Sanjha Punjab Kabaddi Club

چوہدری عرفان اکرم وڑائچ کینیڈا کی تاریخ میں پہلے پاکستانی بن گئے ہیں جنہیں نیشنل کبڈی ایسوسی ایشن آف کینیڈا کا وائس چیئرمین منتخب کیا گیا ہے۔ یہ کامیابی پاکستانی کمیونٹی اور کبڈی کے شائقین کے لیے باعثِ فخر ہے۔

اس شاندار کامیابی کا سہرا حاجی خورشید عالم سندھو (اونر سانجھا پنجاب کبڈی کلب) کی برسوں کی محنت اور سرپرستی کے سر بھی جاتا ہے۔

ہم چوہدری عرفان اکرم وڑائچ کی اس کامیابی پر انہیں دل کی گہرائیوں سے مبارکباد پیش کرتے ہیں اور دعا گو ہیں کہ اللہ تعالیٰ انہیں مزید عزت اور کامیابیاں عطا فرمائے۔ آمین۔

Congratulations👍❤️

سانجھا پنجاب کبڈی کلب کے سرپرستِ اعلیٰ حاجی خورشید عالم سندھو اور صدر چوہدری عرفان اکرم وڑائچ کی نیشنل کبڈی ایسوسی ایشن کینیڈا کی اہم میٹنگ میں شرکت قابلِ ستائش ہے۔ اس موقع پر کینیڈا کبڈی سیزن کو بھرپور انداز میں شروع کرنے کے عزم کا اظہار کیا گیا، نیشنل کبڈی فیڈریشن کینیڈا کے عہد داران سکھا مان جی ، نیٹو کنگ ،شبا تھیارا، ہروندر رائے ،دیو مُنڈی اور دیگر معززین کی جانب سے سانجھاپنجاب کبڈی کلب کو نیشنل کبڈی ایسوسی ایشن میں خوش آمدید کہا ۔ کبڈی کی تاریخ میں کنیڈا کی سرزمین پر سانجھا پنجاب کبڈی کلب پہلا پاکستانی کلب ہو گا جس کے سرپرست اعلٰی ، مینجمنٹ اور کھلاڑی پاکستان سے ہوں گیں -
ان شاء اللہ اس سال کینیڈا کبڈی سیزن میں سانجھا پنجاب کبڈی کلب میں پاکستان سے باصلاحیت ینگسٹر کھلاڑی ایکشن میں نظر آئیں گے، جو نہ صرف اپنے کلب بلکہ ملک کا نام بھی روشن کریں گے۔

کینیڈا سے آئے معزز سکھ سردار بھائیوں کی پاکستان آمد کے موقع پر حاجی خورشید عالم سندھو صاحب کی دعوت پر نیٹو کنگ اور ان کے ہمراہ آئے سکھ سرداروں کی سندھو ہاؤس آمد ہوئی۔
اس موقع پر مہمانوں کا پرتپاک استقبال حاجی خورشید عالم سندھو صاحب کے چھوٹے بھائی حاجی مقصود عالم سندھو چوہدری کامران منڈ صاحب چوہدری عبدالنبی منڈ،ساجد وینس صاحب اور چوہدری سلطان وحید سندھو نے کیا۔

سانجھا پنجاب کبڈی کلب کے دو مایہ ناز کھلاڑیوں رانا عطا اور حماد بنٹو کو کشمیر کبڈی کپ میں شاندار کارکردگی پر سانجھا پنجاب کبڈی کلب کے اونرز حاجی خورشید عالم سندھو اور چوہدری عرفان اکرم وڑائچ کی جانب سے ہنڈا موٹر سائیکل 125cc دے کر مان و اعزاز سے نوازا گیا۔
دونوں کھلاڑیوں کو بائیکس چوہدری اعجاز اکرم وڑائچ کے ہاتھوں پیش کی گئیں۔ انشاءاللہ سانجھا پنجاب کبڈی کلب اپنی روایات کو برقرار رکھتے ہوئے آئندہ بھی اپنی ٹیم اور کھلاڑیوں کی اسی طرح بھرپور حوصلہ افزائی کرتا رہے گا۔

کشمیر کبڈی کپ میں سانجھا پنجاب کبڈی کلب کے اونرز حاجی خورشید عالم سندھو اور چوہدری عرفان اکرم وڑائچ کی طرف سے اعجاز اکرم وڑیچ مقصود عالم سندھو کبڈی پلیر عمران سندھو کو 20000 ہزار کا مان سامان دیتے ہوئے