Kac basket officiel

السلام عليكم
صراحة سي حموش داير مجهود خرافي ف التداريب مع احتراماتي لكل اللعابة را المكتب القديم تكرفس عليهم
الدراري ناقصين تكوين والشبان صراحة …. المهم را سي حموش ماغاديش يكمل العام حتا يخرج منهم لعابة كبار انشالله
خاص الحضور و الخدمة والسكات
تحياااتي

نهاية المسلسل
اخيرا ساليييينا المكتب تشكل و الوسخ مشاااا
دابا الخدمة خاسها تبدّا و الكاك خاسها ناسها الرجال
الفرقة غادا مزيان مع سي حموش محمد لي كايدرب الفرقة فااابور هاد الساعة الله يرحم ليه الوالدين
سي زكرياء الطيبي الرئيس جاب معاه ولاد الناس
اللعابة الصراحة واقفين رجال معانا و صابرين و مضحيين
الكابيتانو سمير بودركة الصراحة داير دور المدرب و الأخ و الرئيس و الله يرحم ليه الوالدين ضحا براسو و فلوسو و دابا جا الوقت باش يرتاح و يعاون ف التيران باركة عليه
الجمهور مانخافش عليه ديما معانا
لمن مانساوش التكوين لأنه هادي سنييييين و المدرسة غادة عشواااااااءيا و ما عطلتنا تا لاعب
الرئيس ماخاسش تفكرو فالسنيور فقط را المدرسة ماتت و خاصنا نحييوها و تكون ف المستوى

في ذمة الرحمن
ان لله و ان اليه راجعون
انتقل إلى جوار ربه أطيب الخلق صديقنا العزيز و إسم على مسمى عزيز اوسعدن
رحمك الله صديقي العزيز و انزل عليك رحمته الواسعة
إلى جنة الخلد ان شاء الله

الاستعدادات متواصلة من اجل الإعداد للجمع الاستتناءي
لكن حدااااااري من المتربصين
شكيتي بالمحامي و شكيتي بالحلاق شكون باقي ليك ؟؟
ا والو و الله إلى رجعتي للكاك و تا ديك سوسة لي خليتي لينا ماغاديش يبقى غادي نجريو عليه حيت مابغيناش تبقى شي ريحة ديال المكتب ديال 💩 لي فات
صافي التورة غادوز ف الزمر كاااامل
غادي يطلع مكتب نقي باغي يخدم ماشي باغي يستافد
باااسطا دركو علينا كمارتكوم را فرشنااااكم
المهم المدرب را بدأ مع اللعابة و الجو زوين و اللعابة متعاونين معاه
و عطيوه التيساع و خليو السيد يخدم و حنا معاه و الجمهور تا هوا

كرونولوجيا الأحداث باش جمهور الكاك 🏀 يعرف ااااااش واقع
١/ الريس ديال ١٣ عام درك علينا زلافتوووو الله على راحة 💧و 🧹
٢/ دارو ناس لجنة باش يوجدو الجمع العام و داروه و غادي يتبتنا الرئيس الجديد ب واحد اللقاء تواصلي هممممم شحا ل الحوليييييي
شاد واحد الورقة زعما تايقيد النقط و هوا غيييي طانز و كايلعب سيدوكو
٣/ الجمع العام بدأ و و و الكوكوط جايا وااااااجدة و تايضحكو علينا
السي وديع شم ريحة خاااااانزة و هوا يكوليهم السلااااااام عليكم أنا ماااا لاعبش ف الوسخ يالاه بااااااي اوووو باي
دبااااااا خوااا التيراااان و الرئيس غادي يعلن المكتب لي غادي يقسم معاه 🎂🎂🎂
هنا يتدخل الحلاااااااااق و يعلن التمرد على اللقلاااااااق
اممممم اش واقع !!! نورمااااااال ماعطاهش طرف ديال 🎂 شنو غايبقا ساكت؟ اوهوووو غايرونهااااااااا. و غايكوليهوم تا أنا عندي فرقتيييييي و بغينا تدخلو للمكتب
رفعت الجلسة للتشاور هء عفوا للتقاسم و باش يعاودو القسمة
مهم شي بغا يدخل بنادم ماكاين تا ف المغرب شي مدخل صاحبو شي جايب معاه الكاتبة ديالو و الروييييينة
اخيرا تكون المكتب فيه ١٥ عضو كتر من أرسنال.
٤ / هااااا صداع بدأ حيت دارو لجنة تقنية المهم بلا مانكوليكم شكون فيها لاعب دولي سابق متقاعد ر لاعب دولي ممارس و لاعب آخر متقاعد و حكم دولي المهم شي صحاب بيناتهم عمرهم تلاقاو غي باش يدوزو القرارات بالسكاات بحال البرلمان
مهم هاد اللجنةًاجتامعو فيها ٣ د ناس و قرروا شكون المدرب و شكون مدرب الجنيور و الكادي و و و
مزيان دارو المحضر مع ١٢ و مع ١٨ الريس قلب كولشي و كاليهوم لا لا لا غاندير صاحبي مدرب و هي تبلبل خصوصا منين الرئيس صحاب راسو لابورتا بدأ مايعين الناس و يحيدهم ههههه كاتبهم غي ب طاباشير
٥ / الكااااااو : الرئيس جرا على صاحبو عدوو من المدرسة ههههه و مدير المدرسة قيسو ف الكلوة ديالو و ماتقيسوش فمدراستو هههههههه
٦/ هنا بدأ صراع اللقلاق و الحلاق و لكن عييت و الله مانزيد كلمة و شيبس سالات و غايبدا فيلم زوين
و لكن دومان نكمل ليكم حيت غايدابزو معايا بزاف ديال الشلاهبية و لكن لنا و خلية الكتابة ماكانخافوش و ماراجعينش اللور و دعينا السي بلا ماتحشم

مشاااااا شكا بيه عند عصبة الوسط قالبهم كنت باغي نخدم الفرقة ساعة طيرني
ههههههه. كان باغي يخدمها نيييييت و تا سييييييير راك خدمتيها شحاااااال هادي
شوف ساين نسالي ليك
الليلة نتفرغ ليك
شيبس و مندرين و نقصر عليك
مابغيتيش تحشم

من يعرقل تاسيس المكتب الجديد للكاك باسكيط ؟؟
حنا عاااارفين شكون و هادوك لي كايجريو باش ياخدو الكاك و يخرجو عليها
أ شوف أ سي المستقيل وا واخا يحرشوك و يزرفوك ا و الله لا سمحنا فيها هاد المرة و الجمع العام سيد الأمر
ارااااا ما تجربو و راني غادي نفضحكم واحد واحد بالسميات مرة الجاية
بااااقي حشمان على وجه العشرة ولكن للصبر حدود
ساينوني سو سوار