Sporti Shkollorë Istog

🏃‍♂️ Olympic Day në Istog 2026

Në Shkollën Fillore “Martin Camaj” në Gurrakoc u organizua me sukses aktiviteti sportiv “Olympic Day”, me pjesëmarrjen e 50 nxënësve. Gjatë këtij aktiviteti, nxënësit patën kënaqësinë të marrin pjesë në lojëra dhe aktivitete sportive, duke promovuar stilin e jetesës aktive, bashkëpunimin dhe frymën sportive.

Atmosfera ishte e mbushur me energji pozitive, entuziazëm dhe argëtim, duke krijuar momente të bukura për të gjithë pjesëmarrësit.

Falënderojmë Shkollën Fillore “Martin Camaj” në Gurrakoc, drejtorinë, mësimdhënësit dhe nxënësit për mikpritjen, bashkëpunimin dhe angazhimin e tyre në realizimin e këtij aktiviteti të suksesshëm.

Gjimnazi “Haxhi Zeka” nënkampion i Kosovës! 🥈⚽️

Pas paraqitjes së shkëlqyer në garat regjionale në futsall (vajzat), ekipi u kualifikua në finalen e garave republikane.

Në finale, vajzat zhvilluan lojë të mirë, por fati nuk ishte në anën e tyre dhe u shpallën nënkampione të Kosovës.

Urime nxënëseve dhe mësimdhënësve për suksesin e arritur! 🏆

Turnir në futboll në nderim të 12 Prillit – Ditës së Dëshmorëve të Komunës së Istogut ⚽️🇽🇰

Në kuadër të shënimit të 12 Prillit – Ditës së Dëshmorëve, sot në Palestrën e Sportit në Vrellë u mbajt një turnir futbolli me pjesëmarrjen e nxënësve nga disa shkolla të komunës.

Të pranishëm në këtë aktivitet ishin përfaqësues institucionalë, ndër ta edhe Drejtoresha për Kulturë, Rini dhe Sport, Era Rexhaj, e cila përgëzoi nxënësit për angazhimin, disiplinën dhe frymën sportive.

🏆 Rezultatet:
• Vajzat:
🥇 Vendi i parë – SHFMU “Hysni Zajmi” (Vrellë)
🥈 Vendi i dytë – SHFMU “Trepça” (Banjë)

• Djemtë:
🥇 Vendi i parë – SHFMU “Bajram Curri” (Istog)
🥈 Vendi i dytë – SHFMU “Trepça” (Banjë)

Ky aktivitet u zhvillua në një atmosferë të shkëlqyer sportive, duke i dhënë një kuptim të veçantë kësaj dite përmes energjisë, bashkëpunimit dhe përkushtimit të të rinjve

KAMPION REGJIONAL – DY SHKOLLA NGA ISTOGU! 🏆 🏆

Në Deqan u mbajtën garat regjionale për shkolla fillore dhe të mesme, ku nxënësit treguan talentin, përkushtimin dhe frymën e konkurrencës së shëndetshme.

🥇 Vendi i parë për vajza: SHML “Haxhi Zeka”, Istog

🥇 Vendi i parë për djem: SHFMU “Martin Camaj”, Gurrakoc

I urojmë këtyre dy shkollave për fitoren e merituar dhe ju dëshirojmë shumë suksese edhe në garat e ardhshme! 🌟

🏆 Kupat iu ndanë me meritë kampionëve.

Të mërkurën dhe të enjten, në ambientet sportive të shkollës “Hysni Zajmi”, Vrellë në kushte shumë të mira janë zhvilluar garat komunale në volejboll për shkollat fillore dhe të mesme të Komunës së Istogut, të organizuara nga Sporti Shkollor Istog.

Gjatë këtyre ditëve pati ndeshje shumë të mira në të dy konkurrencat, ku u dalluan për angazhim, lojë cilësore dhe frymë sportive.

Shkollat fillore – Vajza:
🥇 Vendi i parë: SHFMU “Avni Rrustemi” – Zallq
🥈 Vendi i dytë: SHFMU “Hysni Zajmi” – Vrellë

Shkollat fillore – Djem:
🥇 Vendi i parë: SHFMU “Martin Camaj” – Gurrakoc
🥈 Vendi i dytë: SHFMU “Avni Rrustemi” – Zallq

Shkollat e mesme – Djem:
🥇 Vendi i parë: SHML “Haxhi Zeka” – Istog
🥈 Vendi i dytë: SHML “Mithat Frashëri” – Gurrakoc

Falënderojmë shkollën “Hysni Zajmi” për organizimin e shkëlqyer dhe u urojmë shumë suksese fituesve në garat Regjonale!

Në SHFMU “Trepça” në Banjë u mbajtën garat shkollore në Futsall për meshkuj.

Kjo garë u karakterizua me ndeshje shumë të mira, rivalitet sportiv dhe interes të madh nga nxënësit për këtë sport. Nxënësit treguan përkushtim, talent dhe frymë të lartë sportive gjatë gjithë zhvillimit të garës.

Pas zhvillimit të ndeshjeve, 🏆 vendin e parë e fitoi SHFMU “Martin Camaj” – Gurrakoc, ndërsa 🥈 vendin e dytë e zuri SHFMU “Hysni Zajmi” – Vrellë.

Garat u organizuan në bashkëpunim me Komunën e Istogut dhe Federatën e Sportit Shkollor të Kosovës.

Prezente gjatë kësaj gare ishte edhe Drejtoresha e Sportit, znj. Era Rexhaj.

Falënderojmë të gjitha shkollat pjesëmarrëse për angazhimin dhe kontributin në promovimin e sportit shkollor.

Në ambientet e SHFMU “Hysni Zajmi” në Vrellë u mbajtën garat shkollore në Futsall për vajza, ku morën pjesë shumica e shkollave të Komunës së Istogut.

Kjo garë u karakterizua me ndeshje shumë të mira, rivalitet sportiv dhe interes të madh nga vajzat për këtë sport. Nxënëset treguan përkushtim, talent dhe frymë të lartë sportive gjatë gjithë zhvillimit të garës.

Pas zhvillimit të ndeshjeve, vendin e parë e fitoi Pas zhvillimit të ndeshjeve, vendin e parë e fitoi:

🏆 Vendi i parë u shpall SHFMU “Hysni Zajmi” – Vrellë

🥈 Vendi i dytë i takoi SHFMU “Ndre Mjeda” – Rakosh

Garat u organizuan në bashkëpunim me Komunën e Istogut dhe Federatën e Sportit Shkollor të Kosovës.

Këtë aktivitet sportiv nga afër e përcollën edhe Drejtoresha e Sportit, znj. Era Rexhaj, si dhe Zyrtari për Sport, z. Drin Sadikaj, të cilët përgëzuan nxënëset për angazhimin dhe nivelin e treguar në garë.

Falënderojmë të gjitha shkollat pjesëmarrëse për angazhimin dhe kontributin në promovimin e sportit shkollor.

✨🏔️ Sot përfundoi programi “Drejt Malit” në Brezovicë! 🎿

Gjatë gjashtë ditëve të mbushura me aktivitet dhe energji pozitive, nxënësit nga Istogu mësuan bazat e skijimit dhe u njohën nga afër me bukuritë e qendrës së skijimit në Brezovicë.

Në ditën e fundit u organizuan edhe garat për nxënësit pjesëmarrës, ku me shumë krenari njoftojmë se nga Shfmu “Bajram Curri” – Istog, Enduena Brahimaj zuri vendin e parë në konkurrencën e vajzave! 🥇👏

Urime për suksesin dhe përvojën e paharrueshme!

Nga data 19.02.2026 deri më 24.02.2026, në kuadër të programit “Drejt Malit – Skijim”, organizuar nga Federata e Sportit Shkollor të Kosovës, nxënësit e disa shkollave të komunës se Istogut po marrin pjesë në aktivitetin e skijimit në Brezovicë.

Shkollat pjesëmarrëse janë:
• SHFMU “Bajram Curri”, Istog
• SHFMU “Mehmet Akif ”, Shushicë
• SHFMU “Martin Camaj”, Gurrakoc
• SHFMU “Ismail Qemali”, Sardan

Nxënësit po qëndrojnë në Brezovicë së bashku me mësimdhënësit e tyre, ku përveç mësimit praktik të skijimit, ata po shijojnë edhe ambientin e bukur dimëror dhe pamjet piktoreske të maleve të Sharrit.

Ky aktivitet ka për qëllim promovimin e sportit, jetës së shëndetshme, socializimit dhe zhvillimit të aftësive sportive te nxënësit, duke kombinuar mësimin me argëtimin në natyrë.

U mbajtën garat komunale në basketboll për shkollat fillore dhe të mesme të Istogut, ku pati ndeshje shumë të mira dhe konkurrencë të fortë.

Shkollat fituese:

Shkollat e mesme:
• SHML “Haxhi Zeka”, Istog – vendi i parë 🥇
• SHML “Mithat Frashëri” Gurrakoc – vendi i dytë 🥈

Femrat (Shkollat fillore):
• SHFMU “Bajram Curri”, Istog – vendi i parë 🥇
• SHFMU “Avni Rrustemi”, Zallq – vendi i dytë 🥈

Meshkujt (Shkollat fillore):
• SHFMU “Martin Camaj”, Gurrakoc – vendi i parë 🥇
• SHFMU “Bajram Curri”, Istog – vendi i dytë 🥈

Urime të gjitha shkollave për sukseset e arritura dhe për paraqitjen dinjitoze! 👏🏀