Lao Basketball Federation

📢🎊ຂໍສະແດງຄວາມຍິນດີກັບນ້ອງໆ 12ຄົນ🎉👏
ທີ່ໄດ້ເປັນຕົວແທນນັກກິລາບານບ້ວງທີມຊາດລາວ🇱🇦
ລຸ້ນອາຍຸຕຳ່ກວ່າ18ປີຊາຍ ເພື່ອເຂົ້າຮ່ວມແຂ່ງຂັນໃນລາຍການ
FIBA U18 ASIA CUP SEABA QUALIFIERS 2026🏀
ໃນລະຫວ່າງວັນທີ 10-14 ມິຖຸນາ 2026 ທີ່(KRABI THAILAND)

Memorable moments from the 7th SEABA Council Meeting & Field Trip in Vientiane🏀✨

📢ແຈ້ງການເຖິງນັກກິລາທີ່ຜ່ານເຂົ້າຮອບ 30ຄົນສຸດທ້າຍ
🏀ໃຫ້ມາສະເໜີໂຕ ແລະ ຄັດໂຕ
🗓️ໃນວັນທີ 16-17 ພຶດສະພາ 2026
⏰ ວັນເສົາ: 9:00-17:00ໂມງ, ວັນທີດ: 9:00-12:00ໂມງ
📍ສະຖານທີ່: ໂຮງຮຽນ ກຽດຕິສັກນານາຊາດ ຕຶກມັດທະຍົມ (ໜອງໄຮ່)
📱ສອບຖາມ: 020 76 073 795

The SEABA 7TH COORDINATION COUNCIL MEETING 🤝🏀🇱🇦

ກອງປະຊຸມ 7th SEABA Coordination Council Meeting ໄດ້ດຳເນີນຂຶ້ນ ໂດຍການຕ້ອນຮັບພ້ອມທັງເປັນປະທານໂດຍ ທ່ານ ປອ ກິແກ້ວ ຈັນທະບູຣີ ປະທານສະຫະພັນກິລາບານບ້ວງແຫ່ງຊາດ ພິເສດເຂົ້າຮ່ວມກອງປະຊຸມຄັ້ງນີ້ມີທ່ານ ດຣ. ໂກວິນດາຣາຊ ປະທານສະຫະພັນບານບ້ວງອາຊີ, ທ່ານ ຮາກັອບ ກາຈີຣຽນ ກຳມະການບໍລິຫານສະຫະພັນບານບ້ວງອາຊີ, ທ່ານ ເຮັນຣີ່ ຫງຽນ ປະທານສະຫະພັນບານບ້ວງອາຊີຕາເວັນອອກສຽງໃຕ້ ໂດຍໄດ້ມີການຫາລື ແລະ ສະຫຼຸບເນື້ອໃນສຳຄັນ ດັ່ງນີ້:
1. ຮັບຮອງແຜນກິດຈະກຳ ແລະ ປະຕິທິນການແຂ່ງຂັນບານບ້ວງຂອງບັນດາປະເທດສະມາຊິກ ໂດຍແຕ່ລະປະເທດໄດ້ນຳສະເໜີແຜນການຈັດການແຂ່ງຂັນພາຍໃນປະເທດ ແລະ ລະດັບພາກພື້ນ ເພື່ອສົ່ງເສີມການພັດທະນາກິລາບານບ້ວງໃນພາກພື້ນອາຊີຕາເວັນອອກສ່ຽງໃຕ້
2. ຮັບຮອງແຜນການຝຶກອົບຮົມຄູຝຶກ (Coaching Clinic Program) ຂອງບັນດາປະເທດສະມາຊິກ ພ້ອມຫາລືແນວທາງໃນການຍົກລະດັບມາດຕະຖານການພັດທະນາຄູຝຶກໃນພາກພື້ນ
3. ຮ່ວມກັນວາງແຜນກິດຈະກຳ ແລະ ແນວທາງການດຳເນີນວຽກສຳລັບປີ 2027 ເພື່ອເສີມສ້າງຄວາມຮ່ວມມືດ້ານກິລາບານບ້ວງ ການພັດທະນາເຍົາວະຊົນ ແລະ ການພັດທະນາສັກກະຍະພາບບຸກຄະລາກອນດ້ານກິລາໃນພາກພື້ນຢ່າງຕໍ່ເນື່ອງ

📌ສຳລັບຜົນປະໂຫຍດທີ່ ສະຫະພັນກີລາບານບ້ວງແຫ່ງຊາດ ໄດ້ຮັບຈາກການເປັນເຈົ້າພາບຈັດກອງປະຊຸມໃນຄັ້ງນີ້ປະກອບມີ:
1. ສ້າງຄວາມເຊື່ອມສາຍພົວພັນ ແລະ ເສີມສ້າງຄວາມຮ່ວມມືກັບ FIBA Asia, SEABA ແລະ ບັນດາສະຫະພັນບານບ້ວງຂອງປະເທດສະມາຊິກໃນພາກພື້ນ
2. ຍົກລະດັບພາບລັກ ແລະ ບົດບາດຂອງສະຫະພັນບານບ້ວງແຫ່ງຊາດລາວໃນເວທີກິລາບານບ້ວງລະດັບພາກພື້ນ ແລະ ສາກົນ
3. ເປັນໂອກາດໃນການແລກປ່ຽນປະສົບການ ແລະ ຮັບແນວທາງໃໝ່ໆ ກ່ຽວກັບການພັດທະນານັກກິລາ, ຄູຝຶກ, ຜູ້ຕັດສິນ ແລະ ການບໍລິຫານອົງກອນກິລາ
4. ສ້າງໂອກາດໃນການຂໍຮັບການສະໜັບສະໜູນດ້ານວິຊາການ ແລະ ໂຄງການພັດທະນາຕ່າງໆຈາກ FIBA Asia ແລະ SEABA ໃນອະນາຄົດ
5. ຊ່ວຍສົ່ງເສີມການພັດທະນາກິລາບານບ້ວງລາວ ໃຫ້ມີຄວາມເຂັ້ມແຂງ ແລະ ກ້າວສູ່ມາດຕະຖານສາກົນຫຼາຍຂຶ້ນ

South East Asia Basketball Association

🏀 ສະຫະພັນກິລາບານບ້ວງແຫ່ງຊາດ ຮູ້ສຶກເປັນກຽດຢ່າງສູງ ທີ່ໄດ້ເປັນເຈົ້າພາບຈັດກອງປະຊຸມຄະນະປະສານງານ ຄັ້ງທີ 7 ຂອງ Southeast Asia Basketball Association (SEABA) ສຳລັບວາລະ 2023–2027 🇱🇦
ການປະຊຸມຄັ້ງນີ້ ເປັນເວທີສຳຄັນໃນການເສີມສ້າງຄວາມຮ່ວມມື, ແລກປ່ຽນວິໄສທັດ ແລະ ພັດທະນາກິລາບານບ້ວງໃນພາກພື້ນເອເຊຍຕາເວັນອອກສ່ຽງໃຕ້ ໃຫ້ເຕີບໂຕຢ່າງຍືນຍົງ 🌏🤝

https://www.facebook.com/share/p/17oBAdX9X9/

ຂໍຊົມເຊີຍທີມທີ່ໄດ້ຮັບລາງວັນຊະນະເລີດ.👏👏👏🎉🎉🥇
ສບລ ມີຄວາມມຸ່ງໝັ້ນທີ່ຈະຊຸກຍູ້ ແລະ ສົ່ງເສີມເຍົາວະຊົນລາວໃຫ້ພັດທະນາຢ່າງຕໍ່ເນື່ອງ ແລະ ກ້າວສູ້ຄວາມສຳເລັດໃນອະນາຄົດ ໃນຕໍ່ໆໄປ.

👏👏ຊົມເຊີຍ ທີມບານບ້ວງເຍົາວະຊົນສະໂມສອນ “ລາວ ບໍລເລີ” ຈາກລາວເຮົາ 🇱🇦 ສ້າງຊື່ສຽງໃຫ້ແກ່ປະເທດ ຫຼັງຈາກຄວ້າແຊ້ມການແຂ່ງຂັນກິລາບານບ້ວງ 3 ຄົນ ຫຼື 3x3 ຮຸ່ນອາຍຸບໍ່ເກີນ 14 ປີ ລາຍການ “3x3 Shoot It Bas” ທີ່ກຸງເທບມະຫານະຄອນ ປະເທດໄທ 🇹🇭 ເມື່ອບໍ່ດົນມານີ້.

ການແຂ່ງຂັນລາຍການນີ້ ເປັນເວທີສຳຄັນ ທີ່ລວມເອົາທີມສະໂມສອນຊັ້ນນຳ ຫຼື “ທີມຍັກໃຫຍ່” ຈາກທົ່ວປະເທດໄທເຂົ້າຮ່ວມ ເຮັດໃຫ້ການແຂ່ງຂັນເຂັ້ມຂຸ້ນ ແລະ ມີມາດຕະຖານສູງ, ໂດຍທີມ “ລາວ ບໍລເລີ” ສາມາດສະແດງຝີມືໄດ້ຢ່າງໂດເດັ່ນ ເອົາຊະນະທີມທີ່ແຂງແກ່ນຫຼາຍສະໂມສອນ ຜ່ານເຂົ້າສູ່ຮອບຊິງຊະນະເລີດ ພົບກັບ ທີມແວມພາຍ (ສະໂມສອນຍັກໃຫຍ່ໃນໄທ) ແລະ ທີມເຍົາວະຊົນລາວ ຍັງຄົງຮັກສາມາດຕະຖານການຫຼິ້ນໄດ້ຢ່າງດີ ເອົາຊະນະຄູ່ແຂ່ງໄປໄດ້ຢ່າງສູສີ ຄວ້າແຊ້ມມາຄອງຢ່າງພາກພູມໃຈ.

ຄວາມສຳເລັດໃນຄັ້ງນີ້ ບໍ່ພຽງແຕ່ເປັນການຄວ້າແຊ້ມ ແຕ່ຍັງເປັນການຢືນຢັນສັກຍະພາບຂອງນັກກິລາລາວ ທີ່ສາມາດແຂ່ງຂັນກັບທີມລະດັບແນວໜ້າຂອງປະເທດໄທໄດ້ຢ່າງສົມສັກສີ, ທັງນີ້ ຄູຝຶກຂອງທີມ “ລາວ ບໍລເລີ” ໄດ້ເປີດເຜີຍວ່າ: ຄວາມສຳເລັດເກີດຈາກຄວາມມຸ່ງໝັ້ນ, ການຝຶກຊ້ອມຢ່າງຕໍ່ເນື່ອງ ແລະ ການສະໜັບສະໜູນຈາກທຸກພາກສ່ວນ ບໍ່ວ່າຈະເປັນຜູ້ປົກຄອງ ແລະ ສະຫະພັນກິລາບານບ້ວງແຫ່ງຊາດລາວ.

ຂໍ້ມູນ: Lao National TV

📢 ປະກາດລາຍຊື່ນັກກີລາ 30 ຄົນສຸດທ້າຍ! 🏀

​ອີງຕາມຜົນການຄັດເລືອກນັກກີລາທີ່ມີເງື່ອນໄຂຄົບຖ້ວນ ເພື່ອເຂົ້າຮ່ວມການຝຶກຊ້ອມໃນໄລຍະຕໍ່ໄປ, ຄະນະກຳມະການໄດ້ພິຈາລະນາ ແລະ ຂໍປະກາດລາຍຊື່ຜູ້ທີ່ຜ່ານເຂົ້າສູ່ຮອບ 30 ຄົນສຸດທ້າຍຢ່າງເປັນທາງການ.

​‼️ ໝາຍເຫດສຳຄັນ:
🗓️​ວັນທີລາຍງານຕົວ: 16 & 17 ພຶດສະພາ 2026 (2ວັນ ຄັດຕົວ)
📌​ສະຖານທີ່: ໂຮງຮຽນ ກຽດຕິສັກ ນານາຊາດ (ໂສກປ່າຫຼວງ)
⏰​ເວລາ: ຈະແຈ້ງໃຫ້ຊາບຕື່ມພາຍຫຼັງ (ໃຫ້ຕິດຕາມ page)
🎒​ສິ່ງທີ່ຕ້ອງກຽມ: ອຸປະກອນກີລາສ່ວນຕົວ ແລະ ເອກະສານທີ່ກ່ຽວຂ້ອງ (ພາສປອດສະບັບແທ້)

​🎉 ຂໍສະແດງຄວາມຍິນດີກັບນັກກີລາທຸກທ່ານ! ຂໍໃຫ້ທຸກຄົນມຸ່ງໝັ້ນຝຶກຊ້ອມ ເພື່ອພັດທະນາສັກກະຍະພາບໄປສູ່ລະດັບທີ່ສູງຂຶ້ນ.

​📞 ສອບຖາມຂໍ້ມູນເພີ່ມເຕີມ: 020 76 073 795
#ສະຫະພັນກີລາບານບ້ວງແຫ່ງຊາດ

ຊົມເຊີຍວັນກຳມະກອນສາກົນ

📌 ເຫຼືອເວລາພຽງແຕ່ 2ມື້ ເທົ່ານັ້ນ‼️

🎉 ຂ່າວດີ ສຳລັບນ້ອງໆນັກກິລາບານບ້ວງປະເທດລາວ 🏀
ສະຫະພັນກິລາບານບ້ວງແຫ່ງຊາດ ເປີດໂອກາດໃຫ້ນັກກິລາລຸ້ນອາຍຸຕຳ່ກວ່າ 18ປີຊາຍ ສະໝັກ-ເພື່ອຄັດເລືອກນັກກິລາທີມຊາດ ເຂົ້າຮ່ວມການແຂ່ງຂັນກິລາບານບ້ວງໃນງານ FIBA U18 CUP SEABA QUALIFIERS KRABI 2026🇱🇦 ເຊິ່ງໄດ້ຈັດຂຶ້ນໃນວັນທີ 10 ຫາ 14 ມິຖຸນາ 2026. ທີ່ ຈັງຫວັດກະບີ່ ປະເທດໄທ ເຊິ່ງລວມມີ 7ປະເທດອາຊຽນທີ່ເຂົ້າຮ່ວມ 🇱🇦🇻🇳🇹🇭🇸🇬🇵🇭🇲🇾🇲🇨

**ເງື່ອນໄຂໃນການສະໝັກ:
✅ ອາຍຸລະຫວ່າງ 15-18ປີ (ເກີດປິ 2011-2008)
✅ ສາມາດເຂົ້າຮ່ວມຝຶກຊ້ອມເພື່ອຄັດເລືອກ
✅ ສາມາດເຂົ້າສູນຝຶກຊ້ອມເພື່ອເກັບໂຕ
✅ ຕ້ອງມີພາສສະປອດ-ສັນຊາດລາວ ແລະ ບໍ່ໝົດກຳນົດກ່ອນ 1ປີ
✅ ນັກກິລາຕ້ອງກອກແບບຟອມຢ່າງລະອຽດ ແລະ ຄົບຖ້ວນ

📌 ເປີດຮັບສະໝັກ ວັນທີ 24-30 ເມສາ 2026 ນີ້ເທົ່ານັ້ນ‼️
📌 ປະກາດລາຍຊື່ນັກກິລາຮອບທຳອິດ ວັນທີ1 ພຶດສະພາ 2026

ເບີໂທຕິດຕໍ່: 020 76 073 795