14/09/2026
آج 14 ستمبر 2026 کو خیبر مسلم فٹبال کلب کے محسن، مخلص ساتھی اور کلب کے روحِ رواں محترم اظہر محمود مفتی صاحب کو ہم سے بچھڑے تین سال مکمل ہو گئے ہیں۔
14 ستمبر 2023 کا وہ دن آج بھی ہمارے لیے ایک ناقابلِ فراموش صدمہ ہے، جب ہم نے ایک ایسے انسان کو کھو دیا جس نے خیبر مسلم فٹبال کلب اور نوجوان کھلاڑیوں کی سرپرستی و حوصلہ افزائی کے لیے اپنی گراں قدر خدمات انجام دیں۔
اظہر محمود صاحب صرف کلب کے سیکرٹری نہیں تھے، بلکہ وہ ہمارے لیے ایک محسن، مخلص رہنما اور نوجوانوں کے خیرخواہ تھے۔ ان کی خدمات، محبت، خلوص اور فٹبال کے فروغ کے لیے ان کی کاوشیں ہمیشہ ہماری یادوں میں زندہ رہیں گی۔
آج ان کی تیسری برسی کے موقع پر خیبر مسلم فٹبال کلب اپنے اس عظیم محسن کو خراجِ تحسین پیش کرتا ہے اور اس عزم کا اظہار کرتا ہے کہ اظہر محمود صاحب نے جس مشن، جذبے اور مقصد کے لیے اپنی خدمات پیش کیں، ہم اسے آگے بڑھاتے رہیں گے۔
ہم اپنے موجودہ اور آنے والے کھلاڑیوں کو بھی یاد دلانا چاہتے ہیں کہ ہمارے کلب کی بنیاد رکھنے اور اسے آگے بڑھانے میں جن مخلص لوگوں نے اپنا وقت، صلاحیت اور محبت صرف کی، ان میں اظہر محمود صاحب کا نام ہمیشہ عزت و احترام سے لیا جائے گا۔
ہم اپنے محسنوں کو کبھی نہیں بھولتے۔
ان کی خدمات ہمارے لیے مشعلِ راہ ہیں اور ان کی یاد ہمارے دلوں میں ہمیشہ زندہ رہے گی۔
اللہ تعالیٰ اظہر محمود صاحب کی کامل مغفرت فرمائے، ان کے درجات بلند فرمائے، قبر کو نور سے منور فرمائے اور انہیں جنت الفردوس میں اعلیٰ سے اعلیٰ مقام عطا فرمائے۔
اللہ پاک ان کی تمام نیکیوں، خدمات اور خلوص کو اپنی بارگاہ میں قبول فرمائے
آمین ثم آمین
خیبر مسلم فٹبال کلب
