https://aaaonline.info/tmkBkC, https://youtube.com/@technicalcbr

United Riders Pokhara, Pokhara (2026)

21/10/2026

🎉🙏 विजयादशमीको हार्दिक मंगलमय शुभकामना! 🙏🎉

🏍️❤️ युनाइटेड राइडर्स पोखरा परिवार ❤️🏍️

सम्पूर्ण युनाइटेड राइडर्स परिवारमा सुख, शान्ति, समृद्धि, उत्तम स्वास्थ्य र सफलताको हार्दिक शुभकामना! 🌺💐

हाम्रो एकता नै हाम्रो शक्ति हो, हाम्रो साथ नै हाम्रो पहिचान हो। 🤝🔥

दसैँले सम्पूर्ण राइडर्स परिवारमा खुसी, उमङ्ग, प्रेम र भाइचाराको सम्बन्ध अझै बलियो बनाओस्। 🙏❤️

हामी सधैँ एक छौँ, एक रहनेछौँ! 🏍️💪
जय युनाइटेड राइडर्स पोखरा! ❤️🔥

— अध्यक्ष चोकबहादुर राना

#विजयादशमीकोशुभकामना #हामीसधैँएकछौँ 🏍️❤️🙏

06/10/2026

🚨 अत्यन्तै जरुरी सूचना 🚨
सम्पूर्ण युनाइटेड राइडर्स परिवारमा जानकारी गराइन्छ कि यही असोज महिनामा कुमार मुक्तानज्यूको स्कुटर बुलेटसँग ठोक्किँदा दुर्घटना भई उहाँको सवारी साधनमा क्षति हुन पुगेको थियो।
उक्त घटनालाई मध्यनजर गर्दै युनाइटेड राइडर्स समितिको निर्णयअनुसार कुमार मुक्तानज्यूलाई रु. ६,०००/- (छ हजार रुपैयाँ) सहयोग गर्ने प्रतिबद्धता गरिएको छ।
सोही निर्णयअनुसार समितिको तर्फबाट रु. ६,०००/- सहयोग रकम उपलब्ध गराइनेछ र समितिका पदाधिकारीहरूको हस्ताक्षरसहित आवश्यक प्रक्रिया पूरा गरिनेछ।
🙏 तसर्थ, असोज महिनाको भौचर लिन बाँकी रहनुभएका सम्पूर्ण सदस्यज्यूहरूले रु. २००/- को भौचर लिएर आफ्नो सिट/सदस्यता सुरक्षित राख्नुहुन हार्दिक अनुरोध गर्दछौँ।
एकता नै हाम्रो शक्ति हो।
युनाइटेड राइडर्स परिवार — सुखदुःखमा सधैँ साथमा। ❤️🏍️
धन्यवाद। 🙏

26/09/2026

With Chok Bahadur Rana – I just made it onto their weekly engagement list by being one of their top engagers! 🎉

26/09/2026

🚨 अत्यन्तै जरुरी आधिकारिक सूचना 🚨
युनाइटेड राइडर्स परिवारका सम्पूर्ण राइडर साथीहरूमा विशेष जानकारी तथा अनुरोध।
पछिल्लो समय सामाजिक सञ्जालमा “प्यासेन्जरमाथि दुर्व्यवहार भयो, डबल भाडा मागियो, मनपरी भाडा लिइयो” लगायतका विषयलाई लिएर विभिन्न किसिमका भ्रामक तथा अपुष्ट प्रचार–प्रसार भइरहेकोप्रति युनाइटेड राइडर्स समितिको गम्भीर ध्यानाकर्षण भएको छ।
सबैभन्दा पहिले स्पष्ट पार्न चाहन्छौँ—युनाइटेड राइडर्स परिवारले कुनै पनि प्यासेन्जरलाई जबरजस्ती यति पैसा दे, उति पैसा दे भनेर दबाब दिने नीति लिएको छैन र लिने पनि छैन।
राइडर र प्यासेन्जरबीच भाडाको विषयमा सहमति हुन नसकेमा राइडर साथीहरूले स्पष्ट रूपमा “यो रकममा जान सम्भव छैन, तपाईं अर्को राइड वा अर्को राइडर छनोट गर्न सक्नुहुन्छ” भनेर जानकारी गराउनुपर्नेछ। तर कुनै पनि अवस्थामा प्यासेन्जरलाई दबाब, धम्की, दुर्व्यवहार वा अपमान गर्ने कार्य स्वीकार्य हुने छैन।
🔴 ब्लु जोन र रेड जोनको विषयमा विशेष ध्यान दिऔँ
धेरै प्यासेन्जरहरूलाई ब्लु जोन र रेड जोनको भाडादर तथा यसको फरक बारे पर्याप्त जानकारी नहुन सक्छ। त्यसैले राइडर साथीहरूको जिम्मेवारी भनेको प्यासेन्जरलाई झर्को नमानी सभ्य, स्पष्ट र सम्मानजनक ढंगले वास्तविक अवस्था बुझाउनु हो।
विशेषगरी रातको समयमा, खराब मौसममा, अत्यधिक वर्षा भएको अवस्थामा, जोखिमपूर्ण सडक तथा कठिन भौगोलिक क्षेत्रमा राइड गर्दा समय, दूरी, मौसम र जोनको अवस्थालाई ध्यानमा राखेर राइड स्वीकार गर्ने वा नगर्ने निर्णय गर्नुपर्छ।
यदि सम्बन्धित अनलाइन प्लेटफर्महरूले सरकारी मापदण्ड तथा नियमअनुसार ब्लु जोन र रेड जोनको स्पष्ट र व्यवहारिक भाडादर निर्धारण गरिदिए, राइडर तथा प्यासेन्जरबीच भाडालाई लिएर उत्पन्न हुने धेरै विवाद स्वतः समाधान हुन सक्छन्।
⚠️ राइडर साथीहरूका लागि कडा निर्देशन
सामाजिक सञ्जालमा आएका हरेक कुरा सत्य हुँदैनन्। त्यसैले हल्ला, अपुष्ट सूचना तथा उत्तेजित बनाउने प्रचारको पछि लागेर आफ्नो व्यवहार र नियम नबिगार्नुहोस्।
कुनै पनि प्यासेन्जरसँग जबरजस्ती नगर्नुहोस्।
कुनै पनि प्यासेन्जरलाई अपमान वा दुर्व्यवहार नगर्नुहोस्।
भाडाको विषयमा स्पष्ट र सभ्य संवाद गर्नुहोस्।
ब्लु जोन र रेड जोनको अवस्थालाई ध्यान दिनुहोस्।
मौसम, समय, दूरी र सडकको जोखिमलाई मूल्याङ्कन गरेर मात्र राइड लिनुहोस्।
आफ्नो व्यक्तिगत रिस, आक्रोश वा विवाद सामाजिक सञ्जालमा फैलाएर सम्पूर्ण राइडर समुदायको छवि बिगार्ने काम नगर्नुहोस्।
प्यासेन्जरले कुनै राइडको रकम स्वीकार गर्न नसक्ने अवस्था भएमा उहाँलाई आफ्नो इच्छाअनुसार अर्को राइड वा अर्को राइडर छनोट गर्ने पूर्ण अवसर दिनुहोस्। हाम्रो उद्देश्य कसैसँग विवाद गर्नु होइन; सम्मानजनक, सुरक्षित र व्यवस्थित राइडिङ वातावरण निर्माण गर्नु हो।
🏛️ दर्ता तथा राइडर हकहितको विषय
युनाइटेड राइडर्स समितिले स्थानीय सरकार तथा सम्बन्धित निकायसँग दर्ता प्रक्रिया, राइडरको हकहित, सुरक्षा र उचित व्यवस्थापन सम्बन्धी विषयमा छलफल तथा वार्ता गर्दै आएको छ।
हामी समस्या समाधानका लागि कानुनी तथा संस्थागत बाटोबाट अगाडि बढ्न चाहन्छौँ। हाम्रो आवाजको उचित सुनुवाइ नभएसम्म वा आवश्यक प्रक्रिया स्पष्ट नभएसम्म राइडर साथीहरूलाई आफूखुसी निर्णय गरेर जोखिममा नपर्न अनुरोध गर्दछौँ।
अन्त्यमा सम्पूर्ण राइडर साथीहरूलाई पुनः स्पष्ट गर्न चाहन्छु—
हामी एक्लाएक्लै कमजोर हुन सक्छौँ, तर एकताबद्ध भएर उठेको आवाजलाई बेवास्ता गर्न सजिलो हुँदैन।
त्यसैले सामाजिक सञ्जालको हल्लाको पछि होइन, समितिको आधिकारिक सूचना र निर्णयको आधारमा मात्र अगाडि बढौँ।
हाम्रो व्यवहारले हाम्रो संगठनको परिचय दिन्छ।
हाम्रो एकताले हाम्रो शक्ति देखाउँछ।
हाम्रो एकता नै युनाइटेड राइडर्सको पहिचान हो।
यिनै दुई–चार शब्दका साथ मेरो भनाइ यहीँ टुङ्ग्याउन चाहन्छु।
अस्तु। धन्यवाद।
अध्यक्ष
चोकबहादुर राना
युनाइटेड राइडर्स परिवार

19/09/2026

📢 सूचना, सूचना, सूचना 📢
आज सम्पन्न भएको हाम्रो महत्वपूर्ण भेटघाट तथा मिटिङमा उपस्थित भई आफ्नो अमूल्य समय दिनुहुने सम्पूर्ण राइडर साथीहरूलाई हृदयदेखि नै हार्दिक धन्यवाद व्यक्त गर्दछु। 🙏
आजको बैठकमा उपस्थित भएर आफ्ना राय, सुझाव तथा विचारहरू राख्नुहुने सम्पूर्ण साथीहरूलाई विशेष धन्यवाद। तपाईंहरूको सहभागिता, एकता र साथले नै हाम्रो युनाइटेड राइडर्स परिवारलाई अझ मजबुत बनाउँदै लैजानेछ।
अन्त्यमा, आजको बैठक सफल बनाउन सहयोग गर्नुहुने सम्पूर्ण राइडर साथीहरूप्रति पुनः हार्दिक आभार व्यक्त गर्दछु।
मेरो तर्फबाट दुई–चार शब्द—
हामी एकजुट भयौँ भने हाम्रो आवाज अझ बलियो हुन्छ।
सुख–दुःखमा एक–अर्काको साथ दिँदै अगाडि बढौँ।
एकता नै हाम्रो शक्ति हो। ❤️🤝
धन्यवाद।
युनाइटेड राइडर्स परिवार, पोखरा

🚨 अत्यन्त जरुरी सूचना 🚨
सूचना • सूचना • सूचना
आजको मिटिङमा आफ्नो व्यस्तता, कामको सिलसिला वा टाढा जानुपर्ने कारणले उपस्थित हुन नसक्नुभएका सम्पूर्ण युनाइटेड राइडर्स परिवारका साथीहरूलाई जानकारी गराइन्छ।
मिटिङमा उपस्थित हुन नसके पनि युनाइटेड राइडर्सको सदस्यता निरन्तर कायम राख्न आफ्नो भाउचर अनलाइनमार्फत लिन सक्नुहुनेछ।
👉 भाउचर रकम: रु. २०० मात्र
भाउचर लिन चाहनुहुने साथीहरूले आफ्नो: नाम + फोन नम्बर + RX २००
मलाई प्राइभेट मेसेज गर्नुहोला।
म तपाईंहरूलाई भुक्तानीका लागि QR कोड पठाइदिनेछु।
युनाइटेड राइडर्स परिवारसँग सधैँ जोडिइरहनुहोस्।
एकता, सहयोग र सुरक्षाका लागि हाम्रो साथ सधैँ कायम रहोस्।
🙏 धन्यवाद।
युनाइटेड राइडर्स परिवार

18/09/2026

🚨 अत्यन्त जरुरी सूचना 🚨
सूचना । सूचना । सूचना ।
युनाइटेड राइडर्स परिवार
युनाइटेड राइडर्स परिवारको समितिद्वारा निर्णय भएअनुसार प्रत्येक महिनाको पहिलो शनिबार नियमित भेटघाट तथा छलफल कार्यक्रम आयोजना गरिँदै आएको छ।
यसै क्रममा असाेज
३ गते,
अपराह्न १:००
बजेदेखि २:०० बजेसम्म, मणिपाल प्राङ्गणको खुला चौरमा हाम्रो विशेष भेटघाट तथा छलफल कार्यक्रम आयोजना हुने भएको हुँदा पोखरामा छरिएर रहनुभएका सम्पूर्ण युनाइटेड राइडर्स परिवार तथा पोखरेली राइडर साथीहरूलाई अनिवार्य रूपमा उपस्थित भइदिनुहुन हार्दिक अनुरोध गर्दछौं।
यस भेटघाटमा हामीले विगत ५–६ वर्षदेखि यो राइडर प्लेटफर्ममा भोग्दै आएका समस्या, चुनौती तथा अनुभवहरूबारे छलफल गर्नेछौं। साथै, नयाँ साथीहरूले पनि उपस्थित भई आफ्ना राय, सुझाव, गुनासा तथा आवश्यक विषयहरू खुलेर राखिदिनुहुन अनुरोध गर्दछौं।
यो कार्यक्रम हामी सबै राइडर साथीहरूको साझा प्लेटफर्म भएकाले एक घण्टाको समय निकालेर उपस्थित भई आफ्नो दुई–चार शब्द राखिदिनुहुन हार्दिक अनुरोध गर्दछौं।
एकता, सहकार्य र राइडरको हितका लागि हाम्रो भेटघाट निरन्तर जारी रहनेछ।
धन्यवाद।
युनाइटेड राइडर्स पोखरा परिवार
अध्यक्ष — चोक बहादुर

18/09/2026

📝📢 जरुरी सूचना । सूचना । सूचना ।
सम्पूर्ण युनाइटेड राइडर्स पोखरा परिवारमा हार्दिक जानकारी गराइन्छ कि प्रत्येक महिनाको पहिलो हप्ता हामी आपसमा भेटघाट गरी महत्वपूर्ण विषयमा छलफल, राय–सुझाव तथा आवश्यक जानकारी आदान–प्रदान गर्दै आएका छौँ।
यसै क्रममा भोलि अपराह्न १:०० बजेदेखि २:०० बजेसम्म हाम्रो महत्वपूर्ण भेटघाट तथा मिटिङ कार्यक्रम आयोजना गरिएको छ।
📍 स्थान: मणिपालको खुला चौर/प्राङ्गण
⏰ समय: अपराह्न १:०० बजे देखि २:०० बजेसम्म
यस पटकको मिटिङमा अत्यन्तै महत्वपूर्ण विषयमा छलफल तथा आवश्यक सूचना राख्नुपर्ने भएकाले पोखराको जुनसुकै कुनामा रहनुभएका सम्पूर्ण युनाइटेड राइडर्स पोखरेली साथीहरूलाई आफ्नो व्यस्त समयबाट कम्तीमा १ घण्टा छुट्याएर अनिवार्य रूपमा उपस्थित भइदिनुहुन हार्दिक अनुरोध गर्दछौँ।
तपाईंहरूको उपस्थितिले हाम्रो एकता, सहकार्य र आगामी कार्ययोजनालाई अझ मजबुत बनाउन महत्वपूर्ण भूमिका खेल्नेछ।
धन्यवाद ।
अध्यक्ष
चोक बहादुर राना
युनाइटेड राइडर्स पोखरा

16/09/2026

📢 सूचना, सूचना, सूचना 📢
हालसम्म युनाइटेड राइडर्स परिवारमा दुर्घटना परेका सदस्यहरूको नाम तथा सहयोग रकम सार्वजनिक गर्दैछौँ।
१. नवराज गुरुङ — रु. १,०००
२. अमृत बहादुर विश्वकर्मा — रु. १,०००
३. अमृत पुन — रु. ५,०००
४. अनिशा गुरुङ — रु. ३,२००
५. अम्बर गुरुङ — रु. २,०००
६. बिनोद परियार — रु. १,५००
७. शम्भु गुरुङ — रु. २,०००
💰 जम्मा रकम — रु. १५,७००
सबै सहयोगी साथीहरूलाई युनाइटेड राइडर्स परिवारको तर्फबाट हार्दिक धन्यवाद। 🙏
धन्यवाद।

📢 सूचना, सूचना, सूचना 📢
सम्पूर्ण युनाइटेड राइडर्स परिवारका आदरणीय राइडर्स साथीहरूमा हार्दिक जानकारी।
युनाइटेड राइडर्स ग्रुप हामीले बैसाख महिनादेखि स्थापना गरी सञ्चालन गर्दै आएको कुरा यहाँहरू सबैलाई जानकारी नै छ। बैसाख, जेठ, असार र साउन महिनासम्मको यस अवधिमा समूहको तर्फबाट भएका सम्पूर्ण खर्चहरू कटाएर हाल हाम्रो कोषमा रु. २७,७३५ (सत्ताइस हजार सात सय पैँतीस रुपैयाँ मात्र) बाँकी रहेको जानकारी सम्पूर्ण राइडर्स साथीहरूलाई गराउन चाहन्छु।
आर्थिक पारदर्शिता र सबै साथीहरूलाई समयमै जानकारी गराउने उद्देश्यले यो विवरण अर्को महिनाको बैठकमा औपचारिक रूपमा जानकारी गराउनुअघि नै फेसबुक whatshop ग्रुपमार्फत सार्वजनिक गरिएको हो।
आगामी बैठकमा यस सम्बन्धमा थप विस्तृत विवरणसमेत प्रस्तुत गरिनेछ।
अन्त्यमा, युनाइटेड राइडर्स परिवारलाई विश्वास, साथ र सहयोग गर्दै आउनुभएका सम्पूर्ण राइडर्स साथीहरूलाई हार्दिक धन्यवाद व्यक्त गर्दै मेरा दुई–चार शब्द यहीँ टुङ्ग्याउन चाहन्छु।
धन्यवाद।
अध्यक्ष
चोक बहादुर राना
युनाइटेड राइडर्स परिवार

31/08/2026

🙏 छेवर मगर संस्कारको विशेष दिन ❤️
आज मेरो जीवनको विशेष दिन—मगर समुदायको परम्परा, संस्कार र पहिचानअनुसार छेवर संस्कार सम्पन्न गरियो। 🌿❤️
हाम्रो मौलिक संस्कृति र पुर्खाको परम्परालाई पुस्तौँसम्म जोगाउँदै लैजानु नै हाम्रो गौरव हो।
छेवर केवल कपाल काट्ने संस्कार होइन, यो हाम्रो पहिचान, संस्कृति र मौलिकताको गर्व हो। 🇳🇵✨
आजको यो सुन्दर पललाई सम्झनाको पानामा सुरक्षित राख्दै… ❤️
जय मगर संस्कृति! 🙏🌿
हाम्रो संस्कार, हाम्रो पहिचान, हाम्रो गर्व! 🔥
#छेवर #मगरसंस्कार #मगरसंस्कृति #हाम्रोपहिचान #परम्परारसंस्कृति

22/08/2026

सम्पूर्ण युनाइटेड राइडर्स प्लस पोखरेली राइडर परिवारमा हार्दिक धन्यवाद। 🙏
तेज लामा जीको सहयोगका लागि हामीले सञ्चालन गरेको रकम संकलन अभियानमा साथ, सहयोग र सद्भाव देखाउनुहुने सम्पूर्ण साथीहरूलाई हृदयदेखि नै धन्यवाद।
यस अभियानबाट संकलित रु. १७,५२० (सत्र हजार पाँच सय बीस रुपैयाँ) आज उहाँलाई हस्तान्तरण गर्दैछु।
संकटको समयमा एकजुट भएर सहयोग गर्नु नै हाम्रो राइडर्स परिवारको पहिचान हो। ❤️
सबै सहयोगी मनहरूलाई धेरै–धेरै धन्यवाद। 🙏🏍️
युनाइटेड राइडर्स परिवार जिन्दाबाद! ❤️

United Riders Pokhara

21/10/2026

06/10/2026

26/09/2026

26/09/2026

19/09/2026

18/09/2026

18/09/2026

16/09/2026

31/08/2026

22/08/2026

Address

Website

Alerts

Shortcuts

Share

Category

Listing takedown request