Эрдэнэ тулааны спортын клуб

Өсвөрийн Ази тивийн аварга шалгаруулах Холимог тулааны тэмцээнээс мөнгөн медаль хүртсэн Э.Хаш-Эрдэнэд маань Хэрлэн 1 дүгээр сургуулийн 9г ангийн хамт олон хүндэтгэл үзүүллээ. Хашка Хашка -г маань байнга дэмжиж туслаж байдаг @О.Алтаншагай багшдаа болон анги хамт олонд нь гүн талархал илэрхийлье. 🙏🙏🙏

Э.Хаш-Эрдэнэ холимог тулааны Азийн АШТ-ээс мөнгөн медаль хүртлээ

Узбекистан улсын нийслэл Ташкент хотын "Olympiya City Arena"-д зохион байгуулагдсан Холимог тулааны (AMMA) өсвөр үеийн Ази тивийн аварга шалгаруулах хоёр дахь удаагийн тэмцээн өнөөдөр өндөрлөлөө.

Тэмцээний сүүлийн өдөр шийдвэрлэх аваргын төлөөх тулаанууд явагдсан бөгөөд U16 насны ангиллын 60 кг-ын жинд Хэнтий аймгийн "Эрдэнэ" тулааны клубийн тамирчин Эрхэмбаатарын Хаш-Эрдэнэ амжилттай тулалдаж, Ази тивийн дэд аварга боллоо.

Муайтай (Тай бокс) спортын өсвөр үеийн Дэлхийн аварга, залуу тулаанч Э.Хаш-Эрдэнэ энэ удаа холимог тулаанд хүч үзэж, эхний тойргуудад өрсөлдөгчдөө босоо тулааны техникээрээ давамгайлан ялсаар аваргын төлөө үлдсэн юм.

Алтан медалийн төлөөх шийдвэрлэх тулаанд тэрээр талбайн эзэн орон болох Узбекистаны хүчтэй тулаанчтай хоёр үеийн турш ширүүн өрсөлдөж, шүүгчдийн саналаар мөнгөн медаль хүртлээ.

Тивийн шилдэг залуу тулаанчид цугласан тус тэмцээнээс ийнхүү мөнгөн медаль хүртсэн нь Хан Хэнтий нутгийн төдийгүй Монголын холимог тулааны спортын залуу үеийнхний чансааг тивдээ дахин баталсан бахархам амжилт болж байна.

Муайтайн дэлхийн аварга шалгаруулах тэмцээний бүртгэл эхэллээ. 🇲🇳🌎
Насанд хүрэгчдийн болон Сурагчдын дэлхийн аварга шалгаруулах тэмцээний бүртгэл эхэллээ.
Малайз улсын Куала лумпур хотод 2026.06.16-21нд зохиогдох Анхдугаар сурагчдын дэлхийн аварга шалгаруулах тэмцээн болон, Малайз улсын Куала Лумпур хотод 2026.06.16-26нд зохиогдох насанд хүрэгчийн дэлхийн аварга шалгаруулах тэмцээнд Монгол улсаа төлөөлөн оролцох тамирчдын бүртгэл эхэллээ. Тус хоёр тэмцээнд оролцох хүсэлтэй клуб тамирчид холбогдож дэлгэрэнгүй мэдээлэл авна уу.