Winner Sports

တောင်အာဖရိက 0:1 ကနေဒါ

ကနေဒါရဲ့ခြေစွမ်းက နိူင်ခဲ့တာတောင် ဒီ့ထက်ပိုပြီး နောက်တစ်ဆင့်တက်ပါ့မလားရင်လေးစရာပါ။ တောင်အာဖရိက,ကတော့ ဒီလောက်ပဲတတ်နိုင်ခဲ့ပုံရပါတယ်။ နောက်ဆုံး မိနစ်မှ အသည်းခွဲခံလိုက်ရတာထက် တစ်ပွဲလုံးလည်း ဘာမှလုပ်ပြနိုင်ခဲ့တာမရှိပါဘူး။ ပိုကောင်းတဲ့အသင်းနိုင်သွားတယ်ပဲပြောရမယ်။

ကနေဒါက နယ်သာလန်/မော်ရိုကို နှစ်သင်းထဲကတစ်သင်းနဲ့ကစားရမှာပါ။ တော်အာဖရိကကိုတောင် ဒီလောက်ထိကန်နေရတဲ့အသင်းအတွက် Chance မရှိပါဘူး။ အိမ်ရှင်အသင်းတွေထဲ အရင်ဆုံးထွက်ခွာရတဲ့အသင်းက ကနေဒါဖြစ်လာမယ်ဆိုလည်းမထူးဆန်းတော့ပါဘူး။ ဘာပဲဖြစ်ဖြစ် ကနေဒါလိုအသင်းအတွက် ဒီအဆင့်အထိရောက်နိုင်ခဲ့တာကိုက ဂုဏ်ယူစရာဖြစ်ပါတယ်။

ခြေစွမ်းနဲ့တန်တာကိုပဲရခဲ့တဲ့ ဥရုဂွေး

ဥရုဂွေးအတွက် ဒီကမ္ဘာ့ဖလားဟာ အဆင်မပြေခဲ့ပါဘူး။ နိုင်ပွဲတစ်ပွဲမှမရပဲ အုပ်စုအဆင့်ကနေအိမ်ပြန်ခဲ့ရတယ်။ နည်းပြဘီယယ်ဆာရဲ့ အသင်းသားတွေကြားမှာလည်း ပြသာနာတွေရှိခဲ့ကြောင်းသိရပါတယ်။

အခုလို ပြသာနာပေါင်းသောင်းခြောက်ထောင်နဲ့ဥရုဂွေးဟာခြေစွမ်းအရလည်း စိတ်ပျက်စရာဖြစ်ခဲ့တာပါ။ ဒါကြောင့်သူတို့အတွက် စီစဥ်ပေးထားတဲ့သီးသန့်ဂျက်လေယာဥ်ကို ပယ်ဖျက်လိုက်ပြီး ကစားသမားတွေအားလုံး ကိုယ့်စားရိတ်နဲ့ကိုယ်အိမ်ပြန်ရတော့မှာဖြစ်ပါတယ်။ ဥရုဂွေးပရိသတ်တွေကတော့ ဒီအချက်ကိုသဘောကျနေပြီး ခြေစွမ်းနဲ့တန်တာကိုပဲရတာဖြစ်တယ်လို့ မှတ်ချက်ပေးနေကြပါတယ်။

ရွှေပြည်တော် မျှော်တိုင်းဝေးဦးမယ့် ပေါ်တူဂီ

ဂုတ်ကြီးရဲ့ ပေါ်တူဂီအသင်းဟာ ဒီမနက်ကစားခဲ့တဲ့ အုပ်စု (K) နောက်ဆုံးပွဲစဉ်မှာ ကိုလံဘီယာအသင်းကို သရေသာ ကစားနိုင်ခဲ့တာကြောင့် ဒုတိယနဲ့ပဲ နောက်တစ်ဆင့် knockout ကို တက်ခဲ့လိုက်ရပါပြီ

ဒီအဆင့်မှာ တွေ့ရမယ့် အသင်းက ခရိုအေးရှားဖြစ်ပြီး ကိုလံဘီယာကတော့ ဂါနာလိုအသင်းနဲ့တွေ့ရမှာဖြစ်တာကြောင့် လမ်းကြောင်းတစ်ဆင့်ပိုချောင်သွားခဲ့ပြီဖြစ်ပါတယ် ။

ခရိုအေးရှားကိုကျော်ဖြတ်နိုင်ပြီးသွားရင်တောင် စပိန်နဲ့ ထပ်တွေ့မှာမို့ ပွဲအတော်လေး ကျပ်သွားခဲ့တာပါ။ ဒီလိုပုံစံ စုဖွဲ့ကျစ်လစ်မှု အားနည်းနေဦးမယ်ဆိုရင်တော့ဖြင့် ၁၆သင်းအဆင့်ကနေ ကိုယ့်အထုပ်ကိုယ်ဆွဲပြီး အိမ်ပြန်ရဖို့ပဲ များနေပါတယ်။ ဂုတ်ကြီးရဲ့ နောက်ဆုံး လိုအပ်နေတဲ့ ရွှေရောင်အနားသတ်ကို အပြည့်ဝဆုံး ဖြည့်ဆီးဖို့ တစ်သင်းလုံး ညီမှ ရုန်းမှရပါလိမ့်မယ် သို့မဟုတ်ရင်တော့ ရွှေပြည်တော် မျှော်တိုင်းဝေးနေရဦးမှာပဲဖြစ်ပါတယ်။

WinnerSports

မက်ဆီ ဖရီးကစ် ဂိုးသွင်းပြန်ပြီ

အာဂျင်တီးနားဂန္တဝင် လီယိုမက်ဆီဟာ ကမ္ဘာ့ဖလားသမိုင်းမှာ ၇ ပွဲဆက်ဂိုးသွင်းယူနိုင်ခဲ့တဲ့ တစ်ဦးတည်းသောကစားသမားအဖြစ် မှတ်တမ်း၀င်ခဲ့ပါပြီ ၊ ဒီနှစ် 2026 ကမ္ဘာ့ဖလားဟာလည်း မက်ဆီအတွက် ဖြစ်လာတော့မလား 🐐🇦🇷

အထူးထုတ် ရွှေအိုရောင်ဖိနပ်နဲ့ တွေ့ရတဲ့ ရော်နယ်ဒို

ဒီဖိနပ်ကို NIKE Company က သူ့အတွက် သီးသန့် စပွန်ဆာ CR7 Limited Edition ထုတ်ပေးထားတာဖြစ်ပြီးတော့ မနက်ဖြန်မနက် မြန်မာစံတော်ချိန် 6:00 မှာ ကစားမယ့် ကိုလံဘီယာနဲ့ပွဲမှာ ဝတ်ဆင်ကစားသွားမှာဖြစ်ပါတယ် ။

GOAT ရဲ့ The last dance က အကောင်းဆုံးအပြည့်စုံဆုံး သီးသန့်ဖြစ်တည်မှု ပံပိုးမှုတွေအပြည့်နဲ့ပါ၊ ရလာဒ်ကောင်းတွေ မြင်ရဖို့ ပရိတ်သတ်တွေလည်း မျှော်နေကြပါပြီ 🔥🐐

Winner Sports

မက်ဆီအတွက်စီစဥ်ထားတဲ့ ကမ္ဘာ့ဖလား?

အာဂျင်တီးနားအသင်းရဲ့ ရှုံးထွက်အဆင့်ပြိုင်ဖက်တွေပေါ်ထွက်လာပြီဖြစ်ပါတယ်။ လက်ရှိလမ်းကြောင်းအရ အာဂျင်တီးနားအသင်းဟာ

◾၃၂အသင်းအဆင့် - ကိတ်ဗာဒီအသင်း

◾ ၁၆သင်းအဆင့် - သြတြေးလျ / အီရန်

◾ ကွာတားဖိုင်နယ် - အယ်လ်ဂျီးရီးယား / ဆွစ်ဇာလန် / ခရိုအေးရှား

အစရှိတဲ့ အသင်းတွေထဲကနောက်တစ်ဆင့်ဆီကို တက်ရောက်လာတဲ့အသင်းတွေနဲ့ သက်ဆိုင်ရာအဆင့်တွေမှာ ကစားသွားရမှာဖြစ်ပါတယ်။ အာဂျင်တီးနားရဲ့ ရှုံးထွက်အဆင့်လမ်းကြောင်းဟာ သိသိသာသာလွယ်ကူနေတာကိုတွေ့ရမှာပါ။ ဒါကတိုက်ဆိုင်မှုပဲလား၊ အခြားတစ်ခုခုပဲလားဆိုတာကတော့ မေးခွန်းထုတ်ချင်စရာဖြစ်နေပါတယ်။

ဗင်နီဇွဲလားမှာ လှုပ်ခတ်ခဲ့တဲ့ ၇.၅ အင်အားပြင်းငလျင် လူပေါင်း ၁၀၀၀ လောက်သေဆုံးစာရင်း ရှိနေပြီး ကယ်ဆယ်ရေးဆောင်ရွက်နေရဆဲ ဖြစ်ပါတယ် ။

မနေ့ညက ကမ္ဘာ့ဖလားပြိုင်ပွဲက ပြိုင်ပွဲဝင်အသင်းတွေဟာလည်း ပွဲမစတင်ခင်မှာ ဝမ်းနည်းခြင်း ဆုတောင်းခြင်း ခေတ္တငြိမ်သက်ပေးခဲ့ကြပါတယ်၊

လောကကြီးပျက်စီးပုံ သေကြေကြရပုံက အင်မတန် တရားရစရာကောင်းလှပါတယ်၊ စစ်တွေဖြစ်ပြီး လူအချင်းချင်း သတ်လို့သေကြသလို ငလျင် ရေကြီး မုန်တိုင်းနဲ့ ကပ်ရောဂါတွေကြောင့်လည်း အမှုန်မွှားတွေပမာ ပျက်စီးပျောက်ဆုံးနေကြတာ အချိန်နဲ့အမျှပါပဲ ။

Winner Sports

ကိပ်ဗာဒီအသင်း နောက်တစ်ဆင့်တက်ပြီ 👏

မနေ့ညက ဥရုဂွေးအသင်း စပိန်ကိုရှုံးပြီးနောက်မှာ ကိပ်ဗာဒီအသင်းဟာ 32သင်းအဆင့်ကို တက်ရောက်နိုင်သွားခဲ့ပြီဖြစ်ပါတယ်။

ကမ္ဘာ့ဖလားပြိုင်ပွဲမှာ ပထမဆုံး ပါဝင်ယှဉ်ပြိုင်ခွင့်ရတဲ့ ဒီကျွန်းနိုင်ငံငယ်လေးအတွက် တကယ့်ကို ဂုဏ်ယူစရာ ကောင်းနေလှပါပြီ 💙

ရှုံးထွက်အဆင့် လာမယ့် ဇူလိုင် ၄ရက်နေ့မှာတော့ အာဂျင်တီးနားအသင်းနဲ့ တွေ့မှာဖြစ်ပါတယ် ။

Winner Sports

ဒမ်ဘီလီဟက်ထရစ်နဲ့ ပြိုင်ဆိုင်မှုပိုပြင်းလာတဲ့ ဂိုးသွင်းဘုရင်ဆု

နော်ဝေး 1:4 ပြင်သစ် (ပွဲပြီးရီဗျူး)

လူစာရင်းနဲ့တင် ပြင်သစ်နိုင်သွားတဲ့ပွဲပါ။ နော်ဝေကအရန်တွေချည်းထုတ်လာတယ်။ ပြင်သစ်လည်းလူချန်တယ်ဆိုပေမယ့် နော်ဝေလောက်ရုပ်မပေါက်ခဲ့ဘူး။ အမ်ဘာပေ၊ ဒမ်ဘီလီတို့အပါအဝင်ပဲကစားခဲ့တယ်။ လူစာရင်းကအရမ်းကွာနေတော့ အေးဆေးပဲနိုင်သွားတယ်။

ဒီပွဲမှာ ဒမ်ဘီလီကတော့မဖြစ်မနေချီးကျူးရမှာပဲ။ လူစုံထည့်တာမထည့်တာက တစ်ဖက်အသင်းကိစ္စ။ ပရော်ဖက်ရှင်နယ်ဆိုတာ ကိုယ့်အလုပ်ကိုယ်လုပ်ဖို့လိုတယ်။ ဒမ်ဘီလီရဲ့ပထမပိုင်းဟက်ထရစ်ကပွဲရဲ့အဖြေပဲ။ ပြင်သစ်တိုက်စစ်ဘယ်လောက်စွမ်းတယ်ဆိုတာကိုလည်း ထပ်ပြီးပြသသွားတယ်။ ဒူဝေးလေးနည်းနည်းလုပ်ပြချင်စိတ်များနေတာကတော့ စိုးရိမ်မိတယ်။

ပွဲရလဒ်ထက်ပိုပြီးစိတ်ဝင်စားစရာဖြစ်လာတာက ဂိုးသွင်းဘုရင်ဆု။ အခုဆို မက်ဆီ ငါးဂိုး၊ ဟာလန်း၊ ဗီနီ၊ အမ်ဘာပေ၊ ဒမ်ဘီလီ လေးဂိုးဆိုပြီးဖြစ်လာတယ်။ ဒီထဲမှာ ဟာလန်းကလွဲရင် ကျန်တဲ့သူတွေက နောက်ထပ်သုံးပွဲလောက်သေချာပေါက်ကစားရဦးမှာ။ ဆိုတော့ ပွဲပိုဆော့ရတဲ့အသင်းက ကစားသမားက နှာတစ်ဖျားသာသွားဖို့ရှိတယ်။

ဒမ်ဘီလီ ဟက်ထရစ် သွင်းပြီ 🔥

ကမ္ဘာ့ဖလားသမိုင်းမှာ အမြန်ဆုံး ၃ဂိုးသွင်းနိုင်သူ ရှားပါးကစားသမားထဲမှာ ပြင်သစ်သား ဒမ်ဘီလီပါဝင်နိုင်သွားပါပြီ၊ နော်ဝေးအသင်းကို ပထမပိုင်း ၇မိနစ်၊ ၂၀မိနစ်၊ ၃၂ မိနစ်တို့မှာ ဆက်တိုက် ဂိုးသွင်းသွားခဲ့တာဖြစ်ပါတယ်..တကယ့်ကို မြန်ဆန်လွန်းပြီး အံ့အားသင့်စရာ ပွဲတစ်ပွဲပါပဲ ။

WinnerSports