One chill Chill

ເຈົ້າປີໂປ້ Comeback ບານລີກລາວຫລັງຈາກຫາງຫາຍໄປດົນ
ກັບມາຄັ້ງນີ້ກັບ ເເບຣນ ຖົງມື AI-SPORT 🇱🇦🔥 ເຫັນຟອມໃນສືກລີກສອງ ນະຄອນຫຼວງວຽງຈັນ 2026 ເເນ່ນອນກັບທີມ FC chanthabouly 🔥


#ຖົງມືນັກຮັບແບຣນລາວ
#ນັກຮັບລາວ

ທີມຊາດລາວຊຸດໃຫຍ່(ຍິງ) ຂຸ້ນຂ້ຽວຝຶກຊ້ອມ ກຽມເຂົ້າຮ່ວມການແຂ່ງຂັນລາຍການ "FIFA DAY" ລະຫວ່າງ ວັນທີ 8-14 ມີຖຸນາ ທີ່ ບາງກອກ, ປະເທດໄທ.
ຕາຕະລາງ ການແຂ່ງຂັນ ທີມຊາດລາວ:
- ວັນທີ 10 ມີຖຸນາ 2026 ທີມຊາດຊາອຸດິ ອາຣັບເບຍ ພົບ ທີມຊາດລາວ ເວລາ 19:00
- ວັນທີ 13 ມີຖຸນາ 2026 ທີມຊາດຊາອຸດິ ອາຣັບເບຍ ພົບ ທີມຊາດລາວ ເວລາ 19:00
ແຂ່ງຂັນທີ່ສະໜາມກິລາ Windmill Football Club, Racha Thewa, Thailand

ບັນຍາກາດຝຶກຊ້ອມ ເຕັມໄປດ້ວຍພະລັງ, ຄວາມພະຍາຍາມ, ແລະ ຄວາມມ່ວນຊື່ນ. ສູ້ຕໍ່ໄປ Bay Savanh FC Academy ⚽🌟

BAY SAVANH ACADEMY ຂອງພ້ອມເຮົາຝຶກຊ້ອມທຸກມື້
ຈັນ ຫາ ສຸກ ເວລາ 17 ໂມງ 00 ຫາ 18 ໂມງ 00
ວັນ ເສົາ-ອາທິດ ຊ້ອມ ເວລາ 7 ໂມງ 00 ຫາ 9 ໂມງ 00
ທີ່ເດີ່ນບານ ເບສະຫວັນ ບ້ານຄຳສະຫວາດ ຮ່ອມ5 ນະຄອນຫຼວງວຽງຈັນ

#ສະໂມສອນບານເຕະ BAY SAVANH ACADEMY ພ້ອມເປີດຮັບສອນບານເຕະ ຮຸ່ນ ເຍົາວະຊົນ
ພວກເຮົາມີຫລັກສູດຮູບເເບບການຝືກຊ້ອມເເບບທັນສະໄໜ, ເພື່ອຈະຊ່ວຍພັດທະນາເຕັກນິກ, ທັກສະດ້ານກິລາບານເຕະໃຫ້ລູກຫຼານຂອງທ່ານ, ມີສຸຂະພາບແຂງແຮງ, ມີລະບຽບວິໄນ, ໃຊ້ເວລາຫວ່າງໃຫ້ເກີດປະໂຫຍດ, ເນັ້ນການຝືກຊ້ອມເເບບມີລະບົບ ເເລະ ເອົາໃຈໃສນັກກິລາ,ສ້າງຄວາມຄ່ອງເເຄ້ວເເລະເເຂ່ງເເກ່ນຈາກພື້ນຖານໃຫ້ກາຍເປັນນັກກິລາຮຸ່ນສືບທອບເພື່ອຮັບໃຊ້ນະຄອນຫລວງວຽງຈັນເເລະລະດັບທີມຊາດໃນອານາຄົດ
#ນອກນັ້ນຍັງຈະມີການເຄື່ອນໄຫວຮ່ວມ ການແຂ່ງຂັນທັງພາຍໃນເເລະຕ່າງປະເທດ
#ສົນໃຈຝືກຊ້ອມສອບຖາມໄດ້ທີ ເບີ
020 52121888 ທ່ານ ອາຈານ ອາເລັກ ໂຄຊ✌️

#ເຈົ້າຕົ້ນກັບບ້ານ
📌BG ປ່ອຍຕົວນັກກິລາຫມົດສັນຍາ 9 ຄົນ ແລະ ໜຶ່ງໃນນັ້ນ ມີ ພຸດທະວົງ ສັງວິໄລ ກອງຫລັງ ທີມຊາດລາວ

ສະໂມສອນ ບີຈີ ປະທຸມ ຢູໄນເຕັດ ໄດ້ປະກາດປ່ອຍຕົວ ນັກກິລາ 9 ຄົນເຊິ່ງ ໃນນັ້ນມີນັກກິລາ 1 ຄົນ ເປັນນັກກິລາ ທີມຊາດລາວ ພຸດທະວົງ ສັງວິໄລ ລົງສະຫນາມທັງຫມົດ 8 ນັດ ສາມາດເຮັດໄດ້ 2 ແອສຊິສ.
#ວິຖິບານເຕະໄປໆມາເລືອງປົກກະຕິ ມາລຸ້ນກັນວ່າ ພຸດທະວົງ ສັງວິໄລ ( ຕົ້ນ ) ຈະໄປທີມໃດຕໍ່🔥

ເຈົ້າດ້ວງອີກໜຶ່ງໂຕຕືງ ກິລານັກຮຽນທົ່ວປະເທດຄັ້ງຕໍ່ໄປເຫັນຟອມເເນ່ນອນ Bay Savanh FC ສົ່ງເຂົ້າປະກວດ 🔥
ຢູ່ເບສະຫວັນປະທ່ານເບ ມີເເນວທາງມີໂອກາດມີແຜນໄລຍະຍາວໃຫ້ເດັກໆໄດ້ໂຊຜົນງານທັງພາຍໃນເເລະນອກໄປເທດ .... ຢູ່ທີໂຕເອັງຈະເຮັດໄດ້ບໍ່
#ຕັ້ງໃຈຝືກຊ້ອມຄວາມພະຍາຍາມບໍ່ເຄີຍທຳຮ້າຍໃຜ⚽🔥

ເຈົ້າເເບ້ງນ້ອຍ ລູກໄຟສຸດຈັດຄົນນິເເຖວສອງຍາໃຫ້ໄດ້ມີໂອກາດ⚽🔥

ຈອບເເຕ່ສິເຈັບໂວຍຍຍຍຍ...ອຸ່ນເຄື່ອງກະບໍ່ໄດ້ ລົງນຳເຂົາ

ທີມເຍົາວະຊົນ⚽ຫລາຍສະໂມສອນຮ່ວມ ກິດຈະກຳ ວັນກິລາບານເຕະ ສຕລ (LFF Football Day) ຕິດພັນກັບວັນປູກຕົ້ນໄມ້ແຫ່ງຊາດ
ແລະ ວັນເດັກນ້ອຍສາກົນທີ່ສູນຝຶກກິລາບານເຕະ ຈໍາປີ-ຈໍາປີ ຫຼັກ 16

ສະຫະພັນບານເຕະແຫ່ງຊາດລາວ (ສຕລ) ໄດ້ຈັດວັນກິລາບານເຕະ ສຕລ (LFF Football Day) ຕິດພັນກັບວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ 1/6/2026) ທີ່ ສູນຝຶກກິລາບານເຕະ ຈໍາປີ-ຈໍາປີ ຫຼັກ 16ໃນວັນທີ 30 ພຶດສະພາ 2026 ຜ່ານມາ, ໂດຍການເຂົ້າຮ່ວມຂອງທ່ານ ວີເພັດ ສີຫາຈັກຣ ປະ ທານ ສະຫະພັນບານເຕະແຫ່ງຊາດລາວ ພ້ອມດ້ວຍຄະນະບໍລິຫານງານ ສຕລ, ພະນັກງານ ສຕລ ແລະ ພໍ່ແມ່ຜູ້ປົກຄອງ ນັກກິລາເຍົາວະຊົນເຂົ້າຮ່ວມ 400 ກວ່າຄົນຈາກ 21 ສະໂມສອນ.

ທ່ານ ວີເພັດ ສີຫາຈັກຣ ໄດ້ກ່າວວ່າ: ງານກິດຈະກຳ ວັນກິລາບານເຕະ ສຕລ ເຊິ່ງປີນີ້ ຖືເປັນປີທີ 4 ທີ່ ສຕລ ໄດ້ຈັດຕັ້ງປະຕິບັດ ໂດຍຄັ້ງທຳອິດແມ່ນເລີ່ມໃນປີ 2023. ພ້ອມດຽວກັນນັ້ນ, ເພື່ອໃຫ້ງານມີຄວາມໝາຍຄວາມສໍາຄັນຍິ່ງຂຶ້ນ ວັນກິລາບານເຕະ ສຕລ ຍັງກົງກັບວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ ກໍຄື ວັນທີ 1 ມິຖຸນາ. ເພາະສະນັ້ນ ນອກຈາກການສ້າງກິດຈະກຳກິລາບານເຕະ ເພື່ອສົ່ງເສີມໃຫ້ ອະນຸຊົນ-ເຍົາວະຊົນ ຫັນມາອອກກຳລັງກາຍ ໃຫ້ສຸຂະພາບແຂງແຮງແລ້ວ ຍັງໄດ້ນໍາໃຊ້ເວລາວ່າງໃຫ້ເປັນປະໂຫຍດ ດ້ວຍການຫັນມາຫລີ້ນກິລາບານເຕະ ແລະ ເພື່ອເຮັດໃຫ້ເຂົາເຈົ້າໄດ້ຫ່າງໄກຈາກສິ່ງເສບຕິດຕ່າງໆ. ນອກນັ້ນ, ທາງ ສຕລ ຍັງແນ່ໃສ່ສ້າງປູກຈິດສໍານຶກໃຫ້ແກ່ ອະນຸຊົນ-ເຍົາວະຊົນ ໃຫ້ມີນໍ້າໃຈນັກກິລາ ຮູ້ຮັກແພງສາມັກຄີ, ຮັກການປູກຕົ້ນໄມ້ ແລະ ເອົາໃຈໃສ່ໃນວຽກປົກປັກຮັກສາສິ່ງແວດລ້ອມ ຫລື ສ້າງພື້ນທີ່ສີຂຽວໄປພ້ອມກັນ.

ຕະຫຼອດໄລຍະ 3 ປີຜ່ານມາ ສຕລ ໄດ້ພາກັນປູກຕົ້ນໄມ້ ຈຳນວນ 600 ກວ່າຕົ້ນ ແລະ ໃນປີນີ້ໄດ້ສືບຕໍ່ປູກຕົ້ນໄມ້ຕື່ມອີກ 200 ຕົ້ນ ທີ່ສູນຝຶກກິລາບານເຕະ ຈໍາປີ-ຈໍາປາ ເຊິ່ງປະກອບມີ ຕົ້ນດູ່, ຕົ້ນຝາງແດງ, ຕົ້ນຄູນ, ຕົ້ນໝາກມ່ວງ ແລະ ຕົ້ນໝາກໝີ້. ພາຍຫຼັງສິ້ນສຸດການປູກຕົ້ນໄມ້, ລູກໆຫລານໆ ຍັງໄດ້ມີກິດຈະກຳກິລາບານເຕະນຳຄະນະຄູຝຶກຈາກ ສຕລ ພ້ອມທັງໄດ້ມອບອຸປະກອນກິລາໃຫ້ບັນດາສະໂມສອນ ເພື່ອນໍາໃຊ້ເຂົ້າໃນ ການຮຽນ-ການສອນ ກິລາບານເຕະໃນຂົງເຂດທີ່ຕົນເອງໄດ້ຮັບຜິດຊອບ ເປົ້າໝາຍເພື່ອສ້າງນັກກິລາບານເຕະເຍົາວະຊົນໃຫ້ມີຈຳນວນເພີ້ມຂຶ້ນເລື້ອຍໆ.

#ວັນເດັກນ້ອຍສາກົນ #ວັນປູກຕົ້ນໄມ້ແຫ່ງຊາດ