M K Sports Badin

رنجِ بے ادائی کیا زعمِ آشنائی کیا
ماسوائے تنہائی عشق کی کمائی کیا

خالی خالی آنکھیں ہیں کھوکھلے سے جسموں پر
بے یقیں رفاقت میں، وصل کیا جدائی کیا

ضبط سے تکلم تک سب کا سب ہی دھوکہ ہے
دل میں کیا سمایا تھا لب پہ بات آئی کیا

جون جیسے حلیے سے جون تو نہیں بنتا
دشتِ رائیگانی میں خاک بھی اڑائی کیا

کس کو خوفِ رسوائی عشق سر کا سودا ہے
جان پر بنے جس کی اس کو جگ ہنسائی کیا

میں لہو کی سرگوشی، سن مجھے اکیلے میں
شور و غل میں دنیا کے دوں گا میں سنائی کیا

آپ بھر کے لائے ہو آگ اپنی جھولی میں
دل جلے کہ گھر جاذب عشق میں دہائی کیا

شکیل جاذب

I welcome everyone on this page
M k sports badin will promote health sport’s activities around the Pakistan
Sport is the healthy tool to keep societies healthy