KFUM Volda Volleyball

Gratulerer Cathrine 👏

Uttak til U20-EM i sandvolleyball - Norges Volleyballforbund NVBF har tatt ut lagene som skal representere Norge under U20-EM i sandvolleyball. Mesterskapet spilles i Battipaglia i Italia 3.–6. september.

🥉Frøya Keilen
🥈Cathrine Hjeltnes

Gratulerer 🎉🎉 Dokke er rå 💪

Flott filmsnutt frå junior-NM i sandvolleyball, der du mellom anna kan sjå fleire klipp av bronsevinner Frøya Keilen 🥉🎉.

Vi noterer oss at NRK er som sunnmøringar flest; dei fokuserer på fine dagar😎 til fordel for regn og sure forhold 💯

Tusen kjempa om NM-gull i sanden Videoklipp fra NRK

Tusen takk for flotte bilder, Erik Thomsen 😍 Og gratulerer med velfortent bronsemedalje, Frøya 💪🎉. Du er rå 💯

SpareBank1SMN_Søre Sunnmøre

NM junior 2026 er over, og vi sit att med mykje å vere stolte av!

Etter seks dagar med sandvolleyball på høgt nivå kan vi no setje punktum for junior-NM 2026. Også del 2 baud på skiftande vêrforhold, og særleg laurdag morgon fekk både spelarar, trenarar og publikum kjenne på kreftene frå vestlandsvêret. Heldigvis kom både sola og spelegleda tilbake etter kvart.

KFUM Volda stilte denne gongen med spelarar på 12 lag i klassene U16, U18 og U21. Det som kanskje er litt spesielt, er at heile 10 av 12 lag hadde makker frå ein annan klubb. Det seier sitt om både det gode samarbeidstilhøvet mellom klubbane og kor mange KFUM Volda-spelarar som er attraktive makkerval på nasjonalt nivå.

Sportsleg vart det mange gode prestasjonar og resultat å glede seg over. Vi vil spesielt gratulere Frøya Keilen, som saman med Iselin Nilsen tok ein flott 3. plass i JU18 🥉, og Cathrine Hjeltnes, som saman med Tiril Skjold spelte seg heilt fram til finalen og sikra ein imponerande 2. plass i JU21 🥈.

Vi vil også trekkje fram fleire sterke plasseringar. Ingrid Humberset og Henriette Paul kjempa seg til ein flott 5. plass, medan Lisbeth Kleinrath og Signe Storøy tok 7. plass i JU16. Det same gjorde Helene Kolbjørnsen og Sanna Gundersen i JU18. 7. plass vart det også for Eirik Keilen og Vegard Jünge i GU16.

Det aller kjekkaste er likevel breidda i prestasjonane. Akkurat som i del 1 kan vi no slå fast at alle KFUM Volda-laga vann minst ein kamp i meisterskapen. Det fortel mykje om nivået på gruppa vår og den utviklinga spelarane har hatt den siste tida.

Arrangementet på Kassa på Lassa var også ei oppleving i seg sjølv. Vi trur det er rett å seie at ingen andre stader i Noreg kan skilte med 20 sandvolleyballbaner samla på ein og same lokasjon. Anlegget leverte verkeleg ei flott ramme rundt meisterskapen.

Når vi no summerer opp begge NM-delane, er vi storleg fornøgde. Resultata er gode, men kanskje endå viktigare er progresjonen vi har sett💪. Mange spelarar har løfta seg fleire hakk sidan sist vi såg dei i aksjon, og det er inspirerande å sjå kor mykje arbeid som blir lagt ned gjennom heile året.

Til slutt vil vi rette ei stor takk til alle føresette som har støtta opp om ikkje berre sine eigne, men alle KFUM Volda-laga gjennom meisterskapen. Den støtta betyr mykje. 😍

Ei ekstra takk går også til SpareBank 1 SMN som nok ein gong lånte oss telt. Eit slikt samlingspunkt er rett og slett gull verdt, både som sosial møteplass og som ly når vestlandsvêret 🌧 viser seg frå alle sider.

Vi må også rette ein ekstra takk til Erik Thomsen som tråttig har dokumentert KFUM Volda- laga si ferd.

Takk for eit fantastisk NM, alle saman! 🥰

Semifinale for Frøya (JU18) og Cathrine (JU21) i morgon 💯🎉

Takk for fine bilde Joachim Åsebø

Stas med 🥉til Noah og Jakob! Gratulerer! 💯

NM junior del 1 er over. 🏐

For ein gjeng vi har hatt med oss til Stavanger!

Etter tre dagar med intens innsats, mange jamne kampar, sol, regn, vind og alt det andre som høyrer til ein skikkeleg sunnmørssommar, kan vi oppsummere del 1 av junior-NM med eitt ord: stoltheit💙.

KFUM Volda har vore representert med 18 spelarar fordelt på 10 lag, og det er kjekt å sjå korleis alle har bidrege både på og utanfor bana. Ekstra kjekt har det vore å oppleve miljøet når alle klassene spelar på same stadion.

Spelarar og føresette har heia fram kvarandre på tvers av klassene, og teltet vi har lånt av SpareBank 1 SMN har vore ein populær samlingsplass mellom kampane og under dei verste bygene.

Sportsleg vart det også mykje å glede seg over. Noah og Jakob spelte seg heilt fram til semifinale i GU15. Etter tap der viste dei styrke, samla seg og leverte ein solid bronsefinale. Vi gratulerer med ein flott 3. plass i NM! 🥉

Rasmus og Alfred imponerte også på vegen til semifinale i GU17. Dessverre vart det tap både der og i bronsefinalen, men ein 4. plass i NM er likevel ein sterk prestasjon i eit tøft felt.

Lina og Helene i JU17 og Ingrid og Frøya i JU19 avslutta begge meisterskapen med flotte 5. plassar i sine klassar.

Samtidig vil vi trekkje fram alle våre JU15-debutantar som spelte mange jamne og spennande kampar i sitt aller første NM. Vi høyrer jentene seier dei har lært masse og at dei allereie gledar seg over nye moglegheiter neste sommar.

Det aller kjekkaste? Alle KFUM Volda-laga reiser heim frå del 1 med minst ein siger kvar. Det seier mykje om både nivået og utviklinga i gruppa.

Og heilt til slutt ein liten fun fact: 👉 Hadde det vore krav om å spele med makker frå eigen klubb, ville KFUM Volda stått att med fire (!) NM-medaljar i del 1.

No rettar vi blikket mot NM junior del 2, som startar allereie i morgon. Då skal klassene U16, U18 og U21 i aksjon i Kassa på Lassa, og også der er KFUM Volda sterkt representert med heile 12 lag.

(Fotograf kreditert på kvart enkelt bilde).

KFUM Volda med semifinale-lag i GU15 og GU17 💪💪

Gratulerer Noah og Jakob (GU15)
Gratulerer Rasmus og Alfred (GU17)