29/01/2026
ကျွန်မတို့ တခါတလေကိုယ်မပြောချင်တဲ့အရာတွေပြောမိ၊ကိုယ်မဖြစ်ချင်တဲ့ပုံစံတွေကို ကိုယ်တိုင်တောင်မသိလိုက်ဘဲ ပြောမိ၊တုံ့ပြန်လိုက်မိတာတွေကြုံဖူးကြမှာပါ။ဒါတွေက အကျင့်ကြောင့်လို့ထင်ခဲ့မိပေမယ့် တကယ်တမ်းကျ ကျွန်မတို့ရဲ့မသိစိတ်ထဲမှာ အမြစ်တွယ်နေတဲ့ အကြောက်တရားတွေ၊အနာတရတွေကြောင့်ဖြစ်ပေါ်လာတဲ့ trauma response တွေကြောင့်ဘဲဆိုတာကို healing journey ကိုဖြတ်သန်းရင်းသိလာခဲ့ရတယ်❤️🩹
လူရယ်လို့ ဖြစ်လာရင် ဘဝမှာ trauma(နာကျင်မှု)မရှိတဲ့သူဆိုတာ မရှိပါဘူး။ တချို့traumaတွေက အချိန်နဲ့အမျှ ပျောက်သွားသလို ထင်ရပေမယ့် တချို့ကတော့ ကိုယ့်စိတ်အတွင်းမှာ တိတ်တိတ်လေး နေရာယူပြီး ကိုယ့်အပြုအမူတွေ၊ အတွေးအခေါ်တွေကို မသိမသာ ထိန်းချုပ်နေတတ်ပါတယ်။
💔ဒီ traumaတွေကို Healing မလုပ်ဘူးဆိုရင် အတိတ်က နာကျင်မှုတွေကို မသိမသာ နေ့စဉ်ဘဝထဲ သယ်ဆောင်နေမိတတ်ပါတယ်။ ဥပမာ-အလွယ်တကူ စိတ်တိုတတ်လာတာ၊ လူတွေကို မယုံကြည်နိုင်တော့တာ၊ ကိုယ့်ကိုယ်ကို တန်ဖိုးမထားနိုင်တော့တာတွေက ဒီtraumaတွေကြောင့် ဖြစ်လာတဲ့ကိုယ့်ရဲ့စိတ်က တုံ့ပြန်မှုတွေဖြစ်နိုင်ပါတယ်။အကျိုးဆက်အနေနဲ့ ကိုယ့်ပတ်ဝန်းကျင်အသိုင်းအဝိုင်း၊ကိုယ့်relationship မှာ အဆင်မပြေတာတွေဖြစ်စေပြီး ဘဝကိုအဆင်မပြေမှု၊တိုးတက်သင့်သလောက် မတိုးတက်စေတာတွေဘဲဖြစ်စေမှာဖြစ်ပါတယ်
❤️🩹Healingလုပ်တယ်ဆိုတာ ကိုယ့်ရဲ့စိတ်အတွင်းကမ္ဘာinner worldကို ပြန်ရှာဖွေရတာဘဲဖြစ်တယ်။ဒီtraumaတွေကို Healing လုပ်နိုင်တဲ့အခါ ကိုယ့်နာကျင်မှုကို ဖုံးကွယ်ဖို့မကြိုးစားတော့ဘဲ ငါနာကျင်ခဲ့ဖူးပါလားဆိုပြီး အမှန်တိုင်းလက်ခံနိုင်လာမယ်။လက်ခံနိုင်လာတဲ့အချိန်ကစပြီး healing process စတင်ပြီလို့ဆိုလို့ရပါတယ်
❤️🩹Healing ဆိုတာ ပြီးပြည့်စုံလာဖို့ မဟုတ်ပါဘူး။ နာကျင်ခဲ့တဲ့ ကိုယ့်ကိုယ်ကို နားလည်ပေးနိုင်ဖို့၊ ကိုယ့်စိတ်ကို မပစ်ထားတော့ဖို့ပါ❤️
