Монголын Бодибилдинг фитнессийн холбоо

2026 оны 9 дүгээр сарын 22-28-ны өдрүүдэд Тайланд улсын нийслэл Бангкок хотноо зохион байгуулагдах Ази тивийн аварга шалгаруулах тэмцээний ангилал. Оролцохоор бүртгүүлсэн тамирчид өөр өөрийн оролцох ангилалуудаа нягтлаарай.

🇲🇳МОНГОЛЫН БОДИБИЛДИНГ ФИТНЕССИЙН ХОЛБОО

ТЭМЦЭЭНИЙ ШҮҮГЧ СОНГОН ШАЛГАРУУЛЖ АВНА

МБФХ нь бодибилдинг, фитнессийн спортын шүүлтийн чанар, мэргэжлийн түвшинг дээшлүүлэх зорилгоор тэмцээний шүүгч сонгон шалгаруулж авна.

Тавигдах шаардлага

- Монгол Улсын иргэн, 30 ба түүнээс дээш настай байх.
- Бодибилдинг, фитнессийн спортын онол, практикийн мэдлэгтэй байх.
- Шударга, хараат бус, өндөр ёс зүйтэй байх.
- Харилцааны соёлтой, хариуцлагатай, багаар ажиллах чадвартай байх.
- Холбооны дүрэм, тэмцээний журам, шүүгчийн ёс зүйн дүрмийг ёсчилон мөрдөх чадвартай байх.
- Шүүгчийн сургалт, семинар, мэргэжил дээшлүүлэх үйл ажиллагаанд тогтмол хамрагдах боломжтой байх./2-3 хүнийг гадаадад сургалтанд хамруулж сертификатжуулна/.
- Компьютер болон ухаалаг төхөөрөмж ашиглах анхан шатны чадвартай байх.
- Эрүүл мэндийн хувьд тэмцээний бүтэн өдрийн ачаалал даах чадвартай байх.
- Өмнө нь тамирчин/УАШТ-ий эхний топ 5, тив хийгээд дэлхийн медаль/, дасгалжуулагч бол давуу тал болно.

Гүйцэтгэх үндсэн үүрэг

- Холбооны дүрэм, олон улсын шүүлтийн стандартыг мөрдөн тэмцээнийг шударгаар шүүх.
- Тэмцээний үеэр ёс зүй, сахилга хариуцлагыг чанд сахих.
- Шүүгчдийн зөвлөгөөн, сургалт, семинарт тогтмол оролцох.
- Холбооны нэр хүндийг эрхэмлэн ажиллах.

Бүрдүүлэх материал

- Ажиллах хүсэлт өргөдөл
- 3 үеийн намтар, CV
- Иргэний үнэмлэхийн хуулбар
- 3×4 хэмжээтэй цээж зураг 2 хувь
- Боловсрол, спортын цол, зэрэг, сертификатын хуулбар байгаа бол

Сонгон шалгаруулалт

Материал хүлээн авах → Урьдчилсан шалгаруулалт → Шүүгчийн сургалт → Онол, практикийн шалгалт → Туршилтын шүүлт → Шүүгчийн эрх олгох

Материал хүлээн авах хугацаа: 2026 он 07 дугаар сарын 24-ны өдөр хүртэл

Холбоо барих: Утас: 99189694
И-майл: [email protected]
Монголын Бодибилдинг Фитнессийн спортын хөгжил, шударга шүүлтийн төлөө хамтран ажиллахыг урьж байна.

Азийн аварга шалгаруулах тэмцээнд оролцох тамирчид 7 дугаар сарын 05-ны өдрийн дотор нэрсээ бүртгүүлнэ үү /УАШТ-ий топ 5 тамирчид/ Холбогдох дугаар: 99189694

БНХАУ ӨМӨЗО-ны Хөх хотод зохион байгуулагдсаг“Чийрэг Кап 2026” тэмцээнд монголын баг тамирчид амжилттай оролцлоо.

“Чийрэг Кап 2026” тэмцээний техникийн зөвөлгөөндөө монголын баг тамирчид амжилттай бүртгүүллээ.

“Монголын Мистер 2026” тэмцээний техникийн зөвлөгөөн.
2026.06.04.

Монголын Мистер 2026

• Ерөнхий ивээн байгууллагааар: Nutrex research Mongolia

• Ивээн тэтгэгч: MONZOL group / Үнэмлэхүй классик/
• Ивээн тэтгэгч: Хооллоё ХХК /Үнэмлэхүй эмэгтэй модель/
• Ивээн тэтгэгч: MONEXA star nomter ХХК /боди 90кг/
• Ивээн тэтгэгч: АТТАЧР ХХК /+90кг/
• Ивээн тэтгэгч: Таван ган ХХК /эр атлет -170/
• Ивээн тэтгэгч: BK mongolia /эр атлет -175/
• Ивээн тэтгэгч: /Push muscle lab borntowin /эр атлет +175/
• Ивээн тэтгэгч: Ari Uri home /эр спорт модель 170/
• Ивээн тэтгэгч: Монгол фарм ХХК /эр спорт модель -175/
• Ивээн тэтгэгч: Body strong fitness /эр спорт модель -180/
• Ивээн тэтгэгч: Megadent oral care center /эр фит модель/
• Ивээн тэтгэгч: HDEX /эм модель өсвөр/
• Ивээн тэтгэгч: Ingenetic nutrition /эм модель -155/
• Ивээн тэтгэгч: Шинэ амгалан дэлхий ХХК /Сайн дүпү эм модель -160/
• Ивээн тэтгэгч: Их элс товгор ХХК /эм модель -165/
• Ивээн тэтгэгч: Ц.Эрдэнэчимэг багш /эм модель +40/
• Ивээн тэтгэгч: GD diamond /эм спорт модель/
• Ивээн тэтгэгч: Champ scitec nutrition //эм атлете/
• Ивээн тэтгэгч: 28days /фит гоо зүй -163/
• Ивээн тэтгэгч: Igenetics nutrition Ch Sue /фит гоо зүй +163/
• Ивээн тэтгэгч: Recovery studio /анжел фит -163/
• Ивээн тэтгэгч: Байгал Өргөө ХХК /анжел фит +163/
• Ивээн тэтгэгч: Saruul sport complex /фит модель/
• Ивээн тэтгэгч: New club /одонтой ээж/
• Ивээн тэтгэгч: Himalaya / боди 70 кг/
• Хамтран ажилсан Гүюүлэн студио, Colorita, Sculpted in light
УАШТ-ийг хамтран зохион байгуулж, дэмжиж тусалсан бүх байгууллагууддаа талархал илэрхийлье. МБФХ

“Монголын Мистер 2026” Улсын аварга шалгаруулах тэмцээний бодибилдингийн ангиллын Үнэмлэхүй аваргыг тодруулах үеийн дүнгийн нэгтгэлд бүрэн хяналт тавиагүйгээс шалтгаалан хоёр тамирчны дугаар, нэр солигдон зарлагдсан алдаа гарсан болно.

Уг алдааны хариуцлагыг Ерөнхий шүүгч өөрөө хүлээн зөвшөөрч, ёс зүйн болон мэргэжлийн хариуцлагаа ухамсарлан, өөрийн хүсэлтээр Ерөнхий шүүгчийн албан үүргээс чөлөөлөгдөж, ажлаа хүлээлгэн өгөх хүсэлт гаргаж, түүний гаргасан хүсэлтийг үндэслэн Холбооны Удирдах зөвлөлөөс холбогдох асуудлыг хэлэлцэн шийдвэрлэсэн бөгөөд уг шийдвэрийг үүгээр хүргэж байна.
Мөн ангилалдаа шүүлтийн дүнгээ харах тамирчдаад нээлттэй.

Чийрэг Кап тэмцээнд оролцох хүсэлтэй бүртгүүлж амжаагүй тамирчид яаралтай бүртгэлээ хийлгэнэ үү.
Тэмцээн 2026.06.13-14 өдрүүдэд ӨМӨЗО-ны
Хөх хотод болно

Монгол Улсын аварга шалгаруулах 35 дахь удаагийн “Монголын Мистер” тэмцээний бодибилдингийн ангиллын үнэмлэхүй аваргаар “ТНГРИ Групп”, Өсөх Урам ХХК, Scitec Nutrition, Наадам Фитнесс клубын тамирчин Болдын Идэрмөнх шалгарч, Монгол Улсын 20 дахь “Мистер” цолны эзэн боллоо.
Монгол Улсын 20 дахь “Мистер” цолны эзэн Болдын Идэрмөнхдөө чин сэтгэлийн халуун баяр хүргэж, цаашдын спортын замналд нь өндөр амжилт, их ялалт, шинэ шинэ оргилуудыг хүсэн ерөөе.