18/07/2026
🚨 في خضم ما يقع خلف الكواليس : اجتماع المجموعة مع الرئيس و تعيين قندار مدير رياضي و تعيين السفري مدرباً جديداً ،بغيت نأكد واحد الحاجة اللي ولات بديهية فالكوكب مند زمان ، شتي مادام السماسرة كايقمرو بالفرقة كي بغاو عمرنا نشوفو الكوكب كي بغينا كجمهور حيت أكبر دليل على هضرتي هي هاد الصفقة المگمحة ديال ولد مدراستنا بطل كأس العالم اللي نهضة بركان ربحو فيها 600 مليون او البحراوي ما لعب معاهوم حتى ماتش فيما الكوكب خدا 400 مليون شتي غي هادي بوحدها كاتبين ليك ان من يدير الكوكب سماسرة بإمتياز كايضبرو على راسهم قبل مصلحة الفرقة ..
الى مكانش مشروع اعادة الهيكلة تاع الفريق بوجووه جديدة و كفاءات و دوي الإختصاص لجعل الكوكب شركة رياضية حقيقية واحترافية كما هو الحال فمثال فاس فراه غي تسناو سيناريو الهبوط حيت هادشي ولينا كاملين عارفينو لكن السؤال الحقيقي واش مراكش مافيهاش مستثمرين بغاو ادخلو على الفريق وأصلحوه ام هناك من يعرقل هاد الناس باش مايجيوش وابقاو هوما اللي متحكمين فهاد الفرقة مند عدة عقود بدون مردود وانجازات تذكر ؟
ماهي الحلول ؟ واش الجمهور مابقاتش عندو قيمة قدام هاد المرتزقة؟ اللي ولاو حاكمين الكوكب او ولات تدر عليهم ملايير السانتيمات بدون حسيب ولا رقيب ؟
