Karachi Business Guild

https://youtu.be/P7LMlURmEHc?si=B0VTP4Kg-0ZJaGUu

🎖️ PBGO Tribute & Dinner in Honor of Senator Mushtaq Ahmed Khan — The Hero of Gaza📅 October 29, 2025 This special event was organized by PBGO to honor Senator Mushtaq Ahmed Khan for his fearless advocacy and unwavering support for the people of Gaza.The even...

کراچی (…) پاکستان بزنس گروپ کے بانی اور سابق چیئرمین کاٹی فراز الرحمٰن نے ملک میں پانی اور ڈیمز کے بحران پر گہری تشویش کا اظہار کرتے ہوئے کہا ہے کہ چناب، راوی اور جہلم کے دریا اپنی پوری روانی کے ساتھ جاگ گئے ہیں۔ پانی بہہ رہا ہے لیکن افسوس کہ یہ زمینوں کو سنوارنے کے بجائے بستیوں کو اجاڑ رہا ہے، اور اس کی واحد وجہ ڈیمز کی عدم دستیابی ہے۔

انہوں نے کہا کہ پاکستان میں آخری بڑا ڈیم تربیلا 1976 میں مکمل ہوا تھا، اس وقت آبادی تقریباً 7 کروڑ 80 لاکھ تھی، جبکہ آج پاکستان کی آبادی ڈھائی سو ملین کے قریب پہنچ چکی ہے۔ لیکن افسوسناک حقیقت یہ ہے کہ اتنے برسوں میں ایک بھی بڑا ذخیرہ اندوز ڈیم مکمل نہ کیا جا سکا۔ آبادی تین گنا بڑھ گئی لیکن پانی کے انتظامات وہیں کے وہیں رہ گئے۔

فراز الرحمٰن نے کہا کہ مون سون سے پہلے عوام پانی کو ترستی ہے، کھیت خشک ہو جاتے ہیں اور کسان بارش کی دعائیں مانگتے ہیں۔ لیکن جیسے ہی بارش برستی ہے، وہی پانی سیلاب بن کر بستیاں، کھیت اور زندگیاں بہا لے جاتا ہے۔ ایک طرف خشک سالی، دوسری طرف تباہ کن بارشیں — یہ ہر سال کا المیہ بن چکا ہے۔

انہوں نے کہا کہ اصل سوال یہ ہے کہ حکمران کب تک خاموش رہیں گے؟ کب تک کمیٹیوں، منصوبوں اور رپورٹوں کے بہانوں پر عوام کو ٹرخایا جاتا رہے گا؟ منصوبے کاغذوں پر زندہ ہیں، لیکن عوام سیلاب اور پیاس کے بیچ زندگی ہار رہی ہے۔

ان کا کہنا تھا کہ دریا جاگ گئے ہیں، قدرت اپنا کام کر رہی ہے لیکن قوم اور حکمران غفلت کی نیند سو رہے ہیں۔ اگر اب بھی ہم نے آنکھیں نہ کھولیں تو آنے والی نسلیں ہمیں معاف نہیں کریں گی۔

انہوں نے زور دیتے ہوئے کہا کہ یہ وقت فیصلہ کن ہے — کیا ہم ہر سال سیلاب اور خشک سالی کے بیچ پستے رہیں گے یا ڈیمز بنا کر پانی کو زندگی میں بدلیں گے؟
"یہ وقت جاگنے کا ہے، ورنہ وقت ہمیں روند کر گزر جائے گا۔" – فراز الرحمٰن

Eid Mubarak

https://youtu.be/8U0eoSJ71Ss?si=Kw3oWpdoBvopWf9y

سوراب گوٹھ کی گرین بیلٹس پر قبضہ , فراز الرحمٰن کی فوری حکومتی نوٹس کی اپیل ....... سوراب گوٹھ کی گرین بیلٹس پر قبضہ مافیا سرگرم، ایف ڈبلیو او سمیت دیگر اداروں کے نام بھی سامنے آنے لگے۔ فراز الرحمٰن کی فوری حکومتی نوٹس کی اپیلکراچی کے داخلی ...

https://youtu.be/SiKY054qOM0?si=EDeJd1vbGy3gDrbi

Talk Show With Faraz Ur Rehman Talk Show With Faraz Ur Rehman

https://youtu.be/3tvSyZ9loRo?si=0nPTltTMxDGvbV2R

گرین ویلی بائے فراز الرحمن خواب مرا ہوا مکمل – گرین ویلی بائے فراز الرحمٰنہر شخص کی خواہش ہوتی ہے کہ وہ ایک ایسے ماحول میں زندگی بسر کرے جہاں سکون، صحت مند فضا اور جدید سہولیات میسر ہو...

پریس ریلیز

پاکستان بزنس گروپ کے بانی فراز الرحمٰن کی علیحدگی – تنظیم میں اندرونی بحران شدت اختیار کر گیا

کراچی (نیوز ڈیسک) – پاکستان کے معروف کاروباری رہنما، سابق چیئرمین کورنگی ایسوسی ایشن آف ٹریڈ اینڈ انڈسٹری (KATI) اور پاکستان بزنس گروپ (PBG) کے بانی فراز الرحمٰن نے تنظیم سے اپنی علیحدگی کا باضابطہ اعلان کر دیا ہے۔ ان کی علیحدگی نے کاروباری حلقوں میں تشویش پیدا کر دی ہے اور تنظیم کے اندرونی بحران کی نشاندہی کی ہے۔

فراز الرحمٰن، جو ہمیشہ اصولی قیادت اور بزنس کمیونٹی کے مفادات کے لیے سرگرم رہے، نے اپنی علیحدگی کے بارے میں کہا کہ "جب کسی تنظیم میں اصولوں اور بنیادی نظریات کی قدر نہ کی جائے، تو وہاں رہنا ممکن نہیں ہوتا۔" انہوں نے واضح کیا کہ انہوں نے ہمیشہ تنظیم کو ترقی دینے کے لیے کام کیا، لیکن جب نظریاتی اور انتظامی تضادات حد سے بڑھ گئے، تو علیحدگی ناگزیر ہو گئی۔

پاکستان بزنس گروپ میں قیادت کا بحران

ذرائع کے مطابق، فراز الرحمٰن کے علیحدہ ہونے کی بڑی وجوہات میں نظریاتی اختلافات، اندرونی سیاست، اور قیادت میں عدم توازن شامل ہیں۔ تنظیم میں کچھ نئے چہرے ایسے فیصلے مسلط کر رہے تھے جو نہ صرف تنظیمی استحکام کے خلاف تھے بلکہ تنظیم کی بنیادی اقدار سے بھی متصادم تھے۔

تجزیہ کاروں کا کہنا ہے کہ فراز الرحمٰن کی علیحدگی کے بعد پاکستان بزنس گروپ کو شدید قیادت کے بحران اور اندرونی تقسیم کا سامنا کرنا پڑ سکتا ہے۔ ان کی قیادت میں تنظیم نے بے شمار کامیابیاں حاصل کیں، لیکن ان کے بغیر تنظیمی معاملات کس حد تک مؤثر طریقے سے آگے بڑھیں گے، یہ ایک بڑا سوالیہ نشان ہے۔

فراز الرحمٰن نے تنظیم سے علیحدگی کے باوجود پاکستان بزنس گروپ کے لیے نیک تمناؤں کا اظہار کیا ہے اور کہا کہ وہ ہمیشہ بزنس کمیونٹی کی خدمت کے لیے تیار رہیں گے۔

نیوز ریلیز از: فرحان الرحمٰن
(بزنس لیڈر) صدف بنت اظہار اور دیگر کاروباری شخصیات

فراز الرحمٰن کو پاکستان ہیرو امن ایوارڈ کے لیے نامزد کر دیا گیا

کراچی: پاکستان بزنس گروپ (PBGO) کے بانی و چیئرمین، کراچی بزنس گلڈ کے چیئرمین اور کاٹی کے سابق چیئرمین فراز الرحمٰن کو "پاکستان ہیرو امن ایوارڈ" کے لیے نامزد کر دیا گیا ہے۔

یہ نامزدگی ان کی کاروباری برادری کے لیے بے لوث خدمات، معیشت کے استحکام کے لیے ان کی کاوشوں اور سماجی ترقی میں ان کے کردار کے اعتراف میں کی گئی ہے۔ فراز الرحمٰن نے پاکستانی بزنس کمیونٹی کے لیے نئی راہیں متعارف کروائیں، عالمی سطح پر کاروباری مواقع پیدا کیے، اور ملک میں سرمایہ کاری کے فروغ کے لیے کلیدی اقدامات کیے۔

ان کی قیادت میں پاکستان بزنس گروپ (PBGO) اور کراچی بزنس گلڈ نے کاروباری طبقے کی آواز کو مضبوط کیا، پالیسی سازی میں مؤثر تجاویز دیں، اور معیشت کی ترقی کے لیے عملی اقدامات کیے۔

"پاکستان ہیرو امن ایوارڈ" ان افراد کو دیا جاتا ہے جنہوں نے ملک کی ترقی، استحکام اور امن کے فروغ میں نمایاں کردار ادا کیا ہو۔ فراز الرحمٰن کی یہ نامزدگی نہ صرف ان کی قائدانہ صلاحیتوں کا اعتراف ہے بلکہ پاکستان کے کاروباری طبقے کے لیے بھی ایک اہم اعزاز ہے۔

ماشاءاللہ