Говьсүмбэр аймгийн антверпин олимпын зөвлөл

Энэ долоо хоногт Монголын сагсан бөмбөгийн спортын оргил мөчүүдийн нэг тохиох гэж байна.

Энэ бол NBA-ийн драфтад Шаравжамцын Энхийн-Од оролцож буй үйл явдал юм.

NCAA буюу Америкийн коллежийн сагсан бөмбөгийн лигт дөрвөн жил тоглосон тэрээр NBA-ийн таван багийн бэлтгэлд хамрагдаад байна.

Сагсан бөмбөгчийн хувьд NBA-ийн драфтад нэрээ өгөх ганц удаагийн л боломж байдаг.

Тэрхүү боломжид хүрэхийн тулд олон жилийн хөдөлмөр, тэсвэр хатуужил, сахилга бат, тууштай байдал шаардлагатай билээ.

Энэ түвшинд ирсэн анхны Монгол сагсан бөмбөгчин бол “Mongolian Mike” хочит Шаравжамцын Энхийн-Од юм.

NBA-ийн драфт Улаанбаатарын цагаар 6 дугаар сарын 24, 25-нд болно.

МЭНДЧИЛГЭЭ🇲🇳🌍

Эрхэм Олимпын их гэр бүлийн гишүүд,
тамирчид, дасгалжуулагчид, спортын зүтгэлтнүүд, олимпизмыг дэмжигч нийт ард иргэд Та бүхэндээ Олон улсын Олимпын өдрийн баярын мэндийг өргөн дэвшүүлье.

Олимпын өдөр бол зөвхөн спортын баяр бус, харин хүн төрөлхтний эв нэгдэл, энх тайван, нөхөрлөл, хүндлэл, шударга өрсөлдөөн зэрэг олимпизмын үнэт зүйлсийг дэлхий нийтээрээ хамтдаа тэмдэглэн бататгадаг онцгой өдөр юм.

Энэ жилийн Олимпын өдрийг Олон улсын Олимпын хороо “Let’s Move” буюу “Хөдөлцгөөе” уриан дор тэмдэглэж байна. Энэхүү санаачилга нь хүн бүрийг, ялангуяа хүүхэд залуучуудыг өдөр тутмын амьдралдаа илүү идэвхтэй хөдөлж, спортыг амьдралын хэв маяг болгоход уриалж буйгаараа онцлог юм.

Спортын үнэ цэнэ зөвхөн медаль, амжилтаар хэмжигдэхгүй. Спорт нь хүнийг өөртөө итгэх итгэлтэй болгож, эрүүл амьдралын хэв маягийг төлөвшүүлэн, хамт олныг нэгтгэж, нийгэмд эерэг өөрчлөлт авчрах хүч юм.

Энэ жил Монголын олимпын хөдөлгөөний хувьд түүхэн ач холбогдолтой жил тохиож байна.

Учир нь Монголын Үндэсний Олимпын Хороо байгуулагдсаны 70 жилийн ой тохиож энэ хугацаанд олимпизмын үнэт зүйлсийг түгээн дэлгэрүүлж, тамирчдын амжилтыг дэмжин, хүүхэд залуучуудын оролцоо, олимпын боловсролыг хөгжүүлэх үйлсийг манлайлан хэрэгжүүлж ирлээ.

Монгол Улс 1962 онд Олон улсын Олимпын хороонд элсэж, 1964 оноос Олимпын наадамд оролцож, энэ цаг мөчөөс үе, үеийн тамирчид эх орныхоо нэрийг дэлхийд цуурайтуулж, олимпын бахархам түүхийг бүтээсээр ирсэн билээ.

Олон улсын Олимпын өдөр болон МҮОХ-ны 70 жилийн ойг тохиолдуулан нийт иргэд, хүүхэд залуучууд та бүхэндээ спортыг амьдралынхаа салшгүй хэсэг болгон, эрүүл, идэвхтэй амьдралын хэв маягийг түгээн дэлгэрүүлэхийг уриалж байна.

Олимпын хөдөлгөөн, спортын хөгжлийн төлөө хамтран зүтгэж буй нийт тамирчид, дасгалжуулагчид, спортын холбоод, олимпын зүтгэлтнүүд, түнш байгууллагууд болон спортод хайртай нийт ард иргэддээ чин сэтгэлийн талархал илэрхийлье.

Та бүхэндээ Олон Улсын Олимпын өдрийн баярын мэндийг дахин хүргэж, эрүүл энх, аз жаргал, амжилт бүтээлийн дээдийг хүсэн ерөөе!

Хөдөлцгөөе, Хөгжье, Нэгдье😊

Олимпизмын гэгээн туг Монгол оронд минь үеийн үед мандан бадрах болтугай.

Хүндэтгэсэн: ОУОХ-ны гишүүн, Монголын Үндэсний Олимпын Хорооны Ерөнхийлөгч Батболдын Баттүшиг

🌟 ОЛИМПЫН ӨДӨР – “ХАМТДАА ХӨДӨЛЦГӨӨЕ” 🌟

Монголын үндэсний олимпын хорооны 70 жилийн ойн хүрээнд Олон улсын Олимпын өдрийг угтан “Хамтдаа хөдөлцгөөе” Olympic Day / Fun Run арга хэмжээ зохион байгуулагдах гэж байна.

📅 Хэзээ: 2026 оны 6 дугаар сарын 23
⏰ Цаг: 08:30–11:30
📍 Хаана: Үндэсний цэцэрлэгт хүрээлэн
👨‍👩‍👧‍👦 Олон нийтэд нээлттэй

Та бүхэн гэр бүл, найз нөхөдтэйгөө хүрэлцэн ирж, спортлог, эрүүл, хөгжилтэй өдрийг хамтдаа өнгөрүүлээрэй!

Арга хэмжээний үеэр:
🏃 “Fun Run” хөгжөөнт гүйлт
🚲 Баланс дугуйн тэмцээн
🤝 Тамирчидтай уулзах, танилцах
🎽 Спортын холбоодын үзүүлэх тоглолт
💪 Нийтийн бие халаалтын дасгал
🎁 Хөгжөөнт асуулт, хариулт
🏅 Спортын танилцуулга болон туршилтын бүс
📸 Дурсгалын зураг авалт зэрэг олон сонирхолтой хөтөлбөрүүд болно.

Олимпизмын үнэт зүйлс болох нөхөрлөл, хүндлэл, шилдэг чанарт тэмүүлэх үзлийг хамтдаа түгээж, идэвхтэй хөдөлгөөн, эрүүл амьдралын хэв маягийг дэмжицгээе!

✨ 6 дугаар сарын 23-нд Үндэсний цэцэрлэгт хүрээлэнд уулзацгаая!

#ХамтдааХөдөлцгөөе