30/09/2026
کوشٹ کے لیے ایک اور قابلِ فخر لمحہ!
الحمدللہ!
میں اپنے پیارے تمیز بابا ولد معین بابا کو گورنمنٹ کالج یونیورسٹی لاہور (GCU Lahore) میں ہیڈ کوچ مقرر ہونے پر دل کی گہرائیوں سے بہت بہت مبارکباد پیش کرتا ہوں۔
تمیز بابا کی یہ کامیابی نہ صرف ان کے لیے بلکہ پورے علاقۓ کوشٹ اور اہلِ علاقہ کے لیے بھی باعثِ فخر ہے۔ ایک ایسے مقام پر اپنی صلاحیتوں کا لوہا منوانا جہاں ملک کے بہترین تعلیمی اور کھیلوں کے اداروں میں سے ایک موجود ہو، یقیناً ان کی محنت، قابلیت، کردار اور کھیل سے بے مثال وابستگی کا ثبوت ہے۔
تمیز بابا خود فٹبال کے ایک نامور اور بہترین کھلاڑی رہے ہیں اور آج وہ اپنی قابلیت اور تجربے کو نئی نسل کی تربیت اور رہنمائی کے لیے استعمال کر رہے ہیں۔ اس سے بھی بڑھ کر فخر کی بات یہ ہے کہ وہ اپنے والد محترم معین بابا کی فٹبال سے وابستہ خوبصورت اور قابلِ فخر Legacy کو آگے بڑھا رہے ہیں۔
معین بابا اپنے دور کے ایک بہترین اور نامور فٹبال کھلاڑی رہے ہیں، اور آج ان کے بیٹے تمیز بابا اسی کھیل کی خدمت کرتے ہوئے اس ورثے کو نئی بلندیوں تک لے جا رہے ہیں۔
