City Architect's Office

Walang puwang ang pasaway sa Pamahalaang Lungsod.

Nitong mga nakaraan, napapadalas ang mga kasong napupuna at napo-post sa social media ang ilan nating empleyado dahil sa paglabag sa batas.

Napapatawag ko sila sa opisina, pero nakakasawa kung paulit-ulit pa nating kailangang kastiguhin bago tumino. Kaya sana magsilbi na itong last warning sa sinumang empleyado ng City Government na lalabag sa batas: Hindi ko na kayo ipapatawag. Sa susunod, pauuwiin ko na lang kayo.

It is not tolerable anymore. Hindi puwedeng tayo ang nagpapatupad ng batas pero tayo rin ang unang lumalabag. Nawawalan tayo ng kredibilidad bilang law enforcers at bilang public servants.

Umiwas na tayo sa mga gawaing makakasira sa imahe ng Pamahalaang Lungsod. If we're really serious about putting order into things, magsisimula ito sa disiplina at accountability ng bawat isa sa atin.