Med Mat Sport

السلام عليكم الإخوان .
الذال على الخير كفاعله .
هد الولد مسكين من مدينة طنجة الإسم ديالو يعاني من مرض الزهايمر وقد اختفى يوم الأحد على الساعة الخامسة مساءا .
نداءي لكم إذا صادفه أحد أو يعرف معلومة عنه المرجو الإتصال على هدا الرقم 0605021609
وتحية للجميع ✌

شنو بان لكم.......؟

حنا كاتطوانيين كانتشاركوا نفس الفكرة لي هيا وفاين ماكان شي قرد عاملنا العرقلة وخالق لنا بزااف دالمشاكل ولكن ماعمرنا جات فبالنا بأن هد الشي حنا سبابو وحنا لي عطينا الفرصة نهد المرتزقة يحاربونا بشتى الطرق .
نقولك علاش :
فهد العشر السنين الأخيرة المكتب المسير الفاشل لي كان عندنا وتسبب لنا بالسقوط تبع سياسة التفرقة والإقصاء وماكنشي كيبغي شي حد يعاونوا وخا كان عارف راسو فاشل وماعندوا حتى دراية بالتسيير وماغيقدم الفرقة حتى حاجة ،واللي خلاه يعمل هد الشي، كاين جوج فرضيات ..!
:
هو انه انسان أناني ومابغيشي لي يشارك معاه السلطة باش يبقى كلاموا مسموع ويحافظ على ديك الكاريزما لي كايتخيلها مع راسو وكاين شي ناس الله يسمح عليهم هما لي عاونوه فهد الشي حتى تاق فراسوا .
:
أنا كنظن هيا اللي كاتميل للواقع ، وهيا كاين شي ناس باغيين يبعدوا اصحاب الكفاءة والغيورين لأسباب غير رياضية وبعيدة على كرة القدم وكاتجلى فالإنتماء ،يعني نتا كحل وانا صفر وماكنتشركوشي نفس الدار إذن غير مرحب بك وخا تكون عندك العصا السحرية وبالإمكان ديالك تخرج الفريق من الوضعية المأساوية اللي كيدوز منا ، وهدا هو المنكر بعينو.
كيف يعقل أن تستخدموا فريق المدينة من أجل صراعات لاتمثلنا كاجمهور ونستنكر هدا التصرف الأرعن....؟
ولتصحيح المسار والعودة إلى سابق العهد ونحيي الأمجاد يجب وضع اليد في اليد وحدف التعنت وطلب المساعدة والدعم من كل شخص باستطاعته أن يعطي الإضافة لأن تطوان وفريقها الاتلتيك ملك للجميع ومصلحته كدلك تهم الجميع صغيره قبل كبيره وترك الصراعات الغير رياضية للمناسبات التي تفرض دلك وكفى من الأنانية وحب الإمتلاك لأنه صفة شيطانية والعياد بالله ٠
وهيا مانفتقد حاليا .
ديما اتلتيك تطوان ✌

نهار لي مايبقاوشي الطبالة دايرين بالفرقة تطوان غاترجع طوووووب
😉

لي معاه الحق كايخرج يجهر به فالعلن ويتحدى أي واحد ماشي يتكمش ويبقى مخبع فالصفحات .
انا كنظن ظلمنا العصبة في موضوع تأهيل اللاعبين لأنهم خرجوا نيشان وحيدو اللوم عليهم ونسبوه للمكتب المسير .
هد سياسة الغموض لي متبعينها هد الناس أكيد غاتخلق واحد الفجوة بين الإدارة والجمهور والا منقول اصلا خلقت لأن الثقة انعدمت وطابع التشائم هو اللي كاين دبا على اغلب الجماهير التطوانية الوفية، فقدوا الشغف فقدوا روح المنافسة وطابع الخوف على مستقبل الاتلتيك أصبح أكثر من الوقت السابق .
:
كانت عندنا فيك ثقة عمياء للعودة بفريقنا المغرب التطواني إلى أوج العطاء .
نرجوا منك حاليا أن تأخد زمام الأمور بنفسك ولا تتركها في يد كل من يعطي الوعود ولا يفي بالعهود لانك الوحيد الذي ستتعرض للوم اذا وقع لا قدر الله شيء يسيء بفريق المدينة الشريفة #تطوان

🤍✌❤