» АҚ, «KMG Parker Drilling Company» ЖШС сынды ірі компаниялар белсенді түрде қолдады.

Жалпы, 423 жерде 760 тоннадан астам қоқыс жиналды.
Акцияға 10 000-нан астам тұрғын қатысып, 120-дан астам техника жұмылдырылды.

🌿ТАЗА ҚАЗАҚСТАН!🌿

Таза Қазақстан – біздің қолымызда!
Бүгін біз, жастар, ауылымызды тазалап, Жалпыұлттық Таза Қазақстан акциясына бірлесе атсалыстық!
Әрбір тазалық – болашаққа жасалған қадам 🌿

Тазалық – тәрбие бастауы. Табиғатты таза ұстау-әр адамның міндеті! Тазалық өзімізден басталады.
Ауыл Жастары бірігіп, ауылымыздың тазалығына үлесімізді қостық… сонымен қатар ауылымыздың тұрғыны Жалғызбасты Фарит ағамыздың үйінің айналасына сенбілік жұмыстарын жүргіздік…Жастармен бірге – таза орта, жарқын болашақ!

#ТазаҚазақстан #устойчивоеразвитие #чистаястрана #экология