КК Шар Планина

03/08/2026

Следниот чекор во развојот на стабилноста на нашиот клуб е основањето на младински категории. Во последна фаза е изработката на долгорочен план и стратегија за работа со младински погон. Наскоро ќе бидат објавени и деталите за нашиот нов проект! #ккшарпланина

01/08/2026

Со огромно задоволство сакаме да соопштиме дека нашиот тренер Димитриевски Никола стана татко по втор пат! Му посакуваме здравје и среќа на неговиот новороден син и секако на целото семејство. 🎉👏

24/06/2026

Првиот потпис за новата сезона🚨
На наше огромно задоволство досегашниот тренер Никола Димитриевски го продолжува својот договор за претстојната сезона!
Со овој потег ние продолжуваме да градиме и да ја исполнуваме заедничката визија за клубот, помогната и поддржана од нашиот досегашен тренер.
Наредната сезона ќе се потрудиме да створиме екипа која ќе атакува на шампионски статус. Покрај тоа ќе почне нашиот целокупен план на вклучување поголем број млади и локални кошаркари.
Во наредниот период ќе биде објавуван играчкиот ростер 🔜
#ккшарпланина

30/04/2026

СООПШТЕНИЕ:
На ден 30.04.2026 на општинската седница беше изгласана поддршка за КК Шар Планина. Ова е големо признание за целата работа на нашиот клуб. Нашата искрена иницијатива беше препознаена и поддржана од целиот град.
Изразуваме огромна благодарност до сите советници кои ја прифатија иницијативата да се поддржи овој проект.
Ова ни дава додатен елан и мотив да работиме попрофесионално во наредната сезона.
Со почит,
КК Шар Планина

19/04/2026

Пораз во финалето по драматичен натпревар исполнет со многу емоции и навивање!
Нашите момци се бореа до крај,но сепак среќата не беше на наша страна.
Изразуваме огромна благодарност до многубројните фанови кој допатуваа и не поддржија. Ретко кој клуб во државата може да се пофали со толкава подршка на гостински терен.
Од оваа сезона научивме многу. Продолжуваме понатаму бидејќи нашата приказна само што започна.
#ккшарпланина

19/04/2026

Линк од преносот на денешниот ФИНАЛЕН натпревар, со почеток во 16:00 часот.

ГЕВГЕЛИЈА - ШАР ПЛАНИНА

18/04/2026

ШАМПИОНОТ СЕ ОДЛУЧУВА УТРЕ‼️
Дојдовме до последниот натпревар во дебитанската сезона. Бевме сведоци на доста интересни натпревари исполнети со огромна борба и емоции. Истрајноста на нашите играчи и вашата огромна поддршка не донесоа до овој момент.
Утре на гостински терен во 16:00 ќе се надеваме на крунисување на оваа прва и незаборавна сезона!
Линкот за да го проследите натпреварот ќе биде поставен на посебна објава!
#ккшарпланина

15/04/2026

Голема победа на домашен терен!!!!

Со ова ја израмнивме финалната серија на 1-1 и изборивме мајсторка за трофејот. Момците покажаа карактер кога беше најпотребно и заслужено стигнаа до победата.

Голема благодарност до публиката.Поддршката од трибините беше на високо ниво и се почувствува во секој момент.

Следува одлучувачки натпревар овој викенд. 🤍💚

15/04/2026

Денешниот натпревар ќе има и хуманитарен карактер !
Да покажеме солидарност и дарежливост.
#ЦрвенКрст

14/04/2026

ФИНАЛЕ,GAME 2 - На домашен терен!! 🚨🚨

Утре (среда, 15 април) во 18:00 часот на домашен терен го играме вториот натпревар од финалната серија. 🏀

Ова се натпревари каде што разликата не ја прават само играчите на терен, туку и гласот од трибините. Вашата поддршка ни дава сила во клучните моменти и нè турка напред кога е најпотребно.

Покрај нашата публика, најавени се и гостински навивачи.Затоа ни треба полна сала и уште поголема енергија од трибините, секако со коректен однос и спортско навивање.

Сите во „Младост“. Заедно до победа! 💚🤍

🗓️15.4 (Среда)
⏰18:00
📍Спортска сала ,,Младост’’- Гостивар
🆚КК Гевгелија