Palangoy SK

𝑫𝑰𝑮𝑰𝑻𝑨𝑳 𝑨𝑪𝑪𝑬𝑺𝑺 𝑷𝑹𝑶𝑮𝑹𝑨𝑴 💻

Mas pinalalawak ng Sangguniang Kabataan ng Barangay Palangoy ang oportunidad ng ating mga kabataan sa pamamagitan ng Digital Access Program!

Available ang mga sumusunod na libreng serbisyo:
✅ Libreng Hiram ng Laptop
✅ Libreng Paggamit ng Laptop
✅ Libreng Printing Services

Layunin ng programang ito na suportahan ang mga kabataan sa kanilang pag-aaral, pananaliksik, online applications, at iba pang mahahalagang gawain.

Tara na at samantalahin ang mga serbisyong inihanda para sa ating kabataan!

🌱📶 ECO-NNECT: Plastic Bottle to WiFi ♻️

Isang makabagong proyekto ng Sangguniang Kabataan ng Barangay Palangoy na naglalayong pagsamahin ang pangangalaga sa kalikasan at makabagong teknolohiya.

Sa pamamagitan ng ECO-NNECT: Plastic Bottle to WiFi, hinihikayat namin ang bawat kabataan at residente na magdala ng mga plastik na bote bilang ambag sa pagpapanatili ng kalinisan ng ating barangay. Bilang kapalit, maaari kayong makakuha ng libreng WiFi access, bilang gantimpala sa inyong pakikilahok.

Ang proyektong ito ay patunay na ang simpleng pagkilos ay maaaring magdulot ng malaking pagbabago—para sa ating kapaligiran at sa ating komunidad.

💚 Mag-ipon ng plastik na bote.
📶 Makakuha ng libreng internet.
♻️ Maging bahagi ng pagbabago!

Sama-sama nating gawing mas malinis, mas konektado, at mas maunlad ang Barangay Palangoy!

𝑫𝑰𝑮𝑰𝑻𝑨𝑳 𝑳𝑰𝑻𝑬𝑹𝑨𝑪𝒀 𝑷𝑹𝑶𝑮𝑹𝑨𝑴💻🧑‍💻👩‍💻

Isang matagumpay na Digital Literacy Program ang ating naisagawa noong July 25, 2026 sa Palangoy Covered Court!

Ang proyektong ito ay isinulong ng Sangguniang Kabataan ng Barangay Palangoy, katuwang ang SUMO Service Corporation, upang maghatid ng kaalaman at kasanayan sa makabagong teknolohiya para sa ating mga kabataan at residente.

Taos-puso po ang ating pasasalamat sa SUMO Service Corporation sa kanilang suporta upang mas mapalawak ang kaalaman ng ating komunidad sa digital world.

𝑺𝑪𝑯𝑶𝑶𝑳 𝑺𝑼𝑷𝑷𝑳𝑰𝑬𝑺 𝑫𝑶𝑵𝑨𝑻𝑰𝑶𝑵📚

Isang matagumpay na pamamahagi ng 300 sets ng school supplies ang ating naisagawa ngayong June 3, 2026! Ito ay sa pangunguna ng Sangguniang Kabataan ng Barangay Palangoy katuwang ang IQAC Engineering Scholars.

Walang mas hihigit pa sa makitang masaya at handa ang ating mga munting kaibigan sa kanilang pag-aaral. Taos-pusong pasasalamat sa IQAC Engineering Scholars sa inyong suporta at dedikasyon sa pagtulong!

𝑺𝑨𝑴𝑨𝑵 𝑪𝑶𝑼𝑹𝑻🏀

Mula sa inyong Sangguniang Kabataan ng Barangay Palangoy, masaya po naming ibinabalita ang matagumpay na pagsasaayos at opisyal na pag-donate ng ating Fiberglass Basketball Board at ring sa Saman Street noong March 24, 2026.

Ang proyektong ito ay naglalayong suportahan ang mga aktibidad sa palakasan ng ating mga kabataan at magbigay ng mas magandang pasilidad para sa ating komunidad.

Nawa'y maging daan ito para sa mas matatag na samahan at malusog na pangangatawan ng bawat isa.

Maraming salamat po sa inyong walang sawang pagtitiwala at suporta!

Ating Alagaan, Ating Ingatan! ❤️💙

𝑫𝑹𝑼𝑮 𝑨𝑾𝑨𝑹𝑬𝑵𝑬𝑺𝑺 & 𝑨𝑵𝑻𝑰-𝑩𝑼𝑳𝑳𝒀𝑰𝑵𝑮 𝑺𝑬𝑴𝑰𝑵𝑨𝑹

Matagumpay na naisagawa ng Sangguniang Kabataan ng Barangay Palangoy ang Drug Awareness and Anti-Bullying Seminar noong June 28, 2026 sa ating Barangay

Maraming salamat sa Binangonan Police sa pangunguna ni PLTCOL. Evangeline P. Santos sa pagiging katuwang sa paggabay sa ating mga kabataan, at sa lahat ng nakiisa sa aming programa maraming salamat! ❤️

𝑲𝑨𝑳𝒀𝑬 𝑬𝑺𝑲𝑾𝑬𝑳𝑨 📚

Naging matagumpay ang Kalye Eskwela na ginanap noong May 11 sa Madrigal Village, Barangay Palangoy. Sa pakikipagtulungan ng ating mga Engineering Scholars at mga Youth Volunteers, naiparamdam natin ang kahalagahan ng edukasyon at pagtutulungan sa ating komunidad.

Maraming salamat sa lahat ng nakiisa, partikular sa mga magulang at batang masayang nakiisa sa ating mga aralin.

𝑩𝑰𝑳𝑳𝑰𝑨𝑹𝑫𝑺 𝑻𝑶𝑼𝑹𝑵𝑨𝑴𝑬𝑵𝑻🎱

Naging matagumpay ang Billiards Tournament na inorganisa ng Sangguniang Kabataan ng Barangay Palangoy sa tulong ng Paul Billiards . Sa pamamagitan ng larangang ito, ating naisulong ang sportsmanship, disiplina, at camaraderie sa ating komunidad.

Muli, congratulations sa ating mga champions at sa lahat ng naging bahagi ng kaganapang ito! Patuloy nating susuportahan ang talento ng Kabataang Palangoy. ❤️💙