Влатко Костов

Вчера бевме сведоци на еден голем јубилеј – 100 години постоење на ФК Брегалница. Трибините беа полни, атмосферата беше навистина прекрасна и тоа беше вечер за паметење. Благодарен сум што сум дел од ова семејство и што заедно ја споделуваме љубовта кон клубот.

Голема благодарност до локалната самоуправа на град Штип на чело со градоначалникот Иван Јорданов за доделувањето признанија на сите што дале придонес во развојот на ФК Брегалница.

Ова е уште еден доказ дека Брегалница е повеќе од фудбал – тоа е традиција, емоција и гордост на нашиот град. ✨🔵

ФК Пелистер го вративме таму каде што припаѓа - во ПМФЛ, а на Битола ѝ го вративме она што ѝ недостигаше - прволигашки фудбал 🎉

А јас? Јас, од ова раководство на клубот, ја добив шансата да го водам овој прекрасен колектив, при што, по внесувањето на ФК Осогово, ФК Куманово, ФК Брегалница и ФК Турново од ВМФЛ во ПМФЛ низ текот на годините, сега, по петти пат во мојата тренерска кариера, истото успеавме да го направивме и со битолската гордост 🍀

Огромна благодарност до мојот играчки кадар за пожртвуваноста и мојот стручен штаб за посветеноста да стигнеме до заедничката цел - пласман во ПМФЛ 🙏

Битолчани, управа на ФК Пелистер, навивачка група „Чкембари“ и сите останати што нè поддржувате - ВИ БЛАГОДАРИМЕ 💚

Разговор во поопуштена варијанта околу мојата кариера, како и за мотивацијата на младите луѓе да се занимаваат со спорт.
Му благодарам на Петар Тодев за поканата да гостувам во поткастот BizCast podcast 🎥

Od FK Bregalnica do SAUDISKA ARABIJA | Vlatko Kostov | BIZCAST 1 Vlatko Kostov e gostin vo prvata premierna epizoda na Bizcast.⭐️ Partneri na podcastot:🏢Fondacija za razvoj na lokalna zaednicahttps://www.instagram.com/frl...

Од денес официјално сум шеф на стручниот штаб на ФК Пелистер од Битола!

Чест ми е што ја добив довербата од клуб каков што е ФК Пелистер и луѓето што го водат клубот. Заедничка цел ни е ПМФЛ и од првиот ден ќе работиме на тоа 🟢⚪️

Мисијата е успешна, опстанокот е обезбеден!

Победа од 4:1 во бараж-дуелот против тимот на ФК Воска со која ГФК Тиквеш и наредната сезона ќе игра прволигашки фудбал!

Огромна благодарност до моите фудбалери, мојот стручен штаб, градоначалникот Митко Јанчев, раководството на клубот, навивачката група „Лозари“ и сите останати што нè поддржуваа оваа сезона!

Радувај се, Кавадарци! 🔴⚪️

Долго време размислував дали да се изјаснам со мислење за неколку спорни моменти кои беа на штета на мојот клуб.
На почетокот, сакам на клубовите против кои игравме да им се заблагодарам за коректната игра, денес на ФК Шкупи за приемот и победата. Ова е мое видување и нема врска со клубот и неговите соопштенија во кои никогаш не сум учествувал, бидејќи не сакам да се мешам во клупската политика. Јас и моите играчи се надигруваме со секого, живееме од фудбалот, а сега кога некои судии сакаат да ја омаловажат нашата работа, не смеам да им дозволам, а да не ја кажам вистината. Трипати сме оштетени од судиска двојка од Штип, денес од судиска двојка од Струга, грешки со кои директно влијаеја на крајниот резултат.
Господа од Судиски одбор, оној што делегира судии, престанете со вашата заштита на вашите судии, затоа што застанувајќи зад нив го уништувате фудбалот. Треба да се замислите дека некој во овие тешки времиња обезбедува финансии од кои живеат и играчи и тренери, луѓе кои вие со вашиот препотентен став ги игнорирате.
За крај, нека ви служи на чест и да знаете дека јас како тренер размислувам дали да продолжам затоа што не сакам да учествувам во вашите игри. Јас сум прифаќал порази и сум пружел рака на секој мој колега ама не сум сакал да пружам рака на одредени судии. Клубот е голем, ќе продолжи и без мене ама жално е што некои судии и поединци од Судиски одбор, заедно со тој што делегира, мислат дека фудбалот без нив не може да опстане.
Уште денес ќе разговарам со Градоначалникот и раководството да им ја соопштам мојата одлука. Секогаш ќе се борам за чесен фудбал и сакам да ѝ се заблагодарам на кавадаречката јавност, на верните „Лозари“, за поддршката што ја чувствував овие 6-7 месеци.
На повик на Градоначалникот на Кавадарци, г-дин Митко Јанчев, човек кој неизмерно го ценам и почитувам, дојдов да бидам Шеф на стручниот штаб на ФК Тиквеш. Одлуката околу мојата иднина во клубот ја препуштам нему.
Ова денес ја прели чашата…

Чест ми е да објавам дека од понеделник и официјално ќе бидам шеф на стручниот штаб на ФК Тиквеш.
Сакам да им се заблагодарам на градоначалникот и раководството на клубот што веруваа во мене и ми направија чест. Благодарам на сите мои пријатели кои ми честитаа за изборот, благодарност до навивачката група „Лозари“ и сите искрени пријатели на ФК Тиквеш за својата поддршка за мене, мојот стручен штаб, како и за моите фудбалери, во кои многу верувам и знам дека ќе изодиме тежок пат ама ќе успееме во крајната цел на клубот, а тоа е опстанокот.
Ветувам, во мое име и во име на фудбалерите, дека ќе работиме макотрпно за да можат оваа прекрасна публика и навивачка група и следната година да гледаат прволигашки фудбал.
Со добра мисла во нови успеси…

Неколку денови ги следам случувањата околу одржувањето на собранија на ОФС низ цела држава. Следејќи го ова, мислам дека е време да излезам со свој став околу случувањата, бидејќи фудбалот е моја егзистенција и живот.
На почетокот, да кажам дека давам јавна поддршка за имплементацијата на Законот за спорт во ФФМ и ОФС. Доколку се имплементира овој закон, ќе дадеме право на глас на непосредните учесници - фудбалските клубови, за директно учество во работата на ФФМ и ОФС, а со тоа и заштита на своите права и правата на луѓето кои финансираат во фудбалските клубови.
Многу години наназад сме сведоци на спортски емисии, електронски и интернет-медиуми и Фејсбук-статуси, кога многу спортски личности ја критикуваат работата на ОФС и ФФМ. За сите нив да кажам дека сега е време, изборна година во ОФС и ФФМ, кога треба да ги остават своите суети настрана и активно да се вклучиме во ставање ред во работата на ОФС. Таму треба да учествуваат луѓе од фудбалските клубови кои ќе имаат мнозинство во Собранието на ОФС и кои, застапувани од нивните делегати - истакнати спортисти и спортски работници, ќе се грижат за заштита на правата на својот клуб, а со тоа и заштита на правата на спонзорите и сопствениците на фудбалските клубови. Затоа јас, како јавна личност во фудбалот и спортот, давам јавна поддршка на иницијативата за промена на раководството на ОФС-Штип и јавна поддршка на клубовите од ОФС-Штип. Се ставам на располагање на луѓето кои сакаат да променат нешто во ОФС, со тоа што однапред кажувам дека сите треба да работиме во интерес на фудбалските клубови.
Го споменувам ОФС затоа што одовде почнува заздравувањето на мак-фудбалот, преку угледни и докажани спортисти и спортски работници за делегати во ОФС, а понатаму и во Собранието на ФФМ. Таквите делегати со своите идеи на Собрание на ФФМ треба да го предизвикаат Управниот одбор и Претседателот на ФФМ да работи во интерес на фудбалските клубови и сопствениците на клубовите. На тој начин, ќе имаме собрание на кое ќе има дебата и жестоки расправи, но собрание во кое ќе победи фудбалот.
Да се разбереме, раководните луѓе во ОФС, претставувани од нивните делегати, не одат да го спасат Претседателот на ФФМ, туку одат да ги спасат своите позиции и привилегиите кои ги имаат од истите. Секој претседател треба да знае дека, доколку има такви делегати во собранието, нема да има дебата, фудбалот ќе ни слабее и од година на година ќе се намалува угледот на претседателот. Некои од нив, како делегати и претедатели на ОФС ги променија речиси сите досегашни претседатели во ФФМ, но не направија ништо добро за фудбалот, освен за своите позиции. Со оваа реченица сакам да кажам колку нив ги интересира за Претседалот на ФФМ.
Неправдите од страна на поединци сум ги почувствувал на своја кожа од одредени фудбалски судии кога сум бил тренер и од одредени комисии при ФФМ, кога сум учествувал со своја кандидатура во ФФМ.
Не сум човек кој ќе се оптеретува со минатото, гледам кон иднината и сум рекол дека ќе се заложам максимално во отстранување на тие девијантни појави, по што ќе можеме да се вклучиме во работата на таков ФФМ, на било кое ниво.
За крај, огромни честитки за успехот на фудбалската репрезентација и стручниот штаб за пласманот на Европското првенство. Благодарение на нив, сите ние што сме околу фудбалот имаме поголем рејтинг во Европа. Овој успех не треба да ги покрие сите слабости во функционирањето на ФФМ, туку треба да биде поттик и таму да се подобриме.
Да се надеваме дека работите во фудбалот ќе ги промениме на подобро.