‘राष्ट्रिय तथा अन्तर्राष्ट्रिय खेलकुद खबरको सम्वाहक हक्चात’
01/09/2026
मेसीले लिए अन्तराष्ट्रिय फुटबलबाट सन्यास
हक्चात । अर्जेन्टिनाका सुपरस्टार लिओनल मेसीले दुई दशक लामो अन्तर्राष्ट्रिय फुटबल यात्रालाई टुंग्याउँदै राष्ट्रिय टोलीबाट सन्न्यास घोषणा गरेका छन् ।
लियोनल मेसीले अन्तराष्ट्रिय फुटबलबाट सन्यासको घोषणा गरेसँगै एउटा महान् युगको अन्त्य भएको छ ।
३९ वर्षीय मेसीले सोमबार आफ्नो इन्स्टाग्राममार्फत सन्न्यासको घोषणा गर्दै यो निर्णय निकै पीडादायी भए पनि अब समय आएको बताएका छन् ।
24/08/2026
बार्सिलोनाको ला लिगा उपाधि रक्षा अभियानमा सानदार सुरुवात
हक्चात । बार्सिलोनाले ला लिगा उपाधि रक्षा अभियानमा सानदार सुरुवात गरेको छ ।
बार्सिलोनाले आइतबार राती भएको खेलमा एल्चेमाथि ५–० को जित निकाल्दै ला लिगा उपाधि रक्षा अभियानमा सानदार सुरुवात गरेको हो ।
बार्सिलोनाको जितमा राफिन्हा र फर्मिन लोपेजले समान २ गोल तथा करिम अदेयेमीले एक गोल गरे ।
26/07/2026
नेपाली महिला राष्ट्रिय टिमकी गोलकिपर एन्जिला तुम्वापो सुब्बालाई जन्मदिनको शुभकामना !
20/07/2026
फिफ विश्वकप २०२६ : फ्रान्सका किलियन एमबाप्पेले ‘गोल्डेन बुट’ जितेका छन् ।
20/07/2026
फिफ विश्वकप २०२६ : स्पेनका पाउ कुबार्सीले उत्कृष्ट युवा खेलाडीको अवार्ड हात पारेका छन् ।
20/07/2026
फिफ विश्वकप २०२६ : स्पेनका गोलरक्षक उनाई सिमोनले ‘गोल्डेन ग्लोभ’ जितेका छन् ।
20/07/2026
फिफ विश्वकप २०२६ : स्पेनका कप्तान रोड्रीले प्रतियोगिताको सर्वोत्कृष्ट खेलाडीका रूपमा ‘गोल्डेन बल’ जितेका छन् ।
20/07/2026
फिफा विश्वकपको उपाधि स्पेनले चुम्यो
हक्चात । स्पेनले फिफा विश्वकप २०२६ को उपाधि चुमेको छ ।
अमेरिकाको न्युयोर्कस्थित न्यु जर्सी स्टेडियममा भएको फाइनल खेलमा साविक विजेता अर्जेन्टिनालाई १–० ले पराजित गर्दै स्पेनले १६ वर्षपछि विश्वकपको उपाधि चुमेको हो ।
स्पेनलाई उपाधि दिलाउन फेरान टोरेसले एक मात्र निर्णायक गोल गरे । उनले खेलको १०६औं मिनेटमा गोल गरेका थिए ।
निर्धारित ९० मिनेटमा दुवैतर्फबाट गोल हुन नसकेपछि खेल अतिरिक्त समयमा धकेलिएको थियो ।
फाइनलमा पराजित भएसँगै अर्जेन्टिनाले लगातार विश्वकपको उपाधि जित्न सकेन । अर्जेन्टिनाले सन् २०२२ को विश्वकपको उपाधि जितेको थियो ।
19/07/2026
फिफा विश्वकप : फ्रान्सलाई हराउँदै इंग्ल्यान्ड तेस्रो बन्यो
हक्चात । इंग्ल्यान्ड फिफा विश्वकप २०२६ को तेस्रो बनेको छ ।
आइतबार बिहान मियामी स्टेडियममा भएको तेस्रो स्थानको खेलमा फ्रान्सलाई ६–४ ले हराउँदै इंग्ल्यान्ड तेस्रो बनेको हो ।
इंग्ल्यान्डको जितमा बुकायो शाकाले ह्याट्रिक पूरा गरे । यस्तै राइस, कोन्शा र जुड बेलिंघमले समान एक–एक गोल गरे ।
फ्रान्सका लागि भने कप्तान किलियन एमबाप्पेले दूई, ब्राडली बारकोला र उस्मान डेम्बेलेले गोल समान एक–एक गोल गरे ।
सन् १९६६ मा विश्वकपको उपाधि जितेको इंग्ल्यान्ड त्यसपछिका उत्कृष्ट स्थान हासिल गरेको हो । यसअघि सन् २०१८ मा इंग्ल्यान्ड चौथो भएको थियो ।
16/07/2026
अर्जेन्टिना विश्वकपको फाइनलमा, उपाधिका लागि स्पेनसँग भिड्ने
हक्चात । साबिक विजेता अर्जेन्टिना फिफा विश्वकप २०२६ को फाइनलमा प्रवेश गरेको छ ।
एटलान्टा स्टेडियममा भएको दोस्रो सेमिफाइनलमा इङ्ल्यान्डलाई २–१ गोलले हराउँदै अर्जेन्टिना फाइनलमा प्रवेश गरेको हो ।
अर्जेन्टिनाको फाइनल यात्रामा एन्जो फर्नान्डेज र लाउटारो मार्टिनेजले एक–एक गोल गरे । इङ्ल्यान्डको लागि एन्थोनी गोर्डनले एक गोल गरे ।
इङ्ल्यान्डले ५५औँ मिनेटमा एन्थोनी गोर्डनको गोलबाट अग्रता लिएको थियो । तर, खेलको ८५औँ मिनेटमा एन्जो फर्नान्डेजले गोल गर्दै अर्जेन्टिनालाई बराबरीमा फर्काए । इन्जुरी समयको दोस्रो मिनेटमा लाउटारो मार्टिनेजले निर्णायक गोल गर्दै अर्जेन्टिनाको फाइनल यात्रा सुनिश्चित गरे ।
अर्जेन्टिनाका दुवै गोलमा कप्तान लियोनल मेसीले असिस्ट गरे । अब उपाधिका लागि अर्जेन्टिनाले स्पेनसँग प्रतिस्पर्धा गर्नेछ ।