https://www.facebook.com/360203970499460/

Ghizar News Hub, Gilgit (2026)

28/09/2026

عوامی خدمت گار بابائے روزگار جناب امیر حمزہ خان صاحب بیرونِ ملک اپنے لوگوں کے لیے روزگار کے مواقع پیدا کرنے اور کئی لوگوں کو باعزت روزگار دلانے کے لیے مسلسل کوششیں کر رہے ہیں۔ ایسے لوگ بہت کم ہوتے ہیں جو اپنے لوگوں کے مستقبل اور روزگار کے بارے میں سوچتے ہیں اور عملی طور پر ان کی مدد کے لیے آگے بڑھتے ہیں۔
آج ایمت سے تعلق رکھنے والے ہمارے بھائی شیر حسن بھی اپنے روزگار کے سلسلے میں بابائے روزگار جناب امیر حمزہ خان صاحب کے ہمراہ پاکستان سے بیرونِ ملک سفر پر روانہ ہوئے ہیں۔

19/09/2026

کافی عرصے سے سوشل میڈیا پر ہمارے علاقے کے بعض لوگ محترم سید جلال علی شاہ صاحب اور گلگت بلتستان کی موجودہ حکومت پر مسلسل تنقید کر رہے ہیں۔ تنقید اور اختلافِ رائے ہر شخص کا حق ہے، لیکن جو شخص خود ماضی میں ذمہ داری اور اختیار کی پوزیشن پر رہ چکا ہو، اسے آج دوسروں سے سوال کرنے کے ساتھ اپنے دورِ اختیار کے بارے میں بھی عوام کو جواب دینا چاہیے۔
آپ خود بھی کوآرڈینیٹر رہ چکے ہیں اور آپ لوگوں کی حکومت بھی گلگت بلتستان میں تقریباً ڈھائی سال تک رہی۔ اُس وقت آپ کے پاس اختیار بھی تھا اور ترقیاتی معاملات میں کردار بھی۔ آج اگر آپ موجودہ حکومت سے ہسپتال، سڑکوں اور ترقیاتی کاموں کا حساب مانگ رہے ہیں تو عوام کا یہ حق بھی بنتا ہے کہ آپ سے پوچھیں کہ آپ کے دور میں ہمارے علاقے کے لیے عملی طور پر کیا کیا گیا؟
اُس وقت آئے روز ترقیاتی منصوبوں اور مختلف اسکیموں کے نوٹیفکیشن سوشل میڈیا پر نظر آتے تھے۔ فیس بک پر نوٹیفکیشن تو بہت آتے تھے، لیکن عوام آج بھی پوچھتے ہیں کہ ان اعلانات کا عملی نتیجہ کہاں ہے؟ کتنے منصوبے مکمل ہوئے؟ کتنے کام زمین پر نظر آئے؟ صرف نوٹیفکیشن جاری کرنا اور اسے فیس بک پر لگانا ترقی نہیں؛ اصل ترقی وہ ہے جو عوام کو اپنی آنکھوں سے نظر آئے اور جس کا فائدہ عام آدمی تک پہنچے۔اسی طرح اگر اُس دور میں اپنے بھائیوں، قریبی لوگوں یا اپنے پسندیدہ افراد کے لیے اسکیمیں حاصل کرنے کے معاملے میں لوگوں سے اختلافات اور جھگڑے ہوئے تھے تو آج دوسروں پر تنقید کرنے سے پہلے اپنے ماضی کے ان معاملات کی بھی وضاحت ہونی چاہیے۔ عوام یہ جاننا چاہتے ہیں کہ اُس وقت اسکیمیں کس بنیاد پر دی جاتی تھیں اور فیصلوں میں کن اصولوں کو مدنظر رکھا جاتا تھا۔
اور ایک بہت اہم سوال آپ سے براہِ راست ہے:
آپ کے پاس جو ٹریکٹر ہیں یہ بھی کسی ٹھیکدار ٹکاداری کا لالچ دے کر اس نے یہ ٹریکٹر اپ کو دیا اسی طرح حرام کھا کے اج تک اپنا پیٹ پالا شرم کرو ابھی اس کو کام کرنے دیں جس طرح آپ دوسروں کے معاملات پر سوال اٹھاتے ہیں، اسی طرح آپ سے بھی سوال ہوگا۔ عوام کو جواب چاہیے، سوشل میڈیا کی بحث نہیں۔موجودہ حکومت کو ابھی تقریباً تین ماہ ہی ہوئے ہیں۔ گلگت بلتستان کے ہسپتالوں، سڑکوں اور دیگر بنیادی مسائل برسوں سے موجود ہیں۔ آج ہر مسئلے کا ذمہ دار صرف موجودہ حکومت کو قرار دینا آسان ہے، لیکن سیاسی دیانت داری کا تقاضا ہے کہ سابقہ ادوار کی کارکردگی بھی سامنے رکھی جائے۔ہم کسی نمائندے کو احتساب سے بالاتر نہیں سمجھتے۔ سید جلال علی شاہ صاحب سے بھی عوام ان کے وعدوں اور کارکردگی کے بارے میں سوال کریں گے، لیکن اسی طرح ماضی میں ذمہ داری رکھنے والے لوگوں سے بھی سوال ہونا چاہیے۔ احتساب کا پیمانہ سب کے لیے ایک ہونا چاہیے۔محترم سید جلال علی شاہ صاحب اس وقت اسلام آباد میں اپنے علاقے اور گلگت بلتستان کے مسائل کے لیے کوششیں کر رہے ہیں۔ انہیں کام کرنے کا موقع دیا جائے اور پھر ان کی کارکردگی کو عملی نتائج کی بنیاد پر پرکھا جائے۔جو لوگ آج علاقے کے نام پر سوشل میڈیا پر شور مچا رہے ہیں، ان سے میری گزارش ہے کہ ذاتی مفادات اور قریبی لوگوں کے فائدے سے بالاتر ہو کر پورے علاقے کی بات کریں۔ عوام کو تقسیم کرنے، ایک دوسرے کے خلاف کھڑا کرنے اور سوشل میڈیا پر اپنی سیاست چمکانے کے بجائے علاقے کے اصل مسائل پر بات کریں۔کل آپ کے پاس اختیار تھا، آج کسی اور کے پاس ہے۔ کل عوام نے آپ کو دیکھا، آج وہ موجودہ نمائندوں کو بھی دیکھ رہے ہیں۔ وقت سب کا حساب کرتا ہے۔اس لیے دوسروں پر انگلی اٹھانے سے پہلے اپنے دور، اپنی ذمہ داری، اپنی اسکیموں اور اپنے پاس موجود وسائل کے بارے میں بھی عوام کو جواب دیں۔ہمیں فیس بک کے نوٹیفکیشن نہیں، زمین پر ترقی چاہیے۔
ہمیں سیاسی دعوے نہیں، عملی کام چاہیے۔
اور ہمیں ایسی سیاست چاہیے جس میں پورے علاقے کا مفاد چند لوگوں کے مفاد سے بالاتر ہو۔

16/08/2026

اشکومن، ایمت مجاور: محمد افضل صاحب کو AKESP میں ہنزہ اور گلگت ریجن کے پروگرام آفیسر مقرر کر دیا گیا ہے۔ ان کی تقرری پر ایمت مجاور اور اشکومن کے عوامی و سماجی حلقوں کی جانب سے خوشی کا اظہار کرتے ہوئے انہیں دلی مبارکباد اور نیک تمناؤں کا اظہار کیا گیا ہے۔
علاقے کے لوگوں کا کہنا ہے کہ محمد افضل صاحب کی محنت، قابلیت اور صلاحیتوں کے پیشِ نظر انہیں ملنے والی یہ ذمہ داری ایک قابلِ فخر اعزاز ہے۔ امید ظاہر کی گئی ہے کہ وہ اپنی نئی ذمہ داری کو بھرپور انداز میں نبھاتے ہوئے تعلیم اور ادارہ جاتی ترقی کے لیے مؤثر کردار ادا کریں گے۔
محمد افضل صاحب کو نئی ذمہ داری سنبھالنے پر دل کی گہرائیوں سے مبارکباد، اللہ تعالیٰ انہیں مزید کامیابیاں عطا فرمائے۔

14/08/2026

مٹی کی خوشبو، سبز پرچم، آزادی کا پیغام
پاکستان سے بڑھ کر نہیں کوئی رشتہ، کوئی نام
14 اگست آتے ہی ہر طرف سبز ہلالی پرچم لہراتا ہے، گلیاں سجتی ہیں اور دلوں میں وطن سے محبت کا جذبہ مزید گہرا ہو جاتا ہے۔ مگر یومِ آزادی کی اصل خوبصورتی صرف جشن میں نہیں، بلکہ اس احساس میں ہے کہ ہم ایک آزاد ملک کے شہری ہیں اور اس آزادی کے ساتھ کچھ ذمہ داریاں بھی وابستہ ہیں۔
پاکستان ہمیں صرف ایک سرزمین نہیں دیتا، بلکہ ایک شناخت، ایک نام اور ایک مشترکہ مستقبل دیتا ہے۔ ہمارے بزرگوں نے ایک آزاد وطن کا خواب دیکھا، اس خواب کے لیے جدوجہد کی اور مشکل حالات کا سامنا کیا۔ آج ہماری ذمہ داری ہے کہ ہم اس وطن کو اپنی محنت، دیانت اور اچھے کردار سے مزید بہتر بنائیں۔
آزادی کا مطلب یہ بھی ہے کہ ہم اپنے اردگرد کے لوگوں کے حقوق کا احترام کریں، کمزور کا سہارا بنیں، اختلاف کو دشمنی نہ بنائیں اور اپنے معاشرے میں محبت، برداشت اور بھائی چارے کو فروغ دیں۔ وطن سے محبت صرف پرچم لہرانے یا نعرہ لگانے کا نام نہیں؛ وطن سے محبت اپنے عمل سے ثابت ہوتی ہے۔
آج کے دن ہم اپنے اُن تمام بزرگوں کو خراجِ عقیدت پیش کرتے ہیں جنہوں نے ایک آزاد وطن کے لیے جدوجہد کی۔ ہم اُن قربانیوں کو سلام پیش کرتے ہیں جن کی بدولت ہمیں آزادی کی نعمت نصیب ہوئی۔
آئیں اس 14 اگست پر ایک نیا عہد کریں—
ہم جہاں ہوں گے، پاکستان کی عزت کا خیال رکھیں گے۔
جو ذمہ داری ہمیں ملے گی، اسے ایمانداری سے نبھائیں گے۔
اپنے معاشرے میں نفرت نہیں، محبت بانٹیں گے۔
اور اپنی آنے والی نسلوں کے لیے ایک بہتر پاکستان بنانے کی کوشش کریں گے۔
سبز ہلالی پرچم صرف کپڑے کا ایک ٹکڑا نہیں، یہ ہماری تاریخ، ہماری شناخت اور ہمارے خوابوں کی علامت ہے۔
اللہ تعالیٰ پاکستان کو ہمیشہ امن، استحکام اور خوشحالی عطا فرمائے، اس کے عوام کو متحد رکھے اور ہمارے وطن کو دنیا میں عزت و سربلندی عطا فرمائے۔
پاکستان زندہ باد 🇵🇰
پاکستان پائندہ باد 🇵🇰
یومِ آزادی مبارک!

14/08/2026

یہ مٹی اپنی ہے، یہ پرچم اپنا ہے
یہ وطن ہماری جان، ہماری پہچان اپنا ہے
قربانیوں سے ملا ہے ہمیں یہ آزاد وطن
اس کی عزت اس کی حفاظت ہمارا ایمان اپنا ہے

14 اگست صرف ایک دن یا کیلنڈر کی ایک تاریخ نہیں بلکہ یہ وہ تاریخی دن ہے جو ہمیں اپنے بزرگوں کی عظیم قربانیوں جدوجہد اور اُن خوابوں کی یاد دلاتا ہے جن کے لیے لاکھوں لوگوں نے اپنا گھر بار چھوڑا اور بے شمار قربانیاں دیں۔پاکستان ہمارے لیے صرف زمین کا ایک ٹکڑا نہیں بلکہ ہماری پہچان ہماری امید ہماری محبت اور ہماری آنے والی نسلوں کا مستقبل ہے۔ اس وطن کی مٹی سے ہمارا رشتہ دل کا رشتہ ہے، جسے الفاظ میں بیان کرنا آسان نہیں۔
آج کے دن ہمیں صرف چراغاں اور جشن تک محدود نہیں رہنا چاہیے، بلکہ یہ عہد بھی کرنا چاہیے کہ ہم اپنے وطن کی ترقی، امن اور خوشحالی میں اپنا کردار ادا کریں گے۔ ہم نفرت کے بجائے محبت، تقسیم کے بجائے اتحاد اور مایوسی کے بجائے امید کو فروغ دیں گے۔اپنے بزرگوں کی قربانیوں کو سلام پیش کرتے ہوئے یہ عہد کریں کہ پاکستان کو مضبوط، پرامن اور خوشحال بنانے کے لیے اپنی ذمہ داری ایمانداری سے نبھائیں گے۔ کیونکہ وطن صرف حکومتوں سے نہیں بنتا، بلکہ اس کے عوام کی محنت، کردار، اتحاد اور اخلاص سے بنتا ہے۔اللہ تعالیٰ ہمارے پیارے وطن پاکستان کو ہمیشہ امن، سلامتی، استحکام اور خوشحالی عطا فرمائے، اسے ہر مشکل سے محفوظ رکھے اور ہمیں اپنے وطن کے لیے مخلصانہ کردار ادا کرنے کی توفیق دے پاکستان ہماری محبت ہے، پاکستان ہماری پہچان ہے پاکستان زندہ باد
یومِ آزادی مبارک

04/08/2026

مایون سیلاب کے باعث ہاسس کھاری میں بننے والی مصنوعی جھیل سے

8 مکانات مکمل زیر آب آگئے ہیں
6 مکانات کو جزوی نقصان پہنچا ہے
22 گھرانوں کو محفوظ مقامات پر منتقل کردیا گیا
1 مسجد زیر آب آگیا ہے
1 گورنمنٹ مڈل سکول زیر آب آیا ہے
مایون میں کئی بھی زمینوں اور املاک کو نقصان پہنچا ہے۔

02/08/2026

پہاڑوں کا عاشق، پہاڑوں کا بیٹا، پہاڑوں کی آغوش میں پلنے والا، ہنزہ علی آباد سے تعلق رکھنے والا سہیل ۔۔۔ وہ نوجوان جس نے کئی بلند چوٹیوں کو سر کیا، اپنے عزم، ہمت اور حوصلے سے دشوار گزار راستوں کو عبور کیا، اور ہر کامیابی پر سبز ہلالی پرچم کو سربلند کیا۔

آج وہی بہادر کوہ پیما پوری قوم کی دعاؤں اور یادوں کا مرکز بنا ہوا ہے۔ اس کی جرات، وطن سے محبت اور پہاڑوں سے عشق ہمیشہ یاد رکھا جائے گا۔ اللہ تعالیٰ سے دعا ہے کہ اگر وہ زندگی کی کسی آزمائش میں ہے تو اسے خیریت، حفاظت اور کامیابی عطا فرمائے، اور اگر وہ اپنے خالقِ حقیقی سے جا ملا ہے تو اللہ تعالیٰ اسے جوارِ رحمت میں اعلیٰ مقام عطا فرمائے، اس کے اہلِ خانہ کو صبرِ جمیل دے، اور پوری قوم کو یہ صدمہ برداشت کرنے کی توفیق عطا فرمائے۔ آمین۔

31/07/2026

لڑکی لڑکا بن گیا
ضلع نگر سے تعلق رکھنے والی لڑکی کامیاب آپریشن کے بعد لڑکا بن گیا
ضلع نگر کے علاقے ہوپر سے تعلق رکھنے والی ایک لڑکی کا جنس کا کامیاب آپریشن کیا گیا ہے۔ میڈیکل رپورٹس اور اہل خانہ کے مطابق آپریشن کے بعد اب وہ لڑکا ہے

25/07/2026

سنٹرل جیل مناور گلگت کا ایک قیدی محمد عباس ولد اداور شاہ سکونت دنیور جو 12سالوں سے قید تھا بیمار ہونے پر جیل انتظامیہ نے ایمرجنسی حالت پر پی ایچ کیو ہسپتال لیکر گئے جہاں وہ انتقال کر گئے

Ghizar News Hub

28/09/2026

19/09/2026

16/08/2026

14/08/2026

14/08/2026

04/08/2026

02/08/2026

31/07/2026

25/07/2026

Address

Website

Alerts

Shortcuts

Share

Listing takedown request