widad b'darija

واش كتخيلو كي غنكونوا كون بقا هذا معا هاد السكواد لي عندنا 🤯

سي بنهاشم رجع لينا هذا راه كيبان لياا عندنا الذاكرة متقوبة ، راه مكيبانش لياا شي واحد حسن من هذا لشد الريتم ديالو او رجع الفورمة ، تبقا تشوف قنبولة من ليسر ، او قنبولة خرا من ليمن ، خلي من داكشي تاع لا عصابي هضرة دراري صغار رجع الدري ، راه وصلتي لواحد المرحلة دورتي الفرقة كاملة ال هذا مكدخلوش 🤷

عارف عشتو العذاب هاد الميركاتو ، باقي مشتو والو تسناو الصيف .....🫡

سي هشام دري طيارة اي واحد اليمينيه غير بالضحك ، هذا هو المستقبل رجع الولد لدارو اتفرج 🤍❤️☝️

معرفتش واش غادي تكونوا متافقين معايا ال لا ولكن كيبان لياا جات وقت هاد السيد بلاصة لورش 🤌

اكثر واحد كنحس بيه محكور فالوداد ، هادشي بزاف على الإنتقاد ، مع انه هاذ العام دار دوبي سيزون مزيانة ابزاف او الإحصائيات ديالو لي داوية عليه السيد ساهم حاليا ف 8 اهداف تقريبا مابين الصناعة والتسجيل او باقي ملعبش الماتشات كاملين كاينين ماتشات لعب فيهم بوشواري titolir ، احصائيات ما دار فيهم داك بولكسوت لي مهللين بيه الناس تا 1٪ ، حتا واحد مكيختالف بلي مفيد عندو مشاكل تقنية بسيطة يمكن الإشتغال عليها او غادي يصححها ولكن ماشي بهاد الكمية ديال النقد لي بان لياا انا حماض ، لدرجة معمري شت شي واحد مدح هاد السيد فشي ماتش ، حرام .
اي واحد ال كيشوف هادشي غادي يأثر عليه ، عوض حنا نوقفو معا السيد او نعاونوه ، كنبقاو نوجهوا ليه انتقادات غبية سوا كان مزيان سوا كان خايب .
العملود براسو لي كنقولو عليه واحد من افضل اللاعابة لي دازو عندنا فداك البوسط ، راه هو نيت عندو مشاكل مع الكرة فرجليه ، مي حسن المشاكل ديالو حيت وقفنا معاه ، او مفيد انا متأكد بلي ال حس ولو غير 50٪ بلي جمهور داير بيه معاونو غتشوفوا واحد النسخة منو الخيال ، حيت فيه جميع المواصفات ديال احسن الأظهرة في افريقيا .

كنت عارف هاد الميركاتو مغاديش اسالي على خير ، بنادم كولو كيحل فموو زياش وا افضل صفقات فالتاريخ غادي يديرو غادي افعلو ووو ، معمري ربيت كبدة على شي لعاب تال اليوم باش منكذبش عليكم جاني بحال لا مشا لينا شي لقب للأسف ، نتمناو لي كينين يقضيو الغرض واخا صعيب تعوض الكورة الكبيرة لي عند هاد السيد ...

وا جاااااوب ....

ممنوع المس ، ال باغي نجيب لعاب بحال بوفال او زياش تا واحد مغادي انكر الإظافة ديالهم ، ولكن بالمقابل باش تكون عندك نوايا باش تفرط فهاد الجوج راه تسطياا هذيك ابرز نجوم الفريق لورش باقي يعطيك عامين فأوج العطاء وعزيز كي تبارك الله ، ال بغيتي تقوي الفرقة زيد عليها ماشي تجيب اوتبيع ، بغينا ال كرهنا زياش او بوفال ال عطاوك المكاسيمون عامين ديال الكورة ....

ما رايكم ؟