Mongolian Judo Development Foundation

АРЫН САЙХАН ХАНГАЙД
ЦАГААН ӨМСГӨЛТНҮҮД ЧУУЛНА🥋

Архангай аймгийн жүдо бөхийн холбоо Шагналын сан өндөртэй насанд хүрэгчдийн жүдо бөхийн “ARA OPEN” тэмцээнийг 2026 оны 7 дугаар сарын 29-30-ны өдрүүдэд зохион байгуулах гэж байна.

Энэхүү тэмцээн нь Архангай аймагт жүдо бөхийн холбоо шинээр байгуулагдсантай холбоотойгоор орон нутагтаа жүдо бөхийн хөгжлийг шинэ шатанд гаргах, хүүхэд, залуучуудыг спортоор, тэр дундаа жүдо бөхөөр хичээллэхэд уриалах, зөв хүмүүжил, эрүүл амьдралын хэв маягийг түгээн дэлгэрүүлэх, ирээдүйн олимп, дэлхийн аваргуудыг орон нутгаасаа төрүүлэх зорилготой юм.

Тэмцээнд Монголын жүдо бөхийн шилдэг тамирчид, олимп, дэлхийн медальтнууд оролцож, уран мэх, хүч чадлаа сорин өрсөлдөх бөгөөд үзэгчид гал гарсан барилдаануудыг дэргэдээс нь мэдэрч, жүдогийн гайхамшгийг үзэх боломжтой.

Тэмцээн эрэгтэй 7, эмэгтэй 7, нийт 14 жинд явагдана.

Хувийн жингийн шагналын сан
🥇 Алтан медаль – 5,000,000₮
🥈 Мөнгөн медаль – 3,000,000₮
🥉 Хүрэл медаль (тус бүр) – 1,000,000₮

Багийн дүн
🥇 1-р байр – ARA OPEN шилжин явах цом + 5,000,000₮
🥈 2-р байр – 3,000,000₮
🥉 3-р байр – 2,000,000₮

📍Зохион байгуулагч:

Архангай аймгийн Жүдо бөхийн холбоо
ARA Complex - ARA Fest

Санхүүгийн дэмжлэг үзүүлсэн байгуулага:

АРМИКО МАЙНИНГ КОРПОРАЦ ХХК
БМНС ХХК

Ивээн тэтгэгч:

БАЯН өндөг
Сэнгүр
Миний дэлгүүр
Авуурьд Анд ХХК