28/08/2026
SAUYIN SHUGABANCI A ƘWALLON ƘAFAR NAJERIYA!
An samu sabon sauyi a harkokin gudanar da manyan lig-lig na ƙwallon ƙafa a Najeriya, yayin da ake daf da fara kakar NPFL 2026/27.
Rahotanni sun ce an umarci shugabannin NPFL, NNL, NLO da NWFL da su miƙa ragamar gudanar da gasannin ga Chief Operating Officers (COOs) waɗanda ke aiki ƙarƙashin NFF.
Wannan na nufin cewa manyan jami’an da ke kula da waɗannan gasanni za su dakatar da gudanar da ayyukan yau da kullum, yayin da COOs za su karɓi ragamar gudanarwar har sai an bayar da wani sabon umarni.
Haka kuma, idan COO na wata gasa ba ma’aikacin NFF ba ne, za a naɗa wani daga cikin ma’aikatan NFF domin ya riƙe wannan matsayi na wucin gadi.
⚽ Lig-lig ɗin da sauyin ya shafa sun haɗa da:
🔹 NPFL
🔹 NNL
🔹 NLO
🔹 NWFL
Wannan mataki ya zo ne a daidai lokacin da ake samun sauye-sauye a shugabancin NFF, bayan murabus ɗin wasu daga cikin manyan jami’an hukumar.
Ana kuma danganta sauyin da matakan da ake shirin ɗauka domin sake fasalin tsarin gudanar da ƙwallon ƙafa a Najeriya.
Yanzu babban abin jira shi ne: Ta yaya wannan sabon tsarin zai shafi gudanar da NPFL27, musamman ganin cewa an tsara fara gasar a yau, 28 ga Agusta 2026?
👀 Ku bamu ra’ayinku:
Shin wannan sauyin zai kawo cigaba ne ga ƙwallon ƙafan Najeriya, ko kuwa zai ƙara rikita tsarin gudanar da lig-lig?
