Normal Rockwell

“ Ч. Үсэгтэй Ү Шүлэг . “


Автобусанд суух бүртээ үхмээр санагддаг
Бүрхэг тэнгэр хараад өт найз минь ч үхмээр санагддаг
Үхсэн хэний ч араас очихгүй гэдгээ мэдээд ч үхмээр байдаг
Дургүй зүйлсээ хичээх ч шаардлаггүй нүүрээ дараад хийж амьдардагтаа ч
Хагарсан талыг нь өөрөөсөө нуугаад уудаг аягандаа ч
Хайрлаад өмсөж чадахгүй хуучин цамцаа өмсөөд үхмээр байдаг
Үхнэдээ гэж бодоод үхэж чадахгүй
Флорентиног өрөвдөөд үзэн ядаад байгаадаа ч үхмээр байгаа ч
Нүдээ татасхийсэн Йоркийн нүд
Хорвоогоос хэрхэн алга болох вэ? хэмээн дуулахдаа
Хоолой нь чичирхийлж үхмээр байсныг бодохоор
Амьдрах хэрэгтэй
25.01.27 Э.Б

Өөрийгөө ихэвчлэн буруу шийдвэр гаргадаг, юм бодох чадваргүй мангар , тэнэг хэмээн боддог байсан ч зүгээр л энэ байдал маань урсгал миний байх ёстой л зүйл юм байнаа гэдгийг ойлголоо.

Хангалттай өлсөж , бөөлжиж , толгойгоо өвдүүлсэн болохоор
Хайхрамжгүй байж өөрийгөө өөлж , дооголсон болохоор
Хангалттай их гунигтай , өвтгөм дуугаралттай дууг хүсэж сонсож байгаагаа бодохоор л
Илэрхийлээгүй бачуурлалаа хэн нэгэнд уйлж хэлсэн болохоор
Шаналал , айдсаа илэрхийлвэл дээрддэг гэдэг ч
Гаргаж илэрхийлнэ гэвээс айж санаа зоволтоос
Хангалттай сайн энэ жил номоо уншаагүйгээс эхлэн өөрийгөө үзэн ядмаар
Зав гарсангүй , завдал гарвал тэнэг хэмнэл рүү ороод
Тахлын үеийн дурлал , сүргийн сэтгэл зүй , зүүдний онолоо ч дуусгаж чадалгүй хаалаа.
Black beauty сонсоод шархаа нэмнэ .
Шарх байхгүй л дээ , гэхдээ өвтгөөд байдаг.
Он дуусахтай зэрэгцэн Маанаг номыг олж уншъя …..

“ЭДГЭХГҮЙ ЭНДҮҮРЭЛ”

Эргэн дурсах өчнөөн сайхан эндүүрэл
Эргээ давж хальсан гол шиг
Эргэлзээг нь мэдэх хэрнээ харах нүд
Этгээд биш нэг л өөр таны хоолой

Хаанаас би өөрийг тань олохоо мэдэхгүй ээ
Хаашдаа тэр зүгийг сонгоод явсан юм чинь
Хараацай зогсолттойгоо уйлж үлдэснээ санадаг
Хайрандаа сохорсон Раймбод амрагтаа будуулчихаад
Гэмийг нь амсаад , шархаа түлчихээд айхтар өвдөж

Гэмтсэн бидний шарх хэзээ ч эдгэхгүй
Гэмтээгээд үлдсэн тэд эргээд ирэхгүй
Гунигтай тэдний эндүүрэл шарх болоод холддог
Гутамшигтай ч гэлээ эдгээд холдодгүй эндүүрэл

Найзын гэрт нойрны эм байсан .
Тэр надад тэр эмнийхээ талаар нилээдгүй ярьж эхэллээ . Өчнөөн үй их бодол толгойд нь орж ирэх үед нэг ширхэг цагаан эмийг ууж нойр нь хүрдэг гэж хэллээ . Би энэ орой зүгээр тэр эмнээс нь хайрцаг шахууг уугаад нам унтах юм сан гэж бодлоо.

“ Будда , Баллуурын чиглэл хаана байдаг вэ? “
Үй зайгүй цагийн чинагш чиглэл
Үймрэх шаналалт бодол зовлонгоо бодох
Ирэх үгүй бүүдэг баллуур дөхсөөр
Маргааш л бүх зүйлс эдгэнээ , зүгээр болно
Маргааш гэхэд л би жаргалтай болно
Толинд тусах би өөрийгөө баллуурдаж үхнэ
Толинд дуссан буддагийн өмнөх шүлэг би харна
Би үхнээ бас өөрийгөө харна
Үхэх минь удаанаар холдоно
Уншсан номнууд миний цээжинд орчихсон
Надтай цуг үхнэ
Надтай цуг алга болно
Хайртаасаа зээлж уншсан ном минь
Өөр бүсгүйд хайртай тэр минь
Номыг минь тэр ,сэтгэлийг минь аваад явчихсан юм аа даа
Уйлахыг минь тэр харсаан
Үхэхийг минь бүү хараасай
Намайг хараад дурсамжыг минь бодоод
Будда болох вий
Будда , Баллуур хоёр минь
Хайрт тэр минь
Будда болох вий
Харин би бүх зүйлсээ алга болгодог
Халтар муу баллуур болох вий
Дуустал нь цэвэр агаад энгийнээр ор мөргүй

Орос найз Ливийн цуглуулга!

Ай даа нээрээ ухаантай болох , зөв дадал хэвшил чанар стандарт , эрүүл хүн байх , санхүүгийн эрх чөлөө …. Энэ зүйлсийг заавал давтаж байж өөрийн болгож сайхан амьдрах хүмүүс тэр чиний үздэг нөлөөлж буй хүмүүс бүгд тийм биш ш дээ бүх зүйлд итгээд бусад яагаад ийм төгс байж байхад би яагаад ийм гээд л шархаа нэмнэ. Хэнээс ч битгий үлгэр дуурайлал ав малнуудаа

Би мэдрэмжээ энд л үлдээе

✨ .
1. DRIVE MY CAR - 2021 онд гарсан киног нь сая л үзлээ. .. 3 цаг үргэжилсэн кино нэг л мэдсэн дуусчихсан. Яг номыг нь уншчихсан бол киноны хамаг үйл явдлыг мэдээд уйтгартай байдаг даа . Илүү зохиол дээрээ тулгуурлан бүтсэн ч цаашаа юу болох бол гээд хүлээлт үүсгэж , хачир нэмсэн ( илүү баяжуулсан ) нь илүү гоо зүйтэй болгож буй нь …. Шалихгүй зүйл дээр уйлаад л үзээд байлаа . My fav movie list-д багтчихсан ..✨✨ Амьдрах хэрэгтэй

2. Beatles - н эл дуугаар нэрлэгдсэн өгүүллэг юм л даа ( дуу нь бол миний music taste биш ) Мүраками уншдаг бол beatles гэвэл гайхахгүй дээ ..:

3. “ Эмсгүй эрс “ эхний бүлэг Drive MY CAR тайван мэдрэмж өгөх өгүүллэг , энэ л түүхээс хэцүүхэн эрчүүдийн хайрын түүх эхлэнэ дээ . ….

Albert Camus “ L’ETRANGER “

Эл романаар Альбер Камютай танилцаж суусан анхны зохиол билээ. Энэ нийгэмд этгээд хүн гэж хэнийг хэлэх вэ? яагаад этгээд гэж баахан асуулт үлдэж хоцорлоо. Ээжийгээ үхэх үед нулимсаа барьж буй нэгэн , уйлаагүй гээд этгээд үү? зүгээр л энгийн уйтгартай мэдрэмжээ нууцхан дарсан нэгэн өрөвдмөөр хувь тавилан энэхүү сиймхэн номонд өгүүлжээ. Мон сударын энэ хэвлэлт нь надтай нас адил ногоон хавтсаар сайхан өгүүлэмжийг олон жил нуусан ажээ.
“ Хорвоод цөмөөрөө л азтан . Аз завшаангүй хүн гэж үгүй. Тэднийг нэг л өдөр шүүж яллана. Түүнийг ч мөн ялгаагүй . Хүн алсан этгээдийг эхийгээ оршуулахад уйлаагүй гэж ялласан , яллаагүй ямар ч ялгаа байна “
24.06.07