Busuanga District Sports

03/08/2026

𝗧𝗜𝗡𝗚𝗡𝗔𝗡| 𝗕𝗨𝗦𝗨𝗔𝗡𝗚𝗔 𝗗𝗜𝗦𝗧𝗥𝗜𝗖𝗧 𝗡𝗔𝗚𝗦𝗔𝗚𝗔𝗪𝗔 𝗡𝗚 𝗣𝗔𝗨𝗡𝗔𝗡𝗚 𝗣𝗔𝗚𝗣𝗨𝗣𝗨𝗟𝗢𝗡𝗚 𝗣𝗔𝗥𝗔 𝗦𝗔 𝗗𝗜𝗦𝗧𝗥𝗜𝗖𝗧 𝗠𝗘𝗘𝗧 𝟮𝟬𝟮𝟲

Bilang paghahanda sa nalalapit na District Meet 2026, nagsagawa ang Busuanga District ng isang Initial Coordination Meeting upang talakayin ang mga mahahalagang plano, programa, at paghahandang kinakailangan para sa matagumpay na pagsasagawa ng taunang palarong pampaaralan.

Dinaluhan ang pagpupulong ni Mayor Raymond Emil Cruz, na nagpahayag ng patuloy na suporta ng Lokal na Pamahalaan sa mga programang pang-edukasyon at pang-isports ng distrito. Kasama rin sa pagpupulong sina District Sports Coordinator Sir Jerril Raymundo, Principal II Ma’am Evelyn Nadado, OIC–Busuanga District Ma’am Emma Cervantes, at Municipal Budget Officer Ma’am Aida Dominguez, na nagbahagi ng kani-kanilang mga rekomendasyon at naging bahagi ng masusing pagpaplano para sa gaganaping kompetisyon.

Tinalakay sa pulong ang mga pangunahing aspekto ng paghahanda, kabilang ang organisasyon ng mga palaro, logistik, pondo, kaligtasan ng mga kalahok, at ang koordinasyon ng iba’t ibang komite upang matiyak ang maayos at matagumpay na pagdaraos ng District Meet 2026.

Muling pinagtibay ng mga dumalo ang kanilang pagkakaisa at dedikasyon sa pagsusulong ng de-kalidad na programang pampalakasan na magsisilbing daan upang malinang ang talento, disiplina, at sportsmanship ng bawat atletang Busuangin.

Sa sama-samang pagkilos ng DepEd at ng Lokal na Pamahalaan, isang matagumpay at makabuluhang District Meet 2026 ang ating isusulong.

22/06/2026

𝗧𝗜𝗡𝗚𝗡𝗔𝗡| 𝗣𝗔𝗚𝗞𝗜𝗟𝗔𝗟𝗔 𝗦𝗔 𝗧𝗔𝗚𝗨𝗠𝗣𝗔𝗬 𝗡𝗚 𝗠𝗚𝗔 𝗔𝗧𝗟𝗘𝗧𝗔 𝗔𝗧 𝗖𝗢𝗔𝗖𝗛𝗘𝗦 𝗡𝗚 𝗕𝗨𝗦𝗨𝗔𝗡𝗚𝗔 𝗗𝗜𝗦𝗧𝗥𝗜𝗖𝗧 🏅

Ipinagkaloob ng Pamahalaang Panlalawigan ng Palawan ang mga insentibo para sa mga atletang nagkamit ng medalya at sa kanilang mga coaches at trainers bilang pagkilala sa kanilang pagsisikap, dedikasyon, at karangalang dinala sa lalawigan sa Provincial Meet 2026 at MIMAROPA Meet 2026.

Bilang bahagi ng aktibidad, nagsagawa rin ng courtesy call kay Hon. Mayor Raymond Emil Cruz ang mga kinatawan ng Provincial Government na sina Cesar A. Cases, Larson Fortunado, Christine Anne G. Edep, at Abegail Q. Tagongan mula sa Provincial Sports at Provincial GAD Office. Kasama rin sina Sir Jeril Raymundo, District Sports Coordinator, at Ma’am Emma Cervantes, Principal I at Coordinating Principal.

📌 Mga Insentibo para sa Provincial Meet 2026

Athletes
🥇 Gold Medal – ₱3,000
🥈 Silver Medal – ₱2,000
🥉 Bronze Medal – ₱1,000

Coaches at Trainers
🥇 Gold Medal – ₱1,500
🥈 Silver Medal – ₱1,000
🥉 Bronze Medal – ₱500

📌 Mga Insentibo para sa MIMAROPA Meet 2026

Athletes
🥇 Gold Medal – ₱5,000
🥈 Silver Medal – ₱4,000
🥉 Bronze Medal – ₱3,000

Coaches at Trainers
🥇 Gold Medal – ₱3,000
🥈 Silver Medal – ₱2,000
🥉 Bronze Medal – ₱1,000

Lubos ang pasasalamat ng Busuanga Sports District kay Governor Amy Roa Alvarez sa kanyang walang sawang suporta sa pagpapaunlad ng sports sa lalawigan at sa pagbibigay ng insentibo bilang pagkilala sa mga tagumpay ng ating mga atleta, coaches, at trainers.

Taos-pusong pasasalamat din kay Ma’am Evelyn Nadado sa kanyang kabutihang-loob sa pagpapahiram ng kanilang hostel bilang matutuluyan ng mga kinatawan mula sa Provincial Sports Office. Gayundin, taos-puso rin ang aming pasasalamat sa Office of the Mayor, sa pamamagitan ni Ms. Mary Grace Echague, sa kanilang suporta at pakikipagtulungan upang maging maayos at matagumpay ang nasabing gawain.

Ang mga insentibong ito ay sumasalamin sa patuloy na suporta ng Pamahalaang Panlalawigan sa pagpapaunlad ng sports at sa pagkilala sa mga atletang nagbibigay ng karangalan sa Busuanga at sa buong Palawan.

Mabuhay ang ating mga atleta, coaches, at trainers! Patuloy ninyong ipagmalaki ang Busuanga sa bawat laban at tagumpay.

12/03/2026

12/03/2026

𝐁𝐔𝐒𝐔𝐀𝐍𝐆𝐄Ñ𝐎 𝐏𝐑𝐈𝐃𝐄 𝐒𝐀 𝐌𝐑𝐀𝐀 𝟐𝟎𝟐𝟔!

Isang taos-pusong pagbati mula sa Lokal na Pamahalaan ng Busuanga, sa pangunguna ng ating butihing Mayor Hon. Raymond “RC” Cruz, para kay 𝗝𝗢𝗦𝗛 𝗖𝗔𝗟𝗩𝗜𝗡 𝗠. 𝗔𝗟𝗔𝗬𝗢𝗡 sa pagkamit ng Bronze Medal sa Elementary Boys Individual Poomsae sa MRAA 2026.

Lubos ang ating pagmamalaki sa ipinakitang dedikasyon, disiplina, at husay ni Josh sa larangan ng taekwondo. Ang kanyang tagumpay ay patunay na ang kabataang Busuangeño ay may kakayahang makipagsabayan at magbigay ng karangalan sa ating bayan.

Patuloy kang magsilbing inspirasyon sa kapwa mo kabataan. Ang iyong tagumpay ay tagumpay ng buong Busuanga!

Tuloy-tuloy ang Arangkada ng Kabataang Busuangeño sa larangan ng sports! 👏💙

16/02/2026

Taos-pusong pasasalamat sa pamunuan ng Barangay Salvacion sa mainit na pagsalubong at taos-pusong suporta sa pagdating ng ating mga atletang Busuangeño mula sa Palarong Panlalawigan 2026.

Maraming salamat po sa inyong malasakit at pagmamalaki sa ating mga kabataang manlalaro.

16/02/2026

𝗣𝗔𝗦𝗔𝗦𝗔𝗟𝗔𝗠𝗔𝗧 𝗔𝗧 𝗣𝗔𝗚𝗣𝗨𝗣𝗨𝗚𝗔𝗬 | 𝗕𝗨𝗦𝗨𝗔𝗡𝗚𝗔 𝗗𝗘𝗟𝗘𝗚𝗔𝗧𝗜𝗢𝗡 – 𝗣𝗔𝗟𝗔𝗥𝗢𝗡𝗚 𝗣𝗔𝗡𝗟𝗔𝗟𝗔𝗪𝗜𝗚𝗔𝗡 𝟮𝟬𝟮𝟲 🏅

Taos-pusong pasasalamat sa lahat ng naging bahagi ng tagumpay ng Busuanga Delegation sa Palarong Panlalawigan 2026. Ang tagumpay na ito ay bunga ng pagkakaisa, suporta, at dedikasyon ng maraming taong naniwala sa kakayahan ng ating mga atletang Busuangeño.

Lubos po kaming nagpapasalamat kina Mayor Raymond Emil Cruz, Vice Mayor Elizabeth Cervantes, mga kagalang-galang na Sangguniang Bayan Members, at sa mga Barangay Captains, mga Barangay Kagawad ng iba’t ibang barangay ng Busuanga, PTA Officers, at sa lahat ng mga magulang sa walang sawang suporta sa aming delegasyon.

Taos-pusong pasasalamat din sa aming pamunuan: Delegation Head PSDS Ma’am Sofia D. Villareal, Assistant Delegation Head Ma’am Evelyn Nadado, District Sports Coordinator / Athletic Manager Sir Jerril F. Raymundo, Records Officers Sir Alden Montañez at Ma’am Marilex Relato, sa aming head coaches Sir Leo Sabroso at Sir Leonides Silverio, sa ating delegation nurses Ma'am Manuel and Ma'am Cruz, ganun din sa ating Police Escorts PEMS Onde at PMSG Tejada, sa ating Technical Working Team, sa lahat ng coaches, trainers, School Heads at sa lahat ng Delegation Officials na nagsikap upang maging maayos at matagumpay ang ating paglahok sa palaro.

Hindi rin po namin malilimutan ang pamunuan ng Bataraza National High School sa mainit na pagtanggap at patuloy na suporta sa ating delegasyon habang ginaganap ang palaro.

Sa taong ito, buong pagmamalaki nating nakamit ang ika-12 na pwesto sa overall ranking na may 9 Gold, 13 Silver, at 16 Bronze medals — kabuuang 38 medalya.

Higit sa lahat, binabati at ipinagmamalaki namin ang lahat ng ating mga atleta! Kayo ang tunay na inspirasyon ng buong bayan.

👏 Mabuhay ang Atletang Busuangeño! Mabuhay ang Busuanga! 🏆💙

13/02/2026

𝗦𝗣𝗢𝗥𝗧𝗦 𝗨𝗣𝗗𝗔𝗧𝗘 | 🏐 𝗩𝗢𝗟𝗟𝗘𝗬𝗕𝗔𝗟𝗟 𝗕𝗢𝗬𝗦 𝗘𝗟𝗘𝗠𝗘𝗡𝗧𝗔𝗥𝗬
𝐏𝐚𝐥𝐚𝐫𝗼𝗻𝗴 𝐏𝗮𝗻𝗹𝗮𝗹𝗮𝘄𝗶𝗴𝗮𝗻 𝟐𝟎𝟐𝟔

🏆 CHAMPION – Busuanga Volleyball Boys Elementary 🏆

Isang perpektong kampanya ang ipinamalas ng ating mga batang manlalaro—apat na laban, apat na panalo! 🔥💙💛

📌 Game 1 – Busuanga vs. El Nido
✅ Winner: Busuanga

📌 Game 2 – Busuanga vs. Magsaysay
✅ Winner: Busuanga

📌 Game 3 – Busuanga vs. Narra
✅ Winner: Busuanga

📌 Game 4 – Busuanga vs. Cagayancillo
✅ Winner: Busuanga

Mula umpisa hanggang huling set, ipinakita nila ang disiplina, teamwork, at pusong palaban na tunay na kampeon.

Congratulations sa ating Volleyball Boys Elementary Team at sa inyong masisipag na coaches! Ipinagmamalaki kayo ng buong Busuanga Delegation! 🏆👏💙💛

13/02/2026

𝗦𝗣𝗢𝗥𝗧𝗦 𝗨𝗣𝗗𝗔𝗧𝗘 | 🏐 𝗩𝗢𝗟𝗟𝗘𝗬𝗕𝗔𝗟𝗟 𝗕𝗢𝗬𝗦 𝗦𝗘𝗖𝗢𝗡𝗗𝗔𝗥𝗬
𝐏𝐚𝐥𝐚𝐫𝐨𝐧𝗴 𝐏𝐚𝗻𝗹𝗮𝗹𝗮𝘄𝗶𝗴𝗮𝗻 𝟐𝟎𝟐𝟔

Hindi man nakapasok sa medal round, buong puso namang ipinaglaban ng ating Volleyball Boys Secondary Team ang bawat set at bawat laban. 💙💛

📌 Game 1 – Busuanga vs. Narra
✅ Winner: Busuanga

📌 Game 2 – Busuanga vs. Cuyo
✅ Winner: Cuyo

📌 Game 3 – Busuanga vs. Dumaran
✅ Winner: Busuanga

📌 Game 4 – Busuanga vs. Cagayancillo
✅ Winner: Busuanga

📌 Game 5 – Busuanga vs. Aborlan
✅ Winner: Busuanga

📌Game 6 – Busuanga vs. Balabac
✅ Winner: Balabac

Apat na panalo sa anim na laban — patunay ng kanilang lakas, teamwork, at determinasyon sa loob ng court.

Walang medal man sa pagkakataong ito, dala nila ang karanasan at mas matinding inspirasyon para sa susunod na laban. Proud ang Busuanga sa inyo! 👏🔥