MMFantasySports

Premier League ရဲ့ JigSaw အပိုင်းအစများ (၂)

Royal Blue အ​ရောင်နဲ့ ထင်ရှားလှတဲ့ Everton အသင်းဟာ အင်္ဂလန်နိုင်ငံ၊ Merseyside မြို့၊ Liverpool အခြေစိုက် ပရော်ဖက်ရှင်နယ် ဘောလုံးအသင်းဖြစ်ပြီး 1878 ခုနှစ်တွင် St. Domingo FC အဖြစ် စတင်တည်ထောင်ခဲ့ကာ 1879 ခုနှစ်တွင် ယခု ကျွန်​တော်တို့ သိ တဲ့ The Toffees လို့ ​ခေါ်ကြတဲ့ Everton FC ဟု အမည်​ပြောင်းလဲခဲ့ပါတယ်။
အသင်းရဲ့ထင်ရှားလှတဲ့ "Nil Satis Nisi Optimum" ဆိုတဲ့အတိုင်း တကယ်ကို အ​ကောင်းဆုံး​တွေကို ပြသ​နေတဲ့အသင်းတသင်းဖြစ်ပါတယ်။

အသင်းရဲ့သမိုင်း​ကြောင်းကိုပြန်ကြည့်ရင်
1878 – St. Domingo FC အဖြစ် စတင်တည်ထောင်ခဲ့ပါတယ်။
1879 – Everton Football Club ယခုလက်ရှိနာမည်ကို​ပြောင်းလဲ​​ခေါ်​ဝေါ်ခဲ့တယ်။
1888 – Football League တည်ထောင်ရာ တွင်Founder Member အဖြစ်ပါဝင်ခဲ့တယ်။
1891 – ပထမဆုံး English League Champion ဖြစ်ခဲ့သည်။
1892 – ယခင် ​ခေါတ်ကအောင်​မြေလို့ခေါ်ရမည့်Goodison Park သို့ ပြောင်းရွှေ့ခဲ့သည်။
1906 – ပထမဆုံး FA Cup ရရှိခဲ့ပါတယ်။
1995 – နောက်ဆုံးအကြိမ် FA Cup ချန်ပီယံဖြစ်ခဲ့ကာ ယခုအချိန်ထိ​တော့ ဆုဖလားများနှင့်​ဝေးကွာ​နေဆဲဖြစ်တယ်။
2025 – Goodison Park ကို နှုတ်ဆက်ပြီး ယခုလက်ရှိ Hill Dickinson Stadium သို့ ပြောင်းရွှေ့ခဲ့သည်။

Hill Dickinson Stadium ဟာဆိုရင် ပရိတ်သတ်​ပေါင်း 52,888 ဦးတပြိုင်တည်း ကြည့်ရူအား​ပေးနိုင်တဲ့ကွင်းတကွင်းဖြစ်ပြီး ပြိုင်ဘက်တိုင်း​ကြောက်ရတဲ့ကွင်းတကွင်းလဲဖြစ်ပါတယ်။

အသင်းရဲ့​အောင်မြင်မှု​တွေက​တော့
🏆English League Champions – 9 ကြိမ် ရရှိခဲ့ပြီး
🏆 FA Cup – 5 ကြိမ် ရရှိကာ
🏆 European Cup Winners' Cup ကို 1985 တွင် တကြိမ်ရရှိခဲ့ပါတယ်
🏆 Community Shield – 9 ကြိမ် (shared titles အပါအဝင်) သိမ်းပိုက်နိုင်ထားတဲ့အသင်းတသင်းဖြစ်ပါတယ်

Everton အသင်းဟာခံစစ်ကို အခြေခံကာ
-တန်ပြန်တိုက်စစ် (Counter Attack) ကို ထိရောက်စွာ အသုံးချခြင်း
-Set Pieces (Corner, Free Kick) မှ အခွင့်အရေးဖန်တီးနိုင်ခြင်းတို့ကို အဓိက အားပြုကစား​လေ့ရှိတဲ့အသင်းဖြစ်ပါတယ်
Everton သည် အများအားဖြင့် 4-2-3-1 ကို အခြေခံအသုံးပြုကာ၊ ပြိုင်ဘက်နှင့် ကစားသမားအခြေအနေပေါ်မူတည်၍ 4-3-3 သို့မဟုတ် 4-5-1 သို့ ပြောင်းလဲကစားလေ့ရှိသည်။

အသင်းရဲ့အနာဂတ် ကိုစဥ်းစားကြည့်ရင်
Premier League အလယ်အလတ်မှ ထိပ်ပိုင်းနေရာများအတွက် သာယှဉ်ပြိုင်နိုင်တဲ့အင်အားရှိသည်ကိုမြင်ရပါတယ်။
ပြည်တွင်းဖလားများတွင် ပြိုင်ဆိုင်နိုင်သော အသင်းအဖြစ် ​တော့မှတ်ယူထားနိုင်ပြီးဥရောပပြိုင်ပွဲဝင်ခွင့်များအတွက် လည်းကြိုးစားနိုင်တဲ့အသင်းတသင်းလို့မြင်မိပါတယ်။
ကစားသမားငယ်များကို အခွင့်အရေးပေး၍ အသင်းကို ရေရှည်တည်ဆောက်ရန် အာရုံစိုက်လေ့ရှိသည့်အသင်းဖြစ်တာနဲ့အညီ အလွန်အားကိုးရတဲ့ ကစားသမား​တွေ​ပေါ်ထွက်လာနိုင်တာ​တော့ ​မေ့ထားလို့မရပါဘူး။

လက်ရှိရာသီအသစ်မှာ နည်းပြ David Moyes
လက်​အောက်မှာ Everton အသင်း ဘယ်လို​တွေ ကစားပြမလဲ?ဘယ် အဆင့်​တွေအတွက်တိုက်ပွဲဝင်ပြမလဲ?ဘယ်လိုကစားသမား အသစ်​တွေကို​မြေ​တောင်​မြှောက်​ပေးနိုင်မလဲ?ဆိုတာတူတူ​စောင့်ကြည့်အား​ပေးလိုက်ကြရ​အောင်။

Premier League ရဲ့ JigSaw အပိုင်းအစများ (၁)

Arsenal အသင်းအ​ကြောင်း​ပြောရမယ်ဆိုရင် အင်္ဂလန်နိုင်ငံ၊ လန်ဒန်မြို့ မြောက်ပိုင်းရှိ Islington ကို အခြေစိုက်သော ပရော်ဖက်ရှင်နယ်ဘောလုံးအသင်းဖြစ်ကာ1886 Dial Square အဖြစ် စတင်တည်ထောင်ထားတဲ့အသင်းတသင်းဖြစ်ပါတယ်။
ပရိတ်သတ်​တွေက​တော့ The Gunners လို့ ​ခေါ်​ကြတယ်။
အမြဲတမ်းကြား​နေရတဲ့အသင်းရဲ့ Motto က "Victoria Concordia Crescit"ဆို တဲ့အတိုင်း "စည်းလုံးညီညွတ်မှုမှ အောင်ပွဲများ ပေါက်ဖွားလာသည်" အတိုင်းကစားပုံက စည်းလုံးညီညွှတ်တဲ့အသင်းတသင်းဖြစ်ပါတယ်။

အသင်းရဲ့သမိုင်း​ကြောင်းကိုပြန်ကြည့်ရင်
1886 – Dial Square အဖြစ် တည်ထောင်ခဲ့တယ်။
1893 – Football League သို့ ဝင်ရောက်ခဲ့သည့် ပထမဆုံး Southern Club ဖြစ်လာတယ်။
1913 – Highbury ကွင်းသို့ ပြောင်းရွှေ့လာခဲ့ပြီး။
1930s – Herbert Chapman လက်အောက်တွင် အင်္ဂလန်၏ အင်အားအကြီးဆုံးအသင်းတစ်သင်း ဖြစ်လာခဲ့တယ်။
1996 – ​ရွှေ​ရောင်​ခေါတ်ရဲ့အစ Arsene Wenger နည်းပြအဖြစ် ခန့်အပ်နိုင်ခဲ့တယ်။
2003–04 – Premier League ကို တစ်ရာသီလုံး မရှုံးဘဲ အနိုင်ရ (The Invincibles)ကာ မှတ်တမ်း​ကောင်းစိုက်ထူနိုင်ခဲ့တယ်။
2006 – Emirates Stadium သို့ ပြောင်းရွှေ့ခဲ့တယ်။
2019 – UEFA Europa League Final တက်ရောက်နိုင်ခဲ့တယ်။
2022–လက်ရှိအထိ – Mikel Arteta လက်အောက်တွင် Premier League ချန်ပီယံဆုကို ပြန်လည်စိန်ခေါ်နိုင်သော အသင်းအဖြစ် တိုးတက်ကောင်းမွန်​နေတဲ့အသင်းဖြစ်တယ်။

အိမ်ကွင်း အဖြစ် အသုံးပြုတဲ့ ကွင်းမှာEmirates Stadiumဖြစ်ပြီး 2006 မှာစတင်အသုံးပြု ကာ
ပရိတ်သတ်​ပေါင်း 60,704 ဝင်​ရောက်အား​ပေးနိုင်တယ်။
Emirates Stadium သည် အင်္ဂလန်၏ အကြီးဆုံး ဘောလုံးကွင်းများထဲမှ တစ်ခုဖြစ်သည်။
အသင်းရဲ့​အောင်မြင်မှု​တွေက​တော့
🏆The Invincibles (2003–04) – Premier League တစ်ရာသီလုံး 38 ပွဲ မရှုံးဘဲ ချန်ပီယံဖြစ်ခဲ့သည်။
🏆 14 FA Cups – အင်္ဂလန် FA Cup အများဆုံးရရှိထားသော အသင်းဖြစ်တယ်။
🏆 League Titles – 14 ကြိမ် ရရှိထား ပြီး
🏆 European Cup Winners' Cup – 1994 တကြိမ်
🏆 UEFA Champions League Final – ကို ၂ကြိမ် တက်​ရောက် နိုင်ခဲ့ကာ ဗိုလ်ဆွဲထားခဲ့ခြင်း​တော့မရှိခဲ့ပါဘူး။
🏆 2020 FA Cup – လက်ရှိပဲ့ကိုင်ရှင် Arteta ၏ ပထမဆုံး အဓိကဖလားရရှိခဲ့တယ်။

Arsenal အသင်းဟာ
Possession Football
Build-up From The Back
High Pressing
Wide Attack & Cut Inside
Inverted Full-back System
Defensive Solidity တို့ကိုအားပြုကစားတဲ့အသင်းတသင်းဖြစ်တာ​တွေ့ရတယ်။
ပွဲအလိုက် ပြောင်းလဲနိုင်ပေမယ့် အများဆုံးတွေ့ရတာ -
4-3-3ပုံစံဖြစ်ပြီး တိုက်စစ်ကစားတဲ့အချိန်မှာ - 2-3-5 Shape အဖြစ် ပြောင်းလဲတတ်ပါတယ်။

အသင်းရဲ့ အနာဂတ် အတွက် စဥ်းစားကြည့်ရင်
Mikel Arteta ၏ လူငယ်အခြေပြု စီမံကိန်းသည် ဆက်လက်တိုးတက်နေပြီး Premier League နှင့် UEFA Champions League ကို အပြိုင်စိန်ခေါ်နိုင်သည့် အသင်းတသင်းဖြစ် နေတာ​တော့ ငြင်းမရဘူး။
Bukayo Saka
Declan Rice
Martin Ødegaard
William Saliba စသည့် အဓိကကစားသမားများကို အခြေခံထားသော လူစာရင်းကြောင့် လူငယ်များ ကိုအားပြုသည်အတိုင်း ​နောင်နှစ်​တွေနှစ်​တွေမှာ ချန်ပီယံဆု​တွေ ကို စိန်ခေါ်နိုင်တဲ့အသင်းတသင်းလို့ထည့်တွက်ထားရမယ်။
လက်ရှိရာသီအသစ်မှာ Arsenal အသင်း ဘယ်လို ဆုဖလား​တွေရယူမလဲ။ဘယ်လို မှတ်တမ်း​ကောင်း​တွေ စိုက်ထူမလဲ ဆိုတာ တူတူ​စောင့်ကြည့်အား​ပေးလိုက်ကြရ​အောင်။

ဘဝရဲ့အ​တွေးရင်ခုန်သံ အပိုင်း ၃

ဝါသနာတူတဲ့ သူငယ်ချင်းတစု သူတို့လိုဝါသနာတူ အားပေးသူ​တွေကို ​ဖျော်​ဖြေဖို့ App ​လေးတခုလုပ်ဖြစ်ကြတယ် နာမည်​လေးကို Fantasy Sports လို့ နာမည်​ပေးထားတယ်။
Fantasy Sports app ရဲ့အဓိက ရည်ရွယ်ချက် က ​ပျော်ရမယ် ပိုက်ဆံ ကို​လောင်းကစားလို ကုန်မသွား​စေနိုင်ဘူး။​နေ့စဥ် ​ဘောလုံးပွဲ​တွေကိုခန့်မှန်းနိုင်မယ် ​မေးခွန်း​တွေ ကိုခန့်မှန်း​ဖြေနိုင်မယ်။အ​ကောင်းဆုံးစိတ်ကူး​လေးက​တော့ အ​တော်များများကို Free ပါဝင်နိုင်တယ်။
ပိုက်ဆံ သုံးရလားဆိုဝန်ခံပါတယ် app အသက်ဆက်ဖို့အတွက်က​တော့ User ​တွေရဲ့ပိုက်ဆံ အတိုင်းအတာတခုထိ ​တော့ လိုမှာပါ ပြီး​တော့ ဝင်​ခွင့်​တွေက လဲ အများကြီးမဟုတ်ပဲ daily task က ​နေ လက်​ဆောင်ပွိုင့်ရတာ​တွေနဲ့ ပြိုင်ပွဲအများစုကို ပါဝင်လို့ရ​မှာဖြစ်လို့....ပိုက်ဆံ ကုန်ချင်ရင်ရူံးချင်ရင်​တောင် ကြိုက်သ​လောက်ရူံး လက်ဖက်ရည်ဖိုး.....ပဲ
​မေးခွန်း​လေး​တွေက လဲစိတ်ဝင်စားစရာ​ကောင်းတယ်။
အမှတ်​ပေးဇယားနဲ့ ယှဥ်ပြိုင်ရတာ​တွေက လဲ ပြိုင်ဆိုင်မူပြင်းထန်တယ်။
အထူးပြိုင်ပွဲ​တွေလဲ အဆင်သင့်သလို လုပ်​ပေးတယ်
ရလာတဲ့ စိန်တုံး​လေး​တွေ နဲ့ပြိုင်ပွဲ​တွေ ပြိုင်လို့ရသလို လက်​ဆောင်ပစ္စည်း​လေး​တွေလဲ စိန်တုံးစုပြီးထုတ်လို့ရတယ်။​နောက်ထပ် စိတ်ဝင်စားစရာ ​တွေလဲ အများကြီလာဦးမှာ မလို့ Email တခုရှိပြီး KYC တင်ပြီး​တော့ ခန့်မှန်း​ပျော်ရွင်လို့ရလို့ အ​ပျော်ခန့်မှန်းချင်သူ​တွေက​တော့ လက်မလွှတ်သင့်တဲ့ App ​လေးဖြစ်မှာပါ။
သူငယ်ချင်း​တွေရဲ့အား​ပေးမူက App ရှင်သန်​ရေးမှာ အများကြီးအ​ထောက်အကူဖြစ်တာမလို့ အား​ပေးကြပါဦးလို့ အကူအညီ​တောင်းပါတယ်။

ဘဝရဲ့အ​တွေးရင်ခုန်သံ အပိုင်း ၂

ဒီဇာတ်လမ်းက ဒီမှာ မပြီးသေးဘူး။ ဘဝရဲ့ ​လောဘတက်မှု​ဆုံးရူံးမှုတွေပြီးတဲ့နောက်မှာ...​ဘောလုံးပွဲ​တွေကိုမြတ်နိုးပြီး ​ဘောလုံးပွဲ​တွေကိုခန့်မှန်းချင်တဲ့ စိတ်​အ​ကြောင်းကို ​ပြောပြချင်ပါ​သေးတယ်.....

​ဘောလုံးပွဲ​တွေဝါသနာ​ပါ​တော့ ဘောလုံးပွဲ​တွေကြည့်တယ် ခန့်မှန်းချင်တယ် ​လောင်းကစားဘက်ကို​ရောက်မှာစိုးလို့ ကြည့်ပဲကြည့်ပြီး မခန့်မှန်းပဲ​နေရတယ်။ဘာနဲ့တူလဲဆို ​လှောင်အိမ်ထဲ က စာသူငယ် 😁မြင်သာမြင် မကျဥ်ရဆိုသလိုပဲ.....

တိုက်တိုက်ဆိုင်ဆိုင်ပဲ ကမ္ဘာဖလား မကန်ခင်လ အနည်းငယ်အလို မှာ ငယ်ငယ်က​သောင်းကျန်း​နေကျ သူငယ်ချင်း​တွေနဲ့ စကား​ပြောဖြစ်တယ် လွမ်းစရာ​ဆွေးစရာ​တွေ ​ရော​ပေါ့။

ဂျာနယ်​ခေါတ် ​တွေက ဘယ်လို
တက္ကသိုလ်​ကျောင်းသားဘဝမှာဘယ်လို
လက်ဖက်ရည်ဆိုင်ထိုင်ရင် ​ကောင်း​ကောင်းငြင်းခုံစရာ ​ခေါင်းစဥ်တခု
အဲ့တခု မြန်မာမှာ​ရောကမ္ဘာမှာပါ ​ကောင်း​ကောင်းမ​တွေ့​သေးလို့ စိတ်ကူးမိတယ် ။
ဘောလုံးနဲ့ပတ်သက်ပြီး ခန့်မှန်းတဲ့ App ​လောင်းကစားမဟုတ်ပဲ အ​ပျော်၊ ​ပျော်ရွင်စရာ​တွေ ကြည်နူးစရာ​တွေ ရင်ခုန်စရာ​တွေ စိတ်ဝင်စားစရာ​တွေနဲ့ပြည့်နှက်​နေတဲ့ တခု သူငယ်ချင်း​တွေ ဝိုင်းလုပ်ကြမယ်ဆို ပြီး လုပ်ဖြစ်ခဲ့တာ​လေး......
ရင်ခုန်စရာအ​တွေး​လေး​တွေကိုအ​ကောင်အထည်​ဖော်ဖြစ်တဲ့အ​ကြောင်း​လေး ​ပြောပြချင်ပါ​သေးတယ်......

ဘဝရဲ့အ​တွေးရင်ခုန်သံ အပိုင်း ၁

ငယ်ငယ်က တက္ကသိုလ်​ကျောင်းသားဘဝမှာစတာ​ပေါ့
ဘောလုံး ပွဲ ​တွေကြည့်ပြီး ကြည့်ရတာဝါသနာပါလာတယ်။
တချိန်ကျ​တော့ အတတ်​ကောင်း​တွေတတ်ပြီး ​ဘောလုံးပွဲပါ​လောင်းတတ် သွားတယ်။ အဲ့မှာ ပြသနာက စလာတယ်။
ခုချိန်ထိ မျက်လုံးထဲမှာမြင်​ယောင်မိ​သေးတယ်။
အဲ့ချိန်က​တောင်​တွေးမိ​သေးတယ်
​လောင်းကစားဆိုတာ မ​ကောင်းဘူးလိုလူ​တွေ​ပြောကြတယ်..... ဘာလဲ​ပေါ့ ကိုယ်က စစချင်းဆိုအနိုင် Beginner luck နဲ့ဟုတ်​နေ​တော့.... ​အော်လူ​တွေညံ့လိုက်တာဆိုပြီး....ဆရာကြီးစတိုင်နဲ့......ဆရာကြီးဂိုက်နဲ့​ပေါ့....မြင်​ယောင်ကြည့်ပါဦး......
အဲ့လိုနဲ့မသိမသာစွဲလမ်းလာတယ်။
အဲ့အချိန်မှာ ​ဘောလုံးကဘဝ ​ဘောလုံး​လောင်းကစားက ပိုက်ဆံရှာလို့ရတယ်ဆိုပြီး မသိစိတ်မှာစွဲကပ်လာတယ်.....

ခနပါပဲ သိပ်မကြာဘူးစလာ​ရော ​ငွေ​မျောရင်​ငွေနဲ့လိုက် ရှိတာ​လေး​တွေအကုန်​ပေါင်ပြီး ​ကျောင်းမတက်နိုင်စိတ်​တွေ​လေစိတ်​တွေညစ် ပြီး ဂိမ်းဆိုင်​တွေမှာ ထိုင် ​ဘောလုံးပွဲ​တွေကြည့်စိတ်ဓါတ်​တွေကျလာတယ်။
အိမ်ကမိဘ​တွေကလဲစိတ်ဆင်းရဲရ သူတို့ရဲ လုပ်ငန်းထဲက​ငွေ​တွေစု​​ဆောင်းထားတဲ့​ငွေ ​လေး​တွေ နဲ့ တင်​နေတဲ့အ​ကြွေး​တွေကို ဆပ်နိုင်သ​လောက်လိုက်ဆပ်​တောင်းပန် သင့်တာ​တောင်းပန် ပြီးသားဖြစ်သူ ကိုလူဝင်ဆံ့​အောင်ပြန်ကြိုးစား​ပေးကြခဲ့ရတယ် မိဘ ​မေတ္တာ​တွေ​ပေါ့......

ကမ္ဘာဟာ......သူ့အချိန်အတိုင်းသူလည်ပတ်ဦးမှာပါ.......

ကမ္ဘာ့ဖလားကတော့ ပြီးဆုံးသွားခဲ့ပြီ။ ဘောလုံးကတော့ အချိန်​တွေတိုင်းမှာ သူ့ရာသီနဲ့သူလည်ပတ် ​နေဦးမှာ.....
လိဂ်အသစ်တွေ စမယ်၊ ပြိုင်ပွဲအသစ်တွေ လာမယ်၊ အံ့အားသင့်စရာလက်​ဆောင်​တွေ ရလဒ်တွေ နဲ့ရင်ခုန်ကြမယ်။
FantasySports ကလည်း အဲ့ဒီခရီးစဉ်တိုင်းမှာ အစီအစဥ်အသစ် ​တွေ ​ရော အစီအစဥ် အ​ဟောင်း​တွေ ​ရောနဲ့အတူသူငယ်ချင်းတို့ ကို​ဖျော်​ဖြေ နေမှာပါ။
⚽ နောက်လာမယ့် ဘောလုံးရာသီတိုင်းမှာ
🏆 ခန့်မှန်းချက်ပြိုင်ပွဲတွေ
🎁 ဆုလက်ဆောင်အစီအစဉ်တွေ
🔥 ပျော်စရာ Challenge တွေနဲ့ ပြန်လာဦးမှာဖြစ်လို့...

ကျွန်တော်တို့ကိုအား​ပေးကြပါဦး​နော်....... 💙

ကမ္ဘာဖလားပြီး​ပေါ်လာတဲ့ အ​တွေးတခု
ဗိုလ်လုပွဲပြီးတဲ့ မနက်ခင်း July 20 ရက်​နေ့​ပေါ့…
ထုံးစံအတိုင်း ရပ်ကွက်ထဲက သတင်းစုံတဲ့ လက်ဖက်ရည်ဆိုင်​လေးကို ရောက်လာတယ်။
ငယ်ငယ်ကဆို ဒီလို​နေ့​တွေမှာ စားပွဲပေါ်မှာ ဂျာနယ်လေးတွေ ပုံနေပြီး ကမ္ဘာဖလားရဲ့ နောက်ဆုံးရလဒ်တွေ၊ သုံးသပ်ချက်တွေကို စာမျက်နှာတရွက်ပြီးတရွက်လှန်ဖတ်ခဲ့ကြတယ်။
အခုခေတ်မှာတော့ ဂျာနယ်နေရာကို ဖုန်းတစ်လုံးက အစားထိုးသွားပြီ။ Result ကိုကြည့်တယ်… Highlight တွေပြန်ကြည့်တယ်… မနေ့ညက ဖြစ်ခဲ့သမျှ အခိုက်အတန့်တွေကို ပြန်ပြောကြတယ်…
"ဒီဂိုးFerran Torres က ဘယ်လောက်လှလှပပသွင်းသွား​ကြောင်း" "ဒီပွဲကဘယ်လိုကြည့်​ကောင်းတယ်" "ဒီနှစ်မှာ​တော့ စပိန်အသင်းကတော့ဘယ်လို ထိုက်တန်တယ်"
ဆိုပြီး လက်ဖက်ရည်တစ်ခွက်နဲ့​ဆေးလိပ်​လေးကိုက်ပြီး ကမ္ဘာဖလားဗိုလ်လုပွဲအကြောင်းအဲ့​နေ့ညကအ​ကြောင်း​တွေကို တသသ တစွာစွာပြောနေကြဆဲပါ။
ခေတ်တွေအဆက်ဆက်ပြောင်းသွားပေမယ့်… ဘောလုံးကို ချစ်တဲ့စိတ်ကတော့ မပြောင်းလဲပါဘူး။
​ဘောလုံးပွဲ​တွေရဲ့ အမှတ်တရတွေက ဒီမှာပဲ မရပ်သွားပါဘူး။
ကျွန်တော်တို့ရဲ့ Fantasy Sports App ကလည်း ဘောလုံးပရိသတ်တွေအတွက် နောက်ထပ်စိတ်လှုပ်ရှားစရာ ခန့်မှန်းချက်တွေ၊ ပျော်ရွှင်စရာ Challenge တွေနဲ့အတူ အမြဲတမ်းရှိနေဦးမှာပါ။
ပွဲတစ်ပွဲမစခင် ရင်ခုန်ခြင်း… ကိုယ်ယုံကြည်တဲ့အသင်းကို ရွေးချယ်ခြင်း… သူငယ်ချင်းတွေနဲ့ အနိုင်အရှုံးတွေ ဆွေးနွေးခြင်း…
ဒီလို ဘောလုံးရဲ့ပျော်ရွှင်မှုတွေ​ဘောလုံးပွဲရဲ အနှစ်အရ​သာတွေကို ပိုပြီးနီးစပ်လာအောင် ကျွန်တော်တို့က ဆက်လက်ဖန်တီးပေးသွားမှာပါ။
ဘာပွဲပဲဖြစ်ဖြစ်… ဘောလုံးရှိနေသရွေ့… ခန့်မှန်းချက်တွေနဲ့ ရင်ခုန်စရာအခိုက်အတန့်တွေကတော့ ဆက်ရှိနေဦးမှာပါ။
ကဲဘယ်လိုလဲပရိတ်သတ်ကြီး​ရေ ​နောက်လာမဲ့​ဘောလုံးရာသီမှာကျွန်​တော်တို့နဲ့အတူ ​ပျော်ရွင်စရာ​တွေကို Fantasy Sports App မှာ ရှာ​ဖွေကြည့်ပါဦး။.....

Ferran Torres ရဲ့ အချိန်ပိုမှာ သွင်းတဲ့ တလုံးတည်း​သော အနိုင်ဂိုးနဲ့ကမ္ဘာဖလား ကို Clean sheet 7 ပွဲ ​ပေးဂိုး1ဂိုးနဲ့ ထိုက်ထိုက်တန်တန် ရယူသွားပါတယ်။
စပိန်အသင်းဟာ လက်ရှိချန်ပီယံ အာဂျင်တီးနားကို ​ခြေစွမ်းအသာနဲ့လှပစွာကစားနိုင် ထိန်းချုပ်နိုင်​ပေမဲ့ အာဂျင်တီးနားဂိုးသမား Martinez ရဲ့လက်စွမ်းပြမှု​တွေနဲ့အဆုံးသတ်ပိုင်းမ​သေချာမှု​တွေ​ကြောင့် မိနစ်၉၀ မှာ သွင်းဂိုးမသွင်းယူနိုင်ပဲ အချိန်ပို ၁၀၆ မိနစ် မှ လူစားဝင်လာတဲ့ Ferran Torres ရဲ့သွင်းဂိုးနဲ့ 2026 ကမ္ဘာဖလားကြီးကို ထိုက်ထိုက်တန်တန် သိမ်းပိုက်သွားပြီး မှတ်တမ်း​ကောင်းစံချိန်​ကောင်း​တွေကို စိုက်ထူ နိုင်ခဲ့ပါတယ်။

🥳🥳🥳Champions Spain🥳🥳🥳

တတိယ​နေရာကို Saka ရဲ့ Hatrick အပါအဝင် နှစ်ဖက် ဂိုး​တွေရှယ်သွင်းပြီး ရယူခဲ့တဲ့ England.....

Argentina ပရိတ်သတ်တ​ယောက် အ​ဖြစ် ခံစားကြည့်ခြင်း

Argentina ဟာ အခုခေတ်ဘောလုံးမှာ System ကို Player နဲ့ မလိုက်စေဘဲ၊ Player အလိုက် System ပြောင်းကစားနိုင်တဲ့ တသင်းတည်း​သောအသင်း လို့ထင်မြင်မိတယ်။ အကြမ်းဖျင်းကြည့်ရင်ပုံစံတမျိုးတည်းကစားတယ်ထင်ရ​ပေမဲ့ တကယ်ကစားတဲ့အချိန်မှာပြိုင်ဘက်ပေါ်မူတည်ပြီး ပုံစံအမျိုးမျိုးပြောင်းနိုင်တာက သူတို့ရဲ့ အကြီးမားဆုံးအားသာချက် ဖြစ်ပါတယ်။​နောက်တချက်က​တော့ထူးခြားလှတဲ့အံ့ဖွယ် come back ​တွေ က​တော့ ​မေ့ထားလို့မရတဲ့ အားသာချက်တချက်ပဲ။
Argentina ဟာဆိုရင်ပြိုင်ပွဲတ​လျှောက်အခုလက်ရှိမှာ သွင်းဂိုးအများဆုံးအသင်းအ​နေနဲ့လဲရပ်တည်​နေတာကလဲသူရဲ့ Champion ကာကွယ် ​ရေးတိုက်ပွဲမှာ အ​ရေးကြီးတဲ့အချက်တချက်ပါပဲ။
Argentina ရဲ့ ပွဲစဥ်​တွေတ​လျှောက်မှာ ကစားလာတဲ့ပုံစံကိုသုံးသပ်ရသ​လောက်အဓိကထူးခြားချက်က တစ်ပုံစံတည်း မဟုတ်ပဲပုံစံအများကြီးနဲ့ကစားခဲ့တယ်လို့မြင်မိတယ်။
ပွဲအခြေအနေပြိုင်ဘက်ပေါ်မူတည်ပြီး
4-3-3
4-4-2
4-2-3-1
3-5-2
အထိ ပြောင်းလဲနိုင်ပါတယ်။
လိုအပ်ရင် ဘောလုံးကိုင်ထားပြီးကစားတယ်၊ လိုအပ်ရင် Counter Attack ကိုပဲ အားပြုကစားတယ်။ ဒီလို Tactical Flexibility ကြောင့်လဲ သြချ​လောက်တဲ့ရလဒ်​တွေ ရ​နေတယ်လို့မြင်မိတယ်။
Argentina က နောက်တန်းကနေ အေးအေးဆေးဆေး Build-up လုပ်နိုင်သလို၊ တချို့ပွဲ​တွေမှာLong Ball နဲ့လည်း ​ရှေ့တက်ပြီးကစားတတ်ပါတယ်။သူတို့ရဲ့​နောက်တန်းက​တော့ ပွဲတိုင်းနီးပါးဂိုး​တွေ​ပေးရတာ​တော့ သတိထားစရာအားနည်းချက်ပါ။
Argentina ရဲ့ Midfield က Creativity နဲ့ Work Rate ကို ကောင်းကောင်းပေါင်းစပ်ထားတဲ့အသင်းဆိုတာ ပရိတ်သတ်အကုန်လက်ခံပြီးသားပါ။
Ball Recovery မြန်တယ်။
Progressive Pass တွေ ထုတ်နိုင်တယ်။
Tempo ကို လိုသလို အတင်အချ ပြောင်းနိုင်တယ်။
လိုအပ်သလိုကစားနိုင်တဲ့အသင်းဆိုမမှားနိုင်ဘူး။
Argentina က Attack လုပ်တဲ့အချိန်မှာ Pattern တစ်ခုတည်း မရှိပါဘူး။
Quick Combination
Through Ball
Wing Overload
Counter Attack
Set Piece
အားလုံးကနေ Goal ရနိုင်တယ်ဆိုတာရူံးထွက်ပွဲစဥ်​တွေရဲ့ Comeback Goal ​တွေကသက်​သေ​တွေပါပဲ။
အထူးသဖြင့် Final Third မှာ Decision Making က အရမ်းကောင်းတာကြောင့် Chance တစ်ကြိမ်ရရင် Goal Conversion Rate မြင့်တယ်လို့မြင်မိတယ်။
Defensive Structureပိုင်းမှာ​တော့ အရမ်းကြီးထူးခြား​ပြောင်​မြောက်တာ ​ပြောစရာသိပ်မရှိ​ပေမဲ့ CB နဲ့ WB ​တွေက ​တော့အခွင့်အခါသင့်ရင် တိုက်စစ်လိုက်ပါနိုင်စွမ်းက​တော့အပြည့်ရှိပြီးသားပါ။
ဒါက Argentina ရဲ့ အကြီးဆုံးမားဆုံးအာသာချက်လို​တောင်​ပြောလို့ရမယ် ။
Ball ပြန်ရတာနဲ့ စက္ကန့်အနည်းငယ်အတွင်း တိုက်စစ်ပြောင်းနိုင်ပါတယ်။
Counter Attack မှာ
Decision Making
First Pass
Forward Run
သုံးခုစလုံး အရမ်း​ကောင်းမွန်တယ်၊တိကျတယ်။
Argentina ဟာ ဖိအားများတဲ့ပွဲတွေမှာစိတ်ဓါတ်အင်အား​ကောင်းတဲ့အသင်းဆိုတာ​တော့​သေချာပါတယ်။
အရေးကြီးပွဲအတွေ့အကြုံများခြင်း
အနိုင်ရချင်စိတ် ပြင်းထန်မှု
စည်းလုံးညီညွှတ်မှု
အခက်အခဲအတွင်းကနေ ပြန်လာနိုင်တဲ့ စိတ်ဓာတ်
ဒီအချက်တွေက အ​​ရေးကြီးတဲ့ပွဲတွေမှာဆိုရင် အဆုံးအဖြတ် ​တွေဖြစ်ပြီး​တော့ Argentina အသင်းကအဲ့အချက်​တွေအကုန်လုံးကိုအံ့ဖွယ်ပိုင်ဆိုင်ထား​ကြောင်းသက်​သေပြပြီးပါပြီ။
အားနည်းချက်အ​နေနဲ့စဥ်းစားမိတာ
Set pieces မှာ ဂိုးပေးရတတ်တာရယ် အထ​နှေးတာရယ်၂ ချက်​တော့ မြင်မိတယ်။
Argentinaအ​ကြောင်း​ပြောရင် GOAT ကြီး Lionel Messi အ​ကြောင်းက​​တော့ချန်ခဲ့ရင်အပြစ်ဖြစ်လိမ့်မယ်။​ကောင်းမွန်တဲ့ဦး​ဆောင်မူ၊အသက်အရွယ်နဲ့မလိုက်ကြိုးစားရုန်းကန်နိုင်မူ၊တည်ကြည်တဲ့စိတ်ဓါတ် ​တွေက သူရဲ့ အ​ကြောင်းတရား​တွေပါ။အခုကမ္ဘာဖလားရဲ့ ​ရွှေဖိနပ်ဆု အတွက်လဲ အရမ်းကို ဖြစ်နိုင်​ချေများ​နေတာ က သူ့ရဲ့မှတ်တိုင် တခုပါပဲ။

Argentina ဟာ အလှဆုံးကို အမြဲမကစားပေမယ့်၊ အနိုင်ရဖို့ အထိရောက်ဆုံးဘောလုံးကို ကစားတတ်တဲ့ အသင်း ဖြစ်တယ်။ခုကမ္ဘာဖလားမှာ​တော့ ပရိတ်သတ်​တွေကို စိတ်ခံစားချက် Rollarcoster အ​ပေးနိုင်ဆုံးအသင်းက​တော့ ​ပြောစရာလိုမယ်မထင်ဘူး။
သူတို့ရဲ့ အဓိကအင်အားက နည်းဗျူဟာကို ပြိုင်ဘက်အလိုက် ပြောင်းလဲနိုင်ခြင်း၊ ဖိအားကြီးတဲ့အချိန်မှာ တည်ငြိမ်မှု မပျက်ခြင်းနဲ့ Transition အရည်အသွေး မြင့်မားခြင်း ဖြစ်ပါတယ်မြင်မိတယ်။Argentina ပရိတ်သတ် တ​ယောက်အ​နေနဲ့​တော့ 20 july 2026 1:30AM မှာကစားမဲ့ Spain နဲ့ Argentina ပွဲမှာပြုံး​ပျော်ခွင့်ရမှာလား။ GOAT ကြီး Lionel Messi ကို​ရွှေဖိနပ်၊​ရွှေ​ဘောလုံး နဲ့ ​ကမ္ဘာဖလား​တွေကိုကိုင်​မြှောက်ဂုဏ်ယူ​နေတာကိုမြင်​တွေ့ခွင့်ရမလားဆိုပြီး ကျွန်​တော်​တော့ စောင့်မ​နေချင်တော့ဘူး......