KFUM Volda Volleyball

04/10/2026

Kjekk samling med u20-landslaget i starten av haustferien 🇳🇴. Gjengen som no er på samling krigar om plassar til EM-kvalik i Finland seinare i oktober😁 Masse lykke til, Ingrid 😘

SpareBank1SMN_Søre Sunnmøre

03/10/2026

Første heimekampar for 2. div og 1.div er unnagjort✔

Herrelaga våre gjekk på tap i alle kampar, medan damelaget vann sine 2 med klare siffer.

Foto: Joachim Åsebø
SpareBank 1 SMN

02/10/2026

28/09/2026

Laurdag 3. okt byr vi på både 1. div herre, 2, div dame og 2. div herre i Volda Campus SpareBank 1 Arena.

1.div møter Blindheim til eit lokaloppgjer kl 1400, medan 2. div laga våre begge har kampar kl 1100 og kl 1300.

Gratis inngang og open kiosk! Håper å sjå deg der!

SpareBank 1 SMN

27/09/2026

Og med eit smell var sesongen i gong 🔥

Damelaget vårt i 2. divisjon tok turen til Averøya for å spele regionscup. Der gjekk vi tomme for krefter mot slutten og tapte knepent tiebreaket mot Blindheim i finalen. Luksus med buss på tur. Ei ekstra takk til Rune og Eivind som tok turen! Dokke er gull 🫶.

1.div herre tok like godt ei dobbelhelg og har rett og slett vore på litt av ei reise 🛬. Hovden-Oslo-Tromsø-Oslo-Trondheim-Oslo-Hovden.

Med så lang reise må dei som sunnmøringar flest gjer mest mogleg ut av det og spele 5 sett i både Tromsø og i Trondheim 🙃. Valuta for pengane her altså! 😁

Siger 3-2 i går og tap 2-3 i dag. Fin fin start og jammen er det ganske så rått å sjå korleis juniorane stepper opp i starten av ein sesong 👏👏.

No gjeld det å lade batteria og gjere seg klare for årets første heimekamp. Den blir mot Blindheim heime i Volda Campus SpareBank 1 Arena. Håper å sjå deg der laurdag 🤞

SpareBank 1 SMN

13/09/2026

Masse fine bilete å finne i fotomappene etter helga!

Her er nokre av dei Erik Halager Thomsen tok laurdag 😍

13/09/2026

SpareBank1 Eliteturnering 2026 er gjennomført✔ og er det eit ord som kan summere opp helga må det bli «takksemd»🙏.

Takksame for alle dei flotte folka vi kjenner, anten det er spelarar og lag som tek turen, medlemar som stiller opp på dugnad eller dommarar som legg ei treningshelg til Volda Volda Campus SpareBank 1 Arena.

Takk for besøket Oslo Volley, TIF Viking Volleyball, Førde Volleyballklubb, ToppVolleyNorge, NTNUI Volleyball 🫶

Sjølv om helga vart litt amputert med berre herreklasse kan vi med handa på hjartet seie at det har vore spennande oppgjer, speletid for mange og testing av lagoppstillingar. Vi er stolte av herrelaget vårt som har klart seg godt mot fleire av laga. Ei veldig flott oppkjøring mot sesongstart!

Turneringa har også bydd på moglegheiter for internopplæring i system som skal brukast under kamp og så er det aldri feil å få testa teknikken!

Streaming av kampane på MyGame har fungert veldig bra og vi trur vi seier oss klare for seriestart. Første seriekamp heime for 1.div herre vert 3. oktober mot sjølvaste Blindheim. Håper å sjå deg i arenaen då!

Lurer du på korleis kampane faktisk har gått denne helga? Sjå innom heimsida vår så finner du vidare lenker til resultat frå kampane.

Foto: Åsmund Keilen

SpareBank 1 SMN

05/09/2026

Første opne regionssamling i Volda Campus SpareBank 1 Arena i dag 🏐

Sjølv om det for nokre krasja i forhold til konfirmasjon var det full rulle på 6 baner😍

Fint å sjå igjen fleire frå utviklingssamlinga tidlegare i haust. Vennskapsbanda på tvers av ungdommen i klubbane er gull 🫶

SpareBank 1 SMN

05/09/2026

I dag inviterte Hovdebygda Fotball til offisiell opning av aktivitetsparken 🎉

Vertane hadde bestilt sol og vi fekk æra av å spele på den flotte nye sandvolleyball-bana dei har fått på plass😎👏.

Tipp topp sand, banemerking, antenner og polstring på stolane! Alt er på stell! 😁✅

Tusen takk for invitasjonen og gratulerer med eit imponerande anlegg 🫶🏐.

SpareBank 1 SMN