04/10/2026
Norgescupen i kickboxing er over for vår del denne gongen.
Veldig moro og lærerikt for alle involverte på tur! 👍🥊
Emilie og Nicolas fekk sine første offisielle kampar, med all god læring det medfører. Både nivå, turneringsformat og dømming.
Vi hadde dessverre tre forfall, men desse og andre får ny anledning rett over nyttår.
Begge våre tapte sine innleiande kampar på poeng, og med utslagsformat vart det ikkje fleire denne gongen.
Dei gjer til tross for tap begge god innsats og står stødig i utfordringane. 💪💪
Uheldig inngang til kampane bidrog nok litt i retning poengtap, der Nicolas må varme opp, vente, varme opp på nytt og vente igjen grunna 45 minutt forsinkelsar på si kampmatte.
Emilie får det motsatt, og vert hasta til kamp på kort varsel halvanna time før oppsett tid.
Ikkje ideelt for nokon av dei, men dei løyser det godt. 🥊
Emilie fekk med seg heim ein bronsemedalje ho er sint på.
Når alle var klassa til stevnet var det berre tre i hennar gruppe, så medaljen vart automatisk.
Noko Emilie reagerte med 🤬🤬🤬🤬 på.
Ingenting å sei på konkurranseinstinktet.
Nicolas fekk seg ein solid smell i eit ribbein, men melder tommel opp litt etter. 👍💪
Ferdig oppsummert når skuffelsen hadde lagt seg er begge fornøgde med debuten, og gledar seg til treningskvardag og mogelegheit til revansje ved neste anledning.
Vi takkar arrangør, motstandarar og dommarar for fin turnering.
Ekstra, ekstra, EKSTRA takk til dei tilreisande på tribuna som reiste både langt og lenge for å heie på våre! 👏👏
Vi må òg takke alle som har vore med å støtte oss hittil for å komme dit vi er no.
Treningskvardagen og eit alternativt treningstilbud til alle aldrar er det viktigaste for oss.
Turnering og kamp er krydderet for dei har lyst å teste seg.
Uten god støtte frå SFE via VinnVindMidlar frå Lutelandet Vindpark, Sparebankstiftinga Fjaler, Sogn & Fjordane Idrettsfond og MOWI fondet hadde vi ikkje hatt mogelegheit til å bygge eller halde fram.
Måtte det fortsette!
(auke) 🥳
