FC Pelister Bitola

🟢 Спремни за последниот контролен натпревар, пред почетокот на сезоната.

ФК Пелистер со заштитен бренд по 81 година постоење !

Фудбалскиот клуб Пелистер го заокружи процесот на заштита на својот бренд и официјално го регистрираше името и визуелните обележја на клубот како трговска марка.

По 81 година постоење, ова претставува значаен чекор во заштитата на идентитетот, традицијата и препознатливите обележја на ФК Пелистер.

Со регистрацијата на трговската марка, името, логото, препознатливата зелена боја и другите заштитени обележја на клубот не смеат да се користат за производство и продажба на производи без претходно одобрение од ФК Пелистер.

Тоа се однесува на дресови, сувенири, облека и други реквизити кои го содржат името, логото, боите или други заштитени обележја на клубот.

ФК Пелистер во изминатиот период посветува особено внимание на заштитата и унапредувањето на својот визуелен идентитет, како и на официјалната клубска понуда на производи преку Фан Шопот.

Со оваа постапка клубот прави уште еден чекор кон воспоставување јасни стандарди во користењето на името и обележјата на ФК Пелистер и нивна соодветна заштита.

Името Пелистер е дел од историјата на Битола и од традицијата на генерации навивачи. Неговата заштита е обврска кон клубот, но и кон сите оние кои со децении го носат зелено-белото име.

🟢 Чекор по чекор, до целта.

🟢✍️ ОФИЦИЈАЛНО: Давид Ивановски е зелено-бел!

🤝 Добредојде Давид!

🎉 Денес роденден слави нашиот прв асистент во стручниот штаб Горан Ганчев.

Среќен роденден Гана!

Фудбалскиот клуб Пелистер со особено задоволство ја информира јавноста дека официјално започнува со работа Женскиот фудбалски клуб Пелистер – Битола.

Со формирањето на ЖФК Пелистер, клубот отвора ново поглавје во својата историја и го проширува своето семејство со цел да придонесе кон развојот и афирмацијата на женскиот фудбал во Битола и Македонија.

ЖФК Пелистер ќе работи на развој на фудбалерки во повеќе возрасни категории, создавајќи услови за правилен спортски развој, напредок и афирмација на младите таленти. Воедно, особено значајно е што клубот уште од своето формирање ќе има и сениорска екипа, која ќе се натпреварува во Првата женска фудбалска лига на Македонија.

ФК Пелистер останува посветен на развојот на фудбалот во Битола, а формирањето на ЖФК Пелистер претставува уште еден важен чекор во градењето на силен, организиран и современ клуб, кој ќе создава можности за сите генерации и ќе придонесува за развојот на спортот во нашиот град.

🙌 Добредојде во зелено-белото семејство, ЖФК Пелистер.
🟢 ● ЖФК Пелистер Битола

🇲🇰 Честит Илинден Македонијо!

Во чест на храброста, слободата и темелите на македонската државност, ФК Пелистер ви го честита Илинден.

За многу години!

🟢 Крај на натпреварот во Скопје, Пелистер победи во третиот контролен натпревар против екипата на Шкендија Арачиново со 1-0, стрелец на единствениот гол беше Кире Ристевски.

🟢🤝 Стартните XI за натпреварот со Шкендија Арачиново.

31.07.2026 година - Денот кога заедно испишавме историја.

За првпат во 81 година постоење, ФК Пелистер го отвори својот официјален Фан Шоп. Благодарност до секој што беше дел од овој посебен ден – на сите што нè посетивте, купивте, се фотографиравте и ја споделивте оваа радост со нас.

Ова е само почеток на една нова приказна која ќе ја градиме заедно.

Сликите нека зборуваат повеќе, затоа што секој збор е премалку.

Ви благодариме за довербата. Се гледаме повторно на вашето ново омилено место.